ATV

Blog

  • Kryeprokurori i Gjakovës pas aksionit në Malishevë: 15 kryesues janë ndaluar për 48 orë, hetimet do të vazhdojnë

    Kryeprokurori i Gjakovës pas aksionit në Malishevë: 15 kryesues janë ndaluar për 48 orë, hetimet do të vazhdojnë

    Kryeprokurori i Prokurorisë Themelore në Gjakovë Enis Gashi në konferencën e sotme ka thënë se nga 18 kryesues dhe 50 komisionerë janë intervistuar 15 kryesues dhe 43 komisionerë.

    “15 kryesues janë të ndaluar për 48 orë dhe brenda afatit ligjor prokuroria do të vendosë në lidhje me masën e sigurisë, ndërsa për 43 komisionerët e tjerë jemi në vlerësim e sipër për ndonjë masë eventuale”, tha ai.

    Ai tha se në këtë rast kanë qenë të angazhuar dy prokurorë të departamentit për krime të rënda.

    Gashi shtoi se hetimet do të vazhdojnë edhe më tutje, edhe për kryesuesit e komisionerët e tjerë që “nuk kanë arritur t’i kenë prezent”.

  • Stresi paralajmëron një projekt të ri, publikohet në Ditën e të Dashuruarve

    Stresi paralajmëron një projekt të ri, publikohet në Ditën e të Dashuruarve

    Artisti nga Shqipëria, Stresi, ka paralajmëruar një projekt të ri muzikor.

    Kënga e tij më e re do të publikohet në Ditën e Dashuruarve, më 14 shkurt, teksa projekti do të jetë dedikim për dashuri, shkruan IndeksOnline.

    Projekti titullohet “No lie” dhe në pamfletin e tij shfaqet Stresi, bashkë me një vajzë.

    Ai mban atë për krah, teksa portreti i saj është misterioz.

    Kënga pritet të publikohet bashkë me videoklip.

  • Pse amerikanët ngjitin pasaportat në kokë – trend i çuditshëm që po përhapet

    Pse amerikanët ngjitin pasaportat në kokë – trend i çuditshëm që po përhapet

    Amerikanët kanë filluar të ndajnë në rrjetet sociale video ku mbajnë pasaporta të ngjitura në kokë. Ata bëjnë këtë si reagim ndaj shtimit të shqetësimeve rreth veprimeve të Shërbimit të Doganave dhe Imigracionit të SHBA-së (ICE).

    Në këto video virale shpjegohet se ata duan të tregojnë paraprakisht provën e shtetësisë së tyre para se dikush të pyesë për të.

    Në një video të publikuar nga krijuesi i përmbajtjes @dotish001 në TikTok, ai shfaqet duke ecur në rrugë me pasaportën të ngjitur në kokë. Videoja është parë më shumë se shtatë milionë herë. Në video ai thotë “kështu lëvizim tani. Para se të më pyesni nëse jam qytetar dhe ku është pasaporta ime, tashmë e shihni vetë”.

    I njëjti krijues – i cili thotë se është nga Nigeria dhe jeton në Columbus, Ohio – ka postuar edhe një video tjetër ku mban në kokë patentën e vozitjes, me titull “Më falni, zonjë ICE”, për të treguar sesi lëvizin personat me karta të qëndrimit (“green card”).

    Edhe krijuesja Yvonne Mugure, e cila thotë se jeton midis Phoenix-it në Arizona dhe Nairobi-t në Kenia, ka ndarë një video ku mban pasaportën në kokë me mbishkrimin: “Kështu lëvizim tani ndërsa jetojmë në Amerikë”.

    Ky trend ka nisur që në dhjetor, por ka marrë vëmendje të madhe pas dy incidenteve vdekjeprurëse në Minneapolis, ku punonjës të agjencive federale kanë qëlluar për vdekje dy persona në një periudhë më pak se tre javë. Këto ngjarje kanë nxitur protesta dhe diskutime rreth mënyrës se si ICE vepron.

    VIDEO

    Në vitin 2025, 32 njerëz vdiqën gjatë mbajtjes nën kujdestarinë e ICE, shifra më e lartë në dy dekadat e fundit. Agjencia është kritikuar edhe për arrestime pa proces ligjor, ndalimin e fëmijëve dhe profilizim racor.

    Autori @dotish001 ka shpjeguar në komentet e tij se videoja ishte një reagim ndaj situatave ku njerëzit ndalohen dhe pyesin për shtetësinë, dhe ideja ishte të “jepnin përgjigje para se të vinte pyetja.”

