ATV

Blog

  • Qeveria miraton themelimin e Këshillit Shtetëror për shënimin e 28-vjetorit të Epopesë së UÇK-së

    Qeveria miraton themelimin e Këshillit Shtetëror për shënimin e 28-vjetorit të Epopesë së UÇK-së

    Kryeministri i Kosovës, Albin Kurti, ka bërë të ditur se në mbledhjen e sotme të Qeveria e Kosovës është paraparë themelimi i Këshillit Shtetëror për shënimin e 28-vjetorit të Epopesë së Ushtria Çlirimtare e Kosovës.

    Duke folur për rëndësinë e muajve shkurt dhe mars në historinë e vendit, Kurti theksoi simbolikën e kësaj periudhe.

    “Shkurti është muaj feste shtetërore dhe krenarie qytetare. Marsi është muaji i lavdisë historike dhe nderimit të sakrificës. Në kalendarin vjetor, shkurti vjen para marsit, por në kalendarin e historisë sonë, shkurti ishte pas marsit”, tha ai.

    Në këtë mbledhje, Qeveria ka miratuar edhe Këshillin Organizativ për Epopenë e UÇK-së.

    Kryesues i Këshillit është ministri i Mbrojtjes, Ejup Maqedonci, ndërsa bashkëkryesues është Andin Hoti. Anëtar i Këshillit është edhe Sami Lushtaku.

    Anëtarë të tjerë të Këshillit janë Elbert Krasniqi, Bashkim Jashari dhe Gazmend Hoxha.

    Këshilli pritet të koordinojë aktivitetet dhe organizimet për shënimin e 28-vjetorit të Epopesë së UÇK-së.

  • LAJM I FUNDIT! – Eric Dane, Ylli i “Grey’s Anatomy”, ndërron jetë në moshën 53-vjeçare!

    LAJM I FUNDIT! – Eric Dane, Ylli i “Grey’s Anatomy”, ndërron jetë në moshën 53-vjeçare!

    Hollywood-i është në zi pas humbjes së aktorit të dashur Eric Dane, i njohur më së shumti për rolin e Dr. Mark “McSteamy” Sloan në “Grey’s Anatomy” dhe për interpretimin e tij të fuqishëm në “Euphoria”.

    Sipas deklaratave zyrtare të familjes dhe raportimeve të mediave ndërkombëtare, Dane ndërroi jetë më 19 shkurt 2026, në moshën 53-vjeçare, pas një beteje me sklerozën laterale amiotrofike (ALS), një sëmundje progresive neurodegjenerative e njohur edhe si “sëmundja e Lou Gehrig”.

    Eric Dane u bë emër i njohur në mesin e viteve 2000 falë rolit të tij karizmatik si Dr. Sloan në “Grey’s Anatomy”, duke u kthyer shpejt në një nga personazhet më të dashur të serialit. Në vitet e fundit, ai mori vlerësime për rolin e Cal Jacobs në “Euphoria”, ku tregoi një anë më të errët dhe komplekse të talentit të tij aktorial.

     

    Në prill 2025, Dane bëri publike diagnozën e tij me ALS, duke tronditur fansat në mbarë botën. Megjithatë, ai nuk u tërhoq nga jeta publike përkundrazi, përdori zërin e tij për të rritur ndërgjegjësimin për sëmundjen dhe për të mbështetur kërkimet shkencore.

    ALS prek qelizat nervore që kontrollojnë muskujt, duke çuar gradualisht në humbje të lëvizjes, të të folurit dhe në fund të frymëmarrjes.

    Sipas familjes së tij, aktori kaloi momentet e fundit i rrethuar nga më të dashurit e tij, përfshirë bashkëshorten, aktoren Rebecca Gayheart e dy vajzat e tyre.

    Homazhet nga kolegë dhe fansa kanë vërshuar në rrjete sociale, duke kujtuar ngrohtësinë, talentin dhe ndikimin e tij në industrinë e argëtimit. Familja ka kërkuar privatësi gjatë kësaj periudhe të vështirë.

    Eric Dane lë pas një trashëgimi të fuqishme artistike dhe një kujtim që do të mbetet gjatë në zemrat e fansave në mbarë botën.

