Category: Sport

Ylli argjentinas Lionel Messi ka arritur shifrën e 900 golave në karrierë,duke u bërë lojtari i dytë në history që e arrin këtë numër.

Messi shënoi në 1/8 së finales së Kupës së Kampioneve Concacaf kundër Nashville SC,ku vetëm pas 7 minutash shënoi për epërsinë e skuadrës së Inter Miamit.

Përndryshe Inter Miami megjithatë barazoi 1:1,por për argjentinasin kjo ishte një ndër momentet më të rëndësishme sa i përket karrierës së tij në futboll dhe nëse arrin të luaj edhe për një  ose dy vite atëherë Messi mund të arrij edhe shifrën e 1000 golave.

Kujtojmë që Lionel Messi golin e tij të parë e shënoi me Barcelonën në vitin 2005,dhe atë në ndeshjen kundër Albacetes në sezonin 2004-05 ku 38 vjeçari debutoi në sezonin e tij të parë si profesionist.

Skuadrat çerekfinaliste të Ligës së Kampioneve janë tani të njohura, dhe superkompjuteri Opta ka bërë parashikimet për fituesin e mundshëm të trofeut. Sipas këtyre parashikimeve, Arsenali është skuadra me shanset më të mëdha për të fituar, me 78.71% mundësi për të kaluar në gjysmëfinale dhe 29.73% për të fituar titullin.

Pas londinezëve, Bayerni i Mynihut vjen i dyti, me 59.56% mundësi për të kaluar në gjysmëfinale dhe 18.33% për të fituar trofeun. Barcelona është e treta, me 66.47% shanse për të kaluar dhe 15.66% mundësi për të fituar.

Paris Saint Germain ka 56.25% mundësi për të kaluar në gjysmëfinale, ndërsa Reali i Madridit, që do të përballet me Bayernin, ka 40.44% shanse për të kaluar. Liverpool ka 43.75% mundësi për të kaluar PSG-në, por ka shanse më të ulëta për të fituar. Atletico Madrid ka 33.53% mundësi për të kaluar Barcelonën, dhe Sporting Lisbon ka vetëm 21.29% mundësi për të kaluar Arsenalin.

Portieri i Real Madrid-it Thibaut Courtois pritet që t’i mungoj “Los Blancos”në ndeshjet më të rëndësishme të sezonit.

Mediat spanjolle bëjnë të ditur se gardiani belg pritet të mungojë rreth 6 javë larg fushave të gjelbërta,që do të thotë që Courtois nuk do të jetë në dy ndeshjet çerekfinale të Ligës së Kampionëve kundër Bayern Munich-ut.

Përndryshe Courtois luajti vetëm në pjesën e parë në ndeshjen e kthimit të 1/8 së finales kundër Manchester City,teksa në pjesën e dytë u zëvendësua nga portieri i dytë Andriy Lunin i cili pritet që të mbrojë portën e madrilienëvë gjatë kohës kur belgu do të mugojë nga fushat e gjelbërta.

Kujtojmë që Thibaut Courtois ka zhvilluar 41 ndeshje në të gjitha garat këtë sezon me Real Madridin,ku në 15 ndeshje e mbajti portën të paprekur.

Komisioni i Gjyqtarëve ka reaguar ashpër ndaj komunikimit të trajnerit të KF Llapit, Tahir Batatina, me gjyqtarin anësor Fatlum Berisha, duke e cilësuar si të papranueshëm dhe jashtë çdo norme etike dhe profesionale. Ky reagim ka ardhur pas publikimit të një bisede nga Berisha, që ka shkaktuar reagime të shumta në opinionin sportiv.

Komisioni thekson se “gjuha e përdorur tejkalon çdo normë etike dhe profesionale” dhe është shqetësuese përfshirja e çështjeve personale në komunikim. Ata kanë shprehur mbështetje të plotë për gjyqtarin Berisha, duke vlerësuar “profesionalizmin dhe integritetin” e tij, dhe theksuan se çdo përpjekje për të cenuar dinjitetin e gjyqtarëve është e papranueshme.

Në reagimin e tij, Berisha shpërndau një mesazh ndaj Batatinës, duke e akuzuar për përdorim të tragjedive familjare në komunikim dhe kërkuar reagim nga FFK. Ndërkaq, Batatina ka mohuar përmendjen e familjes dhe ka shpjeguar se polemika ka të bëjë me gabime të qëllimshme nga ana e gjyqtarit, të cilat ai i ka konsideruar të dëmshme për ekipin e tij.

