Category: TEKNOLOGJI

Bitcoin arriti nivelin e 50,000 dollarëve për herë të parë në më shumë se dy vjet, pasi kriptomonedha më e madhe në botë u rrit nga pritshmëritë për ulje të normave të interesit dhe ndryshimi rregullator i muajit të kaluar për fondet e tregtuara në shkëmbim në SHBA, të krijuara për të ndjekur çmimin e saj.

Kriptovaluta është rritur me 16.3% deri më tani këtë vit duke prekur nivelin më të lartë që nga 27 dhjetor 2021, raporton Reuters.

Kriptovaluta Bitcoin është aprovuar si aset financiar nga rregullatori financiar amerikan, në fillim të këtij viti.

Ai do të ketë mundësi të tregohet nëpërmjet sistemit ETF, derisa miratimi do t’iu mundësojë investitorëve institucionalë ekspozim ndaj kriptomonedhës më të madhe në botë pa e poseduar atë fizikisht, si dhe do të nxisë zhvillimin e kësaj industrie.

Numri i përdoruesve aktivë në median sociale është rritur në mbi pesë miliardë, e barabartë me afërsisht 60% të popullsisë së botës, e cila, sipas vlerësimeve zyrtare të OKB-së, ka tejkaluar tetë miliardë njerëz.

Sipas një studimi kjo daton që kur Facebook nisi aktivitetin, tashmë 20 vjeçar, platformë që nisi epokën e medias sociale.

Sipas studimit numri i përdoruesve të medias sociale është rritur me 5,6%, duke tejkaluar rritjen prej 0,9% të popullsisë botërore.

Rrjeti social më i populluar është Facebook me 2,19 miliardë përdorues.

Instagram, gjithashtu nga Meta, është i dyti me 1,65 miliardë, i ndjekur nga afër nga TikTok me 1,56 miliardë.

Përdoruesi mesatar i medias sociale shpenzon dy orë e 23 minuta në ditë në platformën e tij të preferuar, duke përdorur 6,7 platforma çdo muaj. /ANSA/

Sipërmarrësi i suksesshëm, Elon Musk, duket se e ka shumë të qartë vizionin për të nesërmen inovative dhe ai nuk ka aspak frikë që ta ndjekë atë.

Dhe ajo që mund të bëni ju është të ndiqnin strategjitë e tij.

1. Njohuria është pushtet. Sa më shumë njohur të fitoni gjatë jetës, aq më mirë do të jetë për ju. Procesi i të mësuarit vazhdon gjatë gjithë jetës suaj.
2. Rrezikoni. Nëse nuk rrezikoni tani, ju nuk do ta merrni kurrë hapin e duhur.
3. Mos hiqni dorë nga ëndrrat tuaja. Musk është nga sipërmarrësit më të suksesshëm, por edhe ai e ka njohur dështimin.
4. Duhet të keni intuitën e një lideri të vërtetë. Nuk mjafton vetëm të merrni përsipër rriske por edhe të keni aftësitë dhe intuitën e një lideri të vërtetë.
5. Konsultoni edhe mendimet e të tjerëve. Aty mund të gjeni ode të vlefshme.
6. Mos humbni kohë kot. Koha është një ndër elementët më të rëndësishëm në rrugën drejt suksesit.
7. Mos u frikësoni edhe kur ju refuzojnë.
8. Përpilo listën e prioriteteve. Musk e skedulon kohën e tij duke i ndarë gjërat sipas prioriteteve.
9. Mos u dorëzoni. Ndaj mbani pranë vetes njerëz që ju mbështesin dhe ju japin guxim për të vazhduar më tej.
10. Krijoni një balancën jetë profesionale-jetë personale. Gjeni kohë për familjen tuaj dhe mundohuni të krijoni një ekuilibër midis jetës suaj profesionale dhe asaj familjare.
11. Mësoni nga gabimet. Gabimet dhe përvoja është mësuesi më i mirë, për të gjithë ne.

Aplikacioni i Facebookut për mesazhe, Messengeri, ka dalë përkohësisht nga funksionimi të mërkurën në mesditë.

