Category: Sport

Trajneri i Milanit Massimiliano Allegri ka folur në një konferencë për shtyp para derbit kundër Napolit.

Allegri thotë se ekipi i Antonio Contes është favorit për titull,dhe se gjithmonë e nxjerrin më të mirën.

“Ata patën një afat të rëndësishëm transferimesh dhe unë ende besoj se janë favoritë për titullin. Conte është i shkëlqyer në nxjerrjen më të mirë nga lojtarët. Në 26 ndeshjet e tyre të fundit, ata fituan 18 herë”.

Përndryshe Allegri shton se ndeshja ndaj Napolit është tejet e rëndësishme,dhe se ekipi do të bëjë të mundurën që ta fitojnë këtë takim.

Kujtojmë që derbi Milan-Napoli pritet të zhvillohet të dielën nga ora 20:45 nga ora 20:45.

Gjiganti italian Juventus po synon që të përforcojë repartin e mesfushës.

Drejtuesit e “Zonjës së Vjetër”janë duke menduar për transferimin e mesfushorit spanjoll Marc Casado,dhe 22 vjeçari dëshiron të marrë më shumë minuta dhe Juventus shihet si një skuadër e përshtatshme për të.

Përndryshe Casado nuk po gjen edhe shumë minutazhë tek Barcelona,dhe drejtuesit po mendojnë që ta vënë në shitje për të pasur një balanc financiar.

Ndërkohë që Juventus po synon që të ndërtojë një skuadër që mund të garojë në Evropë për vitet e ardhshme,dhe Casado është njeriu i duhur për bianconerët.

Kujtojmë që Marc Casado ka luajtur vetëm 5 ndeshje në të gjitha garat për Barcelonën në të gjitha garat.

Trajneri spanjoll ka rikthyer Bellingham dhe Camavinga për derbin e tij të parë si trajner i Real Madridit.

“Derbi është një ndeshje e veçantë me një atmosferë dhe emocion unik. Mund ta ndjesh në ajër edhe në ditët para ndeshjes”, me këto fjalë Xabi Alonso e prezantoi derbin e së shtunës kundër Atletico Madrid, i pari i tij si trajner i Real Madridit.

Edhe pse ai kishte luajtur tashmë në Metropolitano me skuadrën e tij të Leverkusenit, është një gjë tjetër të shkosh atje me Real Madridin.

Megjithatë, përgatitja për ndeshjen mbetet e pandryshuar (gjithmonë me të njëjtën qasje), madje edhe për derbin dhe kundër një kundërshtari të jashtëzakonshëm si Cholo Simeone, me të cilin spanjolli shmang krahasimet

“Ajo që ka bërë në këto katërmbëdhjetë vjet në Atletico është me rëndësi themelore. Unë jam vetëm në fillim. Më pëlqen të ec me hapa të vegjël; nuk vendos objektiva afatgjata. Kemi filluar mirë, por ka ende shumë rrugë për të bërë”, tha ai.

Real Madridi do të mbërrijë në Metropolitano me një rekord të përsosur, pas gjashtë fitoreve nga gjashtë në La Liga.

Por Xabi nuk bie në kurth.

“Çdo ndeshje është e vështirë për t’u fituar. Kemi luajtur vetëm gjashtë ndeshje dhe deri më tani i kemi fituar të gjitha, por kemi pasur vështirësi në disa prej tyre. Nuk mund të jemi shumë të sigurt. Nuk mund të mendojmë se vetëm duke dalë në fushë dhe duke pasur ekipin që kemi, mund të fitojmë. Duhet të punojmë shumë dhe të përgatitemi mirë. Duhet të jemi të qëndrueshëm. Nuk mund të relaksohemi, sepse mund të bëjmë gabime në çdo moment. Renditja nuk thotë shumë tani. Mund ta rrisim epërsinë tonë, por nuk është kurrë e lehtë të luash në Metropolitano. Do të jetë një ndeshje shumë e vështirë,” deklaroi Alonso në fund.

Ndeshja Atletico Madrid-Real Madrid, luhet sot nga ora 16:15.

Harry kane shënoi 100 gola për Bayern Munich – duke u bërë lojtari më i shpejtë në histori që arrin këtë shifër për një klub në një nga pesë ligat më të mira të Evropës.

Kapiteni i Anglisë shënoi në të dyja pjesët e fitores 4-0 ndaj Werder Bremen për të arritur këtë rekord në vetëm 104 ndeshje në të gjitha garat që nga transferimi i tij në vitin 2023 nga Tottenham Hotspur.

Kjo arritje e jashtëzakonshme është më e shpejtë se ajo e Cristiano Ronaldos dhe Erling Haalandit, që e arrin me nga 105 ndeshje për Real Madridin dhe Manchester Cityn.

Por, kush renditet tjetër në top dhjetëshen e lojtarëve që kanë arritur më shpejtë 100 gola për ndonjërin prej klubeve nga pesë top ligat evropiane?

I katërti në listë renditet Luis Suarez, i cili shënoi 100 gola për 120 ndeshje me Barcelonën, teksa i pesti është Zlatan Ibrahimovic, me 124 ndeshje për Paris Saint-Germain.

Ruud Van Nistelrooy shënoi 100 gola për 131 ndeshje me Manchester Unitedin, shifër e cila iu desh edhe Ronaldos për të shënuar 100 gola me Juventusin.

Edinson Cavanit iu deshën 135 ndeshje për 100 gola me Napolin, Robert Lewandowskit 136 ndeshje me Bayern Munichun, Kylian Mbappes 137 ndeshje me Paris Saint-Germain dhe Christian Vieri shënoi 100 gola për 138 ndeshje me Interin. /Telegrafi/

Kombëtarja e Kosovës në tetor pritet t’i zhvillojë dy ndeshje të rëndësishme për kualifikimet e botërorit të vitit 2026,ku në “Fadil Vokrri”e pret Slloveninë teksa 3 ditë më vonë i shkon në udhëtim Suedisë.

Sa i përket ndeshjes me Suedinë Federata Suedeze e Futbollit ka njoftuar se biletat për ndeshjen kundër Kosovës janë shitur,njëjtë sikurse edhe për ndeshjen kundër Zvicrës.

Përndryshe Suedia nuk gjendet mirë në renditjen tabelare të grupit B për kualfikimet për botëror,ku barazoi 2:2 kundër Sllovenisë e më pas pësoi humbje nga Kosova në “Fadil Vokrri” me rezultat 2:0 me golat e Elvis Rexhbeçajt dhe Vedat Muriqit .

Kujtojmë që ndeshja Suedi-Kosovë pritet të zhvillohet në stadiumin Ullevi në Goteborg më 13 tetor.

Sulmuesi francez Karim Benzema mund të rikthehet në elitën e futbollit evropian.

Sipas raportimeve të mediave Benzema është futur në radarin e gjigantit portugez Benfica,dhe trajneri Jose Morinho e do me çdo kusht ish-sulmuesin e Real Madrid-it në janar.

Përndryshe Benzema ka kontratë me Al Ittihad deri në qershor të vitit 2027,dhe më parë kishte deklaruar se dëshiron t’i jap fund karrierës me klubin saudit.

Mbetet të shihet në ditët në vijim sesi do të rrjedhin gjërat,dhe drejtuesit e Benficas do të mundohen që ta realizojnë transferimin e fituesit të “Topit të Artë”të vitit 2022.

Kujtojmë që Karim Benzema me Al Ittihad ka shënuar 5 gola e bëri 1 asistim në 8 ndeshje të zhvilluara.

Sulmuesi anglez Harry Kane vazhdon të jetë në top formë me gjigantin gjerman Bayern Munich.

Kane shënoi dy gola në fitoren 4:0 të bavarezëve kundër Werder Bremenit,duke arritur shifrën e 100 golave për gjigantin gjerman në 104 ndeshje të zhvilluara,që është numri më i ulët i takimeve në 5 ligat evropiane.

Përndryshe anglezi  tani gjendet para dy yjeve botërorë si Cristiano Ronaldos dhe Erling Haaland,ku portugezi shënoi 100 gola për Real Madridin në 105 paraqitje njëjtë sikurse edhe sulmuesi norvegjez për Manchester City-in.

Kujtojmë që Harry Kane këtë sezon ka shënuar 15 gola në 8 ndeshje për Bayern Munich,skuadër kjo e cila është lidere në Bundesligë me 15 pikë të grumbulluara.

Kjo fundjavë pritet të sjellë xhiron e 7-të në Albi Mall Superligë,ku pritet të ketë ndeshje tejet interesante.

Kampioni Drita në shtëpi e pret liderin aktual Dukagjinin,ku ekipi gjilanas synon fitore në mënyrë që të dal nga kriza e rezultateve,ndërkohë që skuadra nga Klina për të mbetur edhe më tutje lider në tabelë.

Nënkampioni Ballkani do të luaj në udhëtim tek Prishtina e Re,ku suharekasit synojnë 3 pikët në mënyrë që të mbetet në hap me ekipet lidere në tabelë,teksa Prishtina e Re do të tentojë të marrë pikë nga kjo ndeshje mjaft e vështirë.

Në ndeshjet e tjera që do të zhvillohen këtë fundjavë Prishtina do të jetë mysafire e Ferizajt ku synon 3 pikët e rradhës,kurse ekipi i Ferizajt synon të rikthehet tek rezultatet pozitive.

Llapi në “Zahir Pajaziti”e pret Gjilanin,kurse Drenica i bën konak Malishevës.

Kujtojmë që të gjitha ndeshjet pritet të nisin nga ora 15:00.

Ousmane Dembele të hënë fitoi çmimin e Topit të Artë për vitin 2025.

Sulmuesi francez fitoi garën ndaj Lamine Yamal dhe bashkëlojtarit të tij te PSG-ja, Vitinha.

Ai gjatë një interviste për ”L’Equipe” pasi fitoi Topin e Artë, tha se i pari që e uroi për këtë çmim, ishte Lionel Messi.

“Kush më uroi i pari për Topin e Artë? Leo Messi! Ai më dërgoi një mesazh direkt.”, tha Dembele.

Ish futbollisti me prejardhje nga Kosova Albert Kuqi është dënuar me 8 vjet burg nga Gjykata e Helsinkut në Finlandë,pasi ishte i akuzuar për tre vepra penale lidhur me trafikim të drogës.

Sipas aktgjykimit Kuqi bashkë me dy të tjerë kishin sjellur rreth 14 kilogramë kokainë në Finlandë gjatë viteve 2024–2025,ku rreth 9.5 kg ishin shpërndarë për shitje në treg.

Përndryshe mediumi finlandez “iltalehti.fi”raporton se Kuqi ishte i angazhuar në sigurimin e apartamenteve në zona të Helsinkut për grupin kriminal,e më pas për të ushtruar veprimtarinë për mbledhje të parave nga tregu i drogës.

Ndërkohë dy të akuzuar të tjerë Lulzim Gerxhaliu (34) dhe Ergi Tusha (34) të cilën organizonin trafikun jashtë shtetit finlandez,ishin dënuar me vetëm 10 vjet e 2 muaj burg secili.