Nuk respektuan rregullat në trafik, Policia për 24 orë shqiptoi mbi dy mijë gjoba

Policia e Kosovës ka bërë me dije se gjatë 24 orëve të fundit ka shqiptuar 2074 gjoba në trafik.

Sipas policisë, gjatë kësaj periudhe kohore janë evidentuar 50 aksidente në trafikun rrugor, ku 24 aksidente kanë qenë me lëndime, ndërsa 26 me dëme materiale.

Po ashtu, policia njofton se janë arrestuar 24 persona, ndërkaq 19 të tjerë janë dërguar në mbajtje.