ATV

Blog

  • Qytetarëve u bëhet thirrje që nesër të shmangin kalimin përmes pikëkalimit kufitar në Jarinjë.

    Qytetarëve u bëhet thirrje që nesër të shmangin kalimin përmes pikëkalimit kufitar në Jarinjë.

    Qytetarëve të Kosovës u është bërë thirrje që të shtunën ta shmangin pikëkalimin kufitar në Jarinjë.

    Qendra Kombëtare për Menaxhim Kufitar ka lëshuar këtë thirrje për qytetarët për shkak të një proteste në Serbi dhe bllokimit të rrugës për dy orë.

    “Ju njoftojmë, se nesër, më datë, 14.03.2026, është paralajmëruar mbajtja e një proteste në territorin e Serbisë dhe bllokimi i rrugës për dy orë, duke filluar nga ora 16:00 deri 18:00. Ju inkurajojmë që nesër të shmangni qarkullimin në PKK Jarinjë dhe të zgjedhni PKK tjera për qarkullim”, thuhet në njoftim.

  • ​Ekipi i Kosovës në Boks drejt “Montenegro Cup” në Budva

    ​Ekipi i Kosovës në Boks drejt “Montenegro Cup” në Budva

    Ekipi kombëtar i Kosovës në boks, do të marrë pjesë në turneun prestigjioz ndërkombëtar “Montenegro Cup”, i cili zhvillohet nga data 13 deri më 22 mars 2026, në Budva të Malit të Zi.

    Ekipi kombëtar i Kosovës në boks, do të marrë pjesë në turneun prestigjioz ndërkombëtar “Montenegro Cup”, i cili zhvillohet nga data 13 deri më 22 mars 2026, në Budva të Malit të Zi.

    Ky turne mbledh boksierë të talentuar nga 18 shtete, duke e bërë garën shumë konkurruese dhe me një nivel të lartë sportive. Në këtë garë Kosova do të përfaqësohet nga tre sportistë Bashkim Bajoku (55 kg), Planet Berisha (75 kg) si dhe Agnesa Veseli (48 kg)

    Ekipi Kosovar do të udhëheqet nga selektori Faton Xhakli dhe selektorja Mariola Sallauka, ndërsa drejtësinë e ndeshjeve do ta sigurojë gjyqtari ndërkombëtar Latif Demolli.

    Federata e Boksit e Kosovës ka shprehur mbështetjen dhe urimet më të mira për boksierët dhe stafin teknik, duke theksuar se pjesëmarrja në këtë turne është një mundësi e shkëlqyer për të treguar talentin kosovar në arenën ndërkombëtare.

    KosovaPress

  • Gërvalla e quan lajmi i ditës zgjedhjen e kryesisë së re të KPK-së

    Gërvalla e quan lajmi i ditës zgjedhjen e kryesisë së re të KPK-së

    Lajmi i ditës së sotme është mbledhja e Këshillit Prokurorial, ku suksesshëm u zgjodh Kryesuesi i tij.

    Kështu ka shkruar Ministrja e Drejtësisë, Donika Gërvalla në një postim në rrjetin social në Facebook.

    Gërvalla tha se ky zhvillim i kontribuon zbatimit të reformës së nisur kohë më parë nga institucionet tona për një shtet të së drejtës dhe një sistem prokurorial funksional.

    Postimi i plotë:

    Lajmi i ditës së sotme është mbledhja e Këshillit Prokurorial, ku suksesshëm u zgjodh Kryesuesi i tij.

    Kjo i kontribuon zbatimit të reformës së nisur kohë më parë nga institucionet tona për një shtet të së drejtës dhe një sistem prokurorial funksional. Funksionalizimi i plotë i Këshillit Prokurorial është thelbësor për zbatimin dhe thellimin e reformës në drejtësi, si dhe për forcimin e pavarësisë, integritetit dhe llogaridhënies në sistemin prokurorial.

    Pres që përbërja e re të kontribuojë me përgjegjësi në avancimin e mëtejshëm të reformës dhe në forcimin e sundimit të ligjit në vend.