  • ​FIFA kërkon ndryshimin e rregullit të ‘ligjit Prestianni’ pas incidentit me Vinicius Jr

    ​FIFA kërkon ndryshimin e rregullit të ‘ligjit Prestianni’ pas incidentit me Vinicius Jr

    Shtëpia e futbollit botëror, FIFA pritet të sjellë një ligj të ri pas akuzave ndaj Gianluca Prestiannit për një koment racist ndaj Vinicius Jr.

    Braziliani shënoi golin e vetëm të ndeshjes, ndërsa Real Madridi mundi Benficën 0-1 në ndeshjen e parë të ‘play-off’-it të Ligës së Kampionëve, por heroizmat e tij u eklipsuan nga një vërejtje e supozuar raciste nga Prestianni.

    Menjëherë pasi gjeti rrjetën në mënyrë të shkëlqyer, Vinicius vrapoi te gjyqtari për t’u ankuar për një koment nga Prestianni dhe protokolli anti-racizëm u aktivizua për të sjellë një ndërprerje 10-minutëshe.

    Kylian Mbappe pretendoi se e dëgjoi Prestiannin, i cili mbuloi gojën me bluzën e tij, të përdorte fjalën “majmun ” dhe kërkoi pezullim nga ndeshja e kthimit.

    UEFA njoftoi se po hetonte “akuzat për sjellje diskriminuese” dhe sipas Sky Sports, procesi mund të zgjasë deri në tre javë – që do të thotë se argjentinasi mund të luajë në ndeshjen e kthimit në Santiago Bernabeu.

    Por incidenti mund të shkaktojë futjen e një rregulli të ri në lojë. Ish-mbrojtësi i Manchester United dhe Arsenal, Mikael Silvestre, anëtar i Panelit të Zërit të Lojtarëve të FIFA-s prej 16 anëtarësh, ka zbuluar se ka diskutime rreth dënimeve për lojtarët që bëjnë një përpjekje të qartë për të mbuluar gojën e tyre.

    “Grupi ynë në WhatsApp ishte në zjarr dhe po përpiqemi të gjejmë mënyra për të sanksionuar lojtarët që flasin duke mbuluar gojën”, ka fillimisht ai për Sky Sports.

    “Është një gjë të flasësh për taktikat me shokët e skuadrës ose të bësh një diskutim të rastësishëm, por qartësisht kishte urrejtje midis lojtarëve dhe veçanërisht nga njëri ndaj tjetrit”.

    “Ndoshta duhet ta sanksionojmë këtë lloj sjelljeje – qoftë nëse i vë duart para gojës apo e mbulon gojën me bluzë siç bëri ai”.

    “Duhet të flasim me gjyqtarët se çfarë mund dhe nuk mund të bëjnë. Është një punë në vazhdim”, përfundoi Silverstre.

    Benfica i hodhi poshtë pretendimet në një postim të çuditshëm në rrjetet sociale ku tha se “lojtarët e Real Madridit nuk mund ta kenë dëgjuar atë që pretendojnë se kanë dëgjuar”.

    Gjigantët e Lisbonës më pas lëshuan një deklaratë ku thanë se Prestianni ishte nënshtruar një “fushate shpifjeje”, ndërsa lojtari, i cili çaktivizoi komentet në Instagramin e tij, ka mohuar të ketë përdorur ndonjë fyerje raciste.

    Në përputhje me Nenin 14 të rregullores disiplinore të UEFA-s (racizëm dhe sjellje diskriminuese), Prestianni mund të përballet me një pezullim prej 10 ndeshjesh nëse shpallet fajtor.

    Ky sanksion iu dha mbrojtësit të Slavia Pragës, Ondrej Kudela, pasi u shpall fajtor për abuzim racist ndaj Glen Kamaras gjatë një ndeshjeje të Ligës së Evropës kundër Rangers.

  • Kosova në misionin e sigurisë për Gazën, presidentja Osmani jep detaje për përfshirjen e FSK-së

    Kosova në misionin e sigurisë për Gazën, presidentja Osmani jep detaje për përfshirjen e FSK-së

    Kosova dhe Shqipëria do të jenë në mesin e pesë vende që janë zotuar për të dërguar trupa për një forcë ndërkombëtare sigurie për Gazën.

    Presidentja Vjosa Osmani ka zbuluar detaje për përfshirjen e Forcës së Sigurisë së Kosovës në këtë mision.

    “Është vlerësuar nga vet FSK-ja që kjo është një mundësi e jashtëzakonshme për rritjen e profesionalizimit të FSK-së për përfshirjen në një mision jashtëzakonisht të rëndësishëm krahas me Shtetet e Bashkuara të Amerikës dhe me aleatë të tjerë”.

