​Osmani takon kryeministrin e Holandës, diskutojnë për anëtarësimin e Kosovës në organizata ndërkombëtare

Presidentja e Kosovës, Vjosa Osmani ka takuar të enjten kryeministrin e ri të Holandës, Dick Schoof.

Takimi ka ndodhur në kuadër të samitit të katërt të Komunitetit Politik Evropian (EPC).

Përmes, një komunikate për media është bërë e ditur se temë diskutimi ka qenë avancimi i Kosovës drejt institucioneve euroatlantike dhe anëtarësimi në organizata ndërkombëtare.

“Diskutim përmbajtësor me Kryeministrin e ri të Holandës, Dick Schoof, për forcimin e partneritetit midis Kosovës dhe Holandës, si dhe për rëndësinë e avancimit të rrugës së Kosovës drejt institucioneve euroatlantike dhe anëtarësimit në organizata tjera ndërkombëtare”, ka thënë presidentja Vjosa Osmani.