ATV

Blog

  • Shëndeti i Trump në qendër të vëmendjes, nuk i kujtohet sëmundja e babait të tij

    Shëndeti i Trump në qendër të vëmendjes, nuk i kujtohet sëmundja e babait të tij

    Për një kohë të gjatë, ekspertët kanë vënë në pikëpyetje pretendimet e Presidentit Donald Trump se ai është në një gjendje “krejtësisht të shëndetshme”.

    Në disa raste iu vunë re kyçe të këmbëve të fryra, si dhe mavijosje të errëta në duar, të cilat disa ekspertë i interpretojnë si një tregues të mundshëm të trajtimeve të shpeshta intravenoze.

    Mprehtësia e tij mendore vihet gjithashtu në dyshim. Kritikët vënë në dukje të folurit e ngatërruar, shpërthimet e paqarta dhe problemet e herëpashershme të kujtesës.

    Një shembull citohet në një intervistë të kohëve të fundit me New York Magazine, në të cilën Trump kishte vështirësi të kujtonte emrin e sëmundjes së Alzheimerit. Kjo mungesë ka tërhequr vëmendjen veçanërisht sepse është një sëmundje e karakterizuar nga humbja progresive e kujtesës, dhe Trump gjithashtu ka një histori familjare të sëmundjes.

    Duke folur për të atin, Fred Trump, presidenti nuk mund ta kujtonte emrin e sëmundjes nga e cila vuante.

    -“Ai kishte një problem. Rreth moshës 86, 87 vjeç, filloi të kishte… si e quani?”, mendoi ai në video, pas së cilës sekretarja e shtypit e Shtëpisë së Bardhë, Karoline Leavitt, i erdhi në ndihmë.

    “Alzheimeri,” tha ajo.

    “Si diçka që ka të bëjë me sëmundjen e Alzheimerit. Epo, unë nuk e kam”, tha Trump.

    Kur u pyet nëse po mendonte fare për sëmundjen, Trump e mohoi me bindje, por edhe atëherë ishte e vështirë të ndiqej koherenca e përgjigjes së tij:

    “Jo, nuk mendoj fare për këtë. E di pse? Sepse çfarëdo që të jetë, qëndrimi im është… çfarëdo që të jetë”, tha ai.

  • Bora paralizon Japoninë, 16 viktima dhe kaos në transport

    Bora paralizon Japoninë, 16 viktima dhe kaos në transport

    Të paktën 16 persona kanë humbur jetën dhe rreth 120 të tjerë janë lënduar si pasojë e reshjeve të shumta të borës që kanë përfshirë Japoninë, bëjnë të ditur autoritetet lokale.

    Situata më problematike është raportuar në ishullin Hokkaido, ku bora e dendur ka shkaktuar ndërprerje serioze në transportin hekurudhor. Sipas kompanisë JR Hokkaido, afro 1,000 udhëtime me tren janë anuluar ose kanë pësuar vonesa të gjata.

    Si pasojë e këtyre ndërprerjeve, mbi 140,000 pasagjerë janë prekur drejtpërdrejt. Autoritetet njoftojnë se vonesat në qarkullimin e trenave kanë vazhduar edhe gjatë ditës së sotme, ndërsa ekipet e emergjencës po punojnë për normalizimin e situatës.

  • Rutte: NATO-ja pret nga Beogradi përcaktimin e përgjegjësinë për sulmin në Banjskë

    Rutte: NATO-ja pret nga Beogradi përcaktimin e përgjegjësinë për sulmin në Banjskë

    Sekretari i Përgjithshëm i NATO-s, Mark Rutte, ka thënë se aleanca pret përgjegjësi nga Serbia për ngjarjet në Kosovë, duke përfshirë sulmin në Banjskë dhe gjithashtu edhe sulmet ndaj ushtarëve të KFOR-it në maj të 2023-ës.

    Rutte gjatë një adresimi në Komitetin për Punë të Jashtme të Parlamentit Evropian, ka thënë po ashtu se për të dyja këto ngjarje, presidenti i Serbisë Aleksandar Vuçiq, ka premtuar përcaktimin e plotë të përgjegjësisë.

    “Kam një marrëdhënie personale me presidentin (e Serbisë) Aleksandar Vuçiq. E njohim njëri-tjetrin prej shumë vitesh. Por, natyrisht presim nga ai që të përcaktojë përgjegjësinë për atë që ndodhi disa vite më parë, dhe kjo për dy çështje. Për të dyja ka premtuar përcaktimin e plotë të përgjegjësisë”, tha Rutte.

