ATV

Blog

  • Thunder e Lakers vazhdojnë me fitore, Pistons pësojn humbje

    Thunder e Lakers vazhdojnë me fitore, Pistons pësojn humbje

    Ndeshje të zjarrta janë zhvilluar edhe sot në kuadër të Ligës së Basketbollit Amerikan, NBA.

    Kampioni në fuqi si dhe lideri i Konferencës së Perëndimit, Oklahoma City Thunder, ka realizuar fitoren e tretë radhazi, pas tirumfit ndaj Chicago Bulls me rezultat 116-108.

    Edhe pse ylli i skuadrës Shai Gilgeous-Alexander mungojë në ndeshje për shkak të një problemi në muskujt e barkut, dëmtim që e mbajti jashtë parketit për pjesën më të madhe të muajit të kaluar, prap se prap pati paraqitje të mira edhe nga lojtaret e tjerë ku gjashtë prej tyre shënuan pikë dyshifrore.

    Kujtojmë që Bulls renditen në vendin e 12-të në Konferencën e Lindjes.

     

    Kur jemi tek lidertë, lideri I Konferencës së Lindjes, Detorit Pistons, ka pësuar humbje nga Cleveland Cavaliers me rezultat 113-109.

    Jaylo Tyson udhëhoqi skuadrën e tijë drejt fitores me 22 pikë, derisa te skuadra humbëse u dallua Jalen Duren me 24 pikë e 14 kërcime.

    Kujtojmë që Cavaliers renditen në vendin e katërt në Konferencën e Lindjes dhe kjo ishte fitorja e dytë radhazi.

     

    Fitoren e tretë radhazi njësoj si Thunder, e arriti edhe Los Angeles Lakers, që fituan 110-101 ndaj New Orleans Pelicans.

    Të gjithë titullarët e Lakers realizuan mbi 10 pikë, ndërsa spikati Luka Dončić me 27 pikë e 10 kërcime.

    Te Pelicanes paraqitje të mirë kishte Zion Williamson me 24 pikë por që nuk mjaftuan për fitore.

    Lakers renditen në vendin e gjashtë në Konferencën e Perëndimit derisa Pelicanes në poziten e 13-të.

  • Megan Fox rikthehet me një imazh “goth” provokues, ndërsa MGK ndez spekulimet për ribashkim

    Megan Fox rikthehet me një imazh “goth” provokues, ndërsa MGK ndez spekulimet për ribashkim

    Aktorja amerikane Megan Fox ka rikthyer vëmendjen e mediave me një paraqitje të re provokuese në stil “goth”, duke pozuar me një look të errët, sensual dhe shumë të komentuar në rrjetet sociale.

    Ylli i filmave si Transformers ka ndarë imazhe ku shfaqet me çorape rrjete dhe veshje minimaliste, duke rikthyer estetikën e saj të njohur alternative që e bëri ikonë stili vite më parë. Postimet u pritën me mijëra reagime dhe komente, ndërsa fansat e cilësuan si një “comeback” të fuqishëm.

    Por ajo që tërhoqi edhe më shumë vëmendje ishte reagimi i ish-partnerit të saj, reperit Machine Gun Kelly. Një koment i tij në rrjetet sociale dhe disa lëvizje të fundit publike kanë ndezur spekulimet se dyshja mund të jenë rikthyer bashkë.

    Megan dhe MGK kanë pasur një marrëdhënie të shumëpërfolur, të mbushur me ndarje dhe ribashkime, që nga fillimi i lidhjes së tyre në vitin 2020. Edhe pse nuk ka një konfirmim zyrtar për një rikthim romantik, fansat janë të bindur se mes tyre ende ekziston një lidhje e fortë.

    Për momentin, asnjëri prej tyre nuk ka bërë një deklaratë të qartë për statusin e marrëdhënies, por postimet dhe mesazhet e nënkuptuara mjaftuan për të ndezur rrjetin.

    Një gjë është e sigurt: Megan Fox di si të rikthehet në qendër të vëmendjes — qoftë përmes stilit, qoftë përmes jetës së saj personale.

