ATV

Blog

  • “Kabare 1999”, premierë sonte në Teatrin e Gjilanit

    “Kabare 1999”, premierë sonte në Teatrin e Gjilanit

    Premiera e shfaqjes muzikore-teatrale “Kabare 1999”, me dramatizim dhe regji nga Zana Hoxha, shfaqet sonte nga ora 20:00 në Teatrin e Qytetit të Gjilanit.

    “Kabare 1999” është një shfaqje teatrore muzikore e vendosur në Kosovën e pasluftës, që ndërthur këngën, humorin e zi, ironinë dhe kujtesën kolektive. E frymëzuar nga “Cabaret”, rrëfimi zhvendoset nga Berlini i viteve ’30 në Prishtinën e vitit 1999, një qytet që mëson të jetojë sërish mes shpresës, lodhjes dhe etjes për jetë pas luftës.

    Në qendër të shfaqjes është Aida, një vajzë që vjen në Prishtinë për të ndjekur karrierën dhe për të ndërtuar një jetë të re. Ditën shkruan, ndërsa natën punon si bariste në “Klub Europa”, një kabare improvizuese ku realiteti dhe performanca përzihen, duke e futur në një trekëndësh dashurie dhe në kërkim të identitetit të saj, klankosova.

    Reprizat e shfaqjes do të jenë më 6 dhe 7 shkurt 2026, gjithmonë duke filluar nga ora 20:00.

  • Përfaqësuesit e “Liria ka Emër” priten nga kryetari i Klinës, marrin mbështetje për marshin: “Drejtësi, jo politikë”, më 17 shkurt

    Përfaqësuesit e “Liria ka Emër” priten nga kryetari i Klinës, marrin mbështetje për marshin: “Drejtësi, jo politikë”, më 17 shkurt

    Përfaqësuesit e platformës “Liria ka Emër”, Eliza Hoxha dhe Ismail Tasholli e kanë vizituar sot Komunën e Klinës, ku janë pritur në NJË takim nga kryetari i kësaj komune, Zenun Elezaj.

    Hoxha dhe Tasholli e kanë njoftuar kryetarin Elezaj me misionin e platformës “Liria ka Emër” dhe me aktivitetet në kuadër të fushatës së mobilizimit qytetar për Marshin “Drejtësi, jo politikë”, i cili do të mbahet më 17 shkurt në Prishtinë, në mbrojtje të drejtësisë së paanshme dhe të vlerave të luftës çlirimtare.

    Ata shprehën mirënjohje për mbështetjen e dhënë nga Kryetari i Klinës.

    “Kur mbështetja për drejtësi vjen nga secila komunë, kjo kauzë merr edhe më shumë peshë. Më 17 shkurt, marshojmë bashkë për drejtësi të vërtetë, jo të politizuar”, tha Hoxha.

    “E falënderojmë kryetarin për pritjen që na e bëri dhe gatishmërinë e tij për ta mbështetur pa rezervë Marshin”, tha Tasholli.

    Kryetari i Klinës, Zenun Elezaj duke theksuar se drejtësia duhet të jetë e paanshme dhe larg çdo ndikimi politik, u zotua për mobilizim gjithëkomunal për këtë Marsh.

    “Marshi “Drejtësi, jo politikë” është një thirrje e drejtë qytetare dhe i ftoj qytetarët e Klinës, por edhe të gjithë Kosovën, që më 17 shkurt të jenë pjesë e këtij marshimi paqësor për drejtësi të vërtetë”, ka theksuar ai.

    Platforma “Liria ka Emër” do të vazhdojë takimet dhe aktivitetet në tërë komunat e Kosovës dhe me të gjithë akterët e rëndësishëm të shoqërisë për mobilizim sa më të gjerë qytetar për Marshin e 17 shkurtit, nën moton “Drejtësi, jo politikë”.

  • Zbulohen shkaqet e pagjumësisë kur ndryshojmë shtrat

    Zbulohen shkaqet e pagjumësisë kur ndryshojmë shtrat

    Një grup neuronësh është përgjegjës për fenomenin e njohur si Efekti i Natës së Parë, mungesa e gjumit kur ndodhemi në një mjedis të panjohur.

