Category: TEKNOLOGJI

Tesla ka zgjeruar koleksionin e saj gjithnjë në rritje të produkteve të stilit të jetesës me diçka që synon fansat e saj më të vegjël.

Krijimi më i fundit i prodhuesit të veturave është një biçikletë për fëmijë, e cila nuk do të dalë në shitje deri më 31 korrik.

Duke gjykuar nga historiku i kompanisë, mund të mos qëndrojë në dispozicion gjatë.

Biçikleta është menduar për fëmijë të moshës dy deri në pesë vjeç.

Montimi është i nevojshëm, megjithëse Tesla thotë se të gjitha mjetet e nevojshme përfshihen në kuti.

Por, biçikleta vjen pa pedale.

Fëmijët janë menduar thjesht të mësojnë të mbajnë ekuilibrin në dy rrota, ndërkohë që kanë gjithmonë mundësinë të ulin këmbët për të ndaluar lëvizjen.

Po përpiqeni të hyni në një faqe interneti dhe në vend që ajo të hapet menjëherë ju del përpara një test irritues.

Testi shfaq shtatë fotografi të vogla me cilësi të dobët të kafshëve dhe ju kërkon të gjeni atë që ka të njëjtat zakone ushqimore si kafsha në një fotografi të tetë, një lopë me sfond të kuq.

Ju shikoni me kujdes imazhet e paqarta. “Është kalë apo luan? Po pelikani çfarë ha?” Më në fund zgjidhni fotografinë e deles.

Urime, sapo provuat se jeni njeri, edhe pse tani pak më i irrituar. Në rastin më të mirë keni humbur disa sekonda. Në rastin më të keq, një klikim i gabuar ose një moment hutimi ju detyron ta filloni gjithë procesin nga e para.

Këto teste “A jeni robot?”, të njohura si CAPTCHA, kanë qenë pjesë e internetit pothuajse që nga fillimet e tij. Motori i kërkimit Altavista, tashmë i mbyllur, prezantoi një test të thjeshtë kundër robotëve në vitin 1997. Versionet e para të CAPTCHA-ve kishin edhe një qëllim të dobishëm: u kërkonin përdoruesve të shkruanin një fjalë të skanuar nga një tekst i vjetër, duke ndihmuar kështu në digjitalizimin e librave.

Por rritja e robotëve që kryejnë sulme kibernetike dhe, së fundmi, e sistemeve të avancuara të inteligjencës artificiale, ka përshpejtuar garën mes sulmuesve dhe mbrojtësve. Si rezultat, këto teste janë bërë më të vështira, ndërsa interneti është bërë më i ngadaltë dhe më irritues për përdoruesit.

Sipas kompanisë së sigurisë kibernetike Imperva, në vitin 2024 trafiku i krijuar nga robotët në internet tejkaloi për herë të parë trafikun e krijuar nga njerëzit. Kompania thotë se këtë e kanë nxitur chatbot-et që mbledhin informacion nga interneti, si edhe inteligjenca artificiale që ndihmon robotët të shmangin zbulimin.

“Vëllimi i madh i agjentëve të IA-së që mbledhin të dhëna për të trajnuar modelet e mëdha gjuhësore ka ndryshuar plotësisht rregullat e lojës,” thotë BryanBecker, drejtor produkti në Cloudflare, kompani që zhvillon sisteme mbrojtëse kundër robotëve.

Robotët po u shmangen CAPTCHA-ve

Pronarët e faqeve të internetit, në përgjithësi, nuk i pëlqejnë robotët. Ata mund të përdoren për të mbingarkuar një faqe me trafik dhe për ta nxjerrë jashtë funksionit. Shpesh përdoren edhe nga konkurrentët për të mbledhur të dhëna mbi çmimet ose nga spekulantët për të blerë bileta apo për të rezervuar vende në testet e patentës së drejtimit.

Gjithnjë e më shumë po përdoren edhe “agjentë IA-je”, që kryejnë detyra në emër të përdoruesve të tyre. Kjo do të thotë se nuk ka njeri që të shohë reklamat apo të bëjë blerje spontane, ndërsa të dhënat mblidhen shpesh pa pëlqimin e pronarëve të tyre.