    Shteti ligjor është realitet vetëm kur ligji e drejtësia sundon mbi çdo ndikim tjetër.

  • ​SHBA lehtëson sanksionet ndaj naftës ruse, reagojnë aleatët

    ​SHBA lehtëson sanksionet ndaj naftës ruse, reagojnë aleatët

    SHBA-ja ka vendosur të lehtësojë sanksionet ndaj naftës ruse, duke lejuar përkohësisht vendet të blejnë naftë që tashmë është e ngarkuar në anije në det.

    SHBA-ja ka vendosur të lehtësojë sanksionet ndaj naftës ruse, duke lejuar përkohësisht vendet të blejnë naftë që tashmë është e ngarkuar në anije në det.

    Ky hap vjen pas sulmeve iraniane ndaj anijeve në Gjirin e Hormuzit dhe rritjes së çmimeve të naftës, por ka shkaktuar shqetësim në aleancat perëndimore.

    Britania ka deklaruar se nuk do të ndjekë të njëjtin hap dhe e ka refuzuar të kritikojë drejtpërdrejt vendimin amerikan, ndërsa Sekretari i Mbrojtjes britanik, John Healey, tha se Moska dhe Teherani po bashkëpunojnë në teknologjinë dhe taktikat e dronëve. Ushtria britanike po heton nëse një dron që goditi një bazë ajrore në Qipro përmbante komponentë rusë.

    Gjermania kritikoi gjithashtu vendimin, raporton AP, përcjell KosovaPress. Kancelari Friedrich Merz tha se gjashtë anëtarë të G7 e shprehën qartë se ky nuk është sinjali i duhur dhe e quajti vendimin amerikan të gabuar, duke shtuar se problemi është më shumë me çmimin e naftës sesa me furnizimin dhe se motivet e tjera të SHBA-së duhet të sqarohet.

  • Jose Mourinho nuk do të drejtojë Benficën në dy ndeshjet e ardhshme

    Jose Mourinho nuk do të drejtojë Benficën në dy ndeshjet e ardhshme

    Trajneri i Benficas, Jose Mourinho, është i ndaluar të jetë në stol për dy ndeshjet e ardhshme pas vendimeve të fundit të Federatës Portugeze të Futbollit.

    Dënimi vjen pas kartonit të kuq që mori gjatë barazimit 2:2 ndaj Portos dhe përplasjes me asistent-trajnerin e ekipit kundërshtar, Lucho Gonzalez. Mourinho është pezulluar për një ndeshje për daljen jashtë zonës së trajnerit dhe goditjen e topit drejt bankës rezervë të Portos gjatë festimit të golit, të cilën e justifikoi si një tentativë për ta dërguar topin në tribunë.

    Gjithashtu, trajneri 63-vjeçar do të mungojë edhe për 11 ditë për shkak të incidentit me Gonzalez. Kjo do të thotë se Mourinho nuk do të drejtojë Benficën ndaj Aroucas këtë të shtunë dhe në përballjen e 21 marsit ndaj Vitorias.

    Klubi ka njoftuar se do të apelojë vendimin, duke e konsideruar atë të padrejtë dhe duke kërkuar rishikim.

    Mungesa e trajnerit vjen në një moment të rëndësishëm të sezonit, ndërsa Benfica përpiqet të forcojë pozicionin e saj në krye të tabelës dhe të sigurojë pjesëmarrjen në garat evropiane.

  • Kapiteni i Chelseat nënshkruan kontratë të re 6-vjeçare

    Kapiteni i Chelseat nënshkruan kontratë të re 6-vjeçare

    Kapiteni i Chelseat, Reece James ka firmosur kontratën e re me klubin londinez, e cila do ta mbajë në Londër mbrojtësin deri në vitin 2032.

    26-vjeçari, i cili është produkt i akademisë së Chelseas ka bërë debutimin e tij në shtator të vitit 2019.

    Kontrata e re do të bazohet në performancën e lojtarit, reprezentuesi anglez do të jetë lojtari më i paguar i Chelseas me një pagë prej 250,000 funta në javë.

    James, të cilit do t’i skadonte kontrata në vitin 2028, në të cilën klubi anglez e kishte prioritet bisedimet me lojtarin, ka startuar në 19 nga 26 ndeshjet në Premier Ligë.

