ATV

Blog

  • Kryetari i Shoqatës së Naftëtarëve: Situata në Lindjen e Mesme po i rritë çmimet e naftës, kështu janë aktualisht

    Kryetari i Shoqatës së Naftëtarëve: Situata në Lindjen e Mesme po i rritë çmimet e naftës, kështu janë aktualisht

    Kryetari i Shoqatës së Naftëtarëve të Kosovës, Fadil Berjani tha se “situata gjeopolitike në Lindjen e Mesme po ndikon drejtpërdrejt tregjet e naftës”.

    Ai tha se zhvillimet e fundit atje po i rrisin çmimet e naftës edhe në Kosovë.

    “Njoftim mbi zhvillimet në sektorin e naftes: Situata gjeopolitike në Lindjen e Mesme po ndikon drejtpërdrejt tregjet e naftës. Rritja e tensioneve dhe rreziku për ndërprerje në prodhim apo transport po shtojnë pasigurinë në furnizimin global, duke shtyrë çmimet e naftës më lart. Vëmendja është veçanërisht te Ngushtica e Hormuzit, një nga rrugët më të rëndësishme të kalimit të naftës në botë. Çdo problem në atë korridor reflektohet menjëherë në tregje dhe zakonisht përkthehet në kosto më të larta të karburantit për konsumatorët”, shkroi ai në një postim në Facebook.

    Në fund të postimit, Berjani tregoi edhe çmimet aktuale në vend.

    “Qmimet aktuale në kosovë janë – Diesel : 1.18€ deri 1.25 € Benzin : 1.17 € deri 1.24€”.

  • Hapet Gofundme për 29 vjeçarin Enes Beka nga Vushtrria

    Hapet Gofundme për 29 vjeçarin Enes Beka nga Vushtrria

    Një apel emocional për ndihmë po qarkullon në rrjetet sociale, ku nëna nga Vushtrria, Mihrije Rustemi Beka, kërkon mbështetjen e qytetarëve për djalin e saj, Enes Beka, i cili po përballet me një gjendje të rëndë shëndetësore.

    Sipas rrëfimit të nënës, 29-vjeçari është baba i një foshnje vetëm katër muajshe dhe aktualisht po lufton për jetën në spital. Ajo bën të ditur se brenda katër muajve ai i është nënshtruar gjashtë operacioneve të rënda në zorrë.

    Aktualisht, Enesi ndodhet i shtrirë në QKUK – Kirurgjia Abdominale, ku, sipas familjes, ka plagë të hapura dhe infeksion të përhapur, duke e rënduar tej mase gjendjen e tij shëndetësore.

    Në postimin e saj, nëna shprehet se familja ka shpenzuar të gjitha mjetet financiare gjatë muajve të fundit dhe se shpresa e vetme për djalin e saj mbetet trajtimi jashtë vendit. Ajo u bën thirrje qytetarëve që të kontribuojnë, duke theksuar se çdo ndihmë, sado e vogël, është jetike.

    Familja ka publikuar edhe të dhënat për mbështetje financiare përmes bankës BKT Kosovë, ndërsa ka bërë të ditur edhe numrin e kontaktit për ata që duan të ndihmojnë drejtpërdrejt.

    Rasti ka prekur shumë qytetarë në rrjete sociale, ku apeli po shpërndahet gjerësisht me shpresën që 29-vjeçari të sigurojë trajtimin e nevojshëm sa më shpejt.

    Të dhënat kryesore të publikuara nga familja:
    • Pacienti: Enes Beka
    • Spitali: QKUK – Kirurgjia Abdominale
    • Kontakt: 044 332 828
    • Banka: BKT Kosovë
    • Përfituesi: Mihrije Rustemi Beka
    • Nr. i llogarisë: 1951474393321148
    • Valuta: EUR

    Llogaria Gofundme: https://www.gofundme.com/f/ndihme-per-enes-beka?lang=de_DE

    Familja apelon që, nëse nuk është e mundur ndihma financiare, së paku të shpërndahet thirrja për të arritur tek sa më shumë njerëz.

  • Kur objektet bëhen emocione: 11 tiparet e njerëzve që krijojnë lidhje të forta me sendet

    Kur objektet bëhen emocione: 11 tiparet e njerëzve që krijojnë lidhje të forta me sendet

    Disa njerëz e kanë të vështirë të ndahen nga sendet e vjetra – qoftë një bluzë e preferuar, një dhuratë simbolike apo një objekt i thjeshtë që për të tjerët duket pa vlerë. Psikologët e lidhin këtë sjellje me mënyrën si individi përjeton kujtimet, sigurinë emocionale dhe identitetin personal.

