Category: Teknologji

Një ngjarje tronditëse ka ndodhur në Kaliforni, ku një adoleshent 16-vjeçar, Adam Raine, i ka dhënë fund jetës së tij.

Prindërit e tij kanë ngritur një padi kundër kompanisë OpenAI, duke pretenduar se platforma e inteligjencës artificiale ChatGPT ka luajtur një rol aktiv në vetëvrasjen e djalit të tyre.

Në një intervistë për programin TODAY të NBC News, pas vdekjes së Adamit, prindërit zbuluan se ai kishte pasur dhjetëra biseda me ChatGPT-në, përfshirë diskutime të detajuara mbi mënyrat për të kryer vetëvrasje.

Adam e kishte përdorur ChatGPT-në për të marrë ndihmë në mësime dhe si një mjet për të përballuar vetminë. Por me kalimin e kohës, thonë prindërit, bisedat kishin marrë një kthesë të rrezikshme, duke u përqendruar te temat depresive dhe vetëvrasja. ChatGPT, sipas padisë, nuk e kishte ndaluar bisedën dhe nuk kishte ndërhyrë, pavarësisht se Adam kishte shprehur qartë qëllimet e tij.

Familja Raine ka ngritur një padi në Gjykatën e Lartë të San Franciskos ndaj OpenAI dhe drejtorit të saj, Sam Altman. Në dokumentet ligjore, ata pretendojnë se kompania ka dështuar të vendosë masa mbrojtëse efektive për përdoruesit e mitur dhe se platforma kishte ofruar informacion potencialisht të rrezikshëm që ndikoi drejtpërdrejt në vendimin fatal të djalit të tyre.

Babai i Adamit, Matt Raine, u shpreh “ai do të ishte ende me ne po të mos ishte për ChatGPT-në. Jam 100 për qind i bindur për këtë”.

Sipas tij, platforma nuk i kishte ofruar asnjë ndihmë reale psikologjike dhe nuk kishte orientuar djalin drejt ndihmës profesionale, përkundrazi, kishte lehtësuar procesin.

Në një deklaratë për mediat, OpenAI tha se është thellësisht i tronditur nga ngjarja dhe shpreh keqardhje për humbjen tragjike.

Kompania shton se ChatGPT përmban disa mekanizma sigurie, si sugjerimi për të kontaktuar linjat e ndihmës, por pranon se ato mund të mos jenë gjithmonë të mjaftueshme në raste të rënda emocionale

Pavarësisht nëse jeni në një udhëtim pune apo në pushime, një Wi-Fi i ngadaltë në dhomën e hotelit mund t’ju prishë planet.

Lajmi i mirë është se ka disa mënyra për të përshpejtuar internetin, pa u mbështetur vetëm në cilësinë e rrjetit të hotelit. Disa truke përfshijnë rregullimet në vetë pajisjen, ndërsa të tjerat kërkojnë pajisje shtesë ose planifikim paraprak.

Një nga hapat e parë që mund të provoni është ndryshimi i serverit DNS. DNS-i i parazgjedhur i hotelit mund të jetë i ngadaltë, ndaj kalimi te Google DNS ose Cloudflare shpesh sjell ngarkim më të shpejtë të faqeve dhe një lidhje më të qëndrueshme. Vlen gjithashtu të provoni rifillimin e pajisjes, pasi ruterët modernë zakonisht zgjedhin automatikisht kanale më pak të ngarkuara, gjë që mund të përmirësojë rezultatin.

Nëse dyshoni se hoteli po kufizon shpejtësinë e trafikut të internetit, një zgjidhje mund të jetë përdorimi i një shërbimi VPN. Ai krijon një lidhje të sigurt dhe të enkriptuar, dhe mund të anashkalojë kufizimet e vendosura. Mund të provoni të harroni rrjetet që nuk i përdorni më ose të rivendosni plotësisht cilësimet e rrjetit në pajisje. Kjo mënyrë heq cilësimet e vjetra dhe të panevojshme, gjë që ndonjëherë përshpejton lidhjen Wi-Fi.

Rekomandohet gjithashtu që para udhëtimit të përditësoni sistemin operativ dhe drejtuesit (drivers) e pajisjeve, pasi softueri i vjetëruar mund të ndikojë negativisht në shpejtësinë e lidhjes.

Është e rëndësishme të merrni parasysh edhe vendndodhjen fizike brenda hotelit. Dhomat afër pikave kryesore të aksesit (ruterëve) zakonisht kanë sinjal më të fortë. Shmangni dhomat me mure të trasha ose sipërfaqe të mëdha metalike midis jush dhe ruterit. Gjithashtu, përpiquni të shmangni përdorimin e Wi-Fi-së gjatë orëve të ngarkuara.