    Këto qeliza nervore aktivizohen kur truri përballet me një ambient të ri. Ky mekanizëm ka origjinë nga kohët prehistorike dhe shërbente për mbijetesën e njeriut, duke e mbajtur vigjilent ndaj rreziqeve të panjohura. Sot, një shtojcë e këtij mekanizmi mbrojtës vazhdon të funksionojë tek të gjithë gjitarët, duke u shfaqur veçanërisht kur duam të përshtatemi me një shtrat të ri.

    Efekti i Natës së Parë është i njohur prej dekadash në mjekësi, por shkaku i tij nuk ishte kuptuar deri më tani.

    Ky zbulim, i realizuar nga Nagoya University në Japoni dhe publikuar në revistën e Akademisë Amerikane të Shkencave PNAS, konsiderohet i rëndësishëm. Ai mund të ndihmojë në zhvillimin e medikamenteve të ardhshme kundër pagjumësisë dhe shqetësimeve të ngjashme.

  • Shehu: Me Poloninë do të vendosin detajet, filozofia jonë e lojës si italianët

    Shehu: Me Poloninë do të vendosin detajet, filozofia jonë e lojës si italianët

    Juljan Shehu është i bindur se përballja mes Polonisë dhe Shqipërisë, e vlefshme për “Play Off”-in e Botërorit, do të jetë shumë e balancuar.

    Mesfushori kuqezi analizoi sfidën në një intervistë për mediat polake. Ai tha se “do të vendoset nga detajet. Është një ndeshje e vështirë, pavarësisht se Polonia ka avantazhin që luan përballë tifozëve të saj. Kombëtarja shqiptare ka luajtur tre herë në dy vitet e fundit me Poloninë dhe e njohim mirë njëri-tjetrin. Polonia ka një skuadër shumë të fortë.”

    I pyetur për pikën më të fortë të kuqezinjve të Silvinjos, Shehu tha se nuk është vetëm mesfusha. “Ne nuk kemi vetëm futbollistë të mirë në mesfushë, por në të gjitha repartet. Filozofia jonë është pak a shumë si Italia, duke qenë se shumë lojtarë luajnë aty dhe Sylvinho ka punuar me Mançinin. Sa i përket rolit tim, është ndryshe në Kombëtare dhe në skuadër. Trajneri më kërkon më shumë detyra mbrojtëse.”

    Në fund, nuk munguan batutat mes tij dhe gazetarëve në studio. “Ti mos më uro fat, por unë i uroj fat vetes time dhe Kombëtares shqiptare,” tha mesfushori.

    Ndeshja mes Polonisë dhe Shqipërisë do të luhet më 26 mars në Varshavë. Në rast kualifikimi, kuqezinjtë do të përballen me fituesin e çiftit Suedi–Ukrainë.

  • Probleme të Mbrojtjes për Liverpoolin Para Ndeshjes Kundër Manchester Cityt

    Probleme të Mbrojtjes për Liverpoolin Para Ndeshjes Kundër Manchester Cityt

    Liverpooli shpreson që Joe Gomez të rikthehet në stërvitje para përballjes së së dielës kundër Manchester Cityt në Premierligë, ndërsa Jeremie Frimpong mbetet ende jashtë fushave.

    Gomez pësoi një lëndim në ijë pas një përplasjeje aksidentale me bashkëlojtarin Alisson Becker gjatë humbjes dramatike ndaj Bournemouth muajin e kaluar. Si pasojë, mbrojtësi mungoi në fitoren 6-0 në Ligën e Kampionëve kundër Qarabag dhe në triumfin 4-1 ndaj Newcastle në kampionat, por mund të rikthehet në skuadër për ndeshjen e rëndësishme në “Anfield”.

    Ndërkohë, mbrojtësi i djathtë Frimpong vazhdon të jetë i padisponueshëm pasi u detyrua të largohej herët nga loja kundër Qarabag për shkak të një problemi në ijë dhe pritet të mungojë për disa javë.

    “Jeremie Frimpong nuk është i gatshëm për fundjavën. Për Joe Gomez shpresojmë që të stërvitet të shtunën dhe ndoshta mund të jetë i disponueshëm për të ndihmuar në ndeshje, sepse nuk kemi shumë mbrojtës në dispozicion,” tha trajneri i Liverpoolit, Arne Slot, në konferencën për shtyp para ndeshjes me Cityn të enjten.