    Sipas studimeve në fushën e psikologjisë së personalitetit dhe sjelljes njerëzore, personat që krijojnë lidhje të forta emocionale me objektet shpesh ndajnë këto 11 tipare:

    1. Ndjeshmëri e lartë emocionale
    Ata përjetojnë emocionet thellë dhe i lidhin kujtimet me objekte konkrete.

    2. Nostalgji e theksuar
    Kanë prirje të rikthehen shpesh në të kaluarën dhe ruajnë sende që u kujtojnë momente të rëndësishme.

    3. Empati e zhvilluar
    Janë të ndjeshëm jo vetëm ndaj njerëzve, por edhe ndaj simbolikës që mbartin objektet.

    4. Kreativitet
    Shpesh janë persona krijues që u japin kuptime personale gjërave të përditshme.

    5. Nevojë për siguri emocionale
    Objektet mund të shërbejnë si “ankorë” psikologjike në periudha stresi.

    6. Vështirësi në lëshim
    E kanë të vështirë të ndahen nga e kaluara apo nga lidhjet e rëndësishme.

    7. Kujtesë e fortë autobiografike
    Një objekt i vogël mund të aktivizojë kujtime shumë të detajuara.

    8. Besnikëri në marrëdhënie
    Zakonisht janë persona që investojnë shumë emocionalisht edhe në raportet me njerëzit.

    9. Reflektim i thellë
    Kanë prirje të analizojnë përvojat dhe t’u japin kuptim simbolik.

    10. Individualitet i theksuar
    I japin rëndësi identitetit personal dhe historisë së tyre unike.

    11. Tendencë për sentimentalizëm
    Vlerësojnë aspektin emocional mbi atë material.

    Psikologët theksojnë se lidhja me objektet është normale dhe madje e shëndetshme, për sa kohë nuk shndërrohet në grumbullim të tepruar apo në pengesë për jetën e përditshme. Në raste ekstreme, kur individi nuk arrin të heqë dorë nga sendet pa përjetuar ankth të fortë, mund të bëhet fjalë për çrregullime si hoarding (grumbullimi kompulsiv), që kërkon vëmendje profesionale.

    Në thelb, objektet shpesh janë më shumë se materiale – ato janë kujtime, histori dhe pjesë të identitetit tonë.

  • Transformimi tronditës i Jim Carrey-t në ndarjen e çmimeve – Fansat nuk e besojnë se ky është Jim-I I vërtetë!

    Transformimi tronditës i Jim Carrey-t në ndarjen e çmimeve – Fansat nuk e besojnë se ky është Jim-I I vërtetë!

    Hollywood-i mbeti i habitur kur legjenda e komedisë Jim Carrey u ngjit në skenën e një ceremonie çmimesh duke u dukur pothuajse i panjohur dhe duke u larguar me një trofe të madh në duar.

    Aktori i dashur, i njohur për energjinë e tij të çmendur në filma klasikë si “Ace Ventura” dhe “The Mask”, befasoi publikun jo vetëm me fitoren por edhe me pamjen e tij krejt ndryshe, që ndezi spekulime e konspiracione në rrjetet sociale brenda minutash.

    Nuk ishte më ai komediani me mimika të ekzagjeruara që fansat adhuronin në vitet ’90. Në vend të kësaj? Një Carrey më i pjekur, më i qetë dhe me një stil më të rafinuar, tipare më të buta dhe një prezencë që reflektonte një veteran të vërtetë të Hollywood-it.

     Reagimet online shpërthyen menjëherë si përshembull “Është vërtet Jim Carrey?!”, “Kur filloi të duket kaq ndryshe?!”, “Pse po ndihem kaq i vjetër tani?”

    Megjithatë, një gjë mbetet e pandryshuar, talenti i tij. Carrey mbajti një fjalim falënderues emocional, duke reflektuar mbi karrierën e tij shumëvjeçare dhe duke shprehur mirënjohje që vazhdon të vlerësohet në një industri që ndryshon vazhdimisht.

    Në vitet e fundit, aktori ka qëndruar më larg vëmendjes publike, duke u fokusuar në pikturë, role të zgjedhura me kujdes dhe reflektime mbi famën dhe identitetin. Megjithatë, rikthimi i tij në një natë çmimesh solli një dozë të fortë nostalgjie për fansat.

    A është thjesht kalimi natyral i kohës, mjë kapitull i ri apo transformimi i një ylli që më në fund ka gjetur paqen me veten?; Apo siç thonë fansat nëpër teori “Mos vallë është një klon i tij?

    Një gjë është e sigurt, Jim Carrey mund të duket ndryshe, por kur fiton, ai ende di si ta pushtojë skenën dhe ta marrë gjithë vëmendjen.