  • “Ferma VIP 3” drejt startit, Arbana Osmani zbulon përgatitjet nga prapaskenat

    “Ferma VIP 3” drejt startit, Arbana Osmani zbulon përgatitjet nga prapaskenat

    Edicioni i tretë i Ferma VIP po merr zyrtarisht formë dhe tashmë është konfirmuar se në krye të spektaklit do të jenë Arbana Osmani dhe partneri i saj, regjisori Eduart Grishaj.

    Pas javësh të tëra spekulimesh në media dhe rrjete sociale, dyshja ka vulosur rikthimin e tyre në këtë projekt, duke i dhënë fund aludimeve për stafin drejtues të sezonit të ri.

    Së fundmi, Arbana ka ndarë me ndjekësit në rrjetet sociale pamje nga prapaskenat, ku shihet se përgatitjet kanë nisur me ritëm intensiv. Nga strukturat e fermës deri te organizimi i hapësirave, çdo detaj duket se po punohet me kujdes për të sjellë një sezon edhe më dinamik.

    Në videot e publikuara, ambienti duket pothuajse gati për të pritur fermerët VIP, ndërsa produksioni po finalizon elementet e fundit para nisjes së spektaklit. Nën regjinë e Eduart Grishajt dhe moderimin e Arbanës, “Ferma VIP 3” pritet të rikthehet me risi dhe surpriza për publikun.

  • Reagojnë menjëherë dhe shpërthejnë shpejt: 5 shenjat e horoskopit që nervozohen për gjërat më të vogla

    Reagojnë menjëherë dhe shpërthejnë shpejt: 5 shenjat e horoskopit që nervozohen për gjërat më të vogla

    Disa njerëz e marrin jetën me qetësi, ndërsa të tjerë mjafton një detaj i vogël për t’u acaruar. Sipas astrologëve, disa shenja të horoskopit njihen për temperamentin e tyre më impulsiv dhe reagimet e shpejta. A jeni edhe ju në këtë listë?

    Ja cilat shenja përmenden më shpesh si më “të ndezurat” e zodiakut:

    ♈ Dashi (Aries)
    Njihet për energjinë e lartë dhe impulsivitetin. Reagon shpejt dhe shpesh pa menduar gjatë. Megjithatë, zemërimi i tij kalon po aq shpejt sa vjen.

    ♏ Akrepi (Scorpio)
    Emocional dhe intensiv. Nuk harron lehtë dhe mund të nervozohet thellë, sidomos kur ndjen tradhti apo mungesë respekti.

    ♌ Luani (Leo)
    Krenohet me veten dhe nuk e toleron lehtë kritikën. Nëse ndjehet i nënvlerësuar, reagimi i tij mund të jetë i menjëhershëm.

    ♊ Binjakët (Gemini)
    Edhe pse duken të qetë, ndryshimet e shpejta të humorit mund t’i bëjnë të acarohen për situata të vogla.

    ♍ Virgjëresha (Virgo)
    Perfeksioniste nga natyra. Nervoziteti i tyre shpesh lidhet me detaje që për të tjerët mund të duken të parëndësishme.

    Astrologët theksojnë se reagimet varen edhe nga faktorë të tjerë si harta personale e lindjes dhe përvojat individuale. Pra, jo çdo Dashi apo Akrep do të jetë patjetër nervoz.

    Në fund të fundit, të gjithë kemi momente kur humbim durimin. Pyetja është: a e kontrolloni dot reagimin tuaj, apo shpërtheni menjëherë?

  • “Reality Check” shpërthen në Netflix, mbi 14 milionë shikime brenda javës së parë

    “Reality Check” shpërthen në Netflix, mbi 14 milionë shikime brenda javës së parë

    Dokumentari Reality Check: Inside America’s Next Top Model ka debutuar fuqishëm në Netflix, duke grumbulluar 14.2 milionë shikime në shtatë ditët e para të transmetimit. Prodhimi me tre pjesë u rendit si titulli më i ndjekur në platformë për periudhën 16–22 shkurt, duke konfirmuar interesin e madh të publikut për prapaskenat e një prej formateve më të diskutueshme të viteve 2000.