Për ata që duan më shumë kontroll mbi lidhjen, ruterët portativë mund të jenë një zgjidhje e shkëlqyer. Ata zgjerojnë rrjetin ekzistues dhe krijojnë një lidhje tuajën private dhe më të qëndrueshme. Edhe më mirë është lidhja përmes kabllit Ethernet, nëse është e disponueshme në dhomën e hotelit apo në qendrën e biznesit të tij.

Nëse asgjë tjetër nuk funksionon, mund të përdorni hotspot-in mobil të telefonit tuaj ose të kombinoni rrjetin celular me atë të hotelit përmes softuerëve që bashkojnë lidhje, për të marrë një internet më të shpejtë dhe më të qëndrueshëm. /

Ndërsa iOS 26 beta sjell disa risi në Apple Maps, duke përfshirë një që mëson rrugët tuaja të zakonshme, aplikacioni tani ka edhe një funksion tjetër të ri që shfaqet në versionin beta.

Bëhet fjalë për funksionin “Kërko ashtu siç flet” (Search The Way You Talk), i cili tashmë është i pranishëm në aplikacione të tjera si App Store, Music, Photos dhe TV. Për shembull, aplikacioni Photos e ka këtë funksion që nga dalja e Apple Intelligence në iOS 18.

Kjo mënyrë kërkimi bazohet në inteligjencën artificiale, prandaj, në vend që të përdorni fjalë kyçe, thjesht mund të flisni në mënyrë natyrale, ashtu si do t’i thonit dikujt gjatë një bisede.

Me fjalë të tjera, kur kërkoni një vend në Apple Maps, përshkruajeni ashtu si do t’ia shpjegonit një shoku. Apple nuk e ka shpallur zyrtarisht këtë funksion për Apple Maps, por ata që përdorin versionin beta të iOS 26 mund ta kenë marrë në përditësimin e developer beta 5.

Me funksionin “Kërko ashtu siç flet”, në vend që të shkruani ose thoni “Restorante që janë të hapura vonë”, mund të kërkoni “më trego disa restorante italiane me vlerësime të larta, që kanë verandë dhe që janë të hapura pas orës 22:00”.

Thelbi është që ky funksion i ri ju lejon t’i bëni pyetje Apple Maps pikërisht ashtu siç do t’i thonit në të folur, pa qenë nevoja të përdorni filtra shtesë për të marrë përgjigjen që kërkoni.

Për ndonjë arsye, Apple nuk e ka promovuar këtë funksion të ri, edhe pse tashmë shfaqet në aplikacion.

Ndoshta nuk është më emocionuesi, por është padyshim një funksion i dobishëm nëse përdorni Apple Maps për të kërkuar vende interesante.

Në një botë ku dita është e mbushur me aktivitete të ndryshme, nga takimet deri tek palestra dhe angazhimet personale, teknologjia që na shoqëron duhet të përshtatet me stilin e jetës sonë.

Samsung ka krijuar një përvojë të re që flet gjuhën e lëvizjes dhe elegancës, duke sjellë produkte si Galaxy Z Fold7, Z Flip7, dhe Galaxy Watch8, duke ofruar mundësi të reja dhe të fuqishme për përdoruesit e saj.

Dizajn dhe performancë që ecin me ritmin tuaj

Samsung ka avancuar më tej vizionin e saj për telefonat e palosshëm, duke sjellë pajisjet më të holla dhe më të lehta të krijuara për ata që kërkojnë më shumë, pa bërë asnjë kompromis. Galaxy Z Flip7 është kompakt dhe mund të futet lehtësisht në xhepin e xhaketës, por gjithashtu ofron mundësinë të menaxhosh takimet, të bësh foto dhe të kontrollosh muzikën pa e hapur ekranin kryesor.

Për ata që kërkojnë një ekran më të gjerë, Galaxy Z Fold7 ofron një përvojë të pasur dhe të sofistikuar të një tableti, të përsosur për ata që lexojnë raporte në lëvizje, editojnë dokumente, apo shikojnë video gjatë pushimit të drekës.

Pajisje të qëndrueshme dhe të besueshme

Të dy pajisjet e fundit, Z Flip7 dhe Z Fold7, janë krijuar me materiale të përforcuara dhe ekrane me qëndrueshmëri të lartë, duke i bërë ato shoqërues të besueshëm kudo. Samsung ka siguruar që këto pajisje të jenë gjithashtu të ndërtuara për të përballuar kushte të ndryshme të përdorimit dhe të ofrojnë performancë të shkëlqyer.

Përjetimi i jetës në lëvizje me Galaxy Watch

Një tjetër element i rëndësishëm i ekosistemit Galaxy janë pajisjet e veshjes. Galaxy Watch8 dhe Galaxy Watch Ultra janë të krijuara për të monitoruar shëndetin dhe aktivitetet tuaja, duke përfshirë matjen e aktiviteteve fizike, gjumit, dhe shëndetit të zemrës me saktësi të lartë. Galaxy Watch Ultra ofron opsione më të avancuara për ata që janë të angazhuar në aktivitete ekstreme dhe kërkojnë një monitorim më të thelluar.

