Ka dështuar edhe tentimi i 29-të për konstituimin e Kuvendit të Kosovës, pasi nuk u arrit numri i nevojshëm i deputetëve për të formuar Komisionin për votim të fshehtë.
Kryesuesi Avni Dehari u bëri thirrje subjekteve parlamentare të dorëzojnë propozimet për anëtarë të komisionit, por partitë ish-opozitare refuzuan të përfshihen në këtë proces.
Në sallë ishin të pranishëm 102 deputetë, por vetëm 53 votuan PRO, ndërsa nuk pati asnjë votë kundër apo abstenim.
Seanca u ndërpre, ndërsa përpjekja e 30-të për konstituimin e Kuvendit do të mbahet të mërkurën më 11 qershor.
Leave a Reply