Mijëra njerëz në gjithë botën janë ankuar se në versionin kompjuterik, nuk po arrijnë të komunikojnë me njëri-tjetrin sepse aplikacioni po vepron “si i çmendur” duke kthyer bisedat e vjetra, nga shumë kohë përpara.

Përdoruesit kanë shprehur shqetësimin në rrjete të tjera sociale.

Sipas “Global Overview Report”, Facebook Messengeri është aplikacioni i katërt më i përdorur në botë me mbi 1.3 miliardë përdorues.

Në një përpjekje për të lidhur trurin e njeriut me kompjuterët, miliarderi i teknologjisë, Elon Musk, ka njoftuar se kompania e tij Neuralink ka realizuar me sukses implantin e çipit me valë te një njeri.

Sipas Musk, rezultatet fillestare zbuluan “sinjale premtuese” të neuroneve dhe impulseve nervore, pra pacienti po shërohet.Madje, bëhet e ditur se edhe një numër i kompanive rivale të Neuralink kanë realizuar implante të ngjashme.

Ndryshe, Neuralink iu dha leja për testimin e çipit te njerëzit në maj, moment ky i cilësuar si historik.Ky vendim i dha dritën e gjelbër për një studim gjashtëvjeçar në një robot, në trurin e të cilit po vendosen 64 fije.Këto fije lejojnë implantin të regjistrojë dhe transmetojë sinjalet e trurit me valë në një aplikacion.

Me anë të një postimi në X, Musk tha se produkti i parë i Neuralink do të quhet Telepathy, dhe do të mundësojë “kontrollin e telefonit dhe kompjuterit përmes pothuajse çdo pajisjeje, vetëm duke menduar”.“Përdoruesit fillestar do të jenë ata që kanë humbur funksionimin e gjymtyrëve”, shtoi Musk.Pajisjet ekzistuese nga kompanitë rivale të Neuralink kanë gjeneruar gjithashtu rezultate.Blackrock Neurotech në vitin 2004 ka realizuar implantin e parë tru-kompjuter, ndërsa Precision Neuroscience synon të ndihmojë njerëzit me paralizë.

Meta po çaktivizon mundësinë për fëmijët nën 18-vjeç për të marrë mesazhe në Instagram dhe Messenger nga kushdo që nuk e ndjek ose nuk është i lidhur, si pjesë e një përditësimi të sigurisë.

Gjigandi i mediave sociale tha se ndryshimi është pjesë e punës së vazhdueshme për të ofruar ‘përvoja të përshtatshme për moshën për adoleshentët’ nëpër aplikacionet e tij.

Ndryshimi zgjeron një politikë ekzistuese të Meta e cila nuk i lejon të rriturit t’u dërgojnë mesazhe adoleshentëve që nuk i ndjekin.

Kjo do të thotë se askush në Instagram ose Facebook Messenger tani nuk do të jetë në gjendje t’i dërgojë mesazhe të drejtpërdrejta një adoleshenti që nuk i ndjek.

Ky cilësim i parazgjedhur do të zbatohet për të gjithë adoleshentët nën 16-vjeç (ose nën 18-vjeç në vende të caktuara). Ata që janë tashmë në Instagram do të shohin një njoftim duke i bërë të ditur se po i bëjnë këto ndryshime në cilësimet e mesazheve të tyre.

Përditësimi vjen pasi platformat e mediave sociale vazhdojnë të përballen me shqyrtimin e ndikimit të tyre tek përdoruesit e rinj.

Të mërkurën, kryeministri britanik Rishi Sunak u përball me një thirrje për të konsideruar ndalimin e mediave sociale dhe telefonave inteligjentë për moshat nën 16-vjeç.

Deputetja konservatore Miriam Cates tha se kishte pasur një ‘rritje të dukshme’ të shëndetit të dobët mendor të adoleshentëve që nga viti 2010 dhe bëri thirrje për masa më të rrepta. /DailyMail

Macintosh-i i parë i Apple – një pajisje që revolucionarizoi kompjuterët personalë mbushi 40 vjet prej kur u lansua për herë të parë.

