Blog

Ish-eprori i lartë i Ushtrisë Çlirimtare të Kosovës nga Zona e Dukagjinit, Lahi Brahimaj ka kujtuar sulmin e dytë të forcave serbe ndaj familjes Jashari në Prekaz, 28 vjet më parë.

Ai kujton ditën e sulmit, teksa thotë se lajmi për të i vuri në lëvizje pa hezitim.

“22 janari – ditë kujtimesh dhe krenarie. Më 22.01.1998, kur familja Jashari u sulmua në Prekaz, ne ishim në Bajram Curr, në shtëpinë e Besnik Krasniqit – strehë e UÇK-së – me heronjtë Mujë Krasniqin, Ilir Konushevcin, Qerim Kelmendin, si dhe bashkëluftëtarë të tjerë, ndër ta Rexhep Selimi i cili tash e 5 vite padrejtësisht po mbahet ne Haag,dhe Nasim Haradinaj, Xhabir Zharku… Lajmi për sulmin na vuri në lëvizje pa hezitim”.

Ai shkroi se ndërsa Jasharajt zmbrapsnin armikun, “ne futëm në Kosovë 96 armë për luftën që po vinte”.

“Sot ata nuk janë më, por lavdia e tyre jeton përjetë. Lavdi Dëshmorëve!”, shkroi Brahimaj.

Avokatja shqiptare, Nexhmije Beqiri ka ndezur shpresat në lidhje me rastin e Bleona Matës, e cila është zhdukur rreth 15 vjet më parë.

Ajo tha se sipas informacioneve të fundit, ajo është gjallë dhe gjendet në Gjermani.

Beqiri u shpreh se në bazë të informacioneve, ajo është rrëmbyer nga një fshatar dhe është sjellë në fshatin Llakatun të Vlorës , tek vajza e tij që nuk kishte fëmijë.

“Vajza 6 vjeçare e rrëmbyer në Zapot të Kukësit, është rrëmbyer nga një fshatar po nga ai fshat i Kukësit, dhe është sjellë në fshatin Llakatun të Vlorës , tek vajza e tij që nuk kishte fëmijë. Pas 3 muaj, kjo familje bashkë me Bleonën ikin në Greqi, dhe vitet e fundit gjenden në Gjermani. Bleona Mata jeton”, ka shkruar avokatja.

Shtetet e Bashkuara të Amerikës pritet të largohen zyrtarisht nga Organizata Botërore e Shëndetësisë ditën e sotme, përballë paralajmërimeve se vendimi do të godasë si shëndetin amerikan ashtu edhe atë global, si dhe në shkelje të një ligji amerikan që kërkon që Washingtoni t’i paguajë agjencisë së shëndetësisë të OKB-së 260 milionë dollarë në tarifa që i detyrohen.

Presidenti Donald Trump njoftoi se SHBA do të largohej nga organizata në ditën e parë të presidencës së tij në vitin 2025, nëpërmjet një urdhri ekzekutiv.

Sipas ligjit amerikan, ajo duhet të japë njoftim njëvjeçar dhe të paguajë të gjitha tarifat e papaguara para largimit.

Të enjten, një zëdhënës i Departamentit të Shtetit të SHBA-së tha se dështimi i OBSH-së për të përmbajtur, menaxhuar dhe ndarë informacionin i kishte kushtuar SHBA-së triliona dollarë dhe presidenti kishte ushtruar autoritetin e tij për të ndaluar transferimin e ardhshëm të çdo fondi, mbështetjeje ose burimi të qeverisë amerikane tek OBSH-ja. “Populli amerikan i ka paguar më shumë seç duhet kësaj organizate dhe kjo goditje ekonomike është përtej një pagese fillestare për çdo detyrim financiar ndaj organizatës”, tha zëdhënësi me email.

Gjatë vitit të kaluar, shumë ekspertë globalë të shëndetit kanë kërkuar një rimendim, përfshirë së fundmi Drejtorin e Përgjithshëm të OBSH-së, Tedros Adhanom Ghebreyesus.

OBSH-ja tha gjithashtu se SHBA-të ende nuk i kanë paguar tarifat që u detyrohen për vitet 2024 dhe 2025. Shtetet anëtare janë gati të diskutojnë largimin e SHBA-së dhe se si do të trajtohet në bordin ekzekutiv të OBSH-së në shkurt, tha një zëdhënës i OBSH-së për Reuters me email. “Kjo është një shkelje e qartë e ligjit amerikan”, tha Lawrence Gostin, drejtor themelues i Institutit O’Neill për Ligjin Global të Shëndetit në Universitetin Georgetown në Washington, një vëzhgues i afërt i OBSH-së.

Washingtoni tradicionalisht ka qenë deri tani mbështetësi më i madh financiar i agjencisë së shëndetit të OKB-së, duke kontribuar rreth 18% të financimit të saj të përgjithshëm. OBSH-ja do të shkurtojë gjithashtu rreth një të katërtën e stafit të saj deri në mesin e këtij viti.

Agjencia tha se ka punuar me SHBA-në dhe ka ndarë informacione gjatë vitit të kaluar. Nuk është e qartë se si do të funksionojë bashkëpunimi në të ardhmen.
Ekspertët globalë të shëndetit thanë se kjo përbënte rreziqe për SHBA-në, OBSH-në dhe botën.

Lutfi Haziri nga LDK-ja në ”Click” të RTV21 ka folur për rëndësinë e frymës Rugoviane në politikë dhe për ndikimin e saj në marrëdhëniet brenda komunitetit dhe institucioneve politike. Ai theksoi se fryma Rugoviane nënkupton respekt, bashkëpunim dhe përkujdesje për familjen dhe komunitetin, dhe kritikoi sjelljet arrogante si të papajtueshme me këto vlera.

Haiziri gjithashtu reflektuar mbi mungesën e fizikshme të Ibrahim Rugovës, duke e cilësuar atë si një ndëshkim të madh për LDK-në për shkak të gabimeve të bëra.

“Se ka marrë askush, do isha i lumtur të shija të kishte vlera Rugoviane. Fryma Rugoviane është me mbrojt familjen tënde, në kuptimin politik; kur fiton, shumë më mirë është të sjellesh sjellshëm dhe të afrohesh me të tjerët. Ne nuk kemi garuar për qeveri në kohën e Ibrahim Rugovës, qeverinë ia kemi dhënë dikujt tjetër. Të ndash shtëpinë tënde, të mos bësh bashkëpunim politik, të ulesh me sjellje arrogante – kjo nuk është vlerë Rugoviane,” ka deklaruar Haiziri.

Ai shtoi se, “këpucët e Ibrahim Rugovës nuk i kanë bërë askush, tamon, as sot as në të ardhmen. Mungesa fizike e tij më 17 nëntor të vitit 2007 është ndëshkimi më i madh për LDK-në, për shkak të gabimeve tona.”.

Tutje Haziri ka shtuar se Rugova ”la trashëgimi LDK-në’.

Përfaqësues të OVL-UÇK-së, së bashku me kryetarin e Skenderajt, Sami Lushtaku, kanë bërë homazhe në Kompleksin Memorial “Adem Jashari”, me rastin e 28-vjetorit të sulmit të dytë që Serbia kreu ndaj familjes Jashari.

Gjatë homazheve u nderua sakrifica e familjes Jashari dhe u kujtua qëndresa e tyre si simbol i luftës çlirimtare dhe i lirisë së Kosovës.