    “Me vetë faktin që flamuri i Republikës së Kosovës do të valojë aty së bashku me shtetet tjera kontribuuese është diçka që na fuqizon edhe ne”, deklaroi mes tjerash e para e shtetit të Kosovës në Rubikon.

    Presidenti i Shteteve të Bashkuara të Amerikës, Donald Trump, gjatë ditës së djeshme ka konfirmuar se Kosova, Shqipëria janë zotuar të kontribuojnë me trupa për të ruajtur paqen në Gaza.

    Trump theksoi se edhe vende të tjera, si Egjipti dhe Jordania, po ofrojnë ndihmë të konsiderueshme për krijimin e një force policore palestineze “shumë të besueshme”.

    Këto deklarata ai i bëri gjatë mbledhjes së parë të Bordit të Paqes, të mbajtur më 19 shkurt në Washington, ku morën pjesë 26 liderë botërorë, mes tyre kryeministri i Shqipërisë, Edi Rama, dhe presidentja e Kosovës, Vjosa Osmani.

    Trump falënderoi liderët për pjesëmarrjen dhe theksoi rolin e tij në nxitjen e afrimit mes shteteve, duke përmendur edhe arritjen e paqes mes Azerbajxhanit dhe Armenisë. Ai pati fjalë të veçanta për presidenten Osmani, të cilës i kërkoi të ngrihej në këmbë për ta përgëzuar për angazhimin në dialogun me Serbinë.

    Gjatë fjalimit të tij, Trump përmendi sërish luftën mes Serbisë dhe Kosovës. Ai thotë se nëse kanë probleme ta thërrasin atë.

    “…Për shumë prej këtyre çështjeve – po marr si shembull Kosovën dhe Serbinë. Unë e zgjidha atë. A mund të ngriheni pak në këmbë, nëse jeni këtu? Vetëm për një moment. Kosova, Serbia. Ngrihuni. Çfarë pune e shkëlqyer. Ju faleminderit shumë. E vlerësojmë. Shumë mirë. Po shkoni mirë me njëri-tjetrin, dhe kur nuk shkoni mirë, më telefononi mua dhe do ta zgjidhim, apo jo? Do ta zgjidhim. Faleminderit shumë”, ishin fjalët e Trump.

  • Policia kërkon ndihmën e qytetarëve për gjetjen e një vajze të mitur nga Rahoveci

    Policia kërkon ndihmën e qytetarëve për gjetjen e një vajze të mitur nga Rahoveci

    Policia e Kosovës ka kërkuar bashkëpunimin e qytetarëve dhe mediave për gjetjen e një vajze të mitur nga komuna e Rahovecit, zhdukja e së cilës është raportuar që nga muaji nëntor 2025.

    Sipas njoftimit të Drejtorisë Rajonale të Policisë në Gjakovë, bëhet fjalë për Alisiana Shala, rreth moshës 14-vjeçare, për të cilën familjarët nuk kanë informacion për vendndodhjen e saj.

    “Që nga dita e raportimit, Drejtoria Rajonale e Policisë në Gjakovë ka ndërmarrë veprime intensive, operative dhe hetimore për gjetjen e saj, mirëpo deri më tani nuk është arritur të lokalizohet”, thuhet në njoftimin e policisë.

    Me qëllim të lokalizimit sa më të shpejtë të vajzës, Policia e Kosovës ka kërkuar bashkëpunimin e publikut. “Nëse dikush ka ndonjë informacion që mund të ndihmojë në gjetjen e Alisiana Bekim Shala, ju lutemi të lajmëroheni menjëherë në numrin e telefonit 192 pa pagesë ose në stacionin më të afërt policor”, thuhet tutje në njoftim.

    Policia ka publikuar edhe fotografinë e vajzës dhe u ka bërë thirrje qytetarëve që çdo informacion relevant ta përcjellin tek autoritetet përkatëse.

  • Trump: FIFA do të mbledhë 75 milionë dollarë për projekte futbolli në Gaza

    Trump: FIFA do të mbledhë 75 milionë dollarë për projekte futbolli në Gaza

    Presidenti i SHBA-së, Donald Trump, njoftoi të enjten se FIFA do të ndajë 75 milionë dollarë për nisma sportive në Gaza.

