Category: Sport

LeBron James, legjenda e NBA-së, ka arritur një tjetër arritje të jashtëzakonshme këtë mëngjes (e enjte), duke thyer një rekord që ka qëndruar për 37 vjet. Basketbollisti i Los Angeles Lakers kaloi Kareem Abdul-Jabbarin përsa i përket numrit të koshave të shënuar nga fusha, duke arritur në 15,838 pikë gjatë ndeshjes kundër Denver Nuggets.

Rekordi u arrit në çerekun e parë të ndeshjes, kur James shënoi një gjuajtje me rikthim nga gjysmë distanca. Abdul-Jabbar kishte shënuar 15,837 koshë gjatë karrierës së tij 20-vjeçare në NBA, duke mbajtur titullin e koshashënuesit më të mirë për dekada.

Përveç këtij rekordi, James ka arritur disa arritje të tjera të rëndësishme në karrierën e tij 23-vjeçare. Ai ka kaluar Abdul-Jabbarin për sa i përket minutave të luajtura, përpjekjeve për gjuajtje nga fusha dhe numrit total të pikëve të shënuara (43,111 deri në këtë ndeshje). Gjatë karrierës, James është zgjedhur 22 herë pjesë e All-Star dhe 21 herë në ekipin All-NBA, duke u përfshirë gjithashtu në gjashtë ekipe All-Defensive dhe duke u shpallur kampion i NBA-së katër herë.

Në sezonin aktual, LeBron James ka vazhduar të luajë në nivel të lartë, duke shënuar mesatarisht 21.6 pikë, 7.0 asistime dhe 5.6 kërcime për ndeshje. Me këtë formë, ai mbetet një faktor kyç për suksesin e Los Angeles Lakers.

Ky arritje e re tregon përkushtimin dhe aftësinë e LeBron James, i cili vazhdon të ndihmojë NBA-në dhe sportin e basketbollit të shkëlqejnë.

Klubi mbretëor spnajoll Real Madrid po synon që të bëjë përforcime në repartin e mesfushës.

“Los Blancos”po synojnë transferimin e mesfushorit të Chelsea-it Enzo Fernandez,dhe drejtuesit janë të gatshëm që të paguajnë rreth 120 milionë euro për të siguruar shërbimet e argjentinasit.

Përndryshe gjiganti londinez nuk e ka ndërmend që të heqë dorë nga Fernandez,ndërkohë në anën tjetër kjo varet edhe nga vetë ylli argjentinas se nëse dëshiron që të largohet nga Stamford Bridge.

Mbetet të shihet se nëse do të nisin negociatat për nënshkrimin e Enzo Fernandez-it apo jo,apo argjentinasi do të mbetet tek Chelsea edhe në sezonin e ardhshëm.

Kujtojmë që Enzo Fernandez në 42 ndeshje ka realizuar 11 gola e bëri 5 asistime në të gjitha garat për Chelsean,teksa ka kontratë me gjigantin londinez deri në vitin 2032.

UEFA ka ndëshkuar Real Madridin me një gjobë prej 15,000 eurosh dhe një mbyllje të pjesshme të tribunës së tifozëve pas portës, për shkak të një incidenti racist që ndodhi gjatë ndeshjes ‘play-off’ të Ligës së Kampionëve kundër Benficas.

Sipas gazetarit të njohur Henry Winter, incidenti ndodhi para fillimit të ndeshjes në stadiumin Santiago Bernabeu, kur një tifoz i Real Madridit u kap duke bërë një përshëndetje naziste. Kjo ka shkaktuar reagime të forta, dhe UEFA ka marrë masa ndaj klubit madrilen, duke vendosur të mbyllë 500 vende në tribunën jugore të stadiumit për një vit.

Real Madrid reagoi menjëherë pas incidentit, duke lëshuar një deklaratë ku shprehej kundër çdo forme të dhunës dhe urrejtjes, duke theksuar se tifozi përgjegjës ishte identifikuar dhe përjashtuar nga stadiumi. “Real Madridi dënon këtë lloj gjesti dhe shprehjeje që nxit dhunë dhe urrejtje në sport dhe shoqëri”, thuhej në deklaratën e klubit.

Ky incident është vetëm një tjetër rast i ofendimeve raciste ndaj lojtarëve të Real Madridit, pas ngjarjeve që ndodhën gjatë ndeshjes së parë në Lisbonë, ku Vinicius Junior u ofendua në mënyrë raciste nga anësori i Benficas, Gianluca Prestianni.

Kjo fundjavë pritet të sjellë xhiron e 23-të në Procredit Superligën e Kosovës në basketboll.

Kampioni aktual Trepca në palestrën Minatori në Mitrovicë e pret skuadrën e Vëllaznimit,ku xehetarët synojnë fitore për të mbetur edhe më tutje lider në tabelë dhe të afrohet edhe më shumë gjysmëfinaleve të play-off-it,teksa ekipit gjakovar fitorja i nevojitet për tu larguar nga zona e barazhit në elitën e basktetbollit vendor.