    Sekretari i Përgjithshëm i NATO-s gjatë këtij adresimi, rikonfirmoi edhe mbështetjen për dialogun Kosovë-Serbi.
    Rutte po ashtu theksoi se NATO-ja është e përkushtuar ndaj situatës së sigurisë në Ballkanin Perëndimor, duke theksuar se aleanca ushtarake perëndimore nuk do të lejojë krijimin e një vakumi të sigurisë në Bosnje dhe Hercegovinë.

    Tensionet mes Kosovës dhe Serbisë kanë qenë të rritura viteve të fundit dhe incidenti më i rëndë u regjistrua shtatorin e vitit 2023 në Banjskë të Zveçanit, kur një grup serbësh të armatosur sulmuan Policinë e Kosovës, duke vrarë një rreshter. Në këmbimet e zjarrit që pasuan u vranë tre sulmues serb.

    Politikani nga Kosova dhe biznesmeni Millan Radoiçiq e mori përgjegjësinë për sulmin, dhe prej atëherë ai ndodhet në Serbi, ku nuk është ndjekur penalisht deri më sot.

    Këtij incidenti të armatosur i paraprinë protesta në veri të Kosovës të mbajtura në maj të po atij viti. Më shumë se 90 pjesëtarë të misionit paqeruajtës të NATO-s në Kosovë, KFOR kishin pësuar lëndime – disa prej tyre lëndime të rënda – pas përleshjes me protestuesit serbë në Zveçan.

    Dhuna në Zveçan shpërtheu pasi serbët lokalë kundërshtuan hyrjen e kryetarëve të rinj shqiptarë në ndërtesat komunale në Zveçan, Leposaviq dhe Zubin Potok – komuna në veri të Kosovës, të banuara me shumicë serbe – pas zgjedhjeve lokale të mbajtura më herët po atë vit, që u bojkotuan nga serbët lokalë.

    Për ngjarjet në Zveçan, janë arrestuar dhe akuzuar dhjetëra persona, dhe disa janë dënuar me burgim pas marrëveshjeve me prokurorinë për pranimin e fajësisë. NATO-ja ka kërkuar që përgjegjësit për të dyja rastet të përballen me drejtësinë. /REL

  • Shkon në 20 numri i të vdekurve nga stuhia e dimrit në SHBA

    Shkon në 20 numri i të vdekurve nga stuhia e dimrit në SHBA

    Një stuhi e fuqishme po godet disa pjesë të Shteteve të Bashkuara, duke lënë të paktën 20 persona të vdekur dhe qindra mijëra pa energji elektrike.

    Viktima janë raportuar në Nju Jork, Tenesi, Luiziana, Masaçusets, Kansas, Pensilvani dhe Teksas, mes tyre edhe një 16-vjeçare.

    Më shumë se 10 mijë fluturime janë anuluar, ndërsa shkollat dhe rrugët në mbarë vendin janë mbyllur. Reshjet e dendura të borës gjatë fundjavës kanë shkaktuar kaos në transport dhe shërbime, duke prekur veçanërisht zonat qendrore dhe lindore të SHBA-së.

    Sipas parashikimeve, bora do të nisë të pakësohet gjatë ditë së sotme, por temperaturat shumë të ulëta do të vazhdojnë të prekin pjesët qendrore dhe lindore të vendit. Paralajmërimet e Shërbimit Kombëtar të Motit (NWS) shtrihen nga Teksasi në jug deri në Anglinë e Re në verilindje.
    Stuhia ka pasur ndikim edhe në Kanada. Në Toronto, Aeroporti Pearson regjistroi të dielën reshje rekord dëbore, duke shkaktuar vonesa dhe anulime fluturimesh.

    Autoritetet u bëjnë thirrje qytetarëve të tregojnë kujdes dhe të ndjekin udhëzimet e emergjencës ndërsa kushtet e motit mbeten të vështira.

  • Gati 74% e vendvotimeve të rinumëruara, procesi drejt fundit

    Gati 74% e vendvotimeve të rinumëruara, procesi drejt fundit

    Procesi i rinumërimit të votave në Qendrën e Numërimit dhe Rezultateve është drejt përfundimit.

    Sipas përditësimit më të fundit të KQZ-së, deri në mëngjesin e së martës janë rinumëruar 1,887 vendvotime, që përbëjnë 73,80% të totalit prej 2,557 vendvotimeve të parashikuara për rinumërim.

    Ky proces, i cili ka nisur më 13 janar 2026, ka përfunduar tashmë në 25 komuna.

    Nga KQZ është bërë e ditur se puna po vazhdon me kapacitete të plota, me qëllim të përmbylljes sa më të shpejtë të rinumërimit të vendvotimeve të mbetura.

    Shpallja e rezultateve përfundimtare pritet të bëhet në fillim të muajit shkurt, teksa pas shqyrtimit të ankesave që mund të paraqiten, pritet të procedohet me certifikimin e rezultateve.