    Liverpooli ka pasur mungesa të dukshme në mbrojtje kohët e fundit. Mesfushori Ryan Gravenberch u detyrua të luante në qendër të mbrojtjes përkrah kapitenit Virgil van Dijk kundër Qarabag, ndërsa Wataru Endo u aktivizua si mbrojtës i djathtë pas daljes së hershme të Frimpongut.

  • Dashuri, punë dhe fat i mirë, horoskopi i së enjtes për të gjitha shenjat

    Dashuri, punë dhe fat i mirë, horoskopi i së enjtes për të gjitha shenjat

    Dashi
    E enjtja do të jetë mjaft pozitive, ku Venusi do të ndikojë në dashuri dhe do ta favorizojë këtë aspekt. Ky është momenti i duhur për të shprehur idetë dhe projektet tuaja. Në punë do të ketë mundësi të shumta, por kjo mund t’ju sjellë pak tension.

    Demi
    Në dashuri mund të ketë momente tensioni. Kujdes duhet treguar me të lindurit e shenjës së Luanit dhe Ujorit, ku mund të lindin disa probleme. Yjet do të jenë të favorshme në punë, duke ofruar mundësi rikuperimi dhe rimarrje të situatës në dorë.

    Binjakët
    Mundohuni të gjeni një moment për relaks. Dashuria do të jetë e favorshme dhe do të keni mundësi të bëni projekte premtuese. Kujdes me punën dhe mos lejoni që problemet e saj të ndikojnë në sferat e tjera të jetës suaj.

    Gaforrja
    Dashuria do të jetë mjaft e favorshme, si për lidhjet e reja, ashtu edhe për rikuperimin e një raporti ekzistues. Në punë duhet të ruani qetësinë para se të merrni vendime të rëndësishme.

    Luani
    Qielli favorizon dashurinë. Një histori mund të rikuperohet, ose mund të lindë një lidhje e re. Situata do të jetë e favorshme edhe në punë.

    Virgjëresha
    Në dashuri duhet të tregoheni të kujdesshëm pasi mund të përfshiheni në dy histori njëkohësisht. Në punë do t’ju duhet të merrni vendime të rëndësishme.

    Peshorja
    Nëse nuk i duroni dot më disa persona, mund të ndryshoni sjellje ose të jeni më pak të durueshëm. Në dashuri ndiheni të qetë dhe keni arritur disa përfundime. Në punë mund të ketë zhvillime premtuese.

    Akrepi
    Mund të keni pasur probleme në çift kohët e fundit, por tani ka mundësi për përmirësim. Kujdes me financat dhe shmangni shpenzimet e tepërta. Mund të ndjeni lodhje, ndaj gjejini moment për relaks.

    Shigjetari
    Ky është momenti ideal për të zgjeruar rrethin miqësor dhe për njohje të reja. Mërkuri do të ndikojë pozitivisht në financa dhe në punë mund të fitoni diçka më shumë.

    Bricjapi
    E enjtja do të ketë ritmin e duhur. Në dashuri gjërat do të ecin më mirë, por mund të ndiheni pak të pasigurt me veten. Fokusohuni tek e tashmja dhe shmangni mendimet për të kaluarën. Në punë kërkohet qetësi.

    Ujori
    Dashuria do të jetë e favorizuar, pasi Venusi do të jetë në anën tuaj. Në punë diçka do të lëvizë dhe do të merrni atë që dëshironi. Disa gjëra kanë nevojë për ndryshim radikal.

    Peshqit
    E enjtja mund të jetë e mbushur me nervozizëm dhe dyshime. Në dashuri gjërat janë të komplikuara, ndaj ruani qetësinë dhe mos bëni asgjë të nxituar. Në punë problemet e fundit mund të zgjidhen dhe gjërat do të ecin më mirë.

  • Vazhdon beteja e Bekim Haxhiut me KQZ-në, ka gati dy ankesa të reja

    Vazhdon beteja e Bekim Haxhiut me KQZ-në, ka gati dy ankesa të reja

    Kandidati për deputet nga radhët e Partisë Demokratike të Kosovës, Bekim Haxhiu, do të deponojë sot në Gjykatë Supreme dy ankesa, lidhur me procesin zgjedhor të 28 dhjetorit.

    Në një deklarim për IndeksOnline, Haxhiu ka konfirmuar se ankesat po i bën konform afatit të caktuar ligjor, teksa ankesat kanë të bëjnë me dy çështje të rëndësishme që përkojnë me rezultatin përfundimtar dhe ndarjen e mandateve.

