Category: TOP ATV

Emisioni veror i ATV-së, “n’mal An’det”, vazhdon të sjellë për shikuesit argëtim, intervista dhe eksplorim kulturor.

Në emisionin e mbrëmshëm, u transmetua një reportazh i ATV-së, i cili u zhvillua në Komunën e Skenderajt gjatë një aktiviteti kulturor tashmë tradicional në këtë komunë, “Sofrën e Drenicës”, i cili këtë vit u organizuar për mërgimtarët.

Plateja e shtëpisë së Kulturës në Skenderaj, të martën mbrëma u kthye në një odë të madhe, e cila ishte e mbushur me mërgimtarë të shumtë.

Komuna e Skenderajt e shtroi “Sofrën e Drenicës”, por kësaj radhe sofra nuk u shtrua për mysafirë, por për mërgimtarë e shumtë të kësaj komune, të cilët erdhën nga e gjithë bota për ta festuar së bashku këtë sofër, tashmë tradicionale.

Është komuna e Skenderajt në bashkëpunim me ansamblin e këngëve dhe valleve “Drenica”, të cilët organizuan një aktivitet, në vazhdën e aktiviteteve të shumta gjatë muajit të diasporës.

Në këtë ambient tejet të veçantë nuk mungoi muzika tradicionale shqiptare, rrëfimet popullore si dhe anekdota të shumta të Drenicës.

Për më shumë, shikoni videon e më poshtme:

Emisioni veror i ATV-së, “n’mal A n’det”, vazhdon të sjellë për shikuesit argëtim, intervista dhe eksplorim kulturor.

Një prej rubrikave eksploruese në këtë emision është rubrika “Ku me shku n’det”, në të cilën çdo ditë për shikuesit sjellin nga një reportazh nga plazhet më të bukura shqiptare.

Në emisionin e mbrëmshëm, ekipi i ATV-së bëri një vizitë në Durrës, ku prej atje gazetari i ATV-së, pyeti pushuesit se pse e zgjedhin këtë vend për pushime.

Një mërgimtar nga Italia tha ai e zgjedh gjithmonë bregdetin shqiptar që t’i kaloj pushimet, pavarësisht vendit ku ai jeton dhe vepron.

“ Jetoj në Itali dhe për çdo vit e vizitojmë Durrësin se është tokë e shqiptarëve edhe asnjëherë nuk e ndërroj këtë vend me ndonjë tjetër”, tha ai.

Për më shumë ndiqni videon e mëposhtme:

Emisioni veror i ATV-së, “n’mal An’det”, vazhdon të sjellë për shikuesit argëtim, intervista dhe eksplorim kulturor.

Një prej rubrikave eksploruese në këtë emision është rubrika “Ku me shku n’det”, në të cilën çdo ditë për shikuesit sjellin nga një reportazh nga plazhet më të bukura shqiptare.

Në emisionin e mbrëmshëm, ekipi i ATV-së bëri një vizitë në ishullin Lezhë.

Relievi fushor i rrethuar nga Lumi Drin, Laguna e Vainit e bëjnë ishullin Lezhë një zonë të bukur dhe shumë interesante.

Njihet si një nga zonat turistike më të vizituara në veriun e Shqipërisë, për natyrën, turizmin e vëzhgimit të shpendëve ujorë, për gastronominë, por edhe për kuriozitetin kulturor që mban.

Ishulli Lezhë është një fshat në jug-perëndim të Lezhës. Turizmi në këtë zonë mori hov që nga pushtimi turk, por kulminacionin e arriti në shekullin XX, atëherë kur ndërtuar Hoteli i Gjuetisë.

Ky kompleks është ndërtuar gjatë viteve 1938-1939. Është përdorur si hotelieri, por edhe për të pasionuarit pas gjuetisë.

Kryesisht kanë qëndruar italianët, por gjatë periudhës komuniste, pjesë e këtij kompleksi ishte edhe Enver Hoxha, ku ishte vendi i preferuar i tij gjatë asaj kohe.

Reportazhin e plotë të ATV-së në Ishullin Lezhë e gjeni në videon më poshtë:

Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

Në videon e më poshtme e gjeni emisionin e plotë “n’mal A n’det” që u transmetua mbrëmë:

Emisioni veror i ATV-së, “n’mal An’det”, vazhdon të sjellë për shikuesit argëtim, intervista dhe eksplorim kulturor.

