Category: Sport

Tifozët e Juventusit kanë shpërthyer në rrjetet sociale pas anulimit të golit të Jonathan David në minutën e 34-të të sfidës së Kupës së Italisë kundër Udineses.

Asistenti i gjyqtarit Fourneau sinjalizoi pozicion jashtë loje, vendim që u konfirmua më pas nga VAR-i dhe teknologjia gjysmë-automatike SAOT. Megjithatë, kuadri i shfaqur në transmetim ka hapur shumë pikëpyetje, pasi në pamje duket Bertola në qendër të zonës së penalltisë — e jo Palma, lojtari që sipas tifozëve të Juventusit mbante në linjë Davidin.

Goli u anulua për pozicion jashtë loje, duke shkaktuar polemika të forta për mënyrën se si u paraqit situata në TV.

Sipas Mediaset, Lega Calcio ka siguruar foton zyrtare të momentit të pasimit të Yildiz drejt David, i cili më pas realizoi me një goditje të saktë drejt shtyllës së afërt. Analiza zyrtare tregon se sulmuesi kanadez ishte disa milimetra përpara Bertolës, duke rezultuar në off – side.

Megjithatë, shumë tifozë pyesin pse pozicioni i Palmës nuk u përfshi në analizë. 17-vjeçari, që po kthehej drejt vijës mbrojtëse, në pamjet televizive duket se është në një vijë të ngjashme — madje edhe pak më poshtë — se David. Për ta, mospërfshirja e tij në skanim e bën vendimin konfuz dhe të debatueshëm.

Reagimet në rrjetet sociale kanë qenë të ashpra, me tifozët bardhezinj që cilësojnë vendimin të padrejtë, duke e krahasuar episodin me rastin e vitit 2022 në ndeshjen Juventus–Salernitana, kur VAR-i shpërfilli pozicionin e Candrevas dhe anuloi gabimisht golin e Milik.

Episodi i fundit ka hapur sërish debatin e vjetër mbi transparencën dhe besueshmërinë e teknologjisë në futboll. Ndërsa Lega Calcio mbron saktësinë e vendimit, kërkesat e tifozëve për qartësi dhe publikim të plotë të pamjeve mbeten të forta. Situata pritet të diskutohet gjerësisht në ditët në vijim, duke shtuar edhe një kapitull tjetër në polemikat e pafundme rreth VAR-it në Itali./ATVLIVE.TV

Barcelona ka marrë një tjetër goditje të rëndë në një fazë vendimtare të sezonit. Mesfushori spanjoll Dani Olmo ka pësuar një lëndim serioz gjatë ndeshjes së mbrëmshme ndaj Atlético Madrid, duke detyruar klubin të konfirmojë se sezoni i tij për vitin 2025 ka përfunduar.

Olmo u detyrua të largohej nga fusha pasi pësoi një dëmtim në shpatull, vetëm pak minuta pas golit që i dha Barcelonës avantazhin. Ekzaminimet e para kanë zbuluar një zhvendosje të shpatullës, një dëmtim që kërkon trajtim të menjëhershëm dhe një periudhë rikuperimi me kujdes të lartë.

Sipas burimeve brenda klubit, 27-vjeçari pritet të mungojë të paktën tre javë. Megjithatë, ngjeshja e kalendarit dhe pauza dimërore nënkuptojnë se rikthimi i tij nuk mund të ndodhë para fillimit të vitit të ri.

Ky është një tjetër problem për trajnerin Hansi Flick, i cili kishte arritur ta kthente Olmon në formë të shkëlqyer. Mesfushori ishte në një nga momentet më të mira të sezonit, ndërsa Barcelona po përpiqet të gjejë stabilitet dhe vazhdimësi në garën për titull.

Lëndimi i 27 vjeçarit vjen në një moment kritik dhe e vë Barcelonën përpara një sfide të re, ndërsa ekipi kërkon të ruajë ritmin në garën për trofe.

Këtë sezon Olmo në 17 ndeshje ka shënuar 4 gola dhe ka dhënë 2 asiste. /ATVLIVE.TV

Federata Shqiptare e Futbollit është gjobitur me 2250 franga zvicerane për shkak të hedhjes së sendeve nga disa tifozë gjatë ndeshjes Shqipëri–Angli. Takimi u mbyll me rezultatin 0–2 në “Air Albania”, duke përfunduar edhe faza e Grupit K për kualifikueset e Botërorit 2026.

Pavarësisht se gjoba është simbolike në krahasim me sanksionet e mëparshme, FSHF ka reaguar publikisht, duke theksuar se çdo incident, sado i vogël, dëmton përpjekjet për të ndërtuar një imazh të mirë të futbollit shqiptar brenda dhe jashtë vendit.