Komisioni i Gjyqtarëve ka kërkuar që të gjithë aktorët e futbollit të ruajnë respektin dhe profesionalizmin, duke theksuar se do të vazhdojnë të mbrojnë gjyqtarët dhe integritetin e garave.

Kombëtarja e Kosovës ka marrë një lajm jo të mirë para ndeshjes së fazës së play-off-it kundër Sllovakisë më 26 mars.

Mesfushori Leon Avdullahu ka pësuar lëndim gjatë stërvitjes së bërë me skuadrën e Hoffenheimt,dhe nuk mund të jetë i gatshëm për ndeshjen kundër sllovakëve javën e ardhshme.

Përndryshe lëndimi i Avdullahut u konfrimua edhe nga trajneri i Hoffenheimit Christian Ilzer,ku bëri të ditur se mesfushori dardan pësoi lëndim muskulor dhe pritet të mugojë disa javë.

Natyrisht se kjo është një hendikep i madh për përzgjedhësin Franco Foda,duke marrë parasysh se Avdullahu po kalontë një sezon fantastic me ekipin gjerman deri më tani.

Kujtojmë që lista e Kombëtares së Kosovës për ndeshjen e fazës së play-off-it të botërorit 2026 kundër Sllovakisë pritet të publikohet të premten.

Janë zhvilluar ndeshje tejet interesante në ligën më të fortë të basketbollit në botë NBA.

Los Angeles Lakers ka arritur të mposhtë skuadrën e Houston Rockets me rezultat 124:116,ku më i miri në parket tek Lakers ishte slloveni Luka Doncic me 40 pikë,9 kërcime e 10 asistime,teksa Lebron James dha kontribut me 30 pikë të realizuara.

Tek Rocekts më i miri ishte turku Alperen Sengun me 27 pikë e 10 asistime,kurse Amen Thomspon me 26 pikë e 11 kërcime ishte i dyti më efikas në këtë takim.

La Lakers gjendet në pozitën e 3-të në konferencen perëndimore,kurse Houston Rockets në pozitën e 5-të.

Kampioni aktual Oklahoma City Thunder mposhti në shtëpi Brooklyn Nets me rezultat 121:92.

Jared McCain me 26 pikë dhe Shai Gilgeous Alexander me 20 pikë të tjera ishin më efikasët tek Thunder,kurse për Nets Jalen Brunson me 15 pikë ishte më i miri në parket.

Oklahoma City Thunder mbetet lider në konferencën perëndimore,kurse Brooklyn Nets pozicionohet në pozitën e 13-të.

Boston Celtics ndërkaq fitoi ndaj Golden Sate Ëarriors me rezultat 120:99,ku Jaylen Broën me 32 pikë si dhe Jayson Tatum me 24 pikë e 10 kërcime dha kontribut në këtë fitore.

Tek Ëarriors më të mirët ishin Gary Payton dhe Pat Spencer me 14 pikë secili,kurse në anën tjetër Draymond Green dhe Gui Santos secili shënoi nga 13 pikë.

Boston Celtics gjendet në pozitën e dytë në konferencën lindore,kurse Golden State Ëarriors është në vendin e 10-të në atë perëndimore.

Blerind Morina është fitues i cmimit të “Yllit të Javës”në kuadër të xhiros së 25-të të Albi Mall Superligës.

Morina ishte protagonist për Gjilanin në ndeshjen kundër Llapit,ku shënpi gol në fitoren 3:2 të skifterave.

Përndryshe Morina është shprehur mjaft i lumtur pas fitimit të këtij epiteti,duke thënë se fitorja ndaj Llapit është tejet e rëndësishme.

“Gjatë tërë javës kemi punuar shumë dhe kemi analizuar Llapin. Kjo ka qenë një fitore shumë e rëndësishme për ne. Objektivi i ekipit gjithmonë ka qenë dalja në Evropë, por duke e parë tabelën, pse jo edhe më shumë. Falënderoj stafin e trajnerëve dhe bashkëlojtarët. Këtë çmim ia dedikoj SC Gjilanit”

Kujtojmë që Gjilani fitoi 3:2 kundër Llapit në udhëtim,dhe gjendet në pozitën e 3-të me 39 pikë.

