Category: Sport

Gjiganti katalunas Barcelona ka bërë zyrtare largimin nga projekti i Superligës Evropiane.

Klubi blaugranas e ka bërë të ditur largimin nëpërmjet një komunikate të bërë këtë të shtunë,dhe ky vendim ka të bëjë me qëndrueshmërinë stabile të futbollit.

Përndryshe edhe presidenti i Barcelonës Juan Laporta ka bërë të ditur largimin nga Superliga e Evropës,dhe tani klubi i vetëm që ka mbetur në këtë projekt është rivali i katalunasve Real Madrid.

Kujtojmë që Barcelona ishte një prej klubeve që nisën projektin e Superligës së Evropës në vitin 2021,e cila kishte shkaktuar reagime të shumta nga tifozët anembanë botës duke kundërshtuar me protesta të shumta që çuan në prishjen e këtij projekti.

Sigal Prishtina ka emëruar teknikun malazias Dusan Dubljevic në postin e trajnerit të ekipit kryeqytetas.

Emërimi i Dubljevic vije më kohën kur klubi po bën ndryshime në struktrurat drejtuese,dhe malaziasi shihet si njeriu i cili mund të kthejë atmosferën mbrenda ekipit bardhëekaltër.

Përndryshe Sigal Prishtina aktualisht gjendet në krizë të thellë të rezultateve,dhe madje është afër eliminimit nga Kupa e Kosovës dhe emërimi i Dubljevic shihet nga drejtuesit e klubit si një lloj shpëtimi nga situata e vështirë.

Kujtojmë që Dusan Dubjevic ka drejtuar shumë klube të ndryshme si: KK Sutjeska Niksic dhe KK Teodo Tivat.

Distria Krasniqi është kualifikuar në gjysmëfinale të Grand Slamit të Parisit.

Në çerekfinale, Distria fitoi me shumë vështirësi ndaj brazilianes, Larissa Pimenta.

Lufta ishte e fortë dhe taktike, por në kohën shtesë Distria realizoi pikë për fitore.

Gjiganti italian Inter ppo synon të arrijë një marrëveshje të re me trajnerin aktual Christian Chivu.
Sipas Corriere Dello Sport drejtuesit e Inter-it synojnë që të rinovojnë kontratën teknikut rumun,i cili ka bindur me menaxhimin që ka bërë deri më tani tek nënkampioni i Serie A.
Përndryshe në kontratën e re është paraparë edhe një rritje e pagës së Chivu,ku nga 2 milionë euro në sezon tani do të fitonte rreth 3 milionë euro.
Mbetet të shihet se nëse Chivu do ta shfrytëzoj këtë në sezonet e ardhshme me fitim ndonjë trofeu.
Kujtojmë që Christian Chivu morri drejtimin e gjigantit italian Inter qëkur Simone Inzaghi u largua në fund të sezonit të kaluar.

YouTuberi dhe boksieri Jake Paul planifikon të rikthehet në ring në vitin 2026 dhe të garojë përsëri në divizionin e peshave ‘cruiserweight’ pas një humbjeje të vështirë ndaj Anthony Joshuas.

Ky informacion u konfirmua nga Nakisa Bidarian, bashkëthemelues i kompanisë së tij të promocionit Most Valuable Promotions (MVP).

Bidarian foli për të ardhmen e Paul gjatë njoftimit të ngjarjes së parë të organizuar nga MVP në Britaninë e Madhe, ku ndeshjet kryesore të mbrëmjes do të jenë Caroline Dubois kundër Terri Harper dhe Ellie Scotney kundër Mayella Flores.

Ai theksoi se Paul mbetet një figurë kyçe për rritjen e kompanisë, pavarësisht humbjes ndaj ish-kampionit të botës në peshat e rënda.

Kujtojmë që Paul u mund nga Joshua, pasi boksieri britanik i peshave të rënda pranoi ndeshjen me një njoftim të shkurtër. Ishte humbja e parë e Paul në divizionin e peshave të rënda.

Pas ndeshjes, u bë e ditur se Joshua i kishte thyer nofullën në dy vende Paulit, i cili megjithatë nuk dorëzohet dhe planifikon të rikthehet përsëri në ring.

Qendërmbrojtësi Sergio Ramos po bëhët gati për një rikthim në elitën e futbollit evropian.

Ramos është lojtar i lirë për momentin pas përfundimit të kontratës me ekipin meksikan Monterrey,dhe përkundër moshës ai dëshiron që të luaj edhe më tej në nivele të larta.

