Category: Sport

Janë zhvilluar ndeshejt e radhës në Ligën më te fortë të Basketbollit në botë, NBA.

Lideri i Konferencës së Lindjes, Detorit Pistons, është këndellur me fitore pas triumfit ndaj Brooklyn Nets me rezultat 138-100.

Jalen Duren udhëhoqi skuadrën e tijë drejt fitores me 26 pikë dhe Cade Cuninngham me 21 sosh.

Derisa te skuadra humbëse u dallua Michael Porter Jr. me 10 pikë.

Kujtpjmë që Nets renditen në vendin e 13-të në Konferencën e Lindjes.

 

Los Angeles Lakers ka shënuar fitoren e tretë radhazi, pasi mposhti Minnesota Timberwolves me rezultat 120-106.

Luka Doncic dhe Austin Reaves ishin dy yjet e kesaj mbremje pasi shënuan nga 31 pikë secili, me Doncic që realizoi triple-double duke bërë 11 pikë e 11 asistime.

Nga ana tjeter, Julius Randel dhe Anthony Edwards shënuannnga 14 pikë secili mirëpo nuk mjaftuan për fitore.

Lakers renditen në vendin e katërt në Konferencën e Perëndimit, derisa Timberwolves një pozitë më poshtë.

 

San Antonio Spurs ka realizuar fitoren e pestë rresht pasi mundi Boston Celtics me rezultat 125-116.

Victor Webmanyama udhëhoqi skuadrën e tijë drejt fitores duke realizuar 39 pikë e 11 kërcime, derisa De’Aron Fox shtojë 25 sosh.

Te Celtics paraqtije të mirë kishin Derrick Ëhite me 34 pikë dhe Jayson Ttaum me 24 sosh.

Spurs renditent në vendin e dytë në Konferencën e Perëndimit, derisa Celtics renditen në vendin e e dytë por në Lindje.

Ndeshjet e fazës së 1/8 së finales në UEFA Champions League vazhdojnë sonte me katër përballje interesante që do të zhvillohen në stadiume të ndryshme në Evropë.

Takimi i parë i mbrëmjes do të luhet nga ora 18:45, ku Bayer Leverkusen do të përballet me Arsenal në stadiumin BayArena. Skuadra gjermane synon të shfrytëzojë avantazhin e fushës vendase për të marrë një rezultat pozitiv para ndeshjes së kthimit në Londër. Në anën tjetër, ekipi londinez i drejtuar nga trajneri Mikel Arteta po kalon një sezon shumë të mirë dhe konsiderohet ndër skuadrat më konkurruese në Evropë këtë edicion.

Tre ndeshje të tjera do të zhvillohen nga ora 21:00 dhe pritet të sjellin spektakël të madh për tifozët e futbollit.

Një nga përballjet më tërheqëse të mbrëmjes do të jetë ajo mes Paris Saint-Germain dhe Chelsea në stadiumin Parc des Princes. Kampioni francez hyn në këtë duel në formë të mirë dhe konsiderohet favorit, ndërsa skuadra londineze synon të marrë një rezultat pozitiv në udhëtim për të mbajtur të hapur garën për kualifikim para ndeshjes së kthimit në Stamford Bridge.

Në të njëjtën kohë, një tjetër duel i madh do të zhvillohet në Santiago Bernabéu, ku Real Madrid do të përballet me Manchester City. Këto dy gjigantë të futbollit evropian janë përballur shpesh në vitet e fundit në Ligën e Kampionëve dhe edhe këtë herë pritet një ndeshje e fortë në garën për një vend në çerekfinale.

Ndërkohë, kampioni norvegjez Bodø/Glimt do ta presë Sporting CP në stadiumin Aspmyra Stadion, në një përballje ku të dyja skuadrat synojnë të hedhin hapin e parë drejt kualifikimit në fazën tjetër të kompeticionit.

Ndeshjet e kthimit të fazës së 1/8 së finales në UEFA Champions League do të zhvillohen më 17 dhe 18 mars, kur edhe do të përcaktohen skuadrat që do të sigurojnë një vend në çerekfinalet e këtij kompeticioni.

Ylli i Miami Heat, Bam Adebayo, ka realizuar një nga performancat më të jashtëzakonshme në historinë e NBA, duke shënuar plot 83 pikë në fitoren bindëse 150:129 ndaj Washington Wizards.

Qendra 28-vjeçare ishte absolutisht i pandalshëm gjatë gjithë ndeshjes, duke dominuar në sulm dhe duke udhëhequr skuadrën e tij drejt një fitoreje të rëndësishme. Adebayo shënoi nga çdo pozicion në parket, duke treguar një formë të jashtëzakonshme dhe duke lënë mbrojtjen kundërshtare pa zgjidhje për ta ndalur.