  • Privatësia apo dyshimi? A është e shëndetshme t’ia kontrollosh telefonin partnerit/es

    Privatësia apo dyshimi? A është e shëndetshme t’ia kontrollosh telefonin partnerit/es

    Në epokën digjitale, telefoni është bërë një nga objektet më personale që posedojmë. Brenda tij ruhen biseda private, fotografi, rrjete sociale dhe informacione të ndjeshme. Por, çfarë ndodh kur në një lidhje lind dyshimi? A është e drejtë t’ia kontrollojmë telefonin partnerit/es?

    Psikologët theksojnë se kontrollimi i fshehtë i telefonit është zakonisht shenjë e mungesës së besimit. Marrëdhëniet e shëndetshme ndërtohen mbi komunikim të hapur dhe respekt për privatësinë. Në momentin që njëri partner ndjen nevojën të kontrollojë tjetrin, kjo shpesh tregon pasiguri, xhelozi ose frikë nga tradhtia.

    Ekspertët e marrëdhënieve paralajmërojnë se kontrolli i vazhdueshëm mund të krijojë tension, konflikte dhe madje të çojë në prishjen e lidhjes. Në vend të kontrollit, rekomandohet biseda e sinqertë për shqetësimet. Transparenca e ndërsjellë është më efektive sesa hetimi i fshehtë.

    Nga ana tjetër, disa argumentojnë se nëse një partner ka dhënë arsye konkrete për dyshim (p.sh. gënjeshtra të përsëritura), atëherë problemi kryesor nuk është telefoni, por mungesa e besimit që tashmë ekziston. Në këto raste, zgjidhja më e shëndetshme është vendosja e kufijve të qartë ose kërkimi i ndihmës profesionale.

    Kontrollimi i telefonit pa leje mund të konsiderohet edhe shkelje e privatësisë dhe respektit personal. Në fund, pyetja nuk është “a duhet ta kontrolloj?”, por “pse ndjej nevojën ta bëj këtë?”. Nëse një marrëdhënie ka arritur në pikën ku dyshimi dominon mbi besimin, ndoshta është koha për reflektim serioz.

    Besimi nuk ndërtohet përmes fjalëkalimeve të zbuluara, por përmes sinqeritetit, komunikimit dhe sigurisë emocionale.

  • Misteri rreth llogarisë së Benita Zena në Instagram: Ç’mund të ketë ndodhur?

    Misteri rreth llogarisë së Benita Zena në Instagram: Ç’mund të ketë ndodhur?

    Profili i Instagramit të ish-banores së Big Brother VIP Kosova, Benita Zena, është zhdukur papritur nga rrjeti social, duke ngritur pyetje e spekulime mes ndjekësve të saj. Gjatë orëve të fundit, ata që kanë kërkuar të hyjnë në llogarinë e saj janë përballur me mesazhe si “User not found” dhe “No posts yet”, të cilat sugjerojnë se profili nuk është më i dukshëm publikisht.

    Kjo zhdukje ka tronditur fansat e Benitës, të cilët janë mësuar ta ndjekin përmes mijëra postimeve dhe storieve të përditshme. Disa përdorues spekulojnë se mund të jetë fjala për një sulmi kibernetik apo humbje të aksesit, ndërsa të tjerë mendojnë se ajo ndoshta e ka bërë llogarinë private apo e ka fshirë përkohësisht.

    Derisa nuk ka asnjë deklaratë zyrtare nga vetë Benita apo menaxhmenti i saj që të shpjegojë arsyen e zhdukjes së profilit, shqetësimi mbi fatin e Instagramit të saj mbetet i papërgjigjur. Kritikat dhe debatet e mëparshme për privatësinë dhe imazhin e saj në rrjetet sociale ngrenë edhe më shumë pikëpyetje në lidhje me këtë situatë.

    Ekspertët e sigurisë kibernetike këshillojnë përdoruesit që përballen me probleme të tilla të mbajnë qetësinë dhe të ndjekin proceset e verifikimit dhe rikuperimit që ofron vetë platforma, e cila shpesh kërkon disa hapa kontrolli dhe konfirmimi të identitetit për rikthimin e llogarive.

    Qëndron për t’u parë nëse Benita do të shpjegojë publikisht këtë zhdukje apo nëse profili i saj do të rikthehet së shpejti, duke sqaruar kështu misterin që ka ndjekësit të hutuar dhe kuriozë.

  • Sa ishte pasuria marramendëse e Ali Khamenei?

    Sa ishte pasuria marramendëse e Ali Khamenei?

    Pasuria e liderit suprem të Iranit, Ali Khamenei, ka qenë për vite me radhë një nga temat më të debatueshme në botë, për shkak të mungesës së transparencës dhe lidhjes së saj me struktura shtetërore.

    Sipas një hetimi të gjerë të agjencisë ndërkombëtare Reuters, ai kontrollonte një perandori financiare përmes fondacionit “Setad”, e cila vlerësohej rreth 95 miliardë dollarë.

