ATV

Blog

  • Iku pasi goditi një këmbësor në Shtime, shoferi arrestohet pas 5 ditësh

    Iku pasi goditi një këmbësor në Shtime, shoferi arrestohet pas 5 ditësh

    Është arrestuar shoferi i cili më 4 shkurt në magjistralen Shtime-Lipjan, konkretisht në fshatin Davidoc, goditi me veturë një këmbësor.

    Pas goditjes së këmbësorit, shoferi i automjetit nuk është ndalur në vendin e ngjarjes, por ishte larguar në drejtim të panjohur.

    I lënduari, mashkull i moshës 46 vjeç, fillimisht ka pranuar ndihmë mjekësore në Qendrën e Mjekësisë Familjare në Shtime, më pas është dërguar në Qendrën Emergjente në Ferizaj, ndërsa për tretman të mëtejmë mjekësor është transferuar në Qendrën Klinike Universitare të Kosovës dhe është liruar dhe është jashtë rrezikut për jetë.

    “Pas një pune intensive hetimore, shikimit të kamerave të sigurisë nga njësitet policore, me datën 08.02.2026, rreth orës 18:30, është bërë i mundur identifikimi i shoferit dhe i automjetit që dyshohet se ka shkaktuar aksidentin. I dyshuari është: A. A., 41 vjeç, shtetas i Republikës së Kosovës, automjeti: VË Golf, ngjyrë e zezë, me targa vendore. Sot, me datën 09.02.2026 i dyshuari është intervistuar nga hetuesit policorë të aksidenteve dhe me vendim të prokurorit të shtetit, është liruar në procedurë të rregullt për hetime të mëtejme, për veprën penale ‘Shkaktim i aksidentit të trafikut me lëndime trupore’”, thuhet në njoftim.

  • Këto ushqime nuk duhet të hani kur pini ilaçe

    Këto ushqime nuk duhet të hani kur pini ilaçe

    Zakonisht thuhet që shumë ilaçe duhet të merren dhe me ushqime, për të mbrojtur stomakun tuaj. Por a e dini se disa ushqime dhe pije duhen shmangur me çdo kusht?

    Kjo ndodh pasi ato mund të ndryshojnë mënyrën se si përthith disa ilaçe trupi juaj, në disa raste i bëjnë joefektive.

    Disa ilaçe janë krijuar të përthithen ngadalë, dhe disa ushqime e përshpejtojnë këtë proces. Ose dhe e kundërta, disa ushqime japin mundësinë që të përthithen më shumë se çfarë duhet nga ilaçet, që mund të kenë efekte anësore të rrezikshme.

    Kur merr ilaçe është gjithmonë më mirë të konsultoheni me doktorin për atë se çfarë mund të bëni dhe çfarë jo.

    Këto janë ushqimet që duhet të konsumoni kur pini ilaçe:

    Djathë dhe mish me antibiotik: Nëse jeni duke marrë monoamine oxidase për depresionin duhet të shmangni përdorimin e djathit dhe mishit, po kështu edhe linezoidi, antibiotik që kuron pneumoninë.

    Qumësht, antibiotik dhe ibuprofen- Kalciumi i qumështit mund të ndikojë në disa antibiotikë si tetraciklina që kuron aknet, malarien apo kolerën. Duhet të jeni të kujdesshëm dhe nëse ilaçet përmbajnë ciprofloxacin dhe doxycycline, që përdoren për të trajtuar infeksionet bakteriale.

    Alkool dhe antihistamina- Reagimet ndërmjet alkoolit dhe këtyre medikamenteve, mund të jetë toksik, por mund të ndryshojë efektin e ilaçit dhe të rrisë efektet anësore.

    Pije të gazuara dhe ibuprofen- Pijet e gazuara janë me dioksid karboni, dhe dëmtojnë mjaft me ilaçe që janë me veshje, siç është ibuprofeni. Acidet dëmtojnë veshjet e disa ilaçeve, që do të thotë që shpërbëhen para se të arrijnë objektivin.

  • Kryeprokurori Kryeziu autorizon hetime për manipulim votash edhe në Dragash

    Kryeprokurori Kryeziu autorizon hetime për manipulim votash edhe në Dragash

    Prokuroria Themelore në Prizren ka nisur hetime lidhur me procesin e rinumërimit të votave në Qendrën Komunale të Numërimit në Dragash, pas informacioneve të publikuara në opinion.