Reagimi i FSHF-së:

“Federata Shqiptare e Futbollit dëshiron të shprehë mirënjohjen e saj të thellë për të gjithë tifozët shqiptarë, për sjelljen shembullore dhe mbështetjen e jashtëzakonshme ndaj Kombëtares gjatë ndeshjeve kualifikuese të Kupës së Botës 2026.

Shqipëria renditet aktualisht në vendin e 50-të në klasifikimin “Fair Play” të UEFA-s, një pozicion që dëshmon progres, por që njëkohësisht na motivon të synojmë më lart. FSHF beson se tifozët shqiptarë meritojnë të jenë në vendet e para të kësaj renditjeje dhe është e bindur se, përmes bashkëpunimit të ndërsjellë dhe ndërgjegjësimit të vazhdueshëm, ky objektiv është plotësisht i arritshëm.”

FSHF thekson se çdo ndeshje është një mundësi e re për të treguar rritjen dhe kulturën sportive të tifozëve shqiptarë. Vetëm me sjellje të kujdesshme dhe mbështetje të drejtë, tifozeria kuqezi mund të forcojë imazhin e futbollit shqiptar dhe të shndërrohet në një shembull pozitiv në arenën ndërkombëtare. /ATVLIVE.TV

Erling Haaland ka shkruar sërish emrin e tij në historinë e Premier Ligës, duke u bërë lojtari më i shpejtë ndonjëherë që arrin shifrën e artë prej 100 golash në këtë garë elitare.

Superstari i Manchester Cityt e realizoi këtë arritje në ndeshjen kundër Fulhamit, duke gjetur rrjetën në minutën e 17-të të takimit.

Haaland arriti kuotën 100 në vetëm 111 paraqitje, duke thyer rekordin e mëparshëm të Alan Shearer, të cilit i ishin dashur 124 ndeshje.

Përveç golave të tij të jashtëzakonshëm, sulmuesi norvegjez ka kontribuar edhe me 18 asistime, duke dëshmuar rëndësinë e tij të plotë në ofensivën e kampionëve.

Pas fitores dramatike 5–4 ndaj Fulhamit, Haaland u shpreh i lumtur për arritjen:

“Është diçka e madhe dhe jam vërtet krenar. ‘Klubi i 100’ është një arritje e veçantë dhe jam i lumtur që jam pjesë e tij. E dija që mund ta arrija dhe kjo ishte ajo që po synoja. Mund të ndihmoj ekipin duke shënuar gola — kjo është puna ime.”

Ai foli edhe për presionin e të qenit sulmues i Manchester Cityt:

“Nuk dua t’i them këto fjalë, por kur je sulmues i Manchester City, duhet të ofrosh numra të mëdhenj. Kjo është puna ime dhe njerëzit kanë të drejtë të më kritikojnë nëse nuk shënoj. Unë duhet të jap gola.”

Këtë edicion 25 vjeçari në Ligën Angleze, në 13 ndeshje ka shënuar 13 gola dhe ka kontribuar edhe në 4 të tjerë. /ATVLIVE.TV

Skuadrat kosovare nga Superliga, Liga e Parë dhe Liga e Dytë zbresin sot në fushë për të zhvilluar duelet e raundit 1/16 të Kupës së Kosovës.

Në program për ditën e sotme janë paraparë 10 ndeshje, ndërsa nesër (e enjte) do të luhen edhe gjashtë sfida të tjera.

Fituesi aktual i Kupës së Kosovës, Prishtina, do të përballet me skuadrën modeste Top Futbolli, ndërkohë që Ballkani synon hakmarrje ndaj Rilindjës.

Dukagjini, para tifozëve të vet, pret Ramiz Sadikun, ndërsa Drita në Gjilan sfidon Besën e Pejës.

Në stadiumin “Bajram Aliu”, Drenica përballet me Prizrenin, kurse Prishtina e Re luan ndaj Lepencit.

Katër ndeshjet e tjera të sotme janë: Gjilani – Istogu, Llapi – Vjosa, Trepça – Malisheva dhe Ferizaj – Tefik Çanga.

Të gjitha takimet e ditës së sotme në Kupën e Kosovës nisin nga ora 12:30. /ATVLIVE.TV

E ardhmja e Robert Lewandowskit te Barcelona duket gjithnjë e më e pasigurt, pasi raportime të fundit tregojnë se sulmuesi polak do të largohet nga “Camp Nou” në përfundim të sezonit aktual.

Sipas burimeve të afërta me klubin, Barcelona nuk pritet të aktivizojë klauzolën e zgjatjes së kontratës, duke e lënë Lewandowskin të lirë të kërkojë ekip të ri. Kjo vjen në një periudhë ku drejtuesit blaugrana po punojnë në uljen e pagave dhe në rinovimin e strukturës së skuadrës me lojtarë më të rinj dhe më energjikë.

Lewandowski, i cili u bashkua me Barcelonën në verën e vitit 2022 dhe ndihmoi ekipin të fitonte La Liga-n në sezonin e parë, ka qenë një figurë kyçe, por klubi tashmë synon një projekt të ri sportiv, të fokusuar te shpejtësia, presioni i lartë dhe talentet e reja në sulm.

Disa drejtues të Barcelonës besojnë se kontributi i polakut nuk përputhet më me investimin financiar që kërkon kontrata e tij aktuale.

Ndërkohë, vetë Lewandowski pritet të vlerësojë destinacionet e mundshme për fazën e fundit të karrierës së tij. Atletico Madrid dhe Milan përmenden si opsionet më konkrete në Evropë, ndërsa interesim serioz ka edhe nga Arabia Saudite dhe MLS, ku rikthimi i formës dhe një kontratë e fundit e madhe janë të mundshme.

Barcelona tashmë po përgatit terrenin për epokën pas Lewandowski, duke shikuar sulmues të rinj dhe potencialisht një nënshkrim të madh në merkaton verore.

Klubi gjerman Hoffenheim ka caktuar klauzolën e lirimit për yllin e Kombëtares së Kosovës.

Sky Sport Deutschland bën të ditur se Hoofenheim kërkon rreh 25 deri në 29 milionë euro,dhe klubet e interesuara për Asllanin duhet ta paguajnë këtë çmim nëse dëshirojnë shërbimet e tij.

Përndryshe përpos klubeve të njohura gjermane si Bayern Munich dhe Borussia Dortmund për Asllanin janë të interesuara edhe klube nga Spanja dhe Franca,teksa edhe një transferim në Premieligën angleze po konsiderohet si një opsion i mundshëm.

Kujtojmë që Fisnik Asllani po kalon formë fantastike me Hoffenheimin,ku në 14 ndeshje ka realizuar 6 gola e dhuroi 3 asistime.

Ish futbollisti italian Antonio Cassano ka dhënë kritika më drejtim të teknikut të Milanit Massimiliano Allegri.

Cassano thotë se nuk i pëlqen mënyra sesi Allegri e drejton skuadrën,dhe se një ditë mund të përfundojë si Jose Mourinho.

“Mbani mend çfarë kam thënë për Mourinhon: herët a vonë do të përfundonte dhe do të harrohej. E njëjta gjë do t’i ndodhë edhe Allegrit.”

Përndryshe Cassano shton se me këtë menyrë të lojës që po luan Milan në vitin 2025 është e shëmtuar,dhe thotë se nuk asnjë ide sesi ta menaxhojë këtë.

Kujtojmë që Milan nën drejtimin e Massimiliano Allegrit është lider në tabelën e Serie A me 28 pikë të grumbulluara.

Ylli i Chelsea-it Marc Cucurella ka bërë deklarata të hapura për karrierën e tij.

Spanjolli ka deklaruar se në vitet e kaluara ka qenë i hapur për një kalim tek Manchester City,por marrëveshja kishte dështuar më pas.

 Ata ishin në topformë dhe ishin një nga ekipet më të mira në botë. Doja absolutisht të shkoja.

Përndryshe mbrojtësi spanjoll shtoi se u transferua më pas tek Brighton pasi pati një ofertë më të mirë,teksa në vend të tij City siguroi shërbimet e Sergio Gomez në sezonin 2022-23.

Kujtojmë që Marc Cucurella më pas u transferua tek Chelsea në verën e vitit 2022,ku arriti të fitoj Conference League sezonin e kaluar si dhe fitoi Kupën e Botës për Klube verën e kaluar.

Sipas raportimeve të The Athletic, mesfushori spanjoll Dani Ceballos mund të largohet nga Real Madrid në vitin 2026, kur edhe i skadon kontrata aktuale me klubin madrilen.

Ceballos, i cili ka vuajtur mungesë minutash dhe konkurrencë të fortë në repartin e mesfushës, po vlerëson opsionet e tij për të ardhmen, ndërsa Madridit i duhet të marrë një vendim nëse do t’i ofrojë rinovim apo do të pranojë largimin e tij.

Real Madridi nuk e ka vënë ende prioritet rinovimin e tij, ndërkohë që vetë lojtari kërkon më shumë hapësira në fushë, diçka që ka qenë e vështirë për t’u siguruar për shkak të prurjeve të reja dhe konkurrencës së ashpër.

Nëse nuk ndryshon situata, 2026 mund të jetë fundi i aventurës së Ceballos në “Bernabéu”.