    ‘’Jam jashtëzakonisht i lumtur për të nënshkruar me klubin tim të zemrës, Chelsea do të thotë shumë për mua’’, theksoi Reece James.

    James ka fituar Ligën e Kampionëve me Chelsean në vitin 2021, kurse në vitin 2023 kishte pësuar një lëndim i cili e mbajti një kohë të gjatë jashtë fushave të gjelbra.

  • Gjykata hedh poshtë aktakuzën ndaj Fikrim Damkës për keqpërdorim të detyrës zyrtare

    Gjykata hedh poshtë aktakuzën ndaj Fikrim Damkës për keqpërdorim të detyrës zyrtare

    Gjykata ka hedhur poshtë akuzat e ngritura ndaj kryetarit të Partisë Demokratike Turke të Kosovës dhe zëvendëskryeministrit të Kosovës, Fikrim Damka, duke vendosur ndërprerjen e plotë të procesit gjyqësor ndaj tij.

    Sipas vendimit të gjykatës, në rastin e iniciuar nga Prokuroria Speciale e Kosovës për veprën penale “keqpërdorim i detyrës zyrtare”, u konstatua se pretendimet e ngritura nuk mbështeten në prova të mjaftueshme.

    Gjykata shqyrtoi aktakuzën e përgatitur nga prokuroria në kuadër të hetimeve për këtë rast dhe arriti në përfundimin se nuk ekzistojnë baza të mjaftueshme për vazhdimin e procedurës penale.

    Në vendimin e publikuar më 16 shkurt 2026 thuhet se janë pranuar kundërshtimet e paraqitura nga avokati i Damkës, Artan Qerkini, si dhe nga avokati i të akuzuarit tjetër në këtë rast, Besim Kamberaj, Burim Azemi.

    Sipas vendimit gjyqësor, aktakuza e Prokurorisë e datës 4 korrik 2025, me numër PPPS.nr.76/2023, është refuzuar nga gjykata. Për shkak të mungesës së provave, është ndërprerë edhe i gjithë procesi penal ndaj të akuzuarve.

    Në dokumentin e gjykatës theksohet se akuzat e ngritura ndaj Damkës nuk kanë bazë ligjore, prandaj çështja është përmbyllur pa hyrë në shqyrtimin e meritave të rastit.

    Me këtë vendim, procesi gjyqësor ndaj Damkës konsiderohet i përfunduar.

  • Federata Iraniane e Futbllit kundërpërgjigjet Donald Trump-it për pjesëmarrjen apo jo në botëror

    Federata Iraniane e Futbllit kundërpërgjigjet Donald Trump-it për pjesëmarrjen apo jo në botëror

    Federata iraniane e futbollit ka lëshuar një përgjigje ndaj deklaratës së presidentot të SHBA-ve Donald Trump, i cili kishte deklauruar se prania e tyre në Kupën e Botës 2026 do të ishte “e papërshtatshme” për sigurinë e tyre.

    Në një komunikatë të bërë në Instagram Team Melli bën të ditur se pjesëmarrja në botëror nuk mirret nga një vend i caktua,apo qoftë edhe nga ndonjë individ.

    Përndryshe në deklaratën e mëtutjeshme thuhet se Kupa e Botës është një ngajrje historike e futbollit,dhe se këtë e drejton FIFA ndërkohë në fund shton se Irani ishte në mesin e kombëtareve që siguruan kalimin në botëror falë rezultateve të mira.

    Kujtojmë që Irani ka paralajmëruar tërheqjen nga botërori i vitit 2026,kjo për shkak të sulmit të SHBA-ve në këtë shtet ku mbeti i vrarë lideri suprem Ali Khamenei.