Një prej rubrikave eksploruese në këtë emision është rubrika “Ku me shku n’mal”, në të cilën çdo ditë për shikuesit sjellin nga një reportazh nga fshatrat e ndryshëm të Kosovës.

Në emisionin e mbrëmshëm, ekipi i ATV-së transmetoi një reportazh për fshatin Gushavc të Mitrovicës.

Ky fshat, pos bukurive të shumta natyrore që ka, njihet edhe për organizime të veçanta të dasmave.

Banorët janë të lidhur shumë edhe me traditat e të parëve të tyre.

Sabit Sahiti banor i fshatit Gushavc, në një bisedë për ATV-në, flet me pasion për kohërat e më parëshme se si janë organizuar dasmat e ahengjet, ndërsa tregon se në çdo dasmë thirret i tërë fshati.

“Ka qenë një kohë shumë e mirë. E mbaj në mend, oda e burrave, janë kthy tryezat me bukë vetëm për burra, pjesa e grave vetëm për gra, pjesa e fëmijëve vetëm për fëmijë. Në një mënyrë ka qenë shumë mirë e organizuame. Në çdo dasmë, krejt fshati thirret, nuk anashkalohet asnjë familje për mos me u thirrë. Më herët kanë qenë dasmat, kanë fillu prej vllaznillakut, dy javë më herët. Për shembull, të premten niske dasma, të shtune e të dielë janë tubu krushqit, ka pasur dasmë mas dite, gjithë natën, edhe kur ka ardh nusja, a vazhdu dasma deri në orët e hershme të mëngjesit, mas andej gratë i kanë pasë ato të vetat”, thotë ai.

Ndryshimi i kohërave duket se nuk i pëlqen Sabitit, pasi që tani ai thotë se njerëzit më shumë po rrinë në telefonat e tyre.

“Tash ky ndryshim nuk më pëlqen, ta them të vërtetën, kam qejf në mbrëmje gjithë me pas njerëz në shtëpi. Tash kur po vijnë, më shumë po rrinë në telefona. Porosia e ime është që traditat e mira mos të harrohen”, thotë Sabiti. /atvlive.tv

Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

Në videon e më poshtme e gjeni emisionin e plotë “n’mal A n’det” që u transmetua mbrëmë:

Emisioni veror i ATV-së, “n’mal An’det”, vazhdon të sjellë për shikuesit argëtim, intervista dhe eksplorim kulturor.

Një prej rubrikave eksploruese në këtë emision është rubrika “Ku me shku n’mal”, në të cilën çdo ditë për shikuesit sjellin nga një reportazh nga fshatrat e ndryshëm të Kosovës.

Në emisionin e mbrëmshëm, ekipi i ATV-së transmetoi një reportazh për fshatin Gushavc të Mitrovicës.

Ky fshat, pos bukurive të shumta natyrore që ka, njihet edhe për organizime të veçanta të dasmave.

Nazmi Beka, drejtor i shkollës “Abdullah Shabani”, në një bisedë për ATV-në, tregoi se fshati iu ka dhënë një rëndësi të veçantë organizimit të dasmave dhe ahengjeve familjare, gjithmonë duke i respektuar traditat kombëtare.

“Fshati iu ka dhënë shumë rëndësi dasmave, ahengjeve familjare. Kjo traditë e dasmave vazhdon, madje lirisht mundem me thanë se çdo ditë e më shumë rritet. Njerëzit e këtij vendi bëjnë përpjekje me i respektua traditat kombëtare, do të thotë çdo herë në çdo dasmë ka risi e është një lloj gare mes njerëzve këtu se kush po e bën një dasmë më të mirë ose kush e bën një ceremoni më të pa harrueshme kushtimisht me thënë. Prej muzikës, vallëzimit, zgjatjes së ceremonisë nivelit sa investojnë në dasmë e kështu me radhë”, tregon Nazmiu. /atvlive.tv

Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

Në videon e më poshtme e gjeni emisionin e plotë “n’mal A n’det” që u transmetua mbrëmë: