Category: Sport

Portieri shqiptar, Diant Ramaj, po vazhdon të fitojë përvojë të vlefshme në Bundesliga me Heidenheim, por e ardhmja e tij pas verës mbetet ende e paqartë.

Sipas mediave gjermane, situata e tij te Borussia Dortmund është e hapur në të gjitha drejtimet. Nuk përjashtohet mundësia e një transferimi të përhershëm, pavarësisht se 24-vjeçari ka kontratë me Dortmundin deri në vitin 2029. Ramaj u transferua nga Ajax Amsterdam te Borussia Dortmund në fillim të vitit 2025 për një shifër rreth pesë milionë euro, por deri tani nuk ka debutuar me klubin verdhezi. Pas transferimit, ai u huazua te Copenhagen, ndërsa këtë sezon po luan si i huazuar te Heidenheim.

Në aspektin sportiv, Ramaj ka pasur një sezon aktiv me rreth 30 paraqitje në ligë, duke fituar eksperiencë të çmuar, pavarësisht vështirësive të skuadrës së tij, e cila ka një nga mbrojtjet më të dobëta në kampionat. Megjithatë, kthimi i tij në Dortmund nuk garanton një rol titullari, pasi portieri kryesor, Gregor Kobel, mbetet zgjedhja e parë e skuadrës. Kjo i bën të pa mundur që Ramaj të pranojë një rol rezervë në këtë fazë të karrierës së tij.

Performancat e tij të fundit kanë filluar të tërheqin vëmendjen e klubeve të tjera, megjithatë, deri tani nuk ka pasur oferta konkrete. Vendimi përfundimtar për të ardhmen e tij pritet të merret gjatë afatit kalimtar veror, ku do të përcaktohet nëse ai do të qëndrojë te Dortmund apo do të kërkojë një mundësi të re për të zhvilluar karrierën e tij

Ylli portugez, Cristiano Ronaldo, vazhdon të lërë gjurmë të thella në futbollin e luajtur, duke arritur një tjetër moment historik në karrierën e tij. Ai shënoi golin e 970-të, duke dhënë një kontribut të çmuar në fitoren e Al Nassr ndaj Al Ahli.

Goli vendimtar erdhi në minutën e 76-të, kur CR7 realizoi për t’i dhënë skuadrës së tij avantazhin 1-0 në një përballje të vështirë. Ky moment u tregua kyç për zhvillimin e ndeshjes. Në minutën e 90-të, Koman shënoi golin e dytë për Al Nassr, duke vulosur rezultatin përfundimtar 2-0.

Me këtë gol, Ronaldo i afrohet një objektivi të madh në karrierën e tij. Ai tani është vetëm 30 gola larg arritjes së 1000 golave zyrtarë, një shifër që konsiderohet historike në futboll. Pavarësisht skepticizmit që ka shoqëruar deklaratat e tij për këtë objektiv, performancat e fundit tregojnë se Ronaldo vazhdon të jetë në nivele të larta konkurruese.

Arritja e këtij rekordi mbetet një nga synimet kryesore të tij në vazhdim,ku mund të bëhet një nga golashënuesit më të mire.

Ylli portugez, Cristiano Ronaldo, vazhdon të lërë gjurmë të thella në futbollin e luajtur, duke arritur një tjetër moment historik në karrierën e tij. Ai shënoi golin e 970-të, duke dhënë një kontribut të çmuar në fitoren e Al Nassr ndaj Al Ahli.

Goli vendimtar erdhi në minutën e 76-të, kur CR7 realizoi për t’i dhënë skuadrës së tij avantazhin 1-0 në një përballje të vështirë. Ky moment u tregua kyç për zhvillimin e ndeshjes. Në minutën e 90-të, Koman shënoi golin e dytë për Al Nassr, duke vulosur rezultatin përfundimtar 2-0.

Me këtë gol, Ronaldo i afrohet një objektivi të madh në karrierën e tij. Ai tani është vetëm 30 gola larg arritjes së 1000 golave zyrtarë, një shifër që konsiderohet historike në futboll. Pavarësisht skepticizmit që ka shoqëruar deklaratat e tij për këtë objektiv, performancat e fundit tregojnë se Ronaldo vazhdon të jetë në nivele të larta konkurruese.

Arritja e këtij