Kombëtarja e Kosovës në hendboll ka mbërritur në Tuzëll të Bosnjë-Hercegovinës. Ekipi në arenën “Mejdan”, sonte nga ora 20:00 do të përballet me Bosnjë-Hercegovinën.

Përzgjedhësi Jesper Östlund është shprehur i kënaqur me gjendjen e ekipit dhe përkushtimin e treguar gjatë përgatitjeve, duke vlerësuar se skuadra është e gatshme për sfidën e radhës.

Edhe lojtarët janë shfaqur të motivuar për të dhënë maksimumin në këtë përballje të rëndësishme, me synimin për të siguruar një rezultat pozitiv që do të rriste gjasat për kualifikim.

Ndeshja e kthimit do të zhvillohet të dielën në Pallatin e Rinisë në Prishtinë, me fillim nga ora 17:00.

Dy takimet ndaj Bosnjë-Hercegovinës janë vendimtare për fazën e dytë kualifikuese. Skuadra që del më e suksesshme nga këto përballje do të avancojë në fazën e tretë dhe të fundit kualifikuese, ku e presin Ishujt Faroe.

Kosova e ka kaluar me sukses fazën e parë kualifikuese, duke regjistruar dy fitore ndaj Britanisë së Madhe, dhe tashmë synon të vazhdojë rrugëtimin drejt një kualifikimi historik.

Kombëtarja pret mbështetje të madhe nga tifozët, veçanërisht në ndeshjen e kthimit në Prishtinë, në përpjekje për të arritur një sukses të rëndësishëm në arenën ndërkombëtare. /RTK/

Pasi gjyqtari Fatlum Berisha publikoi fjalët që ika shkruar Tahir Batatina, ka pasur reagime nga të gjitha anët.

Në orët e vona ka ardhur edhe reagimi nga Komisioni i Gjyqtarëve që kanë dalë me një Komunikatë zyrtare.

Në reagimin e Komisionit të Gjyqtarëve, ata dënojnë gjuhen e përdorur nga trajnerii Llapit, Tahir Batatina, si dhe thonë se gjuha e përdorur është e papranueshme..

Reagimi i plotë nga Komisioni i Gjyqtarëve:

Reagim i Komisionit të Gjyqtarëve lidhur me komunikimin e papranueshëm të kryetrajnerit të KF Llapi ndaj gjyqtarit Fatlum Berisha

Komisioni i Gjyqtarëve shpreh shqetësimin dhe indinjatën e thellë lidhur me përmbajtjen e mesazheve që trajneri i KF Llapi, Tahir Batatina, i ka bërë ndaj gjyqtarit tonë, Fatlum Berisha.Pavarësisht të drejtës për të shprehur pakënaqësi apo kritika ndaj vendimeve në fushën e lojës, gjuha e përdorur në këtë rast është e papranueshme dhe i tejkalon normat etike, profesionale dhe njerëzore.

Veçanërisht shqetësues është referimi që trajneri i lartpërmendur ka bërë në çështje tejet të ndjeshme personale dhe familjare, gjë që tejkalon çdo kufi të komunikimit.Komisioni i Gjyqtarëve shpreh mbështetje të plotë dhe të palëkundur për gjyqtarin Fatlum Berisha, duke vlerësuar profesionalizmin, integritetin dhe përkushtimin e tij në ushtrimin e detyrës.

Çdo përpjekje për ta cenuar dinjitetin personal apo për ta vënë nën presion përmes gjuhës së papërshtatshme është e papranueshme dhe nuk duhet të tolerohet në asnjë rrethanë. Komisioni i Gjyqtarëve dënon fuqishëm çdo formë presioni, ofendimi apo kërcënimi ndaj gjyqtarëve, të cilët ushtrojnë detyrën e tyre me përgjegjësi dhe në përputhje me rregullat e lojës. Integriteti i gjyqtarëve është themel i funksionimit të drejtë të garave dhe si i tillë duhet të mbrohet pa kompromis.

Njëkohësisht, u bëjmë thirrje të gjithë akterëve të futbollit trajnerëve, lojtarëve dhe zyrtarëve, që të kontribuojnë në ruajtjen e një klime respekti dhe profesionalizmi, në përputhje me vlerat që futbolli ynë përfaqëson.Komisioni i Gjyqtarëve do të vazhdojë të qëndrojë në mbrojtje të gjyqtarëve dhe të punojë për forcimin e integritetit dhe besueshmërisë së garave tona. Komisioni i Gjyqtarëve, 18 mars, 2026.