CAPTCHA-t dhe testet e tjera kundër robotëve janë bërë të kudondodhura. Cloudflare, e cila përdor edhe metoda të tjera si kutitë “Verifiko që je njeri”, thotë se tani kryen 7.7 miliardë kontrolle në ditë, nga 2.1 miliardë që ishin në vitin 2023.

Megjithatë, robotët janë bërë më të aftë për t’i kaluar këto pengesa. Dy vjet më parë, studiues të Universitetit të Cyrihut zbuluan se sistemet e të mësuarit automatik mund të zgjidhnin 100% të testeve të reCaptcha-s, sistemi CAPTCHA i Google. Ky është sistemi që ju kërkon të klikoni të gjitha katrorët ku shfaqen autobusë, ura ose hidrantë në një rrjet me 16 kuti.

Si përgjigje, kompanitë i kanë bërë testet edhe më të ndërlikuara. ArkoseLabs, e përdorur nga shumë kompani teknologjike, u kërkon vizitorëve të zgjedhin çiftin e zareve që bën shumën shtatë ose të zhvendosin një personazh vizatimor në vendin e duhur në avion. Kompania i reklamon këto teste si “rezistente ndaj IA-së”.

Kompania rivale hCaptcha u tregon përdoruesve nëntë fotografi ushqimesh dhe pijesh, duke u kërkuar të zgjedhin cilat prej tyre përbëjnë një pjatë kryesore. “Mendoj se këto teste janë bërë për të penguar njerëzit, jo robotët,” shkruan një përdorues në internet.

Një zëdhënës i hCaptcha tha se të dhënat e kompanisë tregojnë se njerëzit nuk po marrin më shumë kohë për t’i përfunduar testet, “por larmia e pyetjeve është rritur me kalimin e kohës, pasi edhe sulmet janë bërë më të sofistikuara”. Kompania shton se duhet t’i përditësojë vazhdimisht testet për të përballuar automatizimin.

Megjithëse shumica e njerëzve nuk kanë vështirësi për t’i zgjidhur këto teste, organizatat që mbrojnë personat me aftësi të kufizuara thonë se ato shpesh përjashtojnë njerëzit me probleme të shikimit. Dhe koha e humbur nuk është e vogël. Cloudflare vlerësoi pesë vjet më parë se një CAPTCHA kërkon mesatarisht 32 sekonda për t’u plotësuar, çka do të thotë se njerëzimi humbet gjithsej rreth 500 vite çdo ditë vetëm duke zgjidhur këto teste.

Masat gjithnjë e më të ndërlikuara të mbrojtjes rrezikojnë gjithashtu ta ngadalësojnë internetin, pasi çdo faqe shton shtresa të reja sigurie.

“I gjithë koncepti i CAPTCHA-së është, në fund të fundit, një betejë e humbur. Mund të duket si një garë armatimi, por ne, njerëzit, e kemi humbur tashmë,” thotë profesori GeneTsudik nga Universiteti i Kalifornisë në Irvine.

Disa faqe po marrin masa edhe më drastike, duke u kërkuar përdoruesve të krijojnë llogari ose të identifikohen më shpesh për të provuar se janë njerëz. Reddit njoftoi këtë muaj se përdoruesit do të duhet të jenë të identifikuar për të parë postimet e vjetra, me qëllim që “të kufizojë mënyrën se si sistemet e automatizuara kanë qasje te Reddit”.

Nuk ka shenja se robotët do të zhduken, as se nevoja për t’u mbrojtur prej tyre do të pakësohet.

“Nëse nuk ndalojmë robotët, situata do të jetë edhe më e keqe, sepse një valë e pakontrolluar trafiku të automatizuar do t’i mbingarkojë serverët dhe do t’i nxjerrë faqet jashtë funksionit,” thotë BryanBecker nga Cloudflare.

Njerëzit tashmë janë pakicë në internet. Dhe të provosh se je njëri prej tyre do të bëhet gjithnjë e më e vështirë. /Telegraph

Ish-drejtoresha teknologjike e OpenAI, Mira Murati, ka prezantuar modelin e parë të inteligjencës artificiale nga kompania e saj e re Thinking Machines Lab.