    Vendimi i KQZ-së për përfshirjen në rinumërim të të gjitha vendvotimeve, erdhi pas një raporti nga rinumërimi i më shumë se 500 vendvotimeve, sipas të cilit, tek votat e subjekteve politike, ndryshimet e identifikuara janë të papërfillshme, por për dallim prej tyre, të dhënat për kandidatët pas rinumërimit, paraqesin një shkallë të lartë të pasaktësive në numërim.

    Rinumërimi ka gjetur se 45 mijë e 709 vota u janë shtuar ose hequr kandidatëve gjatë numërimit fillestar vetëm në Prizren. Devijime të mëdha të votës nga rinumërimi në Prizren pati në PDK. Kandidati i kësaj partie për deputet, Fetah Paçarizi doli me mbi 6 mijë vota më pak.

    Lidhur me këtë, Prokuroria Themelore e Prizrenit zhvilloi një aksion të premten, që përfundoi me arrestimin e 109 personave.

  • Rritje rekord e kredive në Kosovë, arrijnë në 2.684 miliardë euro

    Rritje rekord e kredive në Kosovë, arrijnë në 2.684 miliardë euro

    Vlera e kredive të reja të dhëna nga bankat në Kosovë gjatë vitit 2025 arriti në 2.684 miliardë euro, duke shënuar një rritje prej 3.8 për qind krahasuar me vitin paraprak.

    Qytetarët e Kosovës po marrin më shumë kredi se kurrë më parë.

    Viti 2025 e gjeti tregun bankar në ngritje, me mbi 2.684 miliardë euro kredi të reja, teksa interesat nisën të lëvizin ngadalë pas disa viteve stabiliteti.

    Vlera e kredive të reja të dhëna nga bankat në Kosovë gjatë vitit 2025 arriti në 2.684 miliardë euro, duke shënuar një rritje prej 3.8 për qind krahasuar me vitin paraprak (2024), kur kjo vlerë ishte 2.587 miliardë euro.

    Sipas të dhënave të Bankës Qendrore të Kosovës, kjo është shifra më e lartë e kredive të reja të regjistruar ndonjëherë në vend, duke reflektuar një aktivitet të shtuar kreditues si në sektorin e ekonomisë familjare ashtu edhe atë të biznesit.

    Të dhënat për kreditë e reja në Kosovë (2015–2025):

    2015 – 1.102 mln € | 8.3% interes

    2016 – 1.025 mln € | 7.5%

    2017 – 1.293 mln € | 6.8%

    2018 – 1.367 mln € | 6.6%

    2019 – 1.441 mln € | 6.5%

    2020 – 1.468 mln € | 6.2%

    2021 – 1.805 mln € | 6.0%

    2022 – 1.922 mln € | 6.0%

    2023 – 2.113 mln € | 6.5%

    2024 – 2.587 mln € | 6.1%

    2025 – 2.684 mln € | 6.4%

    Në anën tjetër, është vërejtur një rritje e normës efektive të interesit për këto kredi të reja – nga 6.1 për qind në vitin 2024, në 6.4 për qind në vitin 2025. Edhe pse rritja është e lehtë, ajo sinjalizon një kthesë të mundshme pas disa viteve me interesa të ulëta historike.

    Në periudhën dhjetëvjeçare 2015–2025, tregu bankar në Kosovë ka njohur një zgjerim të qëndrueshëm: nga 1.1 miliard euro kredi të reja në vitin 2015, në pothuajse 2.7 miliard euro në vitin 2025, ndërsa normat mesatare të interesit kanë rënë ndjeshëm nga 8.3 për qind në vitin 2015 në rreth 6.4 për qind vitin e fundit.

    Sipas të dhënave zyrtare, totali i kredive është rritur nga 3,2 miliardë euro në vitin 2020, në mbi 6,4 miliardë euro deri në mesin e vitit 2025. Ndërkohë, normat mesatare të interesit kanë lëvizur nga 6% në vitin 2020, në 6,38% në vitin 2025.

    Vlera e kredive nder vite

    2020 3,20 miliardë €

    2021 3,70 miliardë €

    2022 3,30 miliardë €

    2023 4,90 miliardë €

    2024 5,80 miliardë €

    2025 6,40 miliardë €

    Bankat komerciale në Kosovë i përcaktojnë individualisht normat e interesit dhe të depozitave, duke u bazuar në politikat e tyre afariste, dhe BQK-ja nuk ka të drejtë të ndërhyjë direkt te to.

    Në Kosovë operojnë dhjetë banka komerciale. Numri i kartelave debit në vitin 2024 kishte arritur në 1.4 milion, kurse i kartelave të kreditit në rreth 195 mijë.

