Category: Sport

Sot me fillim nga ora 16:30 stadiumi “Zahir Pajaziti” i Podujevës do të jetë nikoqir i ndeshjes së kthimit të raundit të parë kualifikues të Ligës së Kampionëve mes Ballkanit dhe UE Santa Colomas.

Në ndeshjen e parë që u zhvillua në Andorra, Ballkani e mposhti UE Santa Coloman me shifrat 2:1, raporton KosovaPress.

Pavarësisht epërsisë, kampioni i Kosovës do të synojë fitoren sot si vendas, që ta vulos çështjen e kualifikimit tutje.

Në raundin e dytë kualifikues, skuadra që kualifikohet tutje do të përballet me skuadrën e Midtjylland.

Tanimë formacionet zyrtare janë publikuar dhe ato i gjeni më poshtë.

Spanja është shpallur kampione e Evropës duke e mposhtur Anglinë më rezultat 2-1 në finalen e madhe të zhvilluar të dielën në Berlin.

Ishte ky titulli i katërt kampion për Spanjën, duke u bërë kështu kombëtarja më e trofeshme ne kontinent, raporton KosovaPress.

Formacionin më të mirë e dominon Spanja me gjashtë lojtarë.

Ky është formacioni:

Maignan, Walker, Saliba, Akanji, Cucurela, Rodri, Aolmo, Ruiz, Yamal, Musiala, Williams

👕✨ Introducing the UEFA EURO 2024 Team of the Tournament, as selected by UEFA's Technical Observer panel.#EURO2024 pic.twitter.com/ITp3ipcWxF

— UEFA EURO 2024 (@EURO2024) July 16, 2024

Pas 102 ndeshjesh në krye të Anglisë Gareth Southgate është larguar nga posti i trajnerit të “Tre Luanëve” pas humbjes nga Spanja në finalen e Euro 2024 të së dielës.

Ai që do ta pasojë do të ketë përgjegjësi të mëdhai pasi Anglia ishte në finalen e dy kampionateve evropiane radhazi.

Por, kush mund të marrë drejtimin e Anglisë?

Lee Carsley

Ndoshta një kandidat në fushën e majtë, por menaxheri i Anglisë U-21, Lee Carsley, po mendohet si emër i mirë në Federatën e Futbollit të Anglisë. Ai ka qenë pjesë e Anglisë për një kohë të gjatë dhe fitoi Kampionatin Evropian U-21 verën e kaluar. Ai potencialisht mund të blinte kohën e FA derisa një emër i madh të ishte i lirë verën e ardhshme.

Pep Guardiola

Trajneri i Manchester Cityt është konsideruar prej kohësh si një trajner i ardhshëm ndërkombëtar dhe një rol me Anglinë sigurisht që do të emociononte shumë tifozë të “Tre Luanëve”. Duke fituar gjithçka që mund të fitohet në nivel klubesh me Barcelonën, Bayern Munich dhe Manchester Cityn, një sfidë e re verën e ardhshme mund të rezultojë shumë tërheqëse. Guardiola ka kontratë me Cityn deri në verën e vitit 2025.

Eddie Howe

Një tjetër menaxher anglez i fantazuar mirë nga basteshkruesit. Trajneri i Neëcastle është folur për një kohë të gjatë si një trajner i mundshëm i Anglisë që kur bëri përshtypje të mira në krye të Bournemouth.

Jurgen Klopp

Një tjetër menaxher i famshëm pa punë. Nëse FA do të shkonte në rrugën e tërheqjes së një emri nga jashtë, Klopp me siguri do të ishte në listën e saj të pretendentëve. Ish-trajneri i Liverpool-it nuk ka gjasa të jetë i disponueshëm tani, pasi u largua nga Anfield dhe dëshiron një pushim. Por nëse FA është e gatshme të presë, Klopp mund të hyjë në llogari.

Mauricio Pochettino

Një tjetër menaxher i profilit të lartë, popullor, i huaj pa punë këtë verë. Ish-trajneri i Tottenham, PSG dhe Chelsea ishte shumë i lidhur me Manchester United – përpara se të zgjatej kontrata e Erik ten Hag – dhe do të kënaqej me kthimin për të punuar në Angli. Ai dëshiron të bëhet pasardhësi i Southgate dhe pasioni i tij për futbollin në këtë vend e bën atë një pretendent serioz.

Kylian Mbappé tashmë është zyrtarisht lojtar i Real Madridit. Presidenti i klubit, Florentino Pérez, e mirëpriti lojtarin në sallën e këshillit t Real Madrid City, ku sulmuesi francez nënshkroi kontratën që do ta angazhojë atë në klub për pesë sezonet e ardhshme. Pas nënshkrimit, Mbappé iu dhurua një orë dhe një këmishë me emrin e tij dhe numrin nëntë të shtypur në të.

“Kam shumë vite që ëndërroj të luaj për Real Madridin. Unë jam një djalë shumë i lumtur sot. Shumë i lumtur”, tha fillimisht Mbappe, përcjellë KosovaPress.

Sulmuesi 25-vjeçar më pas vazhdoi të falënderonte Florentino Perezin për besimin që kishte treguar dhe për realizimin e transferimit, duke thënë:

“Dua të falënderoj presidentin Florentino Perez dhe të gjithë njerëzit që më kanë mundësuar të jem këtu”.

Mbappe gjithashtu përcolli mirënjohjen e tij për prindërit dhe rrethin e tij, ndërsa shtoi:

“Për familjen time, e cila është shumë e lumtur. Unë shoh nënën time duke qarë. Është një ditë e pabesueshme, e pabesueshme. Që kur isha fëmijë, kisha ëndërr të luaja dhe kjo do të thotë shumë. Dua të falënderoj të gjithë madrilenët . Për shumë vite më kanë dhënë shumë dashuri. Faleminderit”, shtoi ai.

Gareth Southgate ka dhënë dorëheqje si trajner i Anglisë pasi humbjes në finalen e dytë radhazi në Evropian.

Në një postim në X, llogaria zyrtare e Anglisë tha: “Pas 102 ndeshjesh dhe pothuajse tetë vitesh në krye, Gareth Southgate ka njoftuar se do të largohet nga roli i tij si selektor i Tre Luanëve”.

Skuadra e Southgate arriti të barazonte rezultatin ndaj Spanjës në finale, por pastaj u mposht me rezultat 2-1. Ai tha se “skuadra më e mirë e turneut” fitoi.

Southgate, 53 vjeç, mori drejtimin e Tre Luanëve në vjeshtën e vitit 2016. Dy vjet më vonë, ai i çoi ata në gjysmëfinale të Kupës së Botës në Rusi, duke u bërë trajneri i parë i Anglisë që e bën këtë që nga Bobby Robson në vitin 1990.

Nën drejtimin e tij, ata arritën gjithashtu në çerekfinalen e Kupës së Botës 2022, të luajtur në Katar dhe në finalen e Euro 2020 në Wembley, duke humbur ndaj Italisë në penallti.

Grupi i tifozëve të Kombëtares së Kosovës në futboll, “Dardanët” kanë përgatitur një befasi interesante për të gjithë mërgimtarët që këto ditë do të jenë në Kosovë për t’i kaluar pushimet.

Ata kanë bërë të ditur përmes një njoftimi se lokali zyrtar i “Dardanëve do të jetë i hapur për të gjithë mërgimtarët. Për më tepër, 200 bashkatdhetarët e parë që do të vijnë ta vizitojnë lokalin do të pajisen me një bluzë të tifo-grupit

Njoftimi i plotë i “Dardanëve”:

Mirë se vini, mërgimtarë!

Me rastin e ardhjes në tokën e tyre të mërgimtarëve, ftojmë të gjithë ata që ta vizitojnë lokalin zyrtar të Dardanëve në Prishtinë. Të gjithë jeni të mirëseardhur që të kalojmë së bashku momente të mira pranë njëri-tjetrit.

Ndër të tjera, njoftojmë se nga dita e enjte 200 bashkatdhetarët e parë që do të vijnë ta vizitojnë lokalin do të pajisen me një bluzë të tifo-grupit tonë që i kemi organizuar së bashku me Federatën e Futbollit të Kosovës.

Ejani në një ndejë vëllazërore pak javë para ndeshjeve të Kosovës. Konaku i Dardanëve, konaku i çdo shqiptari!

Kylian Mbappe i ka kryer vizitat mjekësore dhe ka nënshkruar kontratën me Real Madridin.

Ylli francez ka dhënë autografe për tifozët që kishin dalë për ta pritur përpara spitalit ku iu nënshtrua kontrolleve fizike.

E stadiumi “Santiago Bernabeu” ka nisur të mbushet, shkruajnë mediat spanjolle.

Pas një orë aty në mënyrë madhështore do të prezantohet futbollisti francez.

