Ndalohen për 48 orë dy sllovakë dhe një kosovar, prodhuan substanca narkotike

Prokuroria Themelore në Ferizaj ka ndaluar për 48 orë tre persona të dyshuar për veprën penale “Prodhimi dhe përpunimi i paautorizuar i narkotikëve”.

Sipas Prokurorisë, dy nga të ndaluarit janë shtetas të Sllovakisë, ndërsa njëri kosovar.

“Sipas Prokurorisë të njëjtit janë ndaluar për shkak të dyshimit se në një laborator të cilin e kanë ndërtuar në fshatin Sllakoc i Epërm-Komuna e Gjilanit, kanë bërë përpunimin dhe përgatitjen e substancave narkotike”, thuhet në njoftimin e Prokurorisë.