Me këtë paraqitje historike, Adebayo u ngjit në vendin e dytë për numrin më të madh të pikëve të shënuara në një ndeshje të vetme në historinë e ligës. Ai kaloi rekordin e vendosur nga legjenda Kobe Bryant, i cili kishte realizuar 81 pikë me Los Angeles Lakers në vitin 2006. Para tij në këtë listë mbetet vetëm legjenda Wilt Chamberlain, i cili mban rekordin historik prej 100 pikësh në një ndeshje të vetme.

Performanca e Adebayos u shoqërua me ovacione të mëdha nga tifozët dhe vlerësime të shumta nga analistët e basketbollit, të cilët e cilësuan këtë si një nga netët më të mëdha individuale të basketbollit modern. Ai ishte lideri absolut i skuadrës së Miami Heat dhe faktori kryesor që solli këtë fitore spektakolare.

Kjo ndeshje pritet të mbetet gjatë në kujtesën e tifozëve të basketbollit, ndërsa Adebayo me këtë arritje ka shkruar emrin e tij në librat e historisë së NBA-së dhe ka konfirmuar statusin e tij si një nga lojtarët më të rëndësishëm të ligës.

Galatasaray triumfoi minimalisht ndaj Liverpool në Stamboll, në ndeshjen e parë të fazës së 1/8-ve në Ligën e Kampioneve.

Skuadra turke iu fal një goli të shënuar në pjesën e parë, për të marrë avantazhin për sfidën e kthimit.

Pas 7 minutave lojë, Mario Lemina zhbllokoi takimin me kokë, pas një asisti të marrë nga Osimhen.

Pas këtij goli, të dyja ekipet iu afruan golit, por pa sukses. Liverpool shënoi me Van Dijk në minutën e 73-të, por u anulua për prekje me dorë.

Sfida e kthimit do të luhet javën e ardhshme në “Anfield”, aty ku do të përcaktohet skuadra që kualifikohet për në çerekfinale.

Një nga dy anëtaret e ekipit kombëtar të futbollit të grave të Iranit, të cilat kishin kërkuar azil në Australi, ka vendosur të kthehet në vendin e saj. Policia Australiane kishte ndihmuar futbollistet që të gjendnin një vend të sigurt, ku të mund të kërkojnë mbrojtje dhe azil.

Megjithatë, njëra prej tyre ndryshoi mendje pas disa ditësh, duke e bërë të qartë se dëshira e saj ishte të rikthehej në Iran.

Ministri i Brendshëm i Australisë, Tony Burke, theksoi se vendimi është marrë vullnetarisht dhe se autoritetet australiane respektuan plotësisht zgjedhjen e saj. Ai shpjegoi se është normale që njerëzit të ndryshojnë mendje dhe të marrin vendime personale për të ardhmen, veçanërisht kur bëhet fjalë për çështje kaq sensitive si siguria dhe familja.

Situata e ekipit iranian ishte e ndërlikuar dhe e tensionuar. Disa nga futbollistet dhe stafi mbështetës përballeshin me presion dhe kërcënime në vendlindje, pasi moskëndimi i himnit kombëtar ose pjesëmarrja në ndeshje jashtë vendit ishte interpretuar si akt rebelimi. Këto rrethana kishin shkaktuar shqetësime serioze për sigurinë e tyre dhe të familjeve të tyre.

Përveç dilemës personale, disa prej futbollisteve ishin të shqetësuara edhe për fatin e familjeve të tyre dhe kishin pyetur rreth mundësisë për t’i ndihmuar ato të largoheshin nga Irani. Ky incident nxjerr në pah sfidat komplekse që përballen sportistet iraniane kur kërkojnë siguri jashtë vendit, duke përfshirë dilemën e rëndë mes mbijetesës personale dhe lidhjeve familjare.

Anëtarët e ekipit iranian të futbollit të femrave mbërritën në Malajzi pasi Australia u dha viza humanitare gjashtë lojtareve dhe një anëtari të stafit.

Ato kishin shprehur shqetësime për sigurinë gjatë kthimit në Iran për shkak se nuk kënduan himnin kombëtar në Kupën Aziatike të Femrave.

Ekipi iranian i futbollit të femrave u largua nga Australia pa shtatë anëtare të saj, pas protestave plot lot për largimin e tyre jashtë Aeroportit të Sidneit dhe përpjekjeve të fundit frenetike brenda terminalit nga zyrtarët australianë, të cilët u përpoqën të siguroheshin që gratë të kuptonin se po u ofrohej azil, shkruan AP.