Të dy pajisjet janë ideale për ata që duan të ndjekin ritmin e trupit të tyre, pa pasur nevojë të shikojnë vazhdimisht ekranin.

Përvojë intuitive me One UI 8

Pajisjet Galaxy tani ofrojnë një ndërfaqe të re, One UI 8, e cila sjell një përvojë të rafinuar dhe intuitiv. Ajo bën përdorimin e përditshëm më të lehtë se kurrë, duke ofruar akses të shpejtë tek veçoritë e përdorura më shpesh dhe duke përdorur inteligjencën artificiale për të mësuar nga zakonet tuaja.

Kjo e bën Galaxy një ndihmës të vërtetë personal, jo thjesht një mjet.

Provo Galaxy pa pasur nevojë të ndryshosh pajisjen

Nëse ende nuk jeni pjesë e ekosistemit Galaxy, mund ta provoni përvojën Galaxy falë Try Galaxy. Mjafton të vizitoni trygalaxy.com ose të skanoni kodin QR për të provuar funksionalitetet më të fundit të Galaxy Z dhe One UI direkt nga telefoni juaj aktual, qoftë Android apo iPhone.

Ky është momenti për të jetuar në lëvizje, me teknologji që përshtatet me jetën tuaj dhe jo anasjelltas. Me Galaxy Z Flip7, Z Fold7, dhe Galaxy Watch8, çdo hap i ditës bëhet më i thjeshtë, më i mençur dhe padyshim më elegant.

Përdoruesit e Microsoft-it kanë raportuar një problem të vazhdueshëm me funksionin “Siguria Familjare”, i cili ka shkaktuar mbyllje të papritura të shfletuesit Google Chrome në Windows.

Ky problem filloi të shfaqej në fillim të muajit qershor, kur shumë përdorues vunë re se Chrome nuk hapej fare ose mbyllej pas disa sekondash.

Microsoft ka konfirmuar se shkaku i problemit është i lidhur me Sigurinë Familjare, e cila pengon hapjen e Chrome në disa raste. Shfletues të tjerë, si Firefox dhe Opera, nuk janë prekur nga ky gabim.

Disa përdorues kanë zbuluar se riemërtimi i skedarit Chrome.exe mund të jetë një mënyrë për të zgjidhur përkohësisht problemin.

Për prindërit dhe shkollat që përdorin Sigurinë Familjare në Microsoft 365, mund të çaktivizohet opsioni i filtrimit të faqeve të internetit për të lejuar Chrome të funksionojë sërish, por kjo mund të rrisë rrezikun që fëmijët të kenë qasje në faqe të papërshtatshme.

Microsoft nuk ka dhënë ende një afat për kur do të rregullojë këtë problem, dhe përdoruesit janë të udhëzuar që të rihapin Chrome, por kjo nuk ka ndihmuar shumë.

Shërbimi i njohur i thirrjeve video, Skype, është mbyllur zyrtarisht më 5 maj nga Microsoft, duke shënuar fundin e një epoke për komunikimin në internet, përcjell ATV.

Skype, i themeluar në vitin 2003 në Estoni, revolucionarizoi mënyrën se si njerëzit bisedonin përmes teknologjisë VOIP, duke mundësuar thirrje audio dhe video përmes internetit. Pas blerjes nga Microsoft në vitin 2011 për 8.5 miliardë dollarë, Skype pati një sukses të madh global, me rreth 170 milionë përdorues në atë kohë.

Microsoft vendosi ta mbyllë Skype për të fokusuar përpjekjet në platformën Teams, e cila është bërë aplikacioni kryesor i komunikimit dhe bashkëpunimit në kompani. Llogaritë ekzistuese të Skype tani mund të përdoren në Teams.

Ekspertët thonë se Skype ndryshoi mënyrën e lidhjes së njerëzve në distancë, duke e bërë komunikimin ndërkombëtar më të lirë dhe të qasshëm për të gjithë – jo vetëm për bizneset e mëdha.

Pavarësisht rënies së popullaritetit pas rritjes së platformave si Zoom, Slack dhe vetë Teams gjatë pandemisë, Skype mbetet një pararendës i rëndësishëm në historinë e punës dhe komunikimit virtual. /atvlive.tv

Amazon ka filluar të shesë libra që pretendojnë të ofrojnë këshilla për menaxhimin e ADHD-së (Çrregullimi i mungesës së vëmendjes dhe hiperaktivitetit), por që duken të shkruara nga chatbot si ChatGPT.

