Fitorja e madhe e Ushtrisë Çlirimtare të Kosovës, më 17 maj 1999 në Shqiponjë, u shndërrua në testament kombëtar të mbrojtjes së nderit të atdheut.
Kështu ka thënë kryetari i Aleancës për Ardhmërinë e Kosovës (AAK), Ramush Haradinaj, me rastin e shënimit të ditës së çlirimit të Shqiponjës.
“Shqiponja, vend me traditë shekullore të angazhimit për liri, ishte e para që dha lajmin e lirisë. Kjo fitore u reflektua në mbarë vendin, e brenda disa javëve Kosova ishte e lirë,” ka thënë Haradinaj.
Haradinaj ka shtuar se të rënët për liri mbeten udhërrëfyes për anëtarësimin e Kosovës në organizatën më të fuqishme ushtarake në botë.
“Në përvjetorin jubilar të çlirimit, nderuam sot më meritorët, burrat e gratë që pushojnë në Kompleksin Memorial të Shqiponjës, që mbesin udhërrëfyes yni në realizimin e ëndrrave tona për Kosovën e sigurt, anëtare e NATO-s, përkrah aleatëve të prirë nga Amerika”, ka përfunduar Haradinaj.
Leave a Reply