Elvis Rexhbeçaj pjesë e skuadrës së Augsburg-ut në Bundesligë të Gjermanisë, përfundimisht ka vendosur t’i bashkohet “Dardanëve.
Këtë e ka konfirmuar edhe kryetari i FFK-së, Agim Ademi, i cili në një lidhje të drejtpërdrejt në emisionin A PLAY në ATV, tha se Elvis Rexhbeçaj është profili i një futbollisti që më së shumti i ka munguar Kosovës.
“Jo vetëm Elvisi i cili në të vërtetë është një profil i futbollistit që na u është dashtë neve dhe i është dashur kombëtares tonë, gjithsesi më Elvisin dhe gjithë të tjerët, ekipet tona flasin vazhdimisht dhe e kemi një numër jashtëzakonisht të madh të futbollistëve, sidomos në Gjermani dhe në Zvicër, po flas që nga Ekipi A dhe grupet U15, sigurisht ekipet tona të cilat janë për atë punë, punojnë aktivisht dhe në çdo ditë mund të them që kanë kontakte të tilla më shumë njerëz. Elvisi është njëri prej futbollistëve, i cili më së shumti ka bërë ndeshje në Bundesligën gjermane, i ka rreth 160-170 ndeshje që i ka luajtur te Bundesliga dhe sigurisht është profili që na ka munguar deri tani në ekipin nacional, ndoshta është pak me vonesë, por gjithsesi Elvisi bashkërisht me familjen e tij, kemi qenë në kontakt me babën e tij dhe të gjithë njerëzit e tij që ata kanë pasur probleme për shkak të ligjeve në fuqi që kanë qenë të Gjermanisë për punën e pasaportës dhe shtetësisë, sigurisht kemi qenë të kujdesshëm që mos të bëjmë ndonjë pengesë ligjore që atyre t’iu pamundësohet të jenë në Gjermani ose t’iu rrezikohet pozicioni i tyre atje. Në momentin që iu është aprovuar ligji, nuk ka hezituar asnjë minutë më shumë dhe ai është ardhë të Kosova”, tha Ademi. /atvlive.tv
