Opozita me kritika për gjendjen në shëndetësi, Vitia ua hedh përgjegjësinë qeverive të kaluara

Përgatiti: Benita Zeneli

Si rrallë në rend dite, deputetët kishin vetëm një pikë, atë të shqyrtimit të propozim-rezolutës për gjendjen në shëndetësi dhe sigurimet shëndetësore.

Por, si rëndom rezoluta e propozuar nga Aleanca për Ardhmërinë e Kosovës nuk e mori mbështetjen e pushtetit.

“Ekspertë të cilët pastaj është parë që nuk dinë as për vete dhe janë paguar për t’i trajnuar ekspertët, për të shkuar për t’i trajnuar stafin e Fondit të Sigurimeve Shëndetësore. Fatkeqësisht kjo ka ndodhë që unë pajtohem komplet me konkluzat e juaja, staf i patrajnuar, por kur i kanë bërë qeveritë e papërgjegjshme këto, nuk kam fjalë”, tha Vitia.

Për situatën në shëndetësi mospajtime gjatë debatit, ministri Arben Vitia pati me shumë deputetë të tjerë opozitarë.

Replika Vitia pati edhe me paraardhësin e tij. Ata i përmendën keqmenaxhimet e dështimet e njëri-tjetrit.

Ligji për sigurime shëndetësore ishte miratuar në Kuvend para një dekade, por nuk është zbatuar asnjëherë.