Modeli i quajtur Inkling synon të ofrojë një alternativë më fleksibile ndaj sistemeve të mëdha të kontrolluara nga kompanitë kryesore të AI.

Inkling është një model me pesha të hapura (open-weight), që do të thotë se zhvilluesit mund ta shkarkojnë, ta përshtatin dhe ta personalizojnë për nevojat e tyre, ndryshe nga modelet e mbyllura të disa kompanive të mëdha.

Kompania thotë se modeli është krijuar për të punuar me lloje të ndryshme të të dhënave, përfshirë tekst, audio dhe video, duke u fokusuar në një ekuilibër mes kostos dhe performancës, raportojnë mediat.

Megjithatë, Murati ka pranuar se Inkling nuk është modeli më i fuqishëm i inteligjencës artificiale në treg, por synon të dallojë përmes fleksibilitetit dhe mundësisë së personalizimit.

Thinking Machines Lab u themelua nga Mira Murati dhe ish-punonjës të tjerë të OpenAI. Kompania ka tërhequr investime të mëdha dhe më herët ka arritur një vlerësim prej rreth 12 miliardë dollarësh pas një raundi financimi prej 2 miliardë dollarësh.

Me Inkling, Murati synon të krijojë një qasje më të decentralizuar ndaj inteligjencës artificiale, ku bizneset dhe zhvilluesit kanë më shumë kontroll mbi mënyrën se si përdoren dhe përshtaten modelet e AI.

Meta ka prezantuar një funksion të ri të inteligjencës artificiale që ka shkaktuar shqetësime për privatësinë e përdoruesve.

Mjeti i ri i quajtur Muse Image lejon krijimin dhe përpunimin e imazheve me ndihmën e inteligjencës artificiale, por një nga veçoritë e tij më të debatueshme është mundësia që fotografitë e profileve publike në Instagram të përdoren për krijime të reja me AI.

Sipas raportimeve, përdoruesit e tjerë mund të përmendin një profil publik në Instagram dhe të kërkojnë nga Meta AI të krijojë një imazh të ri duke u bazuar në fotografitë e atij personi.

Përdoruesi i fotografive nuk merr njoftim kur dikush i përdor ato për krijime të tilla me inteligjencë artificiale.

Funksioni është aktivizuar automatikisht për shumë llogari publike, ndërsa përdoruesit që nuk dëshirojnë që fotografitë dhe videot e tyre të përdoren nga Meta AI mund ta çaktivizojnë këtë opsion në cilësimet e Instagramit.

Për ta bllokuar përdorimin e përmbajtjes nga inteligjenca artificiale, përdoruesit duhet të:

të hapin aplikacionin Instagram;

të hyjnë në profilin e tyre;

të zgjedhin Settings and Activity (Cilësimet dhe aktiviteti);

të gjejnë seksionin Sharing and Reuse (Ndarja dhe ripërdorimi);

të çaktivizojnë opsionet që lejojnë përdorimin e postimeve dhe Reels nga veçoritë e AI të Meta-s.

Profilet private nuk përfshihen në këtë funksion, pasi përmbajtja e tyre nuk është e disponueshme për krijime të tilla me AI.

Megjithatë, ekspertët e privatësisë paralajmërojnë se përdoruesit me profile publike duhet të kontrollojnë cilësimet e tyre për të pasur më shumë kontroll mbi mënyrën se si përdoren fotografitë personale.

Debati rreth këtij funksioni vjen në një kohë kur kompanitë e mëdha të teknologjisë po zgjerojnë përdorimin e inteligjencës artificiale, duke ngritur pyetje të reja për mbrojtjen e të dhënave personale dhe përdorimin e përmbajtjeve të publikuara në rrjetet sociale.

Një grup prej 26 ish-punonjësish të Meta Platforms ka ngritur një padi në një gjykatë federale në Oakland, Kaliforni, duke akuzuar kompaninë se ka përdorur softuer të mbështetur nga Al për të identifikuar në mënyrë disproorcionale punonjësit me aftësi të kufizuara ose ata që kishin marrë leje mjekësore gjatë procesit të pushimeve masive nga puna.