Përndryshe një prej skuadrave që mund të luaj Ramos është gjiganti francez Olympique Marseille,të cilët e shohin Ramosin si një lojtar që mund t’i ndihmojë repartit të mbrojtjes.

Kujtojmë që Sergio Ramos ishte i gatshëm te rikthehej tek Sevilla klub në të cilën e nisi karrierën,por kjo dështoi pasi Ramos dëshironte të ishte investitor tek klubi andaluzian dhe drejtuesit e Sevillas e refuzuan këtë gjë.

Gjiganti londinez Arsenal po synon që të përforcojë sulmin për sezonin e ri.

Topçinjtë janë duke synuar që të transferojnë sulmuesin argjentinas Julian Alvarez,dhe janë të gatshëm që të paguajnë një shumë të madhe për argjentinasin.

Përndryshe Atletico Madrid e vlerëson Alvarez deri në 87 milionë funte,teksa drejtuesit madrilienë janë të palëkundër në këtë çështje.

Në anën tjetër drejtuesit e gjigantit londinez e kanë të qartë se transferimi nuk do të jetë i lehtë,ndërkohë që mbetet të shihet se nëse transferimi do të realizohet apo jo.

Kujtojmë që Julian Alvarez ka luajtur më parë në Premierligën angleze,ku mbronte ngjyrat e skuadrës së Manchester City-it.

Sulmuesi i Kombëtares së Kosovës Fisnik Asllani është duke kaluar një sezon mjaft të mirë tek ekipi gjerman Hoffenheim.

Kjo formë e mirë e Asllanit nuk u kalua pa u vërejtur edhe nga shumë klube në Evropë,të cilat dëshirojnë të kenë shërbimet e sulmuesit dardan.

Përndryshe ndihmëstrajneri i Hoffenheimit Moritz Volz ka thurur lavde për Asllanin,duke thënë se është kënaqësi ta shohësh jo vetëm në fushë por edhe në stërvitje.

Ndërkohë ai ka folur edhe për interesimet e klubeve për Asllanin,duke shtuar se prioritet për të është të ketë një sezon të mirë në Bundesligë.

Kujtojmë që Fisnik Asllani në 21 ndeshje ka shënuar 7 gola e bëri 4 asistime për Hoffenheimin këtë sezon.

Gjiganti italian Juventus po synon që gjatë verës të bëjë ndryshime në repartin e mesfushës gjatë verës.

Sipas “Gazzetta dello Sport”, drejtuesit e “Zonjës së Vjetër e kanë vënë objektiv mesfushorin e Neëcastle United Sandro Tonali,dhe se italiani dëshiron që të rikthehet në Serie A.

Përndryshe tek Juve vetëdijshëm se një operacion i tillë do të kërkonte një investim të konsiderueshëm financiar,ndërkohë kjo varet se nëse Neëcastle United kualifikohet në Ligën e Kampionëve edicionin e ardhshëm.

Në anën tjetër nëse larasakat nuk sigurojnë Championsin në fund të këtij sezoni atëherë Tonali do të largihet,dhe ekziston mundësia që ajo të detyrohet të shesë një nga yjet e saj për të respektuar rregullat e Fair Play-it Financiar për të hapur kështu derën për një rikthim të Tonalit në Serie A.

Ish-mesfushori i Juventusit, Alessio Tacchinardi, ka kritikuar Edon Zhegrovën pas humbjes 3-0 të Juventusit ndaj Atalantës në Kupën e Italisë të enjten.

Përveç Zhegrovës, Tacchinardi i ka dhënë kritika edhe lojtarëve Teun Koopmeiners dhe Lois Openda. “Koopmeiners, Openda dhe Zhegrova nuk po japin asgjë, por i duhen Spallettit para muajit shumë të vështirë,” tha ai në një intervistë për “SportMediaset”.

Trajneri i Juventusit, Luciano Spalletti, ka theksuar pas ndeshjes se lojtarët e tij shpesh morën vendime të gabuara gjatë lojës.

Tacchinardi shtoi: “Rezultati ishte shumë i rëndë për Juventusin, pasi ekipi luajti mirë dhe krijoi shumë shanse, veçanërisht para penalltisë që për mua nuk ekzistoi. Juventus luan futboll të mirë, por e pagoi shtrenjtë çmimin pasi nuk arriti të finalizonte sulmet.”

Në Serie A, Juventus do të përballet së pari me Lazion të dielën, ndërsa më pas do të jetë mysafir te Interi.