Kompjuteri “që ndryshoi lojën” doli për herë të parë në shitje më 24 janar të vitit 1984.

Ish-shefi i Apple, Steve Jobs e kishte prezantuar Macintoshin e parë gjatë një eventi në Cupertino.

Në ditët e sotme seritë e reja të kompjuterëve të Apple njihen thjesht me termin Mac.

Samsung Electronics zbuloi së fundmi modelin Galaxy S24. Kjo seri udhëheq rrugën drejt një epoke të re që do të ndryshojë përgjithmonë mënyrën se si pajisjet celulare fuqizojnë përdoruesit.

Inteligjenca artificiale përforcon pothuajse çdo përvojë në serinë Galaxy S24, nga mundësimi i komunikimit pa pengesa me përkthime inteligjente të tekstit dhe thirrjeve, deri te maksimizimi i lirisë krijuese.

Njohësi i teknologjisë, Drilon Jaha, në një lidhje të drejtpërdrejtë në emisionin A LIVE në ATV, tha se ajo që është tepër me rëndësi të Samsungu, por edhe kompanitë e tjera, është fakti se janë duke e shtyrë agjendën e Inteligjencës Artificiale.

Ai tha se sa i përket thjeshtëzimit të përdorimit të Inteligjencës Artificiale, Samsung tani është një hap para Apple.

“Samsungu është një hap përpara Apple në thjeshtëzimin e përdorimit të Inteligjencës Artificiale, duke e parë këtu lehtësimin e përdorimit të pajisjes. Çka është Inteligjenca Artificiale në telefona, është se në vend që ne me pasë nevojë me e kuptu gjuhën e telefonit, telefoni është duke e kuptu gjuhën tonë njerëzore edhe ky komunikim ka me u zhvillu deri në atë nivel sa që kemi me e pasë shumë të lehtë me komuniku edhe me pajisje të teknologjisë, sikurse një robot, një kompjuter, një telefon e kështu me radhë”, tha Jaha. /atvlive.tv

Këshilltari i Gjykatës së Bashkimit Evropian kërkon nga Google që të paguajë një gjobë prej 2.4 miliardë eurosh për shkak se ka përdorur pozicionin e saj monopol në treg për të ofruar mallra.

Avokati i Përgjithshëm i Gjykatës Evropiane të Drejtësisë, Julian Kokot, kërkon që të refuzohet ankesa e kompanisë kundër vendimit të vitit 2017 dhe të konfirmohet gjoba prej 2.4 miliardë euro e vendosur ndaj Google nga Komisioni Evropian (KE).

KE akuzoi Google për drejtimin e përdoruesve në Google Shopping pa të drejtë kërkimi, duke shkaktuar dëme tek ofruesit konkurrues të të njëjtave shërbime.

Është një nga tri gjobat shumë miliardë dollarëshe që KE i ka vendosur kompanisë gjatë dhjetë vjetëve të fundit të luftës për të rregulluar industrinë e teknologjisë.

Google apeloi në gjykatën më të lartë të BE-së pasi Gjykata e Përgjithshme e ulët e refuzoi sfidën e saj.

Mendimet e Avokatit të Përgjithshëm të Gjykatës së Drejtësisë nuk janë ligjërisht të detyrueshme, por gjyqtarët shpesh i ndjekin ato. Vendimi përfundimtar i tyre pritet pas disa muajsh.

Kompania Google ka deklaruar më parë se ka prezantuar ndryshime në vitin 2017 në mënyrë që të jetë në përputhje me vendimin e Komisionit Evropian.

“Do të shqyrtojmë mendimin e Prokurorit të Përgjithshëm dhe do të presim vendimin përfundimtar të gjykatës. Pavarësisht apelit, ne vazhdojmë të investojmë në ndryshimin tonë, i cili funksionon me sukses prej disa vitesh dhe vazhdojmë të bashkëpunojmë në mënyrë konstruktive me Komisionin Evropian”, thuhet në deklaratën e Google.