    Seriali dokumentar sjell një vështrim kritik mbi spektaklin e famshëm të modës America’s Next Top Model, përmes intervistave me ish-konkurrente, fituese, gjyqtarë dhe me vetë krijuesen dhe prezantuesen Tyra Banks. Projekti trajton temat e presionit, standardeve të bukurisë dhe realitetit pas kamerave, duke nxitur debat të gjerë në rrjetet sociale.

    Pas tij, në listën e 10 titujve më të ndjekur në gjuhën angleze u rendit sezoni i tretë i The Night Agent me 8.4 milionë shikime në debutim, ndërsa sezoni i katërt i Bridgerton vazhdon të ruajë interesin me 6.3 milionë shikime në javën e katërt në transmetim.

    Në përmbajtjen jo-angleze, thrilleri misterioz korean The Art of Sarah arriti 10 milionë shikime në javën e dytë, ndërsa seriali gjerman i spiunazhit Unfamiliar regjistroi 4.3 milionë shikime në javën e tretë. Drama historike polake Lead Children mblodhi 3.9 milionë shikime.

    Sa i përket filmave në gjuhën angleze, Joe’s College Road Trip i Tyler Perry ishte më i shikuari me 10.4 milionë shikime në javën e dytë. Filmi fantastiko-shkencor Prometheus i regjisorit Ridley Scott debutoi në vendin e dytë me 6.6 milionë shikime, ndërsa KPop Demon Hunters vazhdon të qëndrojë në top lista me gjashtë milionë shikime gjatë së njëjtës periudhë.

    Në kategorinë e filmave jo-anglezë, A Father’s Miracle kryeson me 7.3 milionë shikime, i ndjekur nga Firebreak me 6.1 milionë dhe The Orphans me 5.3 milionë shikime.

    Shifrat e fundit dëshmojnë se përmbajtja dokumentare dhe projektet që rikthejnë nostalgjinë e viteve 2000 po tërheqin vëmendje të madhe në Netflix, ndërsa konkurrenca mes serialeve dhe filmave mbetet e fortë në çdo kategori.

  • Mes tensioneve familjare, David dhe Victoria Beckham urojnë publikisht djalin e tyre Brooklyn

    Mes tensioneve familjare, David dhe Victoria Beckham urojnë publikisht djalin e tyre Brooklyn

    Pavarësisht zërave për krisje në marrëdhëniet familjare, David Beckham dhe Victoria Beckham kanë zgjedhur të urojnë publikisht djalin e tyre të madh, Brooklyn Beckham, me rastin e ditëlindjes.

    Çifti i njohur publikoi mesazhe të ndjera në rrjetet sociale, duke ndarë fotografi familjare dhe kujtime nga fëmijëria e Brooklyn-it. Në postimet e tyre, ata shprehën krenarinë dhe dashurinë për djalin, duke e cilësuar si një person të mrekullueshëm dhe të përkushtuar.

    Urimet vijnë në një periudhë kur mediat britanike kanë raportuar për distancim mes Brooklyn-it dhe familjes së tij, veçanërisht pas martesës së tij me aktoren Nicola Peltz. Spekulimet për tensione mes nuses dhe familjes Beckham kanë qenë të vazhdueshme, megjithëse asnjëra palë nuk ka konfirmuar publikisht ndonjë konflikt serioz.

    Megjithatë, postimet e fundit duket se tregojnë se, pavarësisht çdo thashethemi, lidhja familjare mbetet e fortë. Fansat reaguan menjëherë me komente pozitive, duke përgëzuar familjen për mbështetjen dhe unitetin.

    Familja Beckham vazhdon të jetë një nga më të komentuarat në botën e showbiz-it, ku çdo veprim i tyre në rrjetet sociale kthehet në lajm. Dhe këtë herë, një urim i thjeshtë ditëlindjeje mjaftoi për të ndezur sërish vëmendjen e publikut.

  • “Scream 7” thyen rekordin e sagës me 97 milionë dollarë në debutim global

    “Scream 7” thyen rekordin e sagës me 97 milionë dollarë në debutim global

    Filmi i shumëpritur Scream 7 ka shënuar debutimin më të suksesshëm në historinë e kësaj sage horror, duke arkëtuar plot 97.2 milionë dollarë në mbarë botën gjatë fundjavës së hapjes.

