Category: ZGJEDHJET 2025

Për të garantuar mbarëvajtjen e zgjedhjeve lokale, Misioni i Bashkimit Evropian për Sundimin e Ligjit (EULEX), në koordinim me Policinë e Kosovës dhe trupat e KFOR-it, ka vendosur patrulla mobile në disa zona të vendit me qëllim monitorimin e situatës së sigurisë.

Sipas një njoftimi nga EULEX, prania e tyre në terren ka për qëllim të kontribuojë në krijimin e një atmosfere të qetë dhe të sigurt, ku çdo qytetar me të drejtë vote të mund të votojë lirisht, pa presione.

Misioni evropian thekson se mbështetja e institucioneve vendore për zhvillimin e një procesi zgjedhor të rregullt dhe pa incidente mbetet një ndër prioritetet e tij në vend.

Në këtë link, mund t’i ndiqni LIVE zhvillimet e fundit të zgjedhjeve lokale:

Tri raste për fotografim të votës janë duke u trajtuar nga Policia e Kosovës.

Rastet janë raportuar në Prishtinë, Podujevë dhe Drenas.

Sipas zëdhënëses së Policisë për Rajonin e Prishtinës, Flora Ahmeti, nuk ka të arrestuar.

“Deri tani në rajonin e Prishtinës kemi pranuar tri informata (Një në Podujevë, një në Drenas dhe një në Prishtinë), ku dyshohet se janë fotografuar fletëvotimet. Informacionet po trajtohen në koordinim me prokurorinë”, ka shkruar ajo.

Në këtë link, mund t’i ndiqni LIVE zhvillimet e fundit të zgjedhjeve lokale:

Anëtari i KQZ-së nga radhët e LVV-së, Sami Kurteshi, ngriti shqetësimin për thyerjen e Kodit të Mirësjelljes nga Lista Serbe.

Ai tha se Lista Serbe ka mbajtur tubim elektoral para zyrave, duke përmendur mbledhjen e qytetarëve nga kjo parti në Mitrovicë të Veriut që të votojnë në mënyrë të organizuar.

Krahas kësaj, ai tha se në veri ka përpjekje të sjelljes së njerëzve për votim me karta identiteti të Serbisë, madje ngriti shqetësim se të njëjtat nuk po i sheh në raportin e KQZ-së.

“…Ka edhe përpjekje të sjelljes së njerëzve për votim me karta identiteti jo të Kosovës. Këto nuk po i shoh në raport…”, theksoi Kurteshi.

Në këtë link, mund t’i ndiqni LIVE zhvillimet e fundit të zgjedhjeve lokale:

Sekretarja e Partisë Demokratike të Kosovës (PDK), Vlora Çitaku tha se në një qendër votimi janë arrestuar tre persona për fotografim të votës. Në një konferencë për media, ajo shtoi se deri më tani procesi zgjedhor po zhvillohet kryesisht mirë dhe ka dalje të qytetarëve.

Ajo deklaroi se vota e sotme është votë për të ardhmen e përbashkët për zhvillim dhe për dinjitet.

“…Pak para se të dilja këtu u njoftova nga dega jonë në Drenas që falë intervenimit të vëzhguesve tanë në një qendër votimi janë arrestuar tre persona për fotografim të votës. Kur të kemi detaje më tej do të ju njoftojmë…”, deklaroi ajo.

Në këtë link, mund t’i ndiqni LIVE zhvillimet e fundit të zgjedhjeve lokale:

Kohëve të fundit është vërejtur një rritje e ndjeshme e angazhimit të artistëve, veçanarisht e këngëtarëve, në jetën politike dhe shoqërore. Ky fenomen ngre pyetje të rëndësishme mbi rolin e artit dhe artistit në shoqëri. Sipas Shkumbin Kryeziut, artistët nuk duhen të kenë frikë që të bëhen pjesë e politikës dhe fushatave, derisa as personalisht  nuk e përjashtoi mundësinë që në të ardhmen të jetë pjesë e politikës.

“Nuk e kam pa të arsyeshme të hy në organizime të ndryshme (politike) edhe pse kam pasë ftesa, por nuk do të thotë se nuk do të hy…”, u shpreh Kryeziu për ATV-në.

Në këtë link, mund t’i ndiqni LIVE zhvillimet e fundit të zgjedhjeve lokale:

Kandidatja e PSD-së për kryetare të Prishtinës, Besa Shahini ka votuar në shkollën fillore “Iliria”.

Shahini ka ftuar të gjithë qytetarët të bëhen pjesë e procesit të votimit.

“Sapo votova në shkollën fillore “Iliria”, ftoj të gjithë qytetarët të dalin të ushtrojnë të drejtën e tyre për të votuar… “, tha Shahini.

Në këtë link, mund t’i ndiqni LIVE zhvillimet e fundit të zgjedhjeve lokale:

Procesi i votimit për zgjedhjet lokale 2025 po vazhdon. Një qytetare (Lumturie Morina Kusari) nga komuna e Gjakovës për ekipin e ATV-së , u ankua se nuk e gjeti veten në listë e madje tha se është fyer nga komisionerët.

“Më fyen pse i mban dy mbiemra. Që 1 orë jam ardhë. Vet kam punu si komisionere, pa llaptopa edhe ia kemi dalë…”, tha ndër tjerash ajo.

Në këtë link, mund t’i ndiqni LIVE zhvillimet e fundit të zgjedhjeve lokale:

Ka votuar kandidati i LDK-së për kryetar të Prishtinës, Përparim Rama.

Pas votimit, Rama dha një mesazh të fokusuar në zhvillimin e vendit dhe bashkëpunimin me faktorin ndërkombëtar, duke e nisur me një urim për suksesin e kombëtares shqiptare.

Në këtë link, mund t’i ndiqni LIVE zhvillimet e fundit të zgjedhjeve lokale: