Category: Sport

Kombëtarja e Kosovës në futboll të dielën mbajti seancën e dytë stërvitore për ndeshjen finale të play-off-it të Kupës së Botës 2026 kundër Turqisë.

Gjatë stërvitjes u vërejtë një atmosferë pozitive në mesin e lojtarëve të kampit dardan,ku shumica patën një disponim të mirë dhe të relaksuar përpara sifdës historike ndaj turqve të martën mbrëma.

Përzgjedhësi Franco Foda ka punuar më shumë në anën taktike të lojës gjatë përgatitjeve për këtë ndeshje tejet të rëndësishme,ku synohet të nxjerret një formacion ideal për misionin anti-Turqi.

Sulmuesi Fisnik Asllani u shpreh se është optimist në fitoren e Kosovës ndaj Turqisë,dhe se nuk i përshtypje fare nëse ekipi turk është favorit apo jo dhe se kombëtaret si Sllovakia,Suedia dhe Sllovenia menduan të njëjtën gjë por këta të fundit dolën humbës pas ndeshjeve kundër tyre.

“Besoj që fitorja na ka dhënë shumë vetëbesim, kështu që të martën kundër Turqisë kemi me bo një lojë shumë të mirë, t’i kemi tifozët pranë vetës. Shpresoj që e fitojmë lojën dhe shkojna në Kupën e Botës”.

“Turqia favorit? Mua kjo pjesë nuk më intereson, as ekipit jo – në fund shikohet në fushë çfarë bëhet. Ata munden me qenë favorit, njëjtë janë kanë edhe Sllovakia e Suedia kështu na me e kry punën tonë dhe pastaj të shohim pas lojës”.

“Tifozët? Me na ndihmu sa të mundën, të na përkrahin në fushë dhe jashtë fushës. Na kemi me dhënë maksimumin për ta, do ta lëmë zemrën në fushë dhe të fitojmë lojën të martën”

Në anën tjetër portieri Aro Muric ka deklaruar se është optimist për fitore ndaj Turqisë,dhe se do të bëjnë çmos që Kosova të kualifikohet në botëror.

“Jemi gati dhe besoj se do të jetë një ditë e bukur në Prishtinë. Do të japim gjithçka për të fituar”.

“Siç e kam thënë më parë deri në momentin e fundit asgjë nuk përfundon dhe ja ku jemi tani. Gjithçka varet nga ne. E kemi merituar dhe do të japim maksimumin për të marrë fitore”.

“Mbështetja e tifozëve ka qenë e jashtëzakonshme. Kanë qenë pranë nesh gjithmonë dhe jemi mirënjohës për këtë, shpresoj që do t’i bëjmë krenar për t’i dhënë gjithçka në fushë”

Ndërkohë Kombëtarja e Kosovës të hënën do të zhvilloj një konferencë për shtyp në ora 10;30,teksa do ta zhvilloj edhe seancën e fundit stërvitore nga ora 11:00.

Kujtojmë që ndeshja finale e play-off-it për Kupën e Botës 2026 Kosovë-Turqi pritet të zhvillohet të martën nga ora 20:45,dhe fitorja do t’i kualifikonte “Dardanët”në turneun që do të mbahet në SHBA,Kanada dhe Meksikë.

Juventusi mund të përballet me një humbje të madhe në merkaton e ardhshme verore, pasi Khephren Thuram mund të largohet nga Torino nëse bardhezinjtë nuk arrijnë të sigurojnë një vend në Ligën e Kampionëve.

Mesfushori francez konsiderohet një nga lojtarët kyç të skuadrës dhe e ardhmja e tij lidhet ngushtë si me ambiciet sportive, ashtu edhe me situatën financiare të klubit. Juventusi tashmë është jashtë garës për titull dhe objektivi i vetëm i mbetur është përfundimi në katër vendet e para në Serie A.

Eliminimi i fundit ndaj Galatasarayt në “Allianz Stadium” është parë si një goditje e rëndë, duke rritur presionin mbi skuadrën për të shpëtuar sezonin përmes kualifikimit në Champions. Përveç aspektit sportiv, një dështim i tillë do të sillte pasoja të mëdha financiare për klubin.

Nëse rivalët si Como dhe Roma arrijnë të zënë vendet që çojnë në Ligën e Kampionëve, Juventusi jo vetëm që do të mbetet jashtë kompeticionit më të rëndësishëm evropian, por gjithashtu do të humbasë të ardhura të konsiderueshme. Një skenar i tillë mund ta detyrojë klubin të bëjë një shitje të rëndësishme gjatë verës.

Në këtë kontekst, Thuram shihet si kandidati kryesor për t’u larguar. Raportohet se vetë lojtari është i hapur për një transferim nëse Juventusi mbetet jashtë top 4, në mënyrë që të vazhdojë zhvillimin e tij në nivelin më të lartë evropian.

Që nga transferimi i tij në Torino për rreth 20 milionë euro, vlera e Thuram është rritur ndjeshëm dhe ai ka tërhequr interesin e disa klubeve të mëdha. Mes tyre është edhe Manchester United, i cili e sheh francezin si një përforcim ideal në mesfushë, sidomos në prag të një largimi të mundshëm të Casemiros. Në “Old Trafford”, ai mund të formojë një treshe interesante me Kobbie Mainoo dhe Bruno Fernandes.

25-vjeçari ka zhvilluar një sezon solid me fanellën e Juventusit, duke regjistruar 38 paraqitje në të gjitha garat, mbi 2700 minuta në fushë, si dhe duke kontribuar me 3 gola dhe 3 asistime.

Kapiteni i Kombëtares së Kosovës Amir Rrahmani, pritet të jetë i pranishëm në stadiumin “Fadil Vokrri” për të mbështetur bashkëlojtarët e tij në ndeshjen vendimtare ndaj Kombëtarja e Turqisë, në kuadër të finales së Play-Off-it.

Edhe pse mungesa e tij në fushë është ndjerë dukshëm për shkak të një dëmtimi muskulor, mbrojtësi i Napoli ka marrë leje nga klubi për të udhëtuar drejt Prishtinës. Ai pritet t’i bashkohet ekipit të martën, duke ofruar përkrahje morale në një moment shumë të rëndësishëm për kombëtaren.

Rrahmani, i cili është në fazën përfundimtare të rikuperimit pas dëmtimit të pësuar në ndeshjen ndaj Roma, pritet të rikthehet në fushë në mesin e muajit prill. Ky është një lajm i mirë për trajnerin Antonio Conte, i cili do të mund të llogarisë në shërbimet e tij në momentet vendimtare të sezonit në Serie A.

Prania e kapitenit në tribunat e stadiumit në Prishtinë pritet të shërbejë si një shtysë e madhe për futbollistët e Kosovës, të cilët do të kërkojnë një rezultat pozitiv përballë Turqisë dhe një hap të rëndësishëm drejt suksesit.

Kujtojmë që Amir Rrahmani mungon në grumbullimin e dardanëve për ndeshjet vendimtare të dardanëve për shkak të lëndimit.

Kosova dhe Turqia do të përballen të martën mbrëma, me fillim nga ora 20:45, në ndeshjen më të rëndësishme në historinë e Kombëtares sonë.

Fituesi siguron kualifikimin në Botëror, ndërsa humbësi mbetet në shtëpi dhe duhet të presë edhe katër vite për një tjetër mundësi.

Trajneri i njohur turk, Hikmet Karaman, i cili ka përvojë të gjatë në drejtimin e skuadrave turke dhe aktualisht drejton Igdirin, ka analizuar këtë përballje për “Hürriyet”.

66-vjeçari ka lavdëruar Kosovën për ndeshjen ndaj Sllovakisë, por edhe për paraqitjet në grup, ku ishte së bashku me Zvicrën, Suedinë dhe Slloveninë.

“Të dyja skuadrat zhvilluan një ndeshje të hapur dhe me ritëm të shpejtë, që rezultoi me shumë gola. Në atë takim, Kosova tregoi se kur e ka topin në zotërim, pason mirë, nis kundërsulme të shpejta dhe është efektive në krosime dhe tranzicione. Prandaj, taktikat për ndeshjen kundër Kosovës nuk do të jenë të njëjta. Trajneri i tyre, Franco Foda, është gjithashtu një menaxher shumë i mirë dhe me përvojë.

Në fakt, para kësaj ndeshjeje duhet të analizojmë jo vetëm takimin Sllovaki–Kosovë, por edhe atë që Kosova bëri në grupin kualifikues për Kupën e Botës. Zvicra, Sllovenia dhe Suedia janë ndër ekipet më të mira sa i përket mbrojtjes zonale, lojës në tranzicion, kundërsulmeve dhe goditjeve standarde. Dhe Kosova arriti të dalë nga ky grup. Kushtojini vëmendje: ata e mundën Suedinë në të dyja ndeshjet, fituan 2-0 ndaj Sllovenisë jashtë fushe dhe barazuan me Zvicrën, e cila përfundoi në krye të grupit. Pra, nuk na pret një ndeshje e lehtë.

Do të luajmë jashtë fushe dhe tifozët e Kosovës do t’i japin ekipit të tyre një mbështetje të jashtëzakonshme. Edhe njoftimi i kryeministrit për bonuse rekord do të jetë një motivim shtesë për ta. Nuk e di kur do të mbërrijë ekipi ynë atje, por është e rëndësishme ta përjetojnë atmosferën e stadiumit sa më herët. Kjo është një ndeshje e vetme: fituesi shkon në Kupën e Botës”, tha Karaman.

Karaman shtoi se për ta mposhtur Kosovën, Turqia duhet të luajë më mirë sesa ndaj Rumanisë dhe më mirë se në pjesën e dytë ndaj Spanjës.

“Kosova është një ekip i fortë. Ata luajnë me formacion 5-4-1, por gjatë ndeshjes mund të kalojnë në 3-4-2-1. Janë shumë të suksesshëm në rikthimin e topit, ndërsa mesfushorët e tyre janë të gjithanshëm dhe shumë krijues. Është një ekip që kalon shumë mirë në tranzicion dhe përballon presionin. Po, ne kemi yje të rëndësishëm si Arda Güler, Kenan Yıldız dhe liderin e ekipit, Hakan Çalhanoğlu. Por po përballemi me një ekip shumë efektiv në goditjet standarde dhe në sulm. Trajneri ynë patjetër do të përgatisë një taktikë të ndryshme”, përfundoi Karaman.

Andrea Kimi Antonelli vazhdon të mahnisë botën e Formula 1, duke triumfuar edhe në Çmimin e Madh të Japonisë pas fitores në Kinë. Piloti italian i Mercedes-AMG Petronas Formula One Team hyn në histori si piloti i parë nën moshën 20 vjeç që fiton dy gara radhazi.

Antonelli e nisi garën nga pole position, por pati një start për t’u harruar, duke rënë deri në vendin e gjashtë. Në krye u vendos Oscar Piastri, i ndjekur nga Charles Leclerc dhe Lando Norris. Ndërkohë, për Mercedes filloi një punë e madhe për rikuperimin e pozicioneve, me të dyja makinat që shfaqën ritëm të lartë, por u penalizuan nga trafiku në pistë.

Parakalimet ndaj makinave Ferrari u realizuan me sukses, por George Russell mbeti pas Piastrit, ndërsa Norris mbante pas Antonellin. Lufta për vendin e dytë ishte e fortë, me parakalime dhe kundërparakalime, por australiani rezistoi mirë, ndërsa Leclerc ruante pozicionin ndaj Norris.

Në xhiron e 15-të, Antonelli bëri një paraqitje spektakolare, duke kaluar si Norris ashtu edhe Leclerc dhe duke u shndërruar në pilotin më të shpejtë në pistë. Momenti vendimtar erdhi pas aktivizimit të Safety Car për shkak të një incidenti të Oliver Bearman. Russell hyri në bokse, ndërsa Antonelli përfitoi dhe mori kryesimin.

Pas ristartit, italiani menaxhoi në mënyrë perfekte garën, duke rritur gradualisht diferencën me ndjekësit dhe duke kaluar i pari vijën e finishit. Pas tij u rendit Piastri, që rikthehet në podium pas dy garash të vështira, ndërsa vendi i tretë shkoi për Leclerc pas një dueli të fortë me Russell në fund të garës.

Në vendin e katërt u pozicionua Russell, i ndjekur nga Norris dhe Lewis Hamilton. Në zonën e pikëve u renditën gjithashtu Pierre Gasly, Max Verstappen, Liam Lawson dhe Esteban Ocon.

Pas Çmimit të Madh të Japonisë, ndryshon edhe renditja e përgjithshme. Antonelli kryeson me 72 pikë, duke vendosur një tjetër rekord si piloti më i ri në historinë e Formula 1 që merr kryesimin e kampionatit. Në vendin e dytë renditet Russell me 61 pikë, ndërsa Leclerc mban vendin e tretë me 49 pikë.

San Antonio Spurs vazhdojnë formën e shkëlqyer, duke triumfuar bindshëm ndaj Milwaukee Bucks me rezultatin 127:95 në Fiserv Forum. Kjo ishte fitorja e tetë radhazi për ekipin nga Teksasi, që po kalon një periudhë mbresëlënëse në sezon.

Që nga fillimi i ndeshjes, Spurs diktuan ritmin dhe kontrolluan lojën, duke rritur vazhdimisht epërsinë. Pjesa e parë u mbyll me shifrat 67:45 në favor të mysafirëve.

Bucks reaguan vetëm në çerekun e tretë, por Spurs rikthyen dominimin në periodën e fundit, duke e thelluar diferencën deri në 32 pikë në fund të takimit.

Më i dalluari për Spurs ishte Victor Wembanyama me 23 pikë dhe 13 ribaunde, ndërsa Stephon Castle kontribuoi me 22 pikë dhe 10 ribaunde. Në anën tjetër, Gary Trent ishte lojtari më efikas për Milwaukee me 18 pikë.

San Antonio Spurs renditen të dytët në Konferencën Perëndimore me 56 fitore dhe 18 humbje, vetëm dy fitore larg liderit Oklahoma City Thunder. Ndërkohë, Milwaukee Bucks pozicionohen në vendin e 11-të në Konferencën Lindore.

Agjenti i Fisnik Asllanit, Ayman Dahmani, ka konfirmuar se interesi i Barcelonës për sulmuesin kosovar është i vlefshëm dhe ka pasur kontakte me klubin katalanas për një transferim të mundshëm gjatë verës. Sipas Dahmanit, Asllani do të largohet nga Hoffenheimi vetëm nëse aktivizohet klauzola e tij e lirimit, e cila vlerësohet rreth 25 deri në 29 milionë euro.

Kosovari 22-vjeçar ka qenë një nga lojtarët kryesorë të Hoffenheimit këtë sezon, me 9 gola dhe 6 asistime në 28 ndeshje në të gjitha garat. Po ashtu, për ekipin kombëtar të Kosovës, ai ka shënuar 4 gola në 7 paraqitje të fundit, duke tërhequr interesin e disa klubeve evropiane.

Barcelona po kërkon një sulmues për sezonin e ardhshëm, dhe sipas gazetës Mundo Deportivo, objekti kryesor është Julián Álvarez. Megjithatë, Atletico Madrid nuk e lehtëson largimin e argjentinasit, dhe Asllani mund të jetë një alternativë më e lirë dhe më e re, megjithëse ende duhet të provojë veten në një klub të nivelit të lartë.

Kombëtarja e Kosovës ka mbajtur seancën e parë stërvitore para ndeshjes vendimtare për kualifikimin në botërorin e vitit 2026 kundër Turqisë.

Gjatë stërvitjes u vërejt një atmosferë tejet pozitive në kampin dardan,dhe se optimizimi për fitoren ndeshjen ndaj turqve është tejet i madh.

Mesfushori Veldin Hoxha ka deklaruar se ekipi është i bashkuar,duke shtuar faktin se me përkrahjen e tifozëve Kosova do ta jap maksimumin për të shkuar në Kupën e Botës.

“Ndjenja është shumë e mirë, por kjo ndeshje tashmë ka kaluar dhe tani fokusi ynë është te ndeshja e radhës kundër Turqisë. Ekipi do të jetë i përgatitur maksimalisht dhe do të bëjmë gjithçka që është e mundur për të arritur kualifikimin në Kupën e Botës”

“Ndjenja është shumë e mirë, por kjo ndeshje tashmë ka kaluar dhe tani fokusi ynë është te ndeshja e radhës kundër Turqisë. Ekipi do të jetë i përgatitur maksimalisht dhe do të bëjmë gjithçka që është e mundur për të arritur kualifikimin në Kupën e Botës”