Sipas padisë, Meta është mbështetur në tregues si produktiviteti dhe përdorimi i mjeteve të Al për të vlerësuar performancën e punonjësve, duke vendosur në disavantazh ata që kishin munguar nga puna për shkak të problemeve shëndetësore.

Në fillim të këtij viti, Meta njoftoi se do të shkurtonte rreth 10% të fuqisë së saj globale të punës, ose afro 8 mijë vende pune, me valën e parë të largimeve që nisi në muajin maj dhe me shkurtime të tjera të planifikuara më vonë.

Paditësit, të cilët kanë zgjedhur të mbeten anonim, pretendojnë se kompania ka shkelur ligjet federale dhe ato shtetërore që ndalojnë diskriminimin ose hakmarrjen ndaj punonjësve me aftësi të kufizuara, grave shtatzëna apo personave që marrin leje mjekësore.

Ata vijnë nga gjashtë shtete amerikane, përfshirë Kaliforninë dhe New Yorkun, si edhe nga Distrikti i Kolumbias.

Nga ana tjetër, Meta i ka hedhur poshtë akuzat. Një zëdhënës i kompanisë deklaroi se pretendimet janë të pabazuara.

“Vendimet për menaxhimin e fuqisë punëtore dhe organizimin e kompanisë janë marrë dhe vazhdojnë të merren nga njerëzit, jo nga Al”, tha zëdhënësi.

Çështja pritet të shqyrtohet në gjykatë, ndërsa mund të ngrejë pikëpyetje të reja mbi përdorimin e Al në vendimmarrjen për menaxhimin e burimeve njerëzore.

Shkodra zgjidhet nga emra të mëdhenj të industrisë ndërkombëtare automobilistike.

Peizazhet mahnitëse të qarkut Shkodër u përzgjodhën për realizimin e reklamës më të re të “Honda”, një prej markave më prestigjioze të industrisë automobilistike në botë.

Lajmi konfirmohet nga kryeministrit i Shqupërisë, Edi Rama.

“Një tjetër dëshmi se Shkodra po kthehet në një destinacion gjithnjë e më të rëndësishëm për produksione filmike dhe reklamuese të nivelit të lartë”, ka shkruar Edi Rama përmes një postimi në rrjetet sociale.

Këtë javë, BMW zbuloi X5 të gjeneratës së pestë. Ndërsa titujt kryesorë rrethuan pesë motorët e saj të ndryshëm globalë, lajmi u eklipsua kryesisht nga diçka më e rëndësishme: mungesa e një dere të ndarë me palosje.

Dera e ndarë e pasme ka qenë një element kryesor i X5 që nga lansimi i saj në vitin 1999. Ndërsa SUV të tjerë si Toyota Land Cruiser e hoqën këtë opsion vite më parë, X5 mbeti një nga të fundit që nuk e kishin përdorur. Deri tani.

Duke marrë pjesë në eventin e lansimit të X5 në Spartanburg, Karolina e Jugut, e pyeta BMW pse morën vendimin për të hequr derën e ndarë të pasme.

Drejtori i Makinave të Klasit Luksoz për BMW Alpina dhe Rolls-Royce, Philip Koehn, më tha: “Çdo person mesatar me gjatësi mesatare të krahut në të vërtetë po vuan. Nëse jeni plotësisht të sinqertë, dera e ndarë e pasme është në vetvete një gjë interesante me hapjen e ulët, dhe një person me madhësi normale do të ketë shumë vështirësi për të ngarkuar, ose edhe më e rëndësishmja, për të shkarkuar bagazhin”.

Pavarësisht se citoi reagimet e klientëve, Koehn nuk dha të dhëna të sakta ose përqindje të klientëve që e kishin këtë problem.

Dhe reagimet në mediat sociale duket se i kundërshtojnë këto pretendime, me pronarët aktualë dhe të mëparshëm që thonë se kjo veçori është një nga aspektet e tyre të preferuara të makinës.

Koehn përmendi gjithashtu dëshirën për të krijuar një kapak të pasmë më elegant si një arsye tjetër pse X5 humbet derën e pasme, duke thënë sa vijon:

“Pjesa tjetër është se X5 e re ka një vijë çatie pak më të shpejtë, prandaj pjesa e sipërme e derës së pasme është ulur pak, dhe për këtë arsye lartësia e përgjithshme e derës së pasme në fakt është zvogëluar, por përkundrazi, ne e kemi hapur, e kemi rritur gjerësinë e hapjes”, shtoi ai.

