ATV

Blog

  • Will Smith paditet për ngacmim seksual

    Will Smith paditet për ngacmim seksual

    Violinisti, Brian King Joseph, ka paditur Will Smith dhe kompaninë e tij për ngacmim seksual, duke pretenduar gjithashtu se është shkarkuar nga detyra në mënyrë të padrejtë dhe për hakmarrje.

    Sipas padisë së dorëzuar në Gjykatën e Lartë të Kalifornisë, Smith “ka punuar qëllimisht për të manipuluar zotin Joseph për shfrytëzim seksual” pasi e ftoi violinistin të bashkohej me turneun e tij në nëntor të 2024-ës.

    Në padi përshkruhet një seri ngjarjesh të ndodhura në mars të vitit të shkuar gjatë turneut, ku Joseph pretendon se zbuloi se dikush kishte hyrë në dhomën e tij të hotelit në Las Vegas.

    Në dëshminë e tij përfshihej edhe një shënim i shkruar me dorë:

    “Brian, do të kthehem… vetëm ne,” me një zemër të vizatuar dhe nënshkruar “Stone F”,
    si dhe objekte të tjera të çuditshme si lecka, një shishe birre, një çantë të kuqe, një shishe ilaçi për trajtimin e HIV me emrin e një personi tjetër, një vëth dhe dokumente të daljes nga spitali që nuk i përkisnin Joseph-it.

    Joseph pretendon se kishte frikë se një person i panjohur do të kthehej në dhomë për të kryer akte seksuale me të.

    Pas këtyre lajmeve, avokati i Smith reagoi për PEOPLE, duke hedhur poshtë të gjitha akuzat.

    “Akuzat e zotit Joseph kundër klientit tonë janë të rreme, pa bazë dhe të pakujdesshme. Ne i mohojmë kategorikisht dhe do të përdorim të gjitha mjetet ligjore për të trajtuar këto pretendime dhe për të nxjerrë të vërtetën në dritë.”

    Sipas padisë, Joseph raportoi incidentin tek stafi i hotelit, policia e më pas tek ekipi i menaxhimit të turneut. Pas kësaj, një anëtar i stafit e hoqi nga puna.

  • Problem në gypin kryesor, KRU Prishtina me njoftin: Këto lagje do përballen me reduktime të ujit

    Problem në gypin kryesor, KRU Prishtina me njoftin: Këto lagje do përballen me reduktime të ujit

    Kompania Rajonale e Ujësjellësit “Prishtina, ka njoftuar se si pasojë e një rrjedhje në gypin kryesor, do të ketë reduktime të ujit.

    Janë disa lagje ku do të preken nga reduktimet, përfshirë gjysmën e Hajvalisë.

    Më poshtë komunikata:

    NJOFTIM PËR NDËRPRERJE TË FURNIZIMIT ME UJË

    Si pasojë e një rrjedhjeje në gypin kryesor DN 250 mm në rrugën Arbanasi, pa furnizim me ujë mbeten këto zona:

    Gjysma e Hajvalisë

    Veterniku (kah Gorenja)

    Lagja Qëndresa

    Konsumatorët prapa Grand Store

    Zona kah Rezonanca – Lagja Premium

    Ekipet teknike janë në terren dhe po punojnë për sanimin e defektit në kohë sa më të shkurtër të mundshme.

    Ju falënderojmë për mirëkuptim!

  • 2 orë pritje për dalje nga Kosova, kjo është gjendja aktuale në pikat kufitare

    2 orë pritje për dalje nga Kosova, kjo është gjendja aktuale në pikat kufitare

    Janë përditësuar të dhënat nga Qendra Kombëtare për Menaxhim Kufitar lidhur me kolonat në pikat kufitare në Kosovë.

    Sipas të dhënave të fundit, pritjet për dalje nga Kosova janë të gjata.

    Raportohen pritje deri në 2 orë pritje në Merdardë, deri 90 minuta në Jarinje dhe deri 20 minuta te Dheu i Bardhë.

  • Numërohen mbi 50% e votave me postë, ky është rezultati

    Numërohen mbi 50% e votave me postë, ky është rezultati

    Mbi 52% e votave me postë janë numëruar deri më tani.

