Dy shqiptarë nga Maqedonia e Veriut e kanë humbur jetën dhe një tjetër ka pësuar lëndime të rënda, si pasojë e një aksidenti të rëndë që ka ndodhur sot në Serbi, në autostradën Beograd – Nish, konkretisht tek nyja Umçari.
Mediat në Maqedoni të Veriut raportojnë se në veturën e aksidentuar ishin kushërinjtë Nazim dhe Shkëlzen Avdiu si dhe bashkëshortja e Shkëlzenit.
Në vendin e ngjarjes jetën e kanë humbur Nazim Avdiu dhe bashkëshortja e Shkëlzenit, kurse ky i fundit ka pësuar lëndime të rënda
Instituti Hidrometeorologjik i Kosovës ka bërë të ditur se java e ardhshme do të karakterizohet me kushte të ndryshueshme meteorologjike.
Sipas këtij instutit, pritet të ketë vranësira interval të shkurta me diell.
IHMK ka njoftuar se nga se nga e mërkura priten riga shiu në viset e ulëta, ndërsa në viset e larta mbi 1600 metra mbi nivel deti, parashihen fjolla bore.
Njoftimi i plotë:
E hënë
Temperaturat minimale: -2 deri 0°C
Temperaturat maksimale: 5-7°C
Era: Kryesisht nga jugperendimi me shpejtësi 1-4m/s.
E martë
Mot kryesisht i vranë.
Temperaturat minimale: – 2 deri 0C
Temperaturat maksimale: 5-8°C
Era: nga juglindja me shpejtësi 1-4m/s.
E mërkurë
Moti i vranët dhe me riga shiu.
Temperaturat minimale: -1 deri 1°C
Temperaturat maksimale: 5-7°C
Era: kryesisht nga juglindjes me shpejtësi 1-4m/s.
E enjte
Mot i vranët dhe me riga shiu.
Temperaturat minimale: -2 deri 0°C
Temperaturat maksimale: 2-4°C
Era: nga veriperendimit, 1-4 m/s.
E premte
Mot i vranët dhe me intervale me diell.
Temperaturat mnimale: -2 deri 0°C
Temperaturat maksimale: 2-4°C
Era: e lehtë deri mesatare nga drejtimi i veriperendimit.
Avokati Arianit Koci ka bërë thirrje publike që qytetarët e Kosovës dhe bashkatdhetarët të shmangin kalimin tranzit nëpër Serbi me emblema apo ngjitëse me shkronjat UÇK në veturat e tyre, duke paralajmëruar rrezik për veprime arbitrare nga autoritetet serbe.
Sipas Kocit, një bashkatdhetar është arrestuar së fundmi nga autoritetet serbe vetëm për shkak se në veturë i ishte vërejtur një emblemë e Ushtrisë Çlirimtare të Kosovës. Ai e ka cilësuar këtë veprim si arbitrar dhe juridikisht të pajustifikueshëm.
“Mos kaloni nëpër Serbi me emblema apo ngjitëse me shkronjat UÇK në veturë. Sapo më erdhi informacioni se një bashkatdhetar ynë është arrestuar, pasi autoritetet serbe i kanë vërejtur emblemën e UÇK-së në veturë. Ky veprim është arbitrar dhe juridikisht i pajustifikueshëm”, ka deklaruar Koci.
Postimi i tij i plotë:
Mos kaloni nëpër Serbi me emblema apo ngjitëse me shkronjat UÇK në veturë.
Sapo më erdhi informacioni se një bashkatdhetar ynë është arrestuar, pasi autoritetet serbe i kanë vërejtur emblemën e UÇK-së në veturë.
Ky veprim është arbitrar dhe juridikisht i pajustifikueshëm.
Shprehja e identitetit politik apo historik nuk përbën vepër penale sipas standardeve evropiane të të drejtave të njeriut. Në këtë rast, këto veprime po përdoren si mjet presioni politik.
Raportet ndërmjet shteteve janë të tensionuara. Çmimin po e paguajnë qytetarët e zakonshëm, të cilët mbesin të ekspozuar ndaj veprimeve arbitrare.