BMW X5 i vitit 2027 është planifikuar të dalë te shitësit në fund të vitit 2026, me opsione benzine, hibride plug-in dhe energji elektrike. Një gjë që nuk do ta ketë? Një derë të pasme të ndarë.

Duke lënë mënjanë surprizat e fundit, Ferrari nuk ka harruar atë që i bën makinat e saj të veçanta: përvojën e drejtimit.

Kjo është arsyeja pse, pasi dëgjoi reagimet e klientëve, Maranello ka prezantuar një version “manual” të modelit të saj kryesor të madh, 12Cilindri.

Dhe po, “manual” në thonjëza po bën shumë punë këtu. 12Cilindri Manuale i ri prezanton një transmision ndryshe nga çdo gjë që kemi parë nga një Ferrari modern.

Është konceptualisht i ngjashëm me manualin në Koenigsegg CC850, duke përzier shpejtësinë e një transmisioni me përfshirjen e një ndërrimi marshësh tradicional me levë. Nëse kjo është më e mira e të dy botëve apo më e keqja varet tërësisht nga kë pyet.

Teknikisht, ky është ende i njëjti transmision me tetë shpejtësi me dy tufa që gjendet në 12Cilindri standard.

Dallimi është sistemi i ri “Manuale By-Wire” i Ferrarit, i cili ju lejon të ndërroni gjashtë marshet e para – dhe të ktheheni mbrapsht – ashtu siç do të bënit me një transmision tradicional manual. Madje, mund ta ndalosh edhe vetë.

Për ta përdorur, thjesht zgjidhni modalitetin Manual, shtypni pedalin e friksionit – po, ka një pedal të vërtetë friksioni – dhe lëvizni levën e marshit përmes portës metalike të ekspozuar.

12Cilindri Manuale përmban një levë klasike me portë me një dorezë të lëmuar ndërrimi marshësh, të cilën Ferrari thotë se ndihmon në ruajtjen e “ndjesisë analoge, qëndrueshmërisë dhe natyrshmërisë” së një kambioje manuale tradicionale.

Prapa skenave, dy sensorë me efekt Hall monitorojnë lëvizjen e levës së marshit, ndërsa një aktivizues i vogël elektrik parandalon përfshirjen e marshit nëse nuk zgjidhet modaliteti Manual.

Ekziston gjithashtu një paraqitje krejt e re me tre pedale me një pedal elektronik friksioni. Një sensor mat lëvizjen e pedalit dhe i shndërron ato të dhëna në kontroll hidraulik të transmisionit me dy friksione.

Ndizni makinën vetëm me pedalin e frenave të shtypur, dhe transmisioni sillet si një DCT normal, duke aktivizuar automatikisht Drive.

Ndizeni atë me pedalin e friksionit të shtypur, dhe ai ndizet direkt në modalitetin Manual. Mund të ktheheni në funksionimin automatik në çdo kohë gjatë drejtimit, megjithëse Ferrari thotë se marshi i shtatë dhe i tetë janë të rezervuara për udhëtime të relaksuara dhe me shpejtësi të lartë.

Për t’u siguruar që Manuale ruan performancën e pritur nga një motor kryesor V12, Ferrari e la të paprekur sistemin e fuqisë. Nën kapak ndodhet i njëjti motor V12 me aspirim natyral 6.5 litra që prodhon 819 kuaj fuqi dhe 500 nb-ft çift rrotullues.

Ferrari thotë se 12Cilindri Manuale arrin ende shpejtësinë nga 0-100 km/orë në 3.0 sekonda përpara se të arrijë shpejtësinë maksimale prej 340 km/orë.

Siç mund të prisni, prodhimi do të jetë jashtëzakonisht i kufizuar. Ferrari planifikon të ndërtojë vetëm 1,499 ekzemplarë, secili prej të cilëve është i disponueshëm përmes programit të personalizimit Tailor Made.