  • Inspektorati i tregut sërish del në terren: S’ka ndryshim të çmimit të naftës

    Inspektorati i tregut sërish del në terren: S’ka ndryshim të çmimit të naftës

    Inspektorati Qendror i Mbikëqyrjes së Tregut, në Ministrisë së Industrisë, Ndërmarrësisë, Tregtisë dhe Inovacionit, e njofton opinionin publik se, në kuadër të monitorimit të vazhdueshëm të tregut të derivateve të naftës, është duke realizuar mbikëqyrje intensive lidhur me zbatimin e Vendimit për rregullimin e përkohshëm të çmimeve dhe caktimin e masave të tjera mbrojtëse të nënshkruajë nga ministrja  Mimoza Kusari-Lila, me datë 04.03.2026, me qëllim të mbrojtjes së konsumatorit, rritjen e transparencës, mbrojtjen e konkurrencës së ndershme, si dhe mënjanimin e çrregullimeve në treg.

    Gjithashtu, Inspektorati Qendror i Mbikëqyrjes së Tregut së bashku me Administratën Tatimore të Kosovës janë duke realizuar analiza të të dhënave lidhur me çmimet e importit dhe çmimet e ekspozuara për konsumatorët në tregun vendor.

    Sipas të dhënave zyrtare të siguruara nga evidencat e Doganës së Kosovës, çmimi mesatar i importit për derivatet e naftës gjatë ditës së enjte, – datë: 12.03.2026, ka qenë si në vijim: Naftë (Dizel): 1.42 €/litër; Benzinë: 1.17 €/litër.

    Ndërkohë, bazuar në monitorimin e realizuar në tregun vendor sot, çmimet e ekspozuara për konsumatorët në pikat e shitjes me pakicë rezultojnë si më poshtë: Naftë (Dizel): nga 1.44 €/litër deri në 1.54 €/litër; Benzinë: nga 1.18 €/litër deri në 1.31 €/litër.

    Bazuar në vendimin e datës 04.03.2026 për rregullimin e përkohshëm të çmimeve dhe caktimit të masave të tjera mbrojtëse, është vendosur marzha tregtare maksimale e lejuar si vijon: dy (2) eurocentë për litër të produktit të shitur me shumicë dhe dymbëdhjetë (12) eurocentë për litër të produktit të shitur me pakicë.

    Marzhë tregtare domethënë ndryshimi mes çmimit të shitjes dhe çmimit të furnizimit.

    Inspektorati Qendror i Mbikëqyrjes së Tregut do të vazhdojë të monitorojë dhe të inspektojë në mënyrë intensive zhvillimet në tregun e derivateve të naftës së bashku me Doganën e Kosovës, Administratën Tatimore të Kosovës, si dhe Autoritetin e Konkurrencës së Kosovës dhe, në të gjitha rastet ku identifikohen parregullsi eventuale, mos respektim i vendimit të marzhës apo praktikave që mund të dëmtojnë konkurrencën dhe konsumatorët, do të ndërmerren masa rigoroze të parapara me legjislacionin në fuqi.

    Për çdo zhvillim të mëtejmë, publiku do të njoftohet me kohë.

  • Arben Vitia: Brenda dy javësh hapet konkursi për anesteziologët

    Arben Vitia: Brenda dy javësh hapet konkursi për anesteziologët

    Ministri i Shëndetësisë, Arben Vitia, ka njoftuar se mjekët që kanë përfunduar specializimet janë në proces të licencimit dhe se brenda dy javëve të ardhshme pritet hapja e konkursit për punësimin e tyre, me prioritet anesteziologët.

    Ai theksoi se licencimi është kusht i domosdoshëm për secilin mjek që dëshiron të punojë në sistemin publik shëndetësor.

    Sipas tij, procedurat janë duke u zhvilluar me prioritet për specialitetet më deficitare, me theks të veçantë në anesteziologji, për të adresuar nevojat urgjente të institucioneve shëndetësore publike.

    “Domethënë kanë qenë në proces të licencimit pas përfundimit, sepse secili mjek për të punuar në sistemin tonë shëndetësor i nevojitet licencë. Dhe pas përfundimit, te disa vetëm janë në proces të përfundimit me shpejtësinë më të madhe edhe me seriozitetin më të madh, duke filluar nga prioriteti më i madh që në këtë rast janë anesteziologët, do të kemi hapje të konkursit, shumë shpresoj që në 10 ditë ose në dy javët e ardhshme”, tha ai.