Informimi i ndërsjellë dhe kujdesi mes nesh për momentin janë mburoja e vetme reale.
Prandaj, për sigurinë tuaj, nëse kaloni tranzit nëpër Serbi, hiqni çdo shenjë të tillë.
P.S.
Ju lutëm, shpërndajeni (share) sa më shumë këtë postim.
Në ditën e pestë të fushatës elektorale të Lidhjes Demokratike të Kosovës për zgjedhjet parlamentare, me tubime masive në Kacanik, Ferizaj dhe Viti. Kryetari i LDK-së dhe kandidati për Kryeministër i Republikës së Kosovës, Lumir Abdixhiku, prezantoi programin e partisë dhe masat konkrete që synojnë zhvillimin ekonomik, social dhe arsimor të vendit.
Në Kacanik, Abdixhiku premtoi mbështetje të drejtpërdrejtë për qytetarët.
Në Ferizaj, kandidati i LDK-së për Kryeministër prezantoi projektin strategjik për energji me fokus në centralin e gazit amerikan, duke siguruar energji të qëndrueshme dhe duke luftuar ndikimin e mafias energjetike. Abdixhiku theksoi se zbatimi i këtij projekti do të ndalë humbjet prej mbi 1 miliard euro nga importi i energjisë dhe do të mbajë paratë e qytetarëve brenda Kosovës për zhvillim lokal.
Fushata elektorale për zgjedhjet parlamentare të 28 dhjetorit në Republikën e Kosovës ka hyrë në ditën e pestë, me aktivitete intensive të kryetarit të Aleancës për Ardhmërinë e Kosovës (AAK), Ramush Haradinaj, i cili sot ka zhvilluar tubime elektorale në Istog dhe Pejë.
Gjatë tubimit në Istog, Haradinaj theksoi lidhjen e ngushtë mes Aleancës dhe qytetarëve të kësaj komune, duke deklaruar se “Aleanca është krah Istogut dhe Istogu është krah Aleancës”. Ai e cilësoi tubimin si një bashkim të qytetarëve që refuzojnë të mbeten spektatorë të së ardhmes së tyre. Në këtë takim u prezantuan kandidatët për deputetë të AAK-së, si dhe plani katërvjeçar i partisë, i cili, sipas Haradinajt, përfaqëson vizionin dhe angazhimin real për zhvillimin e vendit.
Pas Istogut, Haradinaj vazhdoi aktivitetet në Pejë, ku u prit nga mbështetës të shumtë. Duke e quajtur Pejën qytet historik dhe gjithmonë në anën e vendimeve të mëdha, ai tha se këto zgjedhje paraqesin një moment kthese për të ardhmen e Kosovës. Në tubim u prezantua vizioni i Aleancës për katër vitet e ardhshme, me theks të veçantë në zhvillimin ekonomik, ndërtimin e aleancave të forta, si dhe rolin e kulturës si shtyllë e identitetit dhe progresit shoqëror.
Gjatë ditës, kryetari i AAK-së ka ndarë edhe një video-mesazh kushtuar fermerëve, ku ka prezantuar prioritetet e programit të Aleancës për bujqësinë. Ai premtoi rritje të subvencioneve dhe mbështetje direkte për fermerët, fuqizim të agrobiznesit dhe prodhimit vendor, investime në infrastrukturën bujqësore, teknologji moderne dhe mekanizim bashkëkohor.
Në ditën e pestë të fushatës së Nismës Socialdemokrate, kandidati për kryeministër të Kosovës, Fatmir Limaj, ka vijuar vizitat dhe takimet me qytetarët në të gjithë vendin, duke kërkuar mbështetjen e tyre për zgjedhjet parlamentare që do të mbahen më 28 dhjetor. Limaj është mirëpritur me entuziazëm të madh në tubimet e ndryshme, ku qytetarët kanë shprehur përkrahje dhe optimizëm për vizionin e tij për të ardhmen e Kosovës.