    Në bashkëpunim me Policinë e Kosovës – Drejtorinë për Hetimin e Krimeve Ekonomike dhe Korrupsion në Prizren, dhe me autorizim të kryeprokurorit Petrit Kryeziu, hetimet janë iniciuar me vetiniciativë, ndërsa tashmë janë duke u zhvilluar veprime konkrete hetimore në Komunën e Dragashit.

    Nga Prokuroria përmes një komunikate bëjnë të ditur se hetimet kanë të bëjnë me dyshime për kryerjen e veprave penale që lidhen me shkeljen e të drejtave të votimit.

    Nga Prokuroria Themelore në Prizren kanë thënë se gjatë ditës së sotme do të intervistohen persona të dyshuar në polici, ndërsa pas përfundimit të këtyre veprimeve pritet të publikohet një njoftim shtesë me detaje mbi rrjedhën e hetimeve dhe hapat e mëtejmë proceduralë.

  • Almir Kryeziu shpallet “Ylli I Javës”për xhiron e 19-të në Albi Mall Superligë

    Almir Kryeziu shpallet “Ylli I Javës”për xhiron e 19-të në Albi Mall Superligë

    Futbollisti i Ballkanit Almir Kryeziu është shpallur “Ylli i Javës”për xhiron e 19-të të Alb Mall Superligës së Kosovës në futboll.

    Sulmuesi anësor ishte ndër më të mirët në fitoren e ekipi suharekas kundër Gjilanit,ku Kryeziu shënoi një gol dhe asistoi në fitoren 2:1.

    Përndryshe Kryeziu ka folur për fitimin e këtij çmimi,duke u shprehur i lumtur që është shpallur më i miri i xhiros së 19-të.

    “Falënderoj Federatën e Futbollit të Kosovës për vlerësimin si më i miri i xhiros, bashkëlojtarët dhe stafin e trajnerëve, sepse pa ta do të ishte e pamundur kjo performancë e imja”

    Kujtojmë që Ballkani pas xhiros së 19-të në Albi Mall Superligë është lider me 36 pikë të grumbulluara.

  • ‘Ju filloni, ne e përfundojmë’: Irani zbulon hartën që tregon objektivat brenda Tel Avivit

    ‘Ju filloni, ne e përfundojmë’: Irani zbulon hartën që tregon objektivat brenda Tel Avivit

    Një billboard në Sheshin Palestinë në qendër të Teheranit thuhet se vinte me kërcënime me sulme hakmarrëse me raketa balistike ndaj Izraelit nëse IDF ose ushtria amerikane sulmojnë Iranin.

    Fotografitë, të shpërndara edhe në mediat sociale të dielën, thuhet se tregojnë një hartë të Izraelit qendror, me objektiva kyçe të theksuara.

    Aty përfshihen Aeroporti Ben-Gurion, selia e bazës Kirya të IDF në Tel Aviv, baza e Drejtorisë së Inteligjencës së IDF në Glilot, pranë Herzliya, dhe vende të tjera strategjike në të gjithë zonën.

    Billboardi tregon gjithashtu një tavolinë ushtarake me një buton të kuq të ndezur “ZJARR”, një aeroplan luftarak, dy raketa balistike dhe një radio, së bashku me shënime politike.

    “Ju filloni… Ne e përfundojmë”, shkruhet në titullin e billboardit në anglisht.

    Kujtojmë se diplomatët amerikanë dhe iranianë zhvilluan bisedime indirekte në Oman të premten, me qëllim ringjalljen e diplomacisë mes një grumbullimi detar të SHBA-së pranë Iranit dhe premtimeve të Teheranit për një përgjigje të ashpër nëse sulmohet.

    Në qershor, SHBA-të sulmuan objektet bërthamore iraniane në fund të një fushate 12-ditore bombardimi izraelite.

    Teherani që atëherë ka thënë se ka ndaluar aktivitetin e pasurimit, të cilin SHBA-të e shohin si një rrugë të mundshme drejt bombave bërthamore. Irani thotë se programi i tij bërthamor është vetëm për qëllime paqësore.