    Nga Departamenti i Sigurisë Kombëtare (DHS) thanë se dokumentet e lëshuara sipas standardit REAL ID vërtetojnë identitetin, por nuk tregojnë statusin e imigracionit. Sipas rregullave amerikane, personat që nuk janë qytetarë duhet të mbajnë dokumentet e tyre të imigracionit me vete.

  • Katër shenja që tregojnë se po e teproni me marrjen e hekurit

    Katër shenja që tregojnë se po e teproni me marrjen e hekurit

    Njerëzit që marrin një suplement të përdorur gjerësisht duhet të reduktojnë dozën nëse vërejnë katër simptoma specifike, pasi marrja e tepërt mund të jetë e rrezikshme.

    Vitaminat dhe mineralet luajnë një rol të rëndësishëm për funksionimin e duhur të trupit. Shumica e nevojave ushqimore duhet të merren nga një dietë e shëndetshme dhe e ekuilibruar, por disa njerëz zgjedhin të përdorin suplemente.

    Hekuri është një nga këto suplemente – një mineral i nevojshëm për prodhimin e hemoglobinës, që transporton oksigjenin në gjak. Mungesa e hekurit mund të shkaktojë anemi nga mungesa e hekurit, me simptoma si lodhje, energji e ulët, gulçim dhe rrahje të shpejta të zemrës. Për të parandaluar këtë, disa mund të marrin suplemente hekuri.

    Megjithatë, Shërbimi Shëndetësor Kombëtar (britanik) paralajmëron në faqen e saj se marrja e “sasitë shumë të mëdha” të hekurit mund të shkaktojë:

    Kapsllëk;

    Ndjesi të të përzierave;

    Të vjella;

    Dhimbje stomaku.

    Nëse shfaqen këto simptoma, mund të jetë koha për të ulur dozën e hekurit. Tek fëmijët, marrja e tepërt e hekurit mund të jetë vdekjeprurëse. NHS thotë:

    “Doza shumë të larta të hekurit mund të jenë fatale, veçanërisht tek fëmijët, ndaj mbajeni gjithmonë jashtë arritjes së tyre”.

    Një dozë e lartë hekuri për të rriturit konsiderohet mbi 20 mg.

    Sa hekur keni nevojë të merrni?

    Meshkuj 19 vjeç e më shumë: 8.7 mg në ditë

    Femra 19–49 vjeç: 14.8 mg në ditë

    Femra 50 vjeç e më shumë: 8.7 mg në ditë

    Femrat pas menopauzës që kanë ende menstruacione mund të kenë nevojë për të njëjtën sasi si femrat 19–49 vjeç.

  • Dollari amerikan bie në nivelin më të ulët në katër vite

    Dollari amerikan bie në nivelin më të ulët në katër vite

    Dollari amerikan ka rënë në nivelin më të ulët që nga viti 2022, duke shënuar një dobësim të ndjeshëm në tregjet ndërkombëtare valutore. Rënia vjen mes shqetësimeve të investitorëve për paqëndrueshmërinë politike dhe ekonomike në Shtetet e Bashkuara.

    Gjatë ditës së djeshme, dollari humbi rreth 1.3 për qind kundrejt një shporte monedhash kryesore, ndërsa në baza vjetore rënia e tij ka arritur afërsisht 10 për qind. Kjo përbën humbjen më të madhe ditore të monedhës amerikane që nga prilli i vitit të kaluar, raporton theguardian.

    Presidenti amerikan, Donald Trump reagoi ndaj zhvillimeve duke deklaruar se dollari “po ecën shumë mirë”, deklaratë që u interpretua nga tregjet si mungesë shqetësimi për dobësimin e monedhës dhe që kontribuoi më tej në presionin negativ mbi dollarin.

    Analistët e lidhin rënien me pasigurinë rreth politikave tregtare, kërcënimet për vendosjen e tarifave të reja dhe tensionet gjeopolitike, si dhe me dyshimet për ndërhyrje politike në politikat e Rezervës Federale.

    Ndërkohë, euroja dhe franga zvicerane janë forcuar ndjeshëm, duke arritur nivele më të larta shumëvjeçare. Edhe ari ka shënuar rritje rekord, duke kaluar nivelin 5200 dollarë për “unce”, pasi investitorët kërkojnë asete të sigurta në kohë pasigurie.

    Ekspertët paralajmërojnë se dobësimi i dollarit mund të vazhdojë edhe në muajt në vijim, nëse pasiguria politike dhe ekonomike në SHBA nuk zbutet.

    Rënia e monedhës amerikane pritet të sjellë përfitime për kompanitë eksportuese, por edhe rritje të çmimeve për mallrat e importuara për konsumatorët amerikanë.