Nëpërmjet rrjetit social Facebook, Limaj ka ndarë momente nga takimet, duke përshkruar atmosferën dhe energjinë pozitive që e shoqëron fushatën e tij: “Nga Vushtrria, me miq e dashamirë, të rreshtuar për ta çarë rrethimin! 122”, shkruan Limaj, duke theksuar bashkimin dhe përkushtimin për të ndërtuar një të ardhme më të mirë për qytetarët.
Përmes mesazheve të tij të fuqishme dhe takimeve të drejtpërdrejta, Limaj synon të mobilizojë jo vetëm votuesit e zakonshëm, por edhe komunitetin e bashkëluftëtarëve dhe qytetarëve që kërkojnë ndryshim dhe stabilitet.
Gjatë takimeve, ai ka theksuar rëndësinë e bashkëpunimit, unitetit dhe pjesëmarrjes aktive në procesin demokratik, duke shtuar: “Të gjithë në rresht, krenarë e bashkë, për të çarë rrethimin. Faleminderit nga zemra për përkrahjen e madhe nga çdo anë e Kosovës”.
Kandidati për kryeministër nga Partia Demokratike e Kosovës, Bedri Hamza, ka zhvilluar sot aktivitete elektorale në komunën e Suharekës, Shtimes dhe Lipjanit, duke takuar qytetarë dhe duke prezantuar planet e tij për zhvillimin ekonomik para zgjedhjeve parlamentare më 28 dhjetor.
Gjatë vizitës në Prizren, Hamza zhvilloi biseda me bizneset lokale, duke përfshirë edhe takimin në ESNAF me biznesmenë dhe zejtarë. Ai prezantoi masa konkrete për lehtësimin e barrës financiare dhe burokratike për biznese: ndryshimi i pagesës së TVSH-së për mallrat e importuara pas shitjes dhe jo në kufi, lirimi i bizneseve me qarkullim deri në 10,000€ nga tatimi, dhe tatimi sipas fitimit real për bizneset me qarkullim deri në 30,000€. Përveç kësaj, ai premtoi përmirësim të qasjes në kredi dhe mundësi më të mëdha për investitorët, që do të rrisnin konkurrencën dhe punësimin.
Në një video të shpërndarë mëngjesin e sotëm, Hamza flet për nevojën e bashkimit dhe tejkalimit të përçarjeve dhe krizave në Kosovë.
Ndërsa në tubimin e mbajtur në Suharekë, Hamza falënderoi qytetarët për mikpritjen, “Therandë, faleminderit për mikpritjen! Bashkë për mundësi të reja. Hapi tjetër është përpara. Bashkë. Përpara.”
Ditën e pestë të fushatës për zgjedhjet e 28 dhjetorit, lideri i Vetëvendosjes dhe kandidat për kryeministër të Kosovës, Albin Kurti, zhvilloi tubim në Pejë, nga ku ka prezantuar një sërë projektesh dhe investimesh që, sipas tij, janë realizuar dhe do të realizohen në këtë komunë dhe në rajonin e Dukagjinit.
Kurti premtoi se në të gjitha rajonet e Kosovës, përfshirë Pejën, do të instalohen sisteme të ngrohjes me energji termike, ndërsa një nga projektet kryesore infrastrukturore mbetet ndërtimi i magjistrales së Dukagjinit.
Në fushën e edukimit dhe mirëqenies sociale, Kurti premtoi se në Pejë do të hapen pesë çerdheve të reja, ndërsa në mandatin e ardhshëm kjo komunë do të shndërrohet në qendër rajonale të inovacionit dhe sipërmarrjes.
Në fund, Kurti u ndal edhe te çështja e terminaleve doganore.
Në ditën e pestë të fushatës elektorale për zgjedhjet parlamentare të 28 dhjetorit në Republikën e Kosovës, kryetari i partisë “Za Slobodu Pravdu i Opstanak”, Nenad Rashiq, ka vazhduar aktivitetet elektorale në komunat me shumicë serbe, duke e vënë theksin në punësim dhe përfshirjen e të rinjve në tregun e punës.