    Kapitulli i shtatë i ekskluzivitetit, që nisi për herë të parë në vitin 1996 me Scream, realizoi 64.1 milionë dollarë në tregun vendas dhe 33.1 milionë dollarë në tregjet ndërkombëtare. Këto shifra përbëjnë debutimin më të madh global, ndërkombëtar dhe në Amerikën e Veriut në historinë e serisë.

    Ngjarja e filmit ndjek një vrasës të ri Ghostface, i cili këtë herë shënjestron vajzën e heroinës ikonike Sidney Prescott, të interpretuar nga Neve Campbell. Rikthimi i Campbell në rol është konsideruar si një nga faktorët kryesorë të suksesit, pasi aktorja mungoi në filmin e gjashtë për shkak të një mosmarrëveshjeje mbi pagën.

    Përveç saj, në film rikthehen edhe emra të njohur të sagës si Courteney Cox, David Arquette dhe Matthew Lillard, duke nxitur nostalgjinë e fansave të vjetër. Në kast përfshihet edhe ylli në ngritje Isabel May.

    Në një deklaratë për mediat, kryetari dhe CEO i Spyglass Media Group, Gary Barber, e cilësoi këtë sukses si dëshmi të trashëgimisë së qëndrueshme të krijuar nga regjisori Kevin Williamson 30 vite më parë.

    “Ky sukses historik në arkë, që thyen rekordin e serisë, është dëshmi e trashëgimisë së qëndrueshme të krijuar nga regjisori ynë Kevin Williamson, i udhëhequr nga e pakrahasueshmja Neve Campbell dhe i gjithë kasti. Jemi vërtet mirënjohës ndaj audiencës në mbarë botën që u paraqit me entuziazëm në kinema, gati për një tjetër përvojë drithëruese me Ghostface”, thuhet në deklaratë.

    Me këtë hapje rekord, “Scream 7” jo vetëm që forcon pozicionin e tij si një nga sagat më të suksesshme horror, por dëshmon edhe fuqinë e nostalgjisë dhe rikthimit të figurave ikonike në ekranin e madh.

  • “Bridgerton 4” rikthehet në krye të Netflix me 28 milionë shikime në një javë

    “Bridgerton 4” rikthehet në krye të Netflix me 28 milionë shikime në një javë

    Sezoni i katërt i Bridgerton është rikthyer në vendin e parë të renditjes javore Top 10 të Netflix, pasi platforma publikoi katër episodet e fundit të sezonit. Gjatë periudhës 23 shkurt – 1 mars, seriali arriti 28 milionë shikime, duke konfirmuar edhe një herë popullaritetin e tij global.

    Meqenëse “Bridgerton” u publikua në dy pjesë, Netflix i llogarit të gjitha shikimet e sezonit si një total të vetëm, pa ndarje të veçantë për Pjesën 2. Shifra prej 28 milionë përfaqëson orët totale të shikuara gjatë javës së raportuar, të ndara me kohëzgjatjen e plotë të sezonit.

    Krahasuar me publikime të tjera të ndara në pjesë, si Stranger Things, performanca e “Bridgerton” vlerësohet si e qëndrueshme. Sezoni i pestë i “Stranger Things”, aktualisht seriali i katërt më i ndjekur në gjuhën angleze në historinë e Netflix, debutoi me 59.6 milionë shikime dhe ra në 34.5 milionë pas publikimit të pjesës së dytë, një rënie prej 42 për qind. Ndërkohë, “Bridgerton 4” debutoi me 39.7 milionë shikime dhe pësoi një rënie prej vetëm 29 për qind pas publikimit të pjesës së dytë.

    Në vendin e dytë këtë javë u rendit sezoni i tretë i The Night Agent me 9.9 milionë shikime në javën e dytë të transmetimit. Interesi i publikut u rikthye edhe për sezonet e mëhershme të këtij seriali: sezoni i parë u pozicionua i pesti me 2.9 milionë shikime, ndërsa sezoni i dytë në vendin e tetë me 2.7 milionë.