  • Djali i Thaçit ripërsërit thirrjen për pjesëmarrje në marshin e 17 shkurtit

    Djali i Thaçit ripërsërit thirrjen për pjesëmarrje në marshin e 17 shkurtit

    Djali i ish-presidentit Hashim Thaçi, Endrit Thaçi ka ripërsëritur thirrjen për pjesëmarrje në marsh.

    Ky marsh do të mbahet në Sheshin “Skënderbeu” në Prishtinë, me fillim nga ora 14:00.

    “Drejtësi, jo politikë”, organizohet nga platforma “Liria ka Emër”.

  • Ankesat kundër PZAP-së drejt fundit, Supremja publikon vendimet sot

    Ankesat kundër PZAP-së drejt fundit, Supremja publikon vendimet sot

    Gjykata Supreme ka njoftuar se ka shqyrtuar të gjitha ankesat kundër vendimeve të Panelit Zgjedhor për Ankesa dhe Parashtresa për rezultatin zgjedhor pas rinumërimit të votave.

    Brenda ditës pritet të përfundojë përpilimi i vendimeve dhe dorëzimi i tyre te palët, ka bërë të ditur udhëheqësja e Zyrës për Informim dhe Komunikim me Media në Gjykatën Supreme, Antigona Uka-Lutfiu.

    Supremja ka shqyrtuar gjashtë ankesa kundër vendimeve të PZAP-së.

    Dy ankesa janë bërë nga kandidati i Partisë Demokratike të Kosovës (PDK), Bekim Haxhiu, një nga Partia Rome e Bashkuar e Kosovës, një nga koalicioni PAI-PDAK-LPB, një nga Emilia Rexhepi dhe një nga Partia e Re Demokratike (Nova Demokratski Stranka, Prizren).

    Nëse edhe Supremja i refuzon, atëherë i hapet rruga certifikimit të rezultateve.

    Pas certifikim, brenda 30 ditësh duhet të thirret seanca për konstituimin e Kuvendit.

    Nga shtatë ankesat e dërguara në PZAP, ky organ ka pranuar vetëm atë të Listës Serbe e cila qe ankuar ndaj vendimit të KQZ-së për mosshpalljen e rezultateve përfundimtare të këtij subjekti.

  • Shantazhonte një 26-vjeçare për 100 mijë euro, Policia e Tiranës arreston 37-vjeçarin nga Kosova

    Shantazhonte një 26-vjeçare për 100 mijë euro, Policia e Tiranës arreston 37-vjeçarin nga Kosova

    Policia e Tiranës ka finalizuar me sukses operacionin e koduar “Privatësia”, duke arrestuar një shtetas kosovar i cili dyshohet se ka shantazhuar një të re, me qëllim përfitimin e shumës prej 100 mijë euro.

    Sipas njoftimit zyrtar të Policisë së Shtetit, specialistët e Seksionit për Hetimin e Krimeve ndaj Pronës ndërhynë menjëherë pas marrjes së indicieve se një shtetas po kërcënonte një 26-vjeçare përmes thirrjeve dhe mesazheve në një platformë komunikimi, duke i kërkuar shumën e lartë të parave në këmbim të mos publikimit në rrjete sociale të fotove dhe videove me përmbajtje intime, shkruan Gazeta Online Reporteri.net.

    Në kuadër të veprimeve hetimore dhe operacionale, u identifikua, kap dhe arrestua autori i dyshuar H. L., 37 vjeç, banues në Kosovë.

    Sipas Policisë, materialet procedurale i janë referuar Prokurorisë së Tiranës, për veprime të mëtejshme ligjore, ndërsa shtetasi i arrestuar akuzohet për veprën penale “Shtrëngimi me anë të kanosjes ose dhunës për dhënien e pasurisë”.

    Policia bën të ditur se hetimet vijojnë për të zbardhur plotësisht rrethanat e rastit dhe për të dokumentuar çdo element tjetër të veprimtarisë kriminale.

  • Mercedes po vjen me një tjetër automjet elektrik

    Mercedes po vjen me një tjetër automjet elektrik

    Mercedes-AMG mbetet i përkushtuar ndaj automjeteve elektrike dhe SUV.