Gjatë qëndrimit në Graçanicë, Rashiq bëri të ditur se janë nënshkruar 78 kontrata të reja me praktikantë, të cilët do të përfshihen në programe të trajnimit profesional. Sipas tij, ky projekt paraqet vetëm fillimin e një programi më të gjerë që do të vazhdojë edhe gjatë vitit të ardhshëm.
“Ne po vazhdojmë projektin tonë për mbështetjen e të rinjve përmes praktikave profesionale. Sot në Graçanicë nënshkruam 78 kontrata të reja me praktikantë, ndërsa ky është vetëm fillimi. Nga mesi i janarit do të shpallim konkurs për praktikantë që do të jenë pjesë e një programi gjithëvjetor, me qëllim t’u ofrojmë qytetarëve tanë siguri dhe perspektivë për të ardhmen.”
Rashiq tha se investimi në dije dhe aftësi profesionale është kyç për të ardhmen e qytetarëve, duke shtuar se jo të gjithë mund të punësohen në sektorin shëndetësor dhe se është e domosdoshme të krijohen alternativa të qëndrueshme për të rinjtë.
Në fund, ai u bëri thirrje qytetarëve që të mbështesin programin e partisë së tij, duke kërkuar votën me numrin 134, për një të ardhme më të sigurt dhe më stabile.
Aktivitetet e fushatës vazhduan edhe në Shtërpcë, ku u nënshkruan edhe 27 kontrata të tjera me praktikantë të rinj, të cilët për herë të parë po hyjnë në procesin e trajnimit profesional.
Partia “Za Slobodu Pravdu i Opstanak” ka bërë të ditur se fokusi i saj gjatë fushatës do të mbetet punësimi, arsimi profesional dhe siguria ekonomike për qytetarët.
Tingëllon si një këshillë e pazakontë, por në fakt është një truk që funksionon vërtet, ndaj ia vlen ta provoni edhe ju
Ekspertët flasin prej vitesh për këtë metodë, ndërsa njerëzit zakonisht reagojnë me habi: “Prit pak, qiri në frigorifer?!” Megjithatë, pikërisht kjo ide, që në fillim duket e çuditshme, bën që qiriu juaj të zgjasë më shumë, të digjet më bukur dhe të çlirojë aromë më të këndshme sesa do ta kishit menduar.
Si funksionon ky truk?
Kur qiriu “ftohet” për pak kohë, dylli bëhet më i fortë, më kompakt dhe më i qëndrueshëm. Kjo do të thotë se nuk do të shkrihet menjëherë sapo ta ndizni. Ai digjet më ngadalë, më njëtrajtshëm dhe, ajo që është më e bukura, aroma çlirohet gradualisht, në mënyrë të qëndrueshme, si një parfum i lehtë që mbetet në dhomë edhe orë të tëra pasi qiriu është fikur.
Me fjalë të tjera: i njëjti qiri, i njëjti ambalazh, por dyfish më shumë kënaqësi, vetëm sepse e keni vendosur në frigorifer për disa orë.
Pse aroma zgjat më shumë?
Ftohja e dyllit ndihmon që vajrat aromatikë të mos avullojnë menjëherë. Kjo do të thotë se aroma nuk “shpërthen” menjëherë dhe nuk humbet shpejt, por përhapet butë dhe mbetet e pranishme për më gjatë në ambient.
Këshilla të vogla që truku të funksionojë perfekt
Vendoseni qiriun në frigorifer 2-3 orë para ndezjes
Nëse keni frikë se mos përthith aromat e ushqimit, futeni në një qese ose enë të mbyllur
Funksionon më së miri me qirinj më të mëdhenj dhe më masivë – idealë për darka romantike, mbledhje me miq, maratona Netflix-i apo për të krijuar një atmosferë të qetë “zen” në shtëpi
Një detaj interesant për fund
Ky truk përdoret shpesh edhe në dyqane parfumerie dhe spa, pikërisht për ta bërë aromën më elegante dhe më jetëgjatë. Një ftohje e vetme para ndezjes, dhe dhoma juaj mund të marrë aromën e një butiku parisian, ndërsa qiriu duket sikur sapo është hapur – edhe pas tri mbrëmjesh përdorimi.
Pak mundim, efekt maksimal.