Ndërsa koha e fluturimit të ekipit po afrohej dhe ato kaluan kontrollin e sigurisë të martën vonë, secila grua u mor mënjanë për t’u takuar vetëm me zyrtarët, të cilët shpjeguan nëpërmjet përkthyesve se ato mund të zgjidhnin të mos ktheheshin në Iran.

Superkompjuteri ka parashikuar 15 fituesit e ardhshëm të Ligës së Kampionëve, me një ekip surprizë të përzgjedhur.

Faza e 1/8-tës së Ligës së Kampionëve për sezonin 2025/26 fillon këtë javë, me secilin nga 16 ekipet që do të luajnë midis të martës dhe të mërkurës.

Kampionët në fuqi, Paris Saint-Germain, do të presin Chelsean në ndeshjen e parë në një përballje që është parashikuar të jetë një nga më të fortat e raundit, ndërsa fituesit e sezonit 2023/24, Real Madrid, kanë tërhequr një short të vështirë kundër Manchester Cityt.

Gjatë 15 viteve të fundit, PSG, Chelsea dhe City janë tre ekipet që kanë fituar Ligën e Kampionëve për herë të parë, me Chelsean që ngriti trofeun e parë në 2012 dhe City duke bërë të njëjtën gjë në 2023.

Ka disa kandidatë që mund të arrijnë triumfin e tyre të parë gjatë 15 viteve të ardhshme, me Arsenal, Atletico Madrid, Bayer Leverkusen dhe Newcastle aktualisht të renditur më mirë si ekipe që janë ende në këtë garë.

Superkompjuteri tani ka dhënë versionin e tij se cilat ekipe do të triumfojnë në Ligën e Kampionëve deri në 2040 dhe mund të themi se kishte disa surpriza drejt fundit.

Superkompjuteri parashikon që Real Madridi do të fitojë titullin e tyre rekord të 16-të këtë sezon, para se Manchester City të ngjitet në majë në 2027, nëse Pep Guardiola do të jetë ende trajner i tyre.

Bayern Munich (2028), Paris Saint-Germain (2029) dhe Real Madrid (përsëri, 2030) janë fituesit e ardhshëm, me superkompjuterin që parashikon se Barcelona (2031) do të përfundojë një boshllëk 16-vjeçar pa trofe evropian.

Manchester City më pas fiton titullin për herë të tretë në 2032, para se Arsenal të bëhet fituesi i parë i ri që nga 2025 duke ngritur edicionin e 2033.

Bayern Munich (2034), Liverpool (2035), Real Madrid (2036) dhe Chelsea (2037) janë katër fituesit e ardhshëm, para se gjërat të bëhen pak më interesante.

Inter parashikohet të fitojë titullin e parë të Ligës së Kampionëve pas 28 vitesh në 2038, me superkompjuterin që duket se parashikon një perspektivë më pozitive për futbollin italian gjatë sezoneve të ardhshme.

Viti 2025 ka konfirmuar edhe një herë fuqinë globale të klubeve të mëdha të futbollit, jo vetëm në rezultate sportive por edhe në marketing dhe këtë e tregon shitja e fanellave për gjatë këtij viti.

Sipas të dhënave të fundit të publikuara nga The Sun, për shitjen e fanellave, në krye të listës qëndron Real Madrid, i cili ka shitur rreth 3,133,000 fanella gjatë vitit 2025.

Në vendin e dytë renditet rivali i përjetshëm i tyre, Barcelona me 2,940,000 fanella të shitura, ndërsa podiumin e plotëson Paris Saint‑Germain me 2,546,000 fanella të shitura gjatë vitit të fundit. Dominimi i këtyre klubeve konfirmon edhe një herë ndikimin e tyre global dhe bazën e madhe të tifozëve në të gjithë botën.

Pas tyre vjen gjiganti gjerman Bayern Munich me 2,377,000 fanella të shitura, ndërsa në vendin e pestë befason Inter Miami me 2,166,000 fanella. Klubi nga MLS ka përjetuar një rritje të jashtëzakonshme në shitje, kryesisht falë ndikimit global të superyllit Lionel Messi.

Në gjashtë vendet e para renditet edhe gjiganti argjentinas Boca Juniors me 1,933,000 fanella të shitura. Ndërkohë, Manchester United vazhdon të mbetet një nga markat më të forta të futbollit botëror, duke regjistruar 1,855,000 fanella të shitura gjatë vitit 2025.

Lista vazhdon me klubin brazilian Flamengo në vendin e tetë me 1,677,000, ndërsa në vendin e nëntë gjendet Chelsea me 1,422,000 fanella të shitura.