Sipas The Guardian, shumë prej këtyre librave janë të lehtë dhe të lirë për t’u botuar, por përmbajnë informacion të pasaktë dhe të rrezikshëm, siç janë udhëzuesit për udhëtime që nuk janë të besueshme dhe libra për mbledhjen e kërpudhave që inkurajojnë provimin e rrezikshëm të tyre.

Një numër librash, si Orientimi i ADHD te meshkujt dhe ADHD te meshkujt e rritur, janë identifikuar si të shkruara nga inteligjencë artificiale, me 100% të mundësisë për të qenë të tilla. Ekspertët paralajmërojnë se tregjet online janë një “perëndim i egër” për shkak të mungesës së rregullave për përmbajtjet e prodhuara nga AI, duke rrezikuar përhapjen e dezinformacioit të dëmshëm, transmeton KosovaPress.

Michael Cook, studiues kërkimor në shkencat kompjuterike në Kolegjin e Mbretit në Londër, tha: “Sistemet generuese të AI, si ChatGPT, janë të njohura për dhënien e këshillave të rrezikshme, si konsumimi i substancave toksike ose injorimi i udhëzimeve shëndetësore”.

Sistemet si ChatGPT janë trajnuar me të dhëna nga burime të ndryshme, duke përfshirë pseudoshkencë dhe teori konspirative, që nuk mund të sigurojnë një analizë të saktë. Cook e quajti shqetësuese rritjen e librave të shkruar nga AI, sidomos për tema shëndetësore, duke thënë se mund të shkaktojnë gabime diagnozash ose përkeqësim të kushteve.

Profesoresha Shannon Vallor nga Universiteti i Edinburgut vuri në dukje se Amazon ka përgjegjësinë etike për të mos lejuar dëm tek klientët, por ka vështirësi për të kontrolluar përmbajtjen e gjithë librave që ofron.

Aktualisht, nuk ka legjislacion që kërkon etiketimin e librave të shkruar nga AI. Agjencia e Standardeve të Reklamës tha se librat e shkruar nga AI nuk mund të reklamohen për të dhënë përshtypjen se janë të shkruar nga njerëz.

Richard Wordsworth, një person i diagnostikuar me ADHD, shprehu shqetësimin e tij pasi lexoi një libër të gjetur në Amazon, i cili ishte rekomanduar nga babai i tij. Libri përmbante këshilla të dëmshme dhe pas disa kërkimeve, ai zbuloi se autori mund të ishte një AI, duke e bërë atë të ndjehej i mashtruar dhe të shqetësuar për potencialin që kjo mund të ndodhte edhe me të tjerë.

Një zëdhënës i Amazon tha: “Ne investojmë burime të konsiderueshme për të siguruar që udhëzimet tona të ndiqen dhe të heqim librat të cilat nuk i përmbahen atyre”.

Ajo që tingëllon si një episod i Black Mirror është shpalosur në jetën reale – miliona njerëz në mbarë botën kanë rënë dakord të lejojnë rruzullin metalik të skanojnë sytë e tyre në këmbim të marrjes së një ID të bazuar në blockchain dhe një kriptomonedhë të quajtur Worldcoin.

Duke filluar nga kjo javë, Worldcoin (WLD) do të jetë i disponueshëm në shumicën e Shteteve të Bashkuara për herë të parë, duke përfshirë shkëmbimet si Coinbase, raporton KosovaPress.

Ata që skanojnë sytë e tyre në një rruzull botëror do të marrin 16 WLD. Ndërkohë, njerëzit që kanë shkarkuar dhe regjistruar tashmë me aplikacionin World në SHBA do të marrin një “grant pionier” prej 150 WLD të hedhura në portofolin e tyre.

Startup-i i bashkëthemeluar i Sam Altman pas projektit, Tools for Humanity, po punon gjithashtu me Visa për të lëshuar një kartë debiti më vonë këtë vit që konverton WLD në monedhën fiat në arkë. Altman, i cili aktualisht është kryetar i Tools for Humanity, njoftoi lajmin së bashku me shefin ekzekutiv Alex Blania në një ngjarje shtypi në San Francisko, të quajtur “Më në fund”.

Më shumë se 7000 rruaza të botës do të jenë të disponueshme për skanime të irisit në vendndodhjet fizike të “World Space” në Atlanta, Austin, Los Angeles, Miami, Nashville dhe San Francisko, si dhe në dyqanet Razer.

Tools for Humanity përditësoi dizajnin fizik të rruzullit vitin e kaluar, dhe të mërkurën, ajo ngacmoi një “orb mini” më të vogël që i ngjan një telefoni të zgjuar.

Bashkëthemeluesi Sam Altman tha se kriptovalutat janë të destinuara për të zgjidhur për “besimin në epokën e AGI”.

Që kur u themelua nga Altman, Blania dhe Max Novendstern në 2019, misioni i deklaruar i startup-it ka qenë të bëjë World ID metodën kryesore për verifikimin e njerëzve në internet.