  • Pas arrestimit për ryshfet, Rama pezullon nga puna tre zyrtarët komunalë

    Pas arrestimit për ryshfet, Rama pezullon nga puna tre zyrtarët komunalë

    Kryetari i Prishtinës, Përparim Rama ka njoftuar se ka pezulluar nga puna tre zyrtarë komunalë të cilët u arrestuan dje për marrje ryshfeti.

    Rama ka thënë se pezullimi nga puna të zyrtarëve komunalë do të jetë në fuqi deri në përfundimin e procedurave hetimore dhe gjyqësore.

    Ai ka thënë se institucioni i Kryeqytetit do të bashkëpunojë me organet e drejtësisë dhe do të ndërmerrë të gjitha veprimet e nevojshme administrative në përputhje me ligjin.

    “Njoftoj opinioni publik se, sot, kam marrë vendim për pezullimin nga puna të tre zyrtarëve komunalë, pas arrestimit të tyre! Pezullimi nga puna do të jetë në fuqi deri në përfundimin e procedurave hetimore dhe gjyqësore, ndërkohë që Kryeqyteti rithekson përkushtimin për ligjshmëri, transparencë dhe zero tolerancë ndaj korrupsionit. Institucioni i Kryeqytetit do të bashkëpunojë plotësisht me organet e drejtësisë dhe do të ndërmarrë të gjitha veprimet e nevojshme administrative në përputhje me ligjin. Kryeqyteti mbetet i përkushtuar që shërbimet publike të ushtrohen me integritet dhe përgjegjësi në shërbim të qytetarëve. Askush mbi ligjin!”, ka thënë ai.

  • Përfaqësuesit e “Liria ka Emër” priten nga Gjini në Gjakovë, marrin mbështetje për marshin “Drejtësi, jo politikë” më 17 shkurt

    Përfaqësuesit e “Liria ka Emër” priten nga Gjini në Gjakovë, marrin mbështetje për marshin “Drejtësi, jo politikë” më 17 shkurt

    Përfaqësuesja e platformës Liria ka Emër, Eliza Hoxha, ka vizituar sot Komunën e Gjakovës, e cila përveç takimeve të shumta me qytetarë dhe përfaqësues të shoqërisë civile, është pritur në takim edhe nga Kryetari i Komunës, Ardian Gjini.

    Gjatë takimit, Eliza Hoxha e njoftoi Kryetarin Gjini me misionin e platformës “Liria ka Emër” dhe me aktivitetet në kuadër të fushatës së mobilizimit qytetar për marshin “Drejtësi, jo politikë”, i cili do të mbahet më 17 shkurt në Prishtinë, në mbrojtje të drejtësisë së paanshme dhe të vlerave të luftës çlirimtare.

    Kryetari i Komunës së Gjakovës, Ardian Gjini, shprehu mbështetje të plotë për këtë iniciativë qytetare dhe u bëri thirrje qytetarëve të Gjakovës dhe mbarë Kosovës që të marrin pjesë në marsh.

    “Drejtësia duhet të jetë e paanshme dhe larg çdo ndikimi politik. Marshi ‘Drejtësi, jo politikë’ është një thirrje e drejtë qytetare dhe i ftoj qytetarët e Gjakovës, por edhe të gjithë Kosovën, që më 17 shkurt të jenë pjesë e këtij marshimi paqësor për drejtësi të vërtetë”, ka thënë Gjini.

    Nga ana e saj, përfaqësuesja e platformës, Eliza Hoxha, vlerësoi mbështetjen e dhënë nga Kryetari i Komunës dhe qyteti i Gjakovës.

    “Kur mbështetja për drejtësi vjen nga qytetet me histori të madhe sakrifice si Gjakova, kjo kauzë merr edhe më shumë peshë. Më 17 shkurt, marshojmë bashkë për drejtësi të vërtetë, jo për drejtësi të politizuar”, tha Hoxha.

    Platforma Liria ka Emër tha se do të vazhdojë takimet dhe aktivitetet në të gjitha komunat e Kosovës, me synimin e një mobilizimi sa më të gjerë qytetar për marshin e 17 shkurtit në Prishtinë, nën moton Drejtësi, jo politikë!

  • Manipulimi i votave, Qalaj mbledh kryeprokurorët – kërkon unifikim të hetimeve

    Manipulimi i votave, Qalaj mbledh kryeprokurorët – kërkon unifikim të hetimeve

    Ushtruesi i Detyrës së Kryeprokurorit të Shtetit, Agron Qalaj, ka mbajtur kolegjiumin e rregullt me kryeprokurorët e të gjitha prokurorive dhe përfaqësues nga Zyra e Kryeprokurorit të Shtetit, ku u diskutua trajtimi i rasteve që lidhen me zgjedhjet e parakohshme për Kuvendin e Republikës së Kosovës, të mbajtura më 28 dhjetor 2025.