    “KQZ-ja ka futur në rezultatin zgjedhor 23 mijë e 232 pako me fletëvotime të cilat janë administruar jashtë afatit ligjor, me një vendim që KQZ-ja ka nxjerrë kundërligjshëm dhe në kundërshtim me ligjin për zgjedhjet neni 96, pika 2. Si të tilla, nuk mund të baraz-vlerësohen edhe votat e vlefshme, edhe votat e pavlefshme, të ardhura pas afatit ligjor. Procesi zgjedhor duhet të jetë i drejtë, i matshëm në kohë, dhe jo kështu i cenueshëm, ku votat që kanë mbërritur pas afatit ligjor prej 7 deri në 1 ditë, të procedohen dhe futën në rezultatin zgjedhor. Kjo ka cenuar edhe barazinë e votuesve, edhe barazinë e votave të vlefshme” deklaroi Haxhiu.

    Arsyeja e dytë e ankesës është gabimi në përllogaritjen e mandateve të deputetëve.

    “Sipas votave të fituara, unë jam i renditur në numrin 20 me votat e fituara, në një subjekt që ka fituar 22 mandate. Përllogaritja e kuotës gjinorë është duke u bërë gabim nga KQZ-ja, sepse nuk ka pasur në konsideratë as ligjvënësi, as KQZ-ja, që prej miratimit të ligjit të ri për zgjedhje duhet të balancohet me ligjin për barazi gjinore, që është ligj special që garanton përfaqësimin 50:50. Kjo do të duhej të praktikohej qysh në fazën e kandidimit, që të jetë e barabartë” shtoi Haxhiu.

    Ai thotë se është cenim i barazisë së votës kur dikush me më shumë se 21 mijë vota nuk mund të bëhet deputet, e dikush me 9 mijë vota mund të bëhet deputete.

    “Unë besoj që Gjykata Supreme do të merret me ritëm të çështjes, pasi PZAP-ja është marrë me ankesa vetëm në mënyrë formale, nën arsyetimet e KQZ-së në aspektin administrativ. Është e vërtetë që, në dy ankesat të cilat i kam parashtruar, ankesa e cila ka qenë për përllogaritjet e gabuara, vet PZAP-ja deklaroi që KQZ-ja nuk ka mandat për të ndryshuar normat ligjore. Ndërsa, ankesën e parë e arsyeton me ndryshimin e normave ligjore nga KQZ-ja. Duhet kuptuar që KQZ-ja është organ administrativ ligj zbatues dhe jo ligjvënës. KQZ-ja nuk ka të drejtë të ndryshojë ligjin” përfundoi Haxhiu.

  • 10 zakone të përditshme që mund t’i dëmtojnë trurin tuaj

    10 zakone të përditshme që mund t’i dëmtojnë trurin tuaj

    Truri ynë është organi më i rëndësishëm në trup duke kontrolluar gjithçka që bëjmë si frymëmarrjen ecjen ngrënien dhe gjumin Ai shërben si procesori qendror për funksionet tona dhe interpreton gjithçka që shohim dhe dëgjojmë Megjithatë shumë zakone të përditshme mund të dëmtojnë funksionin e trurit

    Pirja e duhanit shkakton tkurrje të trurit dhe rrit rrezikun për sëmundjen e Alzheimerit Të folurit rrallë redukton stimulimin mendor pasi bisedat intelektuale janë stërvitje për trurin

    Mosngrënia e mëngjesit dëmton trurin sepse pas gjumit ai ka nevojë për lëndë ushqyese dhe ulja e sheqerit në gjak ndikon negativisht në funksionin mendor Teprimi në ushqim shkakton ngurtësim të arterieve të trurit dhe ul aftësitë mendore

    Konsumimi i tepërt i sheqerit ndërpret thithjen e proteinave dhe ushqyesve dhe pengon zhvillimin e trurit Cilësia e dobët e ajrit ul nivelin e oksigjenit dhe pengon funksionin normal të trurit

    Fjetja me kokë të mbuluar rrit dioksidin e karbonit dhe ul marrjen e oksigjenit duke dëmtuar qelizat e trurit Mosangazhimi në aktivitete që stimulojnë mendimin e thellë bën që truri të tkurr Leximi shikimi i dokumentarëve apo lojërat puzzle ndihmojnë në ruajtjen e efikasitetit mendor

