Policia e Kosovës ditën e premte ka pranuar një telefonatë kinse në Stacionin e Autobusëve në Prishtinë ishte e vendosur një mjet shpërthyes, lajmërim i rrejshëm ky nga një qytetar.
Policia kishte evakuar qytetarët edhe personelin e cili ishte në objektin e stacionit, dhe se nuk kishte gjetur asgjë e dyshuar.
“Njësitë policore kanë pranuar një telefonat nga një i dyshuar i pa njohur se në objektin e stacionit të autobusëve është i vendosur një mjet shpërthyes. Njësitë policore kanë evakuar qytetarët si dhe personelin i cili ishte në objektin e stacionit. Pas kontrollit të kryer nga njësitë relevante policore nuk është gjetur asgjë e dyshuar”, thuhet në njoftim.
Rasti është duke u hetuar nga njësitet relevante.
Leave a Reply