80 deri në 85 mijë shikues pritet të jenë prezentë në stadiumin madrilen për t’ia bërë një pritje të ngrohtë 25-vjeçarit, i cili nga sot do të jetë edhe zyrtarisht lojtar i ri i Realit.

Mbappe tashmë e ka marrë rrugën drejt stadiumit, ku do të prezantohet rreth orës 12:00 të mesditës.

Pasi triumfoi në ndeshjen e parë si mysafir në Andorë kundër UE Santas me rezultat 2-1, Ballkani do të kërkojë që ta ruaj këtë rezultat edhe në ndeshjen kthyese.

Kampioni i Kosovës do ta pres sot në stadiumin “Zahir Pajaziti” në Podujevë UE Santan me qëllimin për të kaluarin në raundin e dytë kualifikues të garës më prestigjose evropiane të nivel të klubeve, Ligën e Kampionëve.

Ndeshja do të zhvillohet me fillim nga ora 16:30.

Xherdan Shaqiri ka njoftuar për pensionimin nga Kombëtarja e Zvicrës përmes një postimi në rrjetet sociale.

Futbollisti kosovar konsiderohet si njëri prej lojtarëve më të mëdhenj të Kombëtares helvetike, ndërsa ka shënuar gola të shumtë dhe mjaft të rëndësishëm për Zvicrën.

“Shtatë turne, shumë gola, 14 vjet në Kombëtaren e Zvicrës dhe momente të paharrueshme. Është koha që t’i them lamtumirë Kombëtares. Kujtime të mëdha do të mbesin dhe ju them të gjithëve: Faleminderit”, shkroi Shaqiri në Instagram.

View this post on Instagram

A post shared by Xherdan Shaqiri (@shaqirixherdan)

ionel Messi e pati një gëzim të dyfishtë mbrëmë.

Ylli i Inter Miamit e fitoi trofeun e Copa Americas, të dytin me radhë me Kombëtaren e Argjentinës.

E në ndërkohë, ish-futbollisti i Barcelonës dhe i Inter Miamit e bëri një tjetër arritje historike pas finales së luajtur në Miami të Shteteve të Bashkuara të Amerikës.

Në fakt, 37 vjeçari u bë lojtari më i trofeshëm në histori të futbollit.

Kampioni i botës arriti në kuotën e 45 trofeve me klube dhe me Kombëtare duke e kaluar rekordin që e mbante paraprakisht ish-bashkëlojtari i tij tek Barça, Dani Alves.

Argjentina e mposhti Kolumbinë pas vazhdimeve 1:0 dhe kjo ia mundësoi Messit që ta thyejë rekordin e trofeve, ndërsa ai u detyrua ta linte fushën në pjesën e dytë pas një lëndimi që e pësoi, teksa u pa me lot në sy.

Sidoqoftë, fundi kishte rëndësi për atë që po konsiderohet si futbollisti më i mirë në histori pasi e fitoi trofeun e Copa Americas dhe kështu e shijoi trofeun e 45-të në karrierë.

Krahas Botërorit, dy Copa America dhe Finalissima, Messi e kishte fituar katër herë Ligën e Kampioëve dhe 10 herë titullin në La Liga me Barcelonën.

Në aspektin individual, ai e ka fituar tetë herë Topin e Artë dhe gjashtë herë Këpucën e Artë.

Messi i ka regjistruar 1,212 gola dhe asistime në 1,068 ndeshje, më saktësisht 838 gola dhe 374 asistime.

Prej 45 trofeve të fituar, Messi 39 prej tyre i ka shijuar në nivelin e klubeve.

Që nga mosha 17 vjeçare, kur nisi të fitonte trofe, argjentinasi nuk është ndalur.

E ka fituar titullin e kampionit shtetëror 12 herë (10 me Barcelonën e 2 me Paris Saint-Germainin), katër herë Ligën e Kampionëve (me Barcelonën), dhe i ka fituar 17 trofe vendorë (15 me Barcelonën dhe nga një me PSG-në e me Inter Miamin).

Gjithashtu, e ka fituar tri herë Superkupën e Evropës dhe tri herë Botërorin e Klubeve, shkruan Gazeta Express.

Me Argjentinën, fitoret e Messit i përfshijnë Botërorin U-17 në vitin 2005, Lojërat Olimpike 2008, Copa America 2021, Finalissima 2022 dhe më e madhja dhe më e paharrueshmja, Kupa e Botës 2022.