    Puna kur jeni të sëmurë ndikon negativisht sepse trupi dhe mendja kanë nevojë për pushim Mungesa e gjumit përshpejton vdekjen e qelizave të trurit duke zvogëluar kujtesën dhe aftësitë mendore Gjumi i mirë natën rreth tetë orë është thelbësor për shëndetin e trurit dhe pastron toksinat e grumbulluara gjatë ditës

  • KQZ-ja tregon se kur do të bëhet certifikimi i rezultateve të zgjedhjeve të 28 dhjetorit

    KQZ-ja tregon se kur do të bëhet certifikimi i rezultateve të zgjedhjeve të 28 dhjetorit

    Komisioni Qendror i Zgjedhjeve nuk ka dhënë një datë të saktë se kur ky institucion do të thërrasë mbledhjen e radhës për certifikimin e rezultateve të zgjedhjeve të parakohshme për Kuvendin e Kosovës, të cilat janë mbajtur, më 28 dhjetor 2025.

    Zëdhënësi i KQZ-së, Valmir Elezi, ka thënë për Indeksonlinen se procesi zgjedhore ndodhet në fazën e ankesave dhe se ky institucion duhet të presë përfundimin e tyre.

    “Aktualisht, procesi zgjedhor ndodhet në fazën e ankesave ndaj rezultateve përfundimtare të shpallura nga KQZ-ja, më 31 janar 2026. Sipas Ligjit për zgjedhjet e përgjithshme, palët kanë të drejtë të ankimojnë vendimet e PZAP-it në Gjykatën Supreme, ndërsa afati për paraqitjen e ankesave përfundon sot. Komisioni Qendror i Zgjedhjeve do të presë derisa vendimet të bëhen të plotfuqishme dhe më pas do të procedojë me certifikimin e rezultateve përfundimtare të zgjedhjeve të parakohshme për Kuvendin e Kosovës, të mbajtura, më 28 dhjetor 2025”, tha Elezi.

    Zgjedhjet e parakohshme për Kuvendin e Kosovës të 28 dhjetorit, janë mbajtur para 40 ditësh.

  • Eksperte: Një pyetje e thjeshtë mund të përmirësojë menjëherë marrëdhënien tuaj

    Eksperte: Një pyetje e thjeshtë mund të përmirësojë menjëherë marrëdhënien tuaj

    Një psikiatre e Harvardit pohon se një pyetje e thjeshtë për partnerin tuaj mund të përmirësojë ndjeshëm marrëdhënien. Një bisedë e hapur rreth asaj që na bën të ndihemi të dashur ndihmon çiftet të kuptojnë më mirë njëri-tjetrin dhe të lidhen emocionalisht.

    Ashwini Nadkarni, profesoreshë asistente e psikiatrisë në Harvard, thotë se një pyetje e shkurtër mund të hapë derën për mirëkuptim më të thellë midis partnerëve dhe të përmirësojë marrëdhënien, edhe nëse jeni bashkë prej vitesh.

    Sipas saj, shumë çifte mendojnë se e njohin mirë njëri-tjetrin, por shpesh nuk e dinë se çfarë e bën partnerin të ndihet i dashur dhe i veçantë. Për këtë, Nadkarni këshillon thjesht të pyesni partnerin: “Çfarë të bën të ndihesh më i dashur?”

    Kjo bisedë ndihmon partnerët të zbulojnë “gjuhën e dashurisë” – mënyrat se si një individ tregon dhe pranon dashuri, qoftë përmes favoreve të vogla, kohës së cilësisë apo vëmendjes së përqendruar.

    Në vend të hamendësimeve dhe frustrimeve, biseda e hapur lejon të dy partnerët të kuptojnë më mirë nevojat e njëri-tjetrit dhe të ndihen të vlerësuar.

    Dr. Nadkarni thekson se të dy partnerët duhet t’i përgjigjen pyetjes dhe të rikthehen te tema herë pas here, pasi përgjigjet mund të ndryshojnë me kalimin e kohës dhe ndryshimet në jetën e përbashkët.

    Ajo shton se një bisedë e sinqertë rreth ndjenjave mund t’i afrojë çiftet në mënyra që pesë vjet marrëdhënie mund të mos arrijnë, dhe një mirëkuptim më intim shpesh çon në një marrëdhënie më të fortë dhe më të sigurt.