Bashkimi në anën tjetër i shkon në udhëtim ekipit Rahovecit 029,ku prizrenasit synojnë që të vazhdojnë me fitore,teksa Rahoveci 029 do të tentojnë të harrojnë humbjen nga Bora në xhiron e kaluar.

Në ndeshjet e tjera që do ta zhvillohen këtë fundjavë Sigal Prishtina e cila është në krizë të rezultateve i shkon Boras,teksa GO+Peja luan në udhëtim tek Golden Eagle Ylli.

Kjo fundjavë pritet të sjellë xhiron e 23-të në Albi Mall Superligën e Kosovës në futboll.

Të hënën pritet të zhvillohet derbi i kësaj fundjave,ku Llapi e pret Ballkanin nnë një ndeshje të cilën të dy ekipet kanë synime të ndryshme.

Skuadra e Tahir Batatinës synon që të marrë pikë të plota në mënyrë që të largohet nga zona që shpije në barazh,teksa në anën tjetër suharekasit të mbetet edhe më tutje lider në tabelën e Albi Mall Superligës.

Të shtunën pritet të zhvillohet vetëm një ndeshje ,ku kampioni aktual Drita e pret më shtëpi skuadrën e Prishtinës së Re ku ekipi gjilanas synon që të rikthehet tek fitorja,teksa në anën tjetër kryeqytetasit do të tentojnë që të marrin pikët e rradhës ndaj kampionëve.

Të dielën pritet të zhvillohet edhe një takim ku Drenica e pret ekipin e Dukagjinit,në një ndeshje të cilët dy ekipet kanë synime të ndryshme ku ekipi nga Skenderaj synon të dal nga zona e rrezikshme teksa ekipi nga Klina është në garë për një vend në Evropë.

Të hënën pritet të zhvillohen 2 takime të tjera ,ku Prishtina i shkon në udhëtim Malishevës,teksa Ferizaj e pret në shtëpi Gjilanin.

Futbollisti Gustavo Marques, i cili luan për ekipin brazilian Red Bull Bragantino, është pezulluar me 12 ndeshje për shkak se bëri një deklaratë seksiste në lidhje me një gjyqtare femër pas një ndeshjeje kampionati.

Incidenti ndodhi pas një ndeshjeje në Superligën e Brazilit midis Bragantino dhe Sao Paulo FC, e cila u drejtua nga gjyqtarja Daiane Muniz.

Pas humbjes së ekipit të tij, Marques tha në një intervistë për mediat, ku bëri deklarata të papërshtatshme karshi gjyqtares.

“Nuk ka kuptim të luash kundër Sao Paulos, Palmeiras dhe Corinthians, dhe pastaj të vendosësh një grua në krye të një ndeshjeje të kësaj madhësie… Mendoj se Federata Shtetërore e Futbollit të Sao Paulos duhet t’i kushtojë vëmendje ndeshjeve të kësaj rëndësie dhe jo t’ua caktojë ato grave”, ka thënë Marques.

: Gustavo Marques, a Brazilian player from Red Bull Bragantino, a team in the Serie A league of Brazil, has been banned for 12 games after showing sexism towards a referee.

· His team was playing Sao Paulo and it was being refereed by a female referee, Daiane Muniz.

·… pic.twitter.com/Dqgx4Rp6rr

— The Touchline | (@TouchlineX) March 6, 2026

Ai gjithashtu pretendoi se gjyqtari “shkatërroi” ëndrrat e ekipit të tij për të arritur në gjysmëfinale ose finale.

Deklarata e tij shkaktoi reagime të ashpra në publik. Edhe pse më vonë ai kërkoi falje publikisht, autoritetet disiplinore vlerësuan se dëmi ishte bërë tashmë.

Si rezultat, Marques u pezullua për 12 ndeshje dhe u gjobit me 5,700 dollarë. Përveç kësaj, klubi i tij Red Bull Bragantino e ndëshkoi atë brenda ekipit duke i zbritur gjysmën e pagës mujore.

Futbollistet femra të Iranit u shpallën tradhtare lufte në televizionin shtetëror, të cilat duhet të trajtohen në mënyrë strikte për shkak të gjestit të tyre të guximshëm në Kupën e Azisë, dhe thirrjet drejtuar Australisë për t’u dhënë atyre azil po bëhen gjithnjë e më të forta.

Sipas Daily Mail, refuzimi i grave iraniane për të kënduar himnin kombëtar para ndeshjes kundër Koresë së Jugut shkaktoi dënime të ashpra, dhe një prezantues në televizionin shtetëror iranian tha se ato duhet të përballen me shenjën e turpit dhe tradhtisë.

Zëdhënësi i regjimit radikal, Mohammad Reza Shahbazi, tha se autoritetet duhet t’i shpallin ato tradhtare, gjë që dënohet me vdekje në Iran.