    Në listë u përfshi edhe dokuseriali Reality Check: Inside America’s Next Top Model në vendin e tretë me 3.8 milionë shikime, si dhe Love Is Blind: Ohio në vendin e katërt me 3.1 milionë.

    Më poshtë në renditje u pozicionuan edhe sezoni i katërt i The Lincoln Lawyer, edicioni i 23 shkurtit 2026 i WWE Raw, sezoni i tetë i Formula 1: Drive to Survive si dhe Being Gordon Ramsay.

    Renditja përfshin serialet dhe filmat më të ndjekur në gjuhën angleze dhe jo-angleze për periudhën 23 shkurt – 1 mars, duke reflektuar trendet më të fundit të shikueshmërisë në platformë.

  • Netflix tërhiqet nga gara për blerjen e Warner Bros Discovery

    Netflix tërhiqet nga gara për blerjen e Warner Bros Discovery

    Platforma e transmetimit Netflix ka tërhequr zyrtarisht ofertën për blerjen e Warner Bros. Discovery, duke refuzuar të rrisë shumën për të konkurruar me ofertën rivale të Paramount Skydance, e cila u konsiderua më e favorshme financiarisht.

    Në një deklaratë, bashkëdrejtuesit ekzekutivë të Netflix, Ted Sarandos dhe Greg Peters, theksuan se në çmimin e kërkuar për të përballuar ofertën e fundit të Paramount Skydance, marrëveshja nuk ishte më tërheqëse nga ana financiare për kompaninë.

    Sipas raportimeve, Paramount kishte ofruar 31 dollarë për aksion, një tarifë anulimi prej 7 miliardë dollarësh nëse bashkimi nuk miratohet, si dhe një “ticking fee” prej rreth 650 milionë dollarësh çdo tremujor pas shtatorit. Netflix kishte katër ditë pune për të vendosur mbi ofertën, por zgjodhi të tërhiqej përpara afatit.

    Presidenti dhe CEO i Warner Bros Discovery, David Zaslav, e cilësoi Netflix-in si “një kompani të madhe” dhe u shpreh optimist për bashkëpunimin e mundshëm me Paramount Skydance, që pritet të marrë kontrollin e plotë të kompanisë, përfshirë rrjetin CNN.

    Ndërkohë, senatorja amerikane Elizabeth Warren e përshkroi marrëveshjen e mundshme si një “katastrofë antitrust”, duke paralajmëruar se mund të rrisë çmimet dhe të kufizojë zgjedhjet për familjet amerikane.

    Netflix deklaroi se do të vazhdojë të fokusohet te anëtarët e saj dhe rritja e qëndrueshme e biznesit, ndërsa aksionerët e Warner Bros Discovery pritet të shqyrtojnë dhe miratojnë bashkimin me Paramount Skydance, që aktualisht mbetet oferta e vetme në tavolinë.

  • Shtrenjtohet betoni në Kosovë, nga 62 euro, çmimi për metër kub të betonit ka arritur në 70 deri në 90 euro

    Shtrenjtohet betoni në Kosovë, nga 62 euro, çmimi për metër kub të betonit ka arritur në 70 deri në 90 euro

    Nga 62 euro, çmimi për metër kub të betonit ka arritur në 70 deri në 90 euro, varësisht nga cilësia.

    Rritja e çmimit konsiderohet se lidhet me zhvillimet e fundit në tregjet ndërkombëtare dhe tensionet në Lindjen e Mesme.

    Ekspertët paralajmërojnë se kjo do të ndikojë edhe në shtrenjtimin e materialeve tjera ndërtimore por edhe banesave.

    Ndërkohë që ndërtimtarët kanë paralajmëruar se gjatë këtij viti pritet të rritet edhe çmimi i armaturës.

    Rritje, ndonëse jo shumë e theksuar, është regjistruar edhe në muajt e fundit të vitit 2025.

    Sipas të dhënave të Agjencisë së Statistikave të Kosovës, indeksi i materialeve ndërtimore ka shënuar rritje prej 0.5 për qind krahasuar me muajt paraprak./atvlive.tv