Makineria e rëndë herët në mëngjes ka filluar spastrimin e terrenit në afërsi të shkollës fillore në Zubin Potok.
Bëhet fjalë për ndërtimin e një stacioni policor siç konfirmoi Polica, gjë të cilën disa banorë aty po e kundërshtojnë duke paralajmëruar protesta.
Sipas zëvendës-komandantit të Policisë për rajonin e Veriut, Veton Elshani vendimi për ndërtimin e këtij stacioni ekziston që nga viti 2018 dhe u vërtetua në vitin 2022 ndërkaq tani është dhënë leja për nisje të punimeve.
“Meqë Policia funksiononte në një shtëpi private, vendimi u mor në vitin 2018 dhe tani kemi marrë leje që të vazhdojmë me punime, ndonëse vendimi final për këtë ishte marrë më herët” tha Elshani.
Leave a Reply