    Gjatë takimit, Qalaj ka vlerësuar angazhimin e prokurorëve të shtetit gjatë procesit zgjedhor, duke theksuar se institucionet e prokurorisë kanë vepruar me profesionalizëm dhe vigjilencë.

    “Gjatë procesit zgjedhor, prokuroritë kanë vepruar në përputhje me kompetencat ligjore, me qëllim të garantimit të integritetit të procesit zgjedhor dhe mbrojtjes së vullnetit të qytetarëve të shprehur me votë”, ka deklaruar Qalaj.

    Koordinatorja Nacionale për Zgjedhje, prokurorja Laura Pula, ka informuar të pranishmit për koordinimin ndërmjet Koordinatores Nacionale dhe prokurorive, lidhur me rastet kur është evidentuar ose dyshuar për cenim të procesit zgjedhor.

    Ajo ka bërë të ditur se prokuroritë themelore kanë ndërmarrë veprime konkrete në rastet e dyshimeve për keqpërdorim apo falsifikim të votave, duke përfshirë grumbullimin e informatave dhe sigurimin e provave relevante.

    Edhe kryeprokurorët e prokurorive themelore kanë raportuar për veprimet hetimore të zhvilluara, veçanërisht në rastet e dyshimeve për manipulim të votave për kandidatët për deputetë të Kuvendit të Kosovës.

    Në përmbyllje të kolegjiumit, u.d. Kryeprokurori i Shtetit ka kërkuar unifikim të veprimeve dhe praktikave hetimore në të gjitha prokuroritë.

    “Është e domosdoshme që trajtimi i rasteve që ndërlidhen me keqpërdorimin apo falsifikimin e votave të bëhet në mënyrë të unifikuar dhe sa më efikase në nivel vendi”, ka theksuar Qalaj. /Telegrafi/

  • X Scorpio, koncepti i ri i Genesis me 1,100 kuaj-fuqi për aventura jashtë rruge

    X Scorpio, koncepti i ri i Genesis me 1,100 kuaj-fuqi për aventura jashtë rruge

    Genesis, divizioni luksoz i Hyundai-t, ka prezantuar modelin konceptual X Scorpio, një supermakinë e dizajnuar për terrene malore dhe jashtë rrugës, e cila prodhon deri në 1,100 kuaj-fuqi.

    X Scorpio është modeli më i fundit në një seri konceptesh të pazakonta nga Genesis, marka e cila njihet për automjete mbresëlënëse që shpesh nuk arrijnë kurrë në prodhim masiv. Koncepti pason modelin G90 Wingback dhe e çon dizajnin dhe performancën në një nivel edhe më ekstrem.

    Automjeti është përshkruar si një supermakinë për terrene të vështira, madje më e veçantë edhe se Lamborghini Huracan Sterrato. Dizajni i tij unik përfaqëson një qasje të re për Genesis, duke u dalluar dukshëm nga modelet e mëparshme të markës.

    X Scorpio vjen me fellne 18-inç për përdorim standard, ndërsa versioni “off-road” është i pajisur me rrota masive 40-inç, duke e bërë të përshtatshëm për kalimin nëpër duna dhe terrene ekstreme.

    Sipas Genesis, ky koncept është zhvilluar duke pasur parasysh stilin e jetesës luksoze në Lindjen e Mesme, çka shpjegon fokusin e theksuar në performancën jashtë rruge dhe lartësinë e madhe nga toka.

    Edhe pjesa e brendshme është po aq e veçantë, me ekran rrëshqitës, sistem sigurie me katër pika dhe kafaz mbrojtës, duke kombinuar luksin me karakterin sportiv ekstrem.

  • Certifikohen 15 zyrtarë korrektues në Dubravë

    Certifikohen 15 zyrtarë korrektues në Dubravë

    Në Burgun e Dubravës është realizuar certifikimi i 15 zyrtarëve korrektues, të cilët kanë përfunduar me sukses trajnimin për ndihmën e parë.

    Sipas njoftimit zyrtar, ky trajnim është zhvilluar në kuadër të programeve të rregullta të trajnimit të stafit dhe ka pasur për qëllim forcimin e njohurive bazë për reagim të shpejtë në situata emergjente.

    “Shërbimi Korrektues i Kosovës vazhdon të jetë i përkushtuar në zhvillimin profesional dhe edukativ të stafit, duke investuar në trajnime që rrisin sigurinë, përgjegjësinë dhe cilësinë e shërbimit”.