“Mendoj se kemi një atmosferë shumë të mirë brenda skuadrës. Jemi një ekip shumë i mirë dhe luajmë si një ekip i bashkuar, gjë që është një nga pikat tona më të forta”.Kur i ke tifozët pas vetes në stadiumin tënd kjo të jep një shtysë shumë të madhe në ndeshje të tilla. Prandaj, do të japim maksimumin për të fituar këtë ndeshje – për veten tonë, për tifozët dhe për vendon tonë – me synimin që të arrijmë në Kupën e Botës”

Në anën tjetër Dion Gallapeni thotë se ndeshja ndaj Turqisë është e vështirë,por do të luftojnë deri në fund dhe të dalin fitimtar nga kjo ndeshje.

“Një ndeshje historike për ne, pavarësisht se e kemi ditur se do të jetë e vështirë. Por, me ndihmën e tifozëve dardanë gjithçka ishte e mundur dhe treguam një karakter shumë të fortë dhe dolëm fitimtar nga ndeshja”

“Normalisht që është një ndeshje e vështirë duke marrë parasysh kualitetin që ka Turqia mirëpo këtë e kemi vërtetuar edhe në ndeshjen e parë që pavarësisht cilësisë së skuadrës së tyre, ne jemi shumë të bashkuar si grup, luftojmë për njëri-tjetrin dhe kjo ka shumë rëndësi”.

“Normalisht si këtë ndeshje, por edhe në ndeshjet e tjera, ata [tifozët] kanë qenë forca jonë më e madhe, kështu që normalisht se i pres atë në një numër të madh, ta bëjnë atmosferën siç dinë ata dhe të dalim fitimtar nga ndeshja”, përfundoi mbrojtësi i majtë

Kujtojmë që ndeshja Kosovë-Turqi pritet të zhvillohet të martën në stadiumin Fadil Vokrri në Prishtinë me fillim nga ora 20:45.

Barcelona mori sot lajmin më të keq nga Brazili. Një nga futbollistët më të spikatur të kampionëve aktualë të Spanjës, Raphinha, u lëndua gjatë ndeshjes miqësore midis Brazilit dhe Francës, e cila përfundoi me fitoren e evropianëve 2-1.

Braziliani dëmtoi ligamentin e kryqëzuar të pasmë dhe, sipas informacioneve të fundit, pritet të mungojë të paktën një muaj.

Kjo do të thotë që Raphinha do të humbasë ndeshjen e dyfishtë çerekfinale të Ligës së Kampionëve kundër Atletico Madridit, pastaj duelin e ligës kundër të njëjtës skuadër dhe takimet kundër Espanyol, Celta, Getafe dhe Osasuna. Ekziston gjithashtu mundësia që ai të mos luajë as në gjysmëfinalet e mundshme të Ligës së Kampionëve, nëse Barcelona kalon rivalët e saj.

Mungesa e Raphinha-s do të jetë një humbje e madhe për klubin katalanas, pasi ai po shfaq një formë të shkëlqyer këtë sezon, me 11 gola të shënuar në kampionat.

Barcelona vazhdon të kryesojë në La Liga me 73 pikë, katër më shumë se Real Madridi në vendin e dytë.

Janë zhvilluar ndeshje tejet interesante në ligën më të fortë të basketbollit në botë NBA.

Los Angeles Lakers ka mposhtur në shtëpi skuadrën e Brooklyn Nets 116:99,ku Luka Doncic me 41 pikë e 8 kërcime ishte më i miri në këtë ndeshje,teksa kontribut në fitoren e Lakers dha dhe Austin Reaves me 26 pikë e 8 kërcime.

Tek Nets ishte Josh Minoot me 18 pikë,teksa Ziare Ëilliams dhe Nic Claxton shënuan 16 pikë secili kurse ky i fundit kontribuoi me 7 kërcime në këtë ndeshje.

Oklahoma City Thunder shënoi fitore kundër Chicago Bulls me rezultat 131:113.

Shai Gilgeuos Alexander me 25 pikë dhe Cason Wallace me 21 të tjera ishin më efikasët për Thunder në parket,kurse Isaiah Hartenstein dha kontribut me 16 kërcime,kurse tek Bulls Tre Jones me 21 pikë,7 kërcime e 9 asistime dhe Isaac Okoro me 20 të tjera ishin më efikassët në parket.