“Do të them vetëm një gjë: tradhtarët duhet të trajtohen më rëndë në kohë lufte. Kushdo që bën diçka kundër vendit në kohë lufte duhet të ndëshkohet më rëndë. Për shembull, rasti i ekipit tonë të futbollit të femrave që nuk këndoi himnin, fotografia e publikuar dhe gjithçka tjetër, të cilën nuk do ta diskutoj në detaje”.

“Si publiku ashtu edhe autoritetet duhet t’i konsiderojnë këta individë ‘tradhtarë lufte’. Kjo nuk duhet të konsiderohet thjesht një ankesë apo një gjest simbolik”.

“Shenja e turpit dhe tradhtisë duhet të mbetet në ballin e tyre dhe ata duhet të trajtohen përfundimisht dhe rëndë”, tha Shahbazi, sipas një përkthimi të botuar në platformën X.

Calls grow for Australia to help Iran women's football team after their Asian Cup act saw them branded as 'wartime traitors' on state TV https://t.co/o9sv8vmEwD

— Daily Mail Sport (@MailSport) March 6, 2026

Kujtojmë se të hënën, futbollistet femra dhe trajnerja e tyre Marziyeh Jafari qëndruan në heshtje ndërsa luhej himni kombëtar, gjë që konsiderohet një protestë e heshtur kundër regjimit atje.

Gjesti ndodhi vetëm dy ditë pas vrasjes së Udhëheqësit Suprem Ajatollah Ali Khamenei në një sulm amerikano-izraelit.

Ndryshe nga ndeshja e raundit të parë, futbollistet iraniane kënduan himnin kombëtar para ndeshjes së djeshme kundër ekipit kombëtar australian, në të cilën humbën 4-0.

LeBron James i padiskutueshëm vendosi mëngjesin e sotëm (e enjte) një tjetër rekord në ligën më të fortë të basketbollit, NBA, pasi tejkaloi Kareem Abdul-Jabbar në vitin 2023 dhe u bë koshashënuesi më i mirë i të gjitha kohërave në NBA.

Konkretisht, James i shkëlqyer e tejkaloi qendrën legjendare të ndeshjen e fundit të luajtur në numrin e koshave të shënuar nga fusha në NBA (15,838 pikë).

Ai e arriti rekordin në çerekun e parë të ndeshjes kundër Denver Nuggets, me një gjuajtje me rikthim nga gjysmë distanca.

LEBRON JAMES.

MOST FIELD GOALS MADE IN NBA HISTORY.

👑 pic.twitter.com/yCj3h4j6rO

— NBA (@NBA) March 6, 2026

Abdul-Jabbar shënoi 15,837 gjuajtje nga fusha gjatë karrierës së tij 20-vjeçare në NBA dhe shumë menduan se ai rekord që zgjati 37 vjet nuk do të thyhej kurrë.

Më parë, James e kaloi Abdul-Jabbarin për sa i përket minutave, përpjekjeve për gjuajtje nga fusha dhe numrit të përgjithshëm të pikëve të shënuara (43,111 deri në këtë ndeshje).

The King adds another accolade to the throne 👑

LeBron James has passed Kareem Abdul-Jabbar for the most made field goals in NBA history 🔥 pic.twitter.com/TJHy5fygfp

— SportsCenter (@SportsCenter) March 6, 2026

Gjatë karrierës së tij 23-vjeçare, James ishte 22 herë pjesë e All-Star, më pas u zgjodh në 21 ekipe All-NBA, gjashtë herë në ekipin All-Defensive, ishte koshashënuesi më i mirë në sezonin 2008, katër herë kampion i NBA-së e shumë rekorde të tjera.

Këtë sezon, ai po luan në një nivel të lartë për LA Lakers, duke shënuar mesatarisht 21.6 pikë, 7.0 asistime dhe 5.6 kërcime për ndeshje.

Një aksident rrugor është shënuar mesditën e sotme në aksin Morinë–Kukës, pranë fshatit Përbreg, ku një automjet me targa të Kosovës ka dalë nga rruga dhe është përplasur me murin mbajtës të autostradës, duke rënë nga një lartësi disa metra anës rrugës.

Fatmirësisht, nga aksidenti nuk ka persona të lënduar, pasi drejtuesi i mjetit, Besart Cecelia, 48 vjeç, ka shpëtuar pa pasoja.

Cecelia që është trajner i Basanias në Kategorinë e Dytë ka treguar momentin e aksidentit për Telegrafin, duke thënë se ishte i lodhur dhe e kishte zënë gjumi.

“Isha duke ardhur nga Kosova për të shkuar në punë, te Basania jam trajner futbolli. Isha i lodhur, në një moment më zuri gjumi dhe e pash veten duke dalë nga rruga”.

“Falë zotit shpëtova dhe jam shumë mirë. Lartësia mendoj se është më shumë se 10 metra. Isha vetëm në makinë. Po shkoja në Shkodër se kishim stërvitjen. Jam trajner futbolli, i FC Basania, i kategorisë së dytë. Kam lindur për së dyti”, shtoi ai në fund.

Cecelia ka bërë një karrierë të pasur si futbollist, ndërsa ka drejtuar edhe disa klube në Kosovë.