    Hetimi tregonte se:
    – rreth 52 miliardë dollarë përbëheshin nga prona dhe pasuri të paluajtshme,
    – ndërsa rreth 43 miliardë dollarë ishin të investuara në kompani, aksione dhe biznese strategjike si banka, telekom, energji dhe industri.

    Fondacioni “Setad” u krijua pas revolucionit islamik për të menaxhuar pronat e konfiskuara, por me kalimin e viteve u shndërrua në një konglomerat ekonomik gjigant.

    Ndërkohë, disa vlerësime politike nga burime amerikane kanë pretenduar se pasuria nën kontrollin e tij mund të arrijë deri në 200 miliardë dollarë, megjithëse këto shifra nuk janë konfirmuar në mënyrë të pavarur.

    Ekspertët theksojnë se bëhet fjalë kryesisht për pasuri nën kontroll politik, jo për para personale direkte si ato të miliarderëve privatë.

    Në publik, Khamenei njihej për një stil jetese relativisht të thjeshtë, ndërsa fuqia e tij reale konsiderohej më shumë ekonomike dhe politike sesa personale financiare.

  • Brenda një jave, Policia e Pejës sekuestron armë e municion – disa të dyshuar në hetim

    Brenda një jave, Policia e Pejës sekuestron armë e municion – disa të dyshuar në hetim

    Policia e Pejë ka bërë të ditur se gjatë kësaj jave ka sekuestruar një numër të konsiderueshëm armësh dhe municioni.

    Nga data 23.02.2026 deri më 01.03.2026 janë gjetur dhe sekuestruar:

    Dy (2) pushkë

    Një (1) pushkë dhjetëshe me 9 fishekë të kalibrit 7×62 mm

    Një (1) pushkë gjuetie me 18 fishekë të kalibrit 7.62×39 mm

    Një (1) revole TT

    Një (1) pistoletë Zoraki 917-T

    Një (1) karikator

    Një (1) fishek 9×19

    Një (1) thikë

    Personat e dyshuar janë intervistuar, ndërsa ndaj tyre janë iniciuar rastet penale për veprën “Mbajtje në pronësi, kontroll apo posedim i paautorizuar i armëve”, thuhet në njoftimin e Policisë për media.

  • Kryekuvendari shqiptar Peleshi pritet nga Presidentja Osmani

    Kryekuvendari shqiptar Peleshi pritet nga Presidentja Osmani

    Kryetari i Kuvendit të Shqipërisë, Niko Peleshi, është pritur në takim nga Presidentja e Kosovës, Vjosa Osmani.

    Takimi i tyre po zhvillohet në objektin e Presidencës, në kuadër të vizitës zyrtare që Peleshi po realizon sot në Kosovë.

    Pas këtij takimi, ai pritet të takohet edhe me Kryeministrin e Kosovës, Albin Kurti, ndërsa më herët ka përfunduar takimin edhe me Kryetaren e Kuvendit Albulena Haxhiun.

  • Michael B. Jordan triumfon në “Actor Awards” si Aktori më i mirë mashkull

    Michael B. Jordan triumfon në “Actor Awards” si Aktori më i mirë mashkull

    Aktori i njohur hollivudian Michael B. Jordan është shpallur fitues i çmimit “Aktori më i mirë mashkull” në ceremoninë e fundit të “Actor Awards”, duke shtuar një tjetër trofe në karrierën e tij të suksesshme.

    Jordan u vlerësua për performancën e tij të fuqishme dhe interpretimin emocional, që sipas kritikëve ka dëshmuar edhe një herë pjekurinë e tij artistike dhe aftësinë për të udhëhequr projekte të mëdha filmike. Roli i tij është cilësuar si një nga paraqitjet më të spikatura të vitit, duke marrë vlerësime të shumta si nga publiku ashtu edhe nga ekspertët e industrisë.

    Gjatë fjalimit të pranimit të çmimit, aktori falënderoi ekipin e filmit, familjen dhe mbështetësit e tij, duke theksuar se suksesi është rezultat i punës së përbashkët dhe përkushtimit të vazhdueshëm. Ai gjithashtu inkurajoi artistët e rinj që të besojnë në ëndrrat e tyre dhe të mos dorëzohen përballë sfidave.

    Michael B. Jordan ka ndërtuar një karrierë të qëndrueshme në Hollywood, me role që kanë lënë gjurmë në kinematografinë moderne. Çmimi i fundit konfirmon statusin e tij si një nga aktorët më të rëndësishëm të brezit të tij dhe forcon pozicionin e tij në industrinë e filmit ndërkombëtar.

    Ky vlerësim pritet të hapë rrugën për projekte të reja dhe bashkëpunime të mëdha për aktorin, i cili vazhdon të jetë një nga figurat më të kërkuara në ekranin e madh.