    Kjo nuk është çudi duke pasur parasysh se SUV-të përbëjnë më shumë se gjysmën e vëllimit global të shitjeve të prodhuesit të automjeteve.

    Lajmi i mirë këtu, për fansat e AMG, është se prodhuesi i veturave e kupton që një SUV elektrik ka nevojë për fuqi të madhe.

    SUV-i i ardhshëm AMG EV duhet të ofrojë fuqi në rangun katërshifror.

    Mercedes-AMG është parë tashmë duke testuar SUV-in e vet elektrik.

    Ky model i ardhshëm do të përdorë platformën AMG.EA, e krijuar posaçërisht për automjetet elektrike me performancë të lartë të gjeneratës AMG.

    Thashethemet thonë se SUV-të e ardhshëm të AMG do të kenë një strukturë të ngjashme me atë që Mercedes paraqiti në konceptin GT XX.

    Kjo do të thotë një konfigurim me tre motorë, qeliza baterie cilindrike me ftohje të drejtpërdrejtë dhe një arkitekturë 800 volt për karikim të shpejtë.

    Koncepti GT XX prodhon 1,340 kuaj fuqi.

  • Pse duhet të vendosni pastë dhëmbësh në makinën e larjes?

    Pse duhet të vendosni pastë dhëmbësh në makinën e larjes?

    Vendosja e pastës së dhëmbëve në lavatriçe mund të tingëllojë e çuditshme, por sipas entuziastëve të pastrimit të shtëpisë, ajo ka një përfitim të papritur. Ndoshta keni provuar gjithçka për ta pastruar lavatriçen, nga soda e bukës deri te kimikatet e shtrenjta, por pa rezultat.

    Në TikTok, një person me një llogari pastrimi shtëpiak me emrin @jessicamay_home ka ndarë një truk të shpejtë dhe efektiv që mund ta provoni edhe vetë. Ajo thotë se pasta e dhëmbëve, e përdorur së bashku me limon, është mënyra perfekte për ta bërë lavatriçen të duket si e re.

    Ajo thotë:

    “Pastrimi me limonë është një mënyrë shumë e mirë, pa kimikate dhe e lehtë për të pastruar shumë gjëra në shtëpi”.

    Ajo shton:

    “Përdorni pastë dhëmbësh dhe një limon për të pastruar lavatriçen, për të hequr aromat e këqija dhe për ta lënë atë të shkëlqejë”.

    Duke vepruar kështu, mund të hiqni papastërtitë dhe grumbullimet e mbetjeve, ndërsa lavatriçja do të mbajë një aromë të freskët menteje.

    Në një blog të quajtur Home Talk, një grua e ka testuar këtë metodë. Ajo thotë se duhet të filloni duke prerë një limon dhe duke i vendosur pastë dhëmbësh mbi të.

    Ajo shpjegon se limonët, për shkak të acidit citrik që përmbajnë, ndihmojnë në shpërbërjen e depozitave minerale, ndërsa pasta e dhëmbëve përmban gërryes dhe detergjentë të butë. Së bashku, këto krijojnë kombinimin ideal për të fshirë papastërtitë dhe njollat.

    Si një truk shtesë, mund të vendosni sodë buke dhe uthull në gomën e derës së lavatriçes përpara se të nisni ciklin e larjes.

    Vendoseni limonin me pastë dhëmbësh brenda lavatriçes dhe më pas ndizni një cikël larjeje me temperaturë të lartë.

    Gruaja thotë se kjo metodë e provuar ishte një sukses i madh për të. Ajo shprehet:

    “Kjo është një shtesë fantastike në listën time të këshillave për pastrim pa kimikate, duke ofruar një alternativë freskuese ndaj detergjentëve komercialë”.

    Pas përdorimit, limonët mund t’i hiqni dhe, në vend që t’i hidhni, mund t’i shtoni në kompostin tuaj, sipas House Digest.

    Edhe pse kjo metodë pastrimi mund të duket e çuditshme, ata që e kanë provuar në rrjetet sociale janë kryesisht të impresionuar nga rezultatet.

    Duke e provuar këtë metodë në shtëpinë tuaj, mund ta bëni lavatriçen tuaj të shkëlqejë si e re.