Çmimi nuk është njoftuar, por pothuajse me siguri nuk do të jetë i lirë. 12Cilindri standard tashmë fillon nga rreth 423,000 dollarë.

BMW X5 i ri është në rrugë e sipër. SUV-i luksoz i përmasave të mesme ka ekzistuar që nga viti 1991 dhe tani është vendosur të hyjë në gjeneratën e tij të pestë.

Përpara këtij zbulimi të plotë, BMW ka hyrë në Instagram për të vënë në lojë atë që ka të ngjarë të provojë një element polarizues të dizajnit.

X5 2027 do të vijë i veshur me një komplet të plotë stilimi Neue Klasse. Një nga karakteristikat kryesore përpara janë fenerët e rinj në formë X. Hidhini një sy:

Përveç fenerëve, fytyra e X5-së së re përmban grila veshkash me madhësinë e duhur, të vendosura midis një palë elementësh ndriçimi paralel.

View this post on Instagram

A post shared by BMW (@bmw)

Nuk mund të mohohet se BMW po synon një prani ndriçuese me këtë X5 të fundit.

Më intrigues se trajtimi padyshim interesant i fenerëve janë motorët e ndryshëm që BMW do të ketë në ofertë. 2027 X5 raportohet se do të ketë pesë opsione të lëvizjes.

Do të ketë gaz, naftë, hibrid plug-in, plotësisht elektrike, madje edhe një X5 me hidrogjen.

Ne nuk kemi ende informacion specifik mbi prodhimin e fuqisë dhe cilat tregje do të marrin cilat grupe motorike.

Qëndroni të sintonizuar, megjithatë, sepse BMW X5 2027 do të bëjë debutimin e tij global më 30 qershor.

Thuhet se Apple do të ketë më shumë iPhone të rinj në lançim në vitin 2027 se kurrë më parë, dhe një postim i ri nga informatori Digital Chat Station e vërteton këtë. Ja çfarë thotë ai se do të ndodhë.

Këtë vjeshtë, Apple do të lançojë një linjë më të vogël se zakonisht të iPhone-ve kryesorë. Presim vetëm tre modele: iPhone 18 Pro dhe Pro Max, dhe iPhone Ultra.

Por duke e shtyrë iPhone 18 bazë dhe iPhone Air 2 në fillim të vitit 2027, Apple së shpejti do të ketë vitin e saj më të madh të iPhone-ve të rinj ndonjëherë, transmeton Telegrafi.

Leaker Digital Chat Station sapo ndau listën e plotë të modeleve të iPhone 2027 në një postim të ri në Weibo.

Linja e Produkteve të Apple për vitin 2027:

iPhone Air 2 6.55″ 1.5K 120Hz LTPO OLED

iPhone 18 6.3″ 1.5K 120Hz LTPO OLED

iPhone 18e 6.12″ 1.5K 60Hz LTPS OLED

Testimi i serisë iPhone 19 Pro është përfunduar

Thashethemet tregojnë se tre modelet e para do të lançohen në fillim të vitit 2027, ndoshta jo më vonë se marsi. Pastaj tre të fundit – që paraqesin një dizajn të 20-vjetorit për modelet Pro dhe Pro Max – do të debutojnë në shtator.

Postimi i ri ofron një përditësim të statusit mbi modelet e vjeshtës 2027, por gjithashtu thekson madhësinë e ekranit dhe teknologjinë e ekranit për linjën e fillimit të vitit 2027.

Thuhet se iPhone Air 2 dhe iPhone 18 do të mbajnë të njëjtat madhësi ekrani dhe teknologji si paraardhësit e tyre, gjë që pritej tashmë. Por iPhone 18e thuhet se do të bëjë të njëjtën gjë, dhe më e rëndësishmja kjo do të thotë se nuk do të ketë mbështetje për ProMotion.

Ndërsa madhësia e ekranit 6.12 inç dhe ekrani 60Hz janë të pandryshuara nga iPhone 17e, Apple mund të kalojë ende në një Dynamic Island nga dizajni aktual i prerjes. Megjithatë, për shkak të krizës së memories, nuk do të ishte çudi të shihnim ndryshime minimale për iPhone 18e për të parandaluar rritjet e mëdha të çmimeve.