Top 10 mbyllet nga gjiganti saudit Al‑Nassr me 1,281,000 fanella, klub që është bërë globalisht i njohur pas transferimit të superyllit portugez Cristiano Ronaldo.

Një nga krahasimet më interesante të listës lidhet pikërisht me dy ikonat e futbollit modern. Klubi i Messit, Inter Miami, ka shitur 2,166,000 fanella, që është dukshëm më shumë se 1,281,000 fanellat e shitura nga Al-Nassr i Ronaldos.

Diferenca është rreth 885 mijë fanella, çka tregon ndikimin e jashtëzakonshëm komercial që Messi ka pasur në tregun amerikan dhe global.

Megjithatë, prania e dy klubeve në këtë listë dëshmon se rivaliteti historik mes Messit dhe Ronaldos vazhdon të reflektohet edhe jashtë fushës së lojës, duke ndikuar drejtpërdrejt në industrinë miliardëshe të marketingut të futbollit.

Një befasi tjetër është ajo e klubeve italiane, të cilat asnjëra nuk gjendet në top 10, teksa edhe klube tjera të mëdha si Liverpooli, Manchester City dhe Arsenali nuk kanë arritur ta gjejnë veten mes klubeve që shesin më shumë fanella.

Real Madrid – 3,133,000 fanella të shitura gjatë vitit 2025

Barcelona – 2,940,000 fanella të shitura gjatë vitit 2025

Paris Saint-Germain – 2,546,000 fanella të shitura gjatë vitit 2025

Bayern Munich – 2,377,000 fanella të shitura gjatë vitit 2025

Inter Miami – 2,166,000 fanella të shitura gjatë vitit 2025

Boca Juniors – 1,933,000 fanella të shitura gjatë vitit 2025

Manchester United – 1,855,000 fanella të shitura gjatë vitit 2025

Flamengo – 1,677,000 fanella të shitura gjatë vitit 2025

Chelsea – 1,422,000 fanella të shitura gjatë vitit 2025

Al Nassr – 1,281,000 fanella të shitura gjatë vitit 2025

Klubi turk Fenerbahçe vijon përpjekjet për të transferuar sulmuesin kosovar Fisnik Asllani, aktualisht pjesë e ekipit gjerman Hoffenheim. Sipas mediave sportive, drejtuesit e skuadrës nga Stambolli janë të vendosur që ta forcojnë sulmin gjatë afatit kalimtar veror dhe e shohin Asllanin si një nga prioritetet kryesore.

Raportimet e fundit tregojnë se për shërbimet e 23-vjeçarit janë të interesuar edhe klube të Ligës Premier, përfshirë Chelsea, si dhe disa ekipe të tjera evropiane, duke e bërë këtë transferim një objektiv shumë të kërkuar në treg.

Megjithatë, Fenerbahçe shpreson të jetë konkurrent serioz dhe të bindë Hoffenheim që të pranojë ofertën e tyre. Sipas mediave gjermane, klubi i Bundesligës kërkon rreth 30 milionë euro, një shifër që pasqyron performancën premtuese të lojtarit këtë sezon dhe interesimin e klubeve të mëdha.

Fisnik Asllani ka shkëlqyer këtë sezon te Hoffenheim, duke realizuar 9 gola dhe dhuruar 8 asistime në 26 paraqitje në të gjitha kompeticionet, duke u bërë një prej lojtarëve më të spikatur të ekipit gjerman.

Ky transferim mund të jetë një lëvizje kyçe për Fenerbahçen, e cila nuk heq dorë nga ambicia për të forcuar sulmin dhe për të rivalizuar më fuqishëm në sezonin e ardhshëm.

Galatasaray ka shënuar një fitore të rëndësishme 1-0 ndaj Liverpoolit në ndeshjen e parë të 1/8 së finales së Ligës së Kampionëve, në një atmosferë të zjarrtë në RAMS Park.

Rasti i parë i rrezikshëm i takoi Liverpoolit, kur Florian Wirtz përfitoi nga një gabim në mbrojtjen e vendasve, por nuk arriti të shënojë edhe pse kishte portën e zbrazët.

Goli vendimtar erdhi herët, në minutën e 7-të. Pas një goditjeje nga këndi, Victor Osimhen devijoi topin me kokë drejt zonës, ndërsa Mario Lemina e çoi atë në rrjetë, duke i dhënë avantazhin Galatasarayt.

Liverpool u përpoq të reagojë dhe në minutën e 72-të Virgil van Dijk shënoi, por goli u anulua pas ndërhyrjes së VAR-it për prekje me dorë.

Deri në fund, Galatasaray arriti të ruajë epërsinë dhe të sigurojë një fitore të rëndësishme në shtëpi, duke marrë avantazh përpara ndeshjes së kthimit.