    “FIFA do të mbledhë 75 milionë dollarë për projekte të lidhura me futbollin në Gaza”, deklaroi ai gjatë seancës inauguruese të Bordit të Paqes në Uashington.

    Njoftimi ishte pjesë e një sërë angazhimesh financiare të paraqitura përfaqësuesve të 47 vendeve.

    Trump e përfshiu këtë kontribut brenda planit për rindërtimin e enklavës palestineze, në varësi të çarmatimit të Hamasit dhe vendosjes pasuese të një strukture ndërkombëtare stabilizimi.

    Presidenti nuk specifikoi mekanizmin me të cilin do të siguroheshin fondet, as nuk sqaroi nëse ato do të vinin nga burimet e vetë FIFA-s apo nga një fushatë e jashtme për mbledhje fondesh.

    Gjithashtu, nuk u përmend asnjë marrëveshje zyrtare që do të nënshkruhej gjatë këtij eventi.

    Referenca për mbështetjen e futbollit u shfaq së bashku me shifra të tjera të njoftuara në takim, të tilla si 7 miliardë dollarët që, sipas Trump, disa vende tashmë i kanë premtuar për rindërtim dhe 10 miliardë dollarët që Shtetet e Bashkuara do të kontribuonin në fond.

  • Dy persona arrestohen në Prizren për fajde, dyshohen për kamatë mujore 100 për qind

    Dy persona arrestohen në Prizren për fajde, dyshohen për kamatë mujore 100 për qind

    Dy persona janë arrestuar në Prizren nën dyshimin për kryerjen e veprës penale të fajdes, ka njoftuar Policia e Kosovës në raportin 24-orësh.

    “Me 19.02.2026 janë arrestuar dy të dyshuar meshkuj kosovarë nën dyshimin e bazuar se kanë kryer veprën e lartcekur duke i ngarkuar kamatë mujore prej 100% ndaj viktimës mashkull kosovar”, thuhet në raport.

    Me vendim të prokurorit kompetent, të dyshuarit janë dërguar në mbajtje, ndërsa rasti po hetohet nga organet përkatëse.

  • “Arrëthyesi mbi Akull” shfaqet për herë të parë në Kosovë

    “Arrëthyesi mbi Akull” shfaqet për herë të parë në Kosovë

    Shfaqja “Arrëthyesi mbi Akull”, do të jepet për herë të parë në Prishtinë duke sjell në skenë një kombinim unik të elegancës së baletit dhe akullit, një art që ka prekur skenat më të mëdha të botës.

    Në këtë shfaqje bashkohen baleti, patinazhi dhe muzika e pavdekshme e Çajkovskit në një spektakël, ku çdo rrotullim dhe çdo lëvizje e performuesve është një histori që prek zemrën dhe zhyt në një botë ëndrrash.

    Kjo shfaqje është më shumë se balet mbi akull, është një udhëtim emocionues për të gjithë moshat, një festë e dritës, muzikës dhe artit që bashkon të vegjlit dhe të rriturit në një eksperiencë të paharrueshme.

    “Arrëthyesi mbi Akull”, prezantohet nesër nga ora 20:00, në Sallën 1 Tetori në Prishtinë.

  • Prishtinë: Ish-i dashuri ia dëmton veturën të dashurës me shqelm

    Prishtinë: Ish-i dashuri ia dëmton veturën të dashurës me shqelm

    Policia e Kosovës ka raportuar një rast ku dyshohet se ish- i dashuri ia ka dëmtuar veturën të dashurës së tij në Prishtinë.

    Sipas raportit 24-orësh, dëmtimi ka ndodhur duke e goditur me shqelm, mbrëmë rreth orës 23:30.

    “Rasti duke u hetuar”, thotë PK.

  • Hajnat hyjnë në një shtëpi në Gjilan, vjedhin stoli ari me vlerë 15 mijë euro

    Hajnat hyjnë në një shtëpi në Gjilan, vjedhin stoli ari me vlerë 15 mijë euro

    Një person ka njoftuar për një vjedhje të rëndë që ka ndodhur në shtëpinë e tij në fshatin Llashticë të Gjilanit.

    Sipas raportit 24-orësh dhe deklaratës së ankuesit, persona të panjohur kanë hyrë në shtëpi dhe kanë vjedhur një kasafortë, në të cilën kishte stoli ari me vlerë 15.000 € dhe dy armë zjarri.

    “Nuk raportohet për të arrestuar; rasti është në hetime”, thotë Policia e Kosovës.