    Në nivel vendi janë 635 bankomatë [aparate bankare për tërheqje të parave], dhe 20.913 terminale POS, ku qytetarët mund të bëjnë pagesa me kartelë në dyqane. /Monitor

  • Rion Zejnullahu kalon në kampionatin rumun tek CFR Cluj

    Rion Zejnullahu kalon në kampionatin rumun tek CFR Cluj

    Mesfushori Rion Zejnullahu karrierën pritet ta vazhdojë në Rumani tek gjiganti i mirënjohur CFR Cluj.

    Zejnullahu i është bashkuar klubit rumun nga KF Llapi pas një periudhe të shkurtër,dhe 22-vjeçari pritet të jetë bashkëlojtar i Meriton Korenicës.

    Përndryshe CFR Cluj e konfirmoi transferimin e Rion Zejnullahut në rrjetin social Facebook,duke i uruar mirëseardhje në skuadër.

    “Mirë se rikthehesh Rion Zejnullahu. 22-vjeçari rikthehet në Gruia pas një periudhë te klubi i Kosovës, Llapi”.

     

    “I urojmë më të mirat dhe shumë arritje së bashku te Cluji”,

    Kujtojmë që Rion Zejnullahu edhe më herët ka luajtur për ekipin rumun CFR Cluj.

  • Bayern Munich nis bisedimet me Harry Kane për kontratën e re

    Bayern Munich nis bisedimet me Harry Kane për kontratën e re

    Gjiganti gjerman Bayern Munich ka nisur bisedimet me sulmuesin anglez Harry Kane për arritjen e një marrëveshjeje për kontratën e re.

    Drejtori sportiv Max Eberl ka konfirmuar nisjen e negociatave me anglezin,dhe shpreson në përfundimin e suksesshëm të negociatave me golashënuesin e bavarezëve.

    Përndryshe shumë klube të ndryshme e sidomos nga Premierliga angleze kanë shprehur interesim që ta rikthejnë Kane në Angli,dhe madje gjiganti anglez Manchester United ishte i gatshëm të paguante 80 milionë euro për të.

    Megjirthatë Kane disa ditë më parë ka deklaruar se ndihet mjaft mirë në Allianz Arena,dhe se synon që në fund të sezonit të fitojë trofe me liderin e Bundesligës.

    Kujtojmë që Harry Kane ka shënuar 34 gola për Bayern Munich këtë sezon në 30 ndeshje të zhvilluara.

  • Gentrit Salihu zyrtarizon kalimin tek skuadra kroate Lokomotiva Zagreb

    Gentrit Salihu zyrtarizon kalimin tek skuadra kroate Lokomotiva Zagreb

    Ish-futbollisti i Prishtinës Gentrit Salihu karrierën do ta vazhdojë në elitën e futbollit kroat tek skuadra e njohur Lokomotiva Zagreb.

    Salihu është transferuar si lojtar i ri tek ekipi kroat,dhe ky transferim shihet si hap i rëndësishëm në karrierën e 22 vjeçarit.

    Përndryshe Salihu u shpreh tejet i lumtur për transferimin e tij tek skuadra kroate,ku vlerësoi se ky është një hap në zhvillimin e tij si futbollist.

    “Jam i lumtur që jam bërë pjesë e një klubi që njihet për punën e shkëlqyer me lojtarët e rinj. Lokomotiva është një mjedis ideal për zhvillimin tim të mëtejshëm dhe do të bëj çmos për të justifikuar besimin e stafit të trajnerëve dhe për të ndihmuar ekipin të arrijë qëllimet e tij”

    Kujtojmë që Gentrit Salihu së fundmi ishte pjesë e FC Prishtinës,ku në 13 ndeshje këtë sezon shënoi vetëm 1 gol.

  • Ronald Araujo merrë shiritin e kapitenit tek Barcelona

    Ronald Araujo merrë shiritin e kapitenit tek Barcelona

    Barcelona ka emëruar kapitenin e ri të skuadrës pas largimit të Marc Andre Ter Stegen.

    Qendërmbrojtësi urugajan Ronald Araujo pritet të jetë kapiteni i ri i katalunasve,teksa pjesë e ekipit të kapitenëve pritet të jenë Frenkie de Jong, Pedri dhe Raphinha.

    Përndryshe në rast të ndonjë mungese të këtyre lojtarëve roli i kapitenëve pritet të kalojë tek Eric Garcia ose tek Ferran Torres,dhe trajneri Hansi Flick u ndal tek Garcia të cilën e vlerëson si një ndër lojtarët që mund të jetë lider i skuadrës.

    Kujtojmë që Marc Andre Ter Stegen është larguar tek Girona në formë huazimi,kjo pasi humbi vendin e titullarit tek Barcelona kundrejt Joan Garcias.