Presidentja e Kosovës, Vjosa Osmani, ka nënshkruar sot në Davos Kartën e Bordit të Paqes si anëtare themeluese, e barabartë dhe me të drejta të plota, krah për krah me Shtetet e Bashkuara të Amerikës.
Osmani theksoi se anëtarësimi në organizata ndërkombëtare të paqes, të udhëhequra nga aleati strategjik i Kosovës, fuqizon sovranitetin dhe pozicionin ndërkombëtar të vendit.
“Kur Amerika udhëheq, paqja është gjithmonë më e sigurt!”, ka shkruar Osmani në facebook.
Osmani shtoi se kjo marrëveshje historike do t’i dërgohet Kuvendit të Kosovës për ratifikim, në përputhje me Kushtetutën, për të marrë miratimin final nga përfaqësuesit e popullit.
“Faleminderit presidentit Trump për lidershipin e tij dhe për ftesën që ta përfaqësoj Republikën e Kosovës në këtë moment historik. Kosova do të jetë në shërbim të paqes, sot e përherë!”, tha presidentja.
Leave a Reply