    Sipas rezultateve të publikuara nga KQZ, LVV ka marrë 9,852 vota apo 72.17%. LDK ka 1,436 vota apo 10.52%, e treta është PDK me 1,158 vota apo 8,48%, AAK 774 vota apo 5.67%

  • 4 gabimet me mikrovalën, çfarë nuk duhet të bëni kurrë

    4 gabimet me mikrovalën, çfarë nuk duhet të bëni kurrë

    Furra me mikrovalë është tani një pajisje shtëpiake thelbësore në shumicën e shtëpive, me përdorimin e saj që po fiton gjithnjë e më shumë terren në gatim.

    Megjithatë, ka disa gabime themelore që bëhen. Shumica e njerëzve zakonisht e përdorin atë si një “hapësirë ruajtjeje” duke lënë sende të ndryshme të vogla mbi të, siç janë tasat e frutave ose letra kuzhine.
    Megjithatë, kjo mund të jetë e rrezikshme sipas ekspertëve.

    Tundimi, siç shpjegojnë ata, për të kursyer hapësirë është i madh, por kjo mund të bllokojë kanalet e ajrit, duke shkaktuar mbinxehje, duke rezultuar në dëmtime të mundshme ose edhe në rrezik zjarri.

    Për t’u siguruar që po e përdorni mikrovalën siç duhet, këto janë 4 gabime të përditshme që ndoshta po i bëni.
    1. Përdorimi i tasave të pasigurt
    2. Harresa për të përzier ose rrotulluar
    3. Mbyllje shumë e fortë e tasave
    4. Neglizhencë në pastrim

  • Kurti: Ekziston mundësia jo vetëm teorike dhe praktike që të shkojmë prapë në zgjedhje për presidentin

    Kurti: Ekziston mundësia jo vetëm teorike dhe praktike që të shkojmë prapë në zgjedhje për presidentin

    Kryeministri në detyrë, Albin Kurti, thotë se ekziston mundësia jo vetëm teorike, por edhe praktike që Kosova të shkojë prapë në zgjedhje, në rast se nuk arrijnë ta zgjedhin presidentin e ri. Katër muaj para se t’i skadojë mandati presidentes aktuale, Vjosa Osmani, Kurti është më i matur nëse e përkrahin Osmanin edhe për një mandat tjetër pesëvjeçar. Sipas tij, një test dhe indikacion se si mund të ecet përpara edhe në çështjen e presidentit është miratimi i marrëveshjeve ndërkombëtare, për të cilat nevojitet mbështetje edhe e deputetëve të opozitës.

    Kurti, në një intervistë ekskluzive për KosovaPress, thotë se fillimisht duhet konstituimi i Kuvendit, formimi i qeverisë, miratimi i buxhetit dhe pastaj të mendohet për çështjen e zgjedhjes së presidentit.

    “Nëse nuk arrijmë ta zgjedhim presidentin, ose ta rizgjedhim presidenten, e afati i fundit për këtë gjë është 4 marsi, nëse nuk e kemi të kaluar paraprakisht buxhetin për vitin 2026, ne as nuk mund të mbajmë zgjedhje të reja. Se natyrisht ekziston mundësia, jo vetëm teorike, por edhe praktike, që ne të shkojmë prapë në zgjedhje, në rast se nuk arrijmë ta rizgjedhim presidenten. Por në një situatë të tillë duhet të jemi të gatshëm, pikërisht duke e pasur buxhetin e votuar. Prandaj unë po them, nuk është e shëndetshme të flasim për hapin e katërt pa i trajtuar mirë dhe kaluar këta tre të parët”, thotë ai.

    Kurti, i cili është edhe lider i LVV-së, parti e cila sipas rezultateve preliminare të KQZ-së ka mbi 50 për qind të votave në zgjedhjet e 28 dhjetorit, e konsideron të nevojshëm takimin me Osmanin për të diskutuar interesimin e saj për një mandat tjetër në krye të vendit.

    Sipas tij, sigurimi i 80 deputetëve në sallë në momentin e zgjedhjes së presidentit është një vështirësi e konsiderueshme.

    “Tash, ne e kemi parë deklarimin e presidentes. Së pari duhet ta formojmë Kuvendin dhe qeverinë. Gjithashtu duhet të votojmë buxhetin. Unë besoj që këto janë hapat më të rëndësishëm. Pra, janë tre hapa para se të vijmë te rizgjedhja e presidentes. Dhe unë besoj që nga këta tre hapa ne do t’i shohim se si janë gjasat përpara. Unë kam deklaruar që është e rëndësishme që po ashtu të ulemi me presidenten dhe të diskutojmë të gjitha gjërat. Nevojitet ky takim për shkak se 80 veta në sallë është vështirësi e konsiderueshme. Ju po e keni parasysh që herën e kaluar s’i bëmë dot 61. 80 është numër shumë më i madh se 61. Dhe përderisa kësaj radhe ne 61 i kemi, 80 nuk i kemi. Dhe këto marrëveshje ndërkombëtare, të cilat po përpiqemi t’i kalojmë sa më shpejt, unë besoj që gjithashtu do të mund të na japin indikacione për rrugën përpara. Por nuk besoj që është e drejtë, as e dobishme, që të flasim për hapin e katërt pa i parë këta tre të parët”, deklaron ai.

  • Djali i Jakup Krasniqit mbetet jashtë Kuvendit, falënderon mbështetësit

    Djali i Jakup Krasniqit mbetet jashtë Kuvendit, falënderon mbështetësit

    Kandidati për deputet, Altin Krasniqi, djali i ish-kryetarit të Kuvendit të Kosovës Jakup Krasniqi, ka reaguar pas zgjedhjeve të 28 dhjetorit, duke falënderuar qytetarët për mbështetjen e dhënë, edhe pse ajo nuk ishte e mjaftueshme për të siguruar një mandat të ri.

    Në një postim, Krasniqi ka thënë se vota dhe mbështetja e qytetarëve për të përfaqësojnë një besim të madh.

    “Ju falënderoj nga zemra secilin qytetar për votën dhe mbështetjen që ma keni dhënë më 28 dhjetor. Kjo mbështetje, edhe pse nuk ishte e mjaftueshme për ta arritur qëllimin, për mua përfaqëson një besim të madh”, ka shkruar ai.

    Krasniqi ka theksuar se gjatë fushatës ka ndier pritje për ndryshim në çdo vend ku është takuar me qytetarët.

    “Në çdo shtëpi, në çdo fshat e në çdo qytet ku jam pritur me respekt dhe dinjitet, kam ndier nga afër besimin tuaj dhe pritjen për ndryshim”, ka deklaruar ai.

    Ai ka shtuar se angazhimi i tij politik nuk ka qenë asnjëherë personal, por gjithmonë në shërbim të interesit të përgjithshëm.

    “Ky besim është arsyeja pse angazhimi im publik nuk ka qenë dhe nuk do të jetë kurrë personal, por gjithmonë në shërbim të qytetarëve dhe interesit të përgjithshëm”, ka theksuar Krasniqi.

    Duke folur për mandatin e tij të parë, të cilin e cilëson si të shkurtër, Krasniqi ka thënë se është përpjekur të japë maksimumin për vendin dhe për partinë.

    “Edhe pse mandati im i parë ishte i shkurtër, jam përpjekur vazhdimisht ta jap maksimumin për vendin dhe për partinë, duke vepruar me përgjegjësi dhe bindje politike”, ka shkruar ai.

    Ai ka pranuar se ka mbështetur vendime partiake edhe kur ato nuk kanë qenë të lehta apo të favorshme për të personalisht.

    “Edhe në momente të vështira, kur vendimet e partisë nuk kanë qenë të lehta e as gjithmonë të mirëpritura, kam zgjedhur t’i respektoj ato”, ka shtuar Krasniqi.

    Në fund, Krasniqi ka bërë thirrje që qeverisja e ardhshme të fokusohet në përmirësimin e jetës së qytetarëve dhe kthimin e Kosovës drejt normalitetit dhe zhvillimit.

    “Vendi ka nevojë për qeverisje me vizion dhe përgjegjësi, jo për stagnim, përçarje dhe gjuhë urrejtjeje”, ka përfunduar ai.

  • Kush është Delcy Rodríguez, udhëheqësja e Venezuelës pas kapjes së Maduros?

    Kush është Delcy Rodríguez, udhëheqësja e Venezuelës pas kapjes së Maduros?

    Pas kapjes së Presidentit Nicolás Maduro gjatë një operacioni ushtarak amerikan në Venezuelë, drejtimi i vendit të Amerikës së Jugut ka kaluar në duart e Zv/Presidentes Ekzekutive Delcy Rodríguez.

    Kjo është e parashikuar nga kushtetuta e Venezuelës për skenarë të ndryshëm që parashikojnë mungesën e presidentit. Sipas Neneve 233 dhe 234, qoftë mungesë e përkohshme apo absolute, zv/presidenti merr përsipër detyrat presidenciale, raporton CNN.

    Rodríguez – e cila është edhe ministre e Financave dhe e Naftës – mori këtë rol të shtunën pasdite. Orë pas kapjes së Maduros dhe bashkëshortes së tij, Cilia Flores, ajo mbajti një seancë të Këshillit Kombëtar të Mbrojtjes, e rrethuar nga ministra dhe zyrtarë të lartë, ku kërkoi lirimin e menjëhershëm të çiftit dhe dënoi operacionin ushtarak amerikan.

    Para flamurit venezuelas, Rodríguez deklaroi se operacioni i mëngjesit përbën një shkelje të qartë të së drejtës ndërkombëtare dhe sovranitetit të Venezuelës. Ajo shtoi se veprimi duhet të refuzohet nga venezuelasit dhe të dënohet nga qeveritë në të gjithë Amerikën Latine.

    “I bëjmë thirrje popujve të atdheut të madh të qëndrojnë të bashkuar, sepse ajo që i bëhet Venezuelës mund t’i ndodhë kujtdo. Ky përdorim brutale i forcës për të shtypur vullnetin e popullit mund të kryhet ndaj çdo vendi,” tha ajo përpara këshillit, në një fjalim të transmetuar nga kanali shtetëror VTV.

    Një zyrtare me “besim të plotë” të Maduros
    Rodríguez, 56 vjeçe, është nga Karakasi dhe ka studiuar juridik në Universitetin Qendror të Venezuelës.

    Ajo ka kaluar më shumë se dy dekada si një nga figurat kryesore të chavizmit, lëvizjes politike të themeluar nga Presidenti Hugo Chávez dhe e udhëhequr nga Maduro që nga vdekja e Chavës në vitin 2013.

  • Çfarë është Delta Force? Njësia elitare sekrete amerikane që arrestoi Maduron

    Çfarë është Delta Force? Njësia elitare sekrete amerikane që arrestoi Maduron

    SHBA-të kanë kryer një operacion të madh ushtarak në Venezuelë , me presidentin Donald Trump që konfirmoi se homologu i tij, Nicolas Maduro, dhe gruaja e tij, Cilia Flores, u kapën dhe u larguan me aeroplan nga vendi.

    Gjatë operacionit , shpërthime u dëgjuan në Karakas, kryeqytetin e Venezuelës, dhe në zona të tjera, duke treguar se forcat amerikane kryen sulme ndaj objektivave kyçe.

    Misioni u krye nga Delta Force, njësia kryesore e misioneve speciale të ushtrisë amerikane, raportoi CBS News.

    Çfarë është Delta Force?

    E themeluar në vitin 1977 dhe me seli në Fort Bragg, Karolina e Veriut, Delta Force është një nga njësitë ushtarake më elitare dhe sekrete në botë.

    Ajo vepron nën Komandën e Operacioneve Speciale të Ushtrisë Amerikane dhe i përgjigjet Komandës së Përbashkët të Operacioneve Speciale (JSOC).

    Njihet gjithashtu si Detashmenti i 1-rë Operacional i Forcave Speciale – Delta (1-ri SFOD-D).

    Struktura e saj është modeluar sipas SAS-it Britanik (Regjimenti i 22-të i Shërbimit Ajror Special), i cili frymëzoi themeluesin e Deltës, Kolonel Charles Beckwith.

    Duke pasur parasysh seriozitetin dhe sekretin e punës, është përfolur se ka përdorur emra të ndryshëm si Elementet e Kompartimenteve të Ushtrisë (ACE), Grupi i Aplikimeve të Luftimit (CAG) ose Delta.

    Misioni Kryesor i Delta Force

    Njësia specializohet në misione me rrezik të lartë dhe vlerë të lartë dhe është e ngarkuar kryesisht me operacione kundër terrorizmit, shpëtim pengjesh, eliminimin dhe kapjen e kërcënimeve terroriste, si dhe zbulime speciale.

    Njësia është gjithashtu e trajnuar në mbrojtje nga afër për individë të profilit të lartë dhe në luftë jokonvencionale, me operatorë të aftë në snajperë, luftime nga afër, eksplozivë dhe teknika të hyrjes së fshehtë.

    Ata janë të trajnuar për të trajtuar operacione në aeroplanë, trena, anije dhe automjete që i mundësojnë ata të ndërhyjnë dhe të marrin kontrollin e çdo skenari në çdo mjedis.

    Struktura e Delta Force

    Forca Delta është e ndarë në katër skuadrone kryesore, dhe secila e ndarë në tre trupa – Trupa e Zbulimit/Snajperëve, e cila merret me mbledhjen e inteligjencës dhe misionet e snajperëve, dhe dy Trupa të Veprimit të Drejtpërdrejtë/Sulmit që përqendrohen në sulmin ndaj objektivave, bastisjet dhe misionet me rrezik të lartë.

    Operacionet Delta Force

    Shumica e misioneve që kryen Delta Force janë të klasifikuara dhe vetëm disa operacione janë bërë të njohura publikisht me kalimin e kohës.

    Disa nga operacionet e famshme të Delta Force janë Operacioni Prime Chance, Hunt for Bin Laden 2001, Sulmi Ajror në Bagdad, Shpëtimi i Pengjeve në Irak, Operacioni Gothic Serpent, Somali, Operacioni Urgent Fury, Grenada dhe Bastisja ndaj udhëheqësit të ISIS-it, Abu Bakr al-Baghdadi.

    Kush mund t’i bashkohet Delta Force?

    Delta Force rekruton vetëm individët më të aftë dhe më të vendosur.

    Zakonisht rekruton ushtarë nga Forcat Speciale të Ushtrisë Amerikane (Beretat e Gjelbra) dhe Regjimenti i 75-të i Rangerëve. Procesi i përzgjedhjes zgjat tre deri në katër javë.

    Meqenëse procesi i përzgjedhjes është jashtëzakonisht rigoroz, vetëm një pjesë shumë e vogël e kandidatëve ia dalin mbanë.

    Testet fizike përfshijnë një marshim nate prej 28 km duke mbajtur një çantë shpine 15 kg, ose një marshim nate prej 40 km mbi një terren të ashpër dhe të pjerrët duke mbajtur një çantë shpine 20 kg, si dhe një provë noti me uniforma ushtarake.

    Ka edhe testime të gjera mendore dhe intervista për të vlerësuar qëndrueshmërinë dhe karakterin.

    Njerëzit që i kalojnë këto teste hyjnë në Kursin e Trajnimit të Operatorëve (OTC), i cili zgjat gjashtë muaj, për t’u bërë operatorë elitarë të gatshëm për misionet më të rrezikshme në botë.

  • KQZ: U numëruan 41 nga 92 kuti me votat me postë, javën tjetër ato me kusht dhe të personave me nevoja të veçanta

    KQZ: U numëruan 41 nga 92 kuti me votat me postë, javën tjetër ato me kusht dhe të personave me nevoja të veçanta

    Procesi i numërimit të fletëvotimeve të votimit me postë po vazhdon në Qendrën e Numërimit dhe Rezultateve (QNR).

    Zëdhënësi i Komisionit Qendror të Zgjedhjeve, Valmir Elezi, ka thënë për Reporteri.net se “nga fillimi i procesit (e shtunë, 3 janar, ora 16:00) dhe deri më tani (e diel, 4 janar, ora 16:00), janë numëruar 41 nga 92 kuti votimi, brenda të cilave janë vendosur pakot me fletëvotime që deri më tani janë sjellur në Kosovë”.

    “Fletëvotimet e numëruara u takojnë komunave: Deçan (4), Gjakovë (6), Gllogoc (2), Gjilan (7), Dragash (1), Istog (4), Kaçanik (2), Klinë (2), Fushë Kosovë (2), Kamenicë (3), Mitrovicë e Jugut (4), Lipjan (2) dhe Rahovec (2)”, tha ai.

    Elezi thotë se javën e ardhshme, “në numërim do të përfshihen edhe fletëvotimet nga votimi me kusht dhe fletëvotimet nga votimi i personave me nevoja të veçanta”.

    “Sipas të dhënave preliminare, nga 57 vendvotime me kusht, në 38 komuna të vendit, në përgjithësi janë evidentuar në sistem mbi 9,900 votues të regjistruar për të votuar me kusht. Numri i votuesve të regjistruar në programin e votimit të personave me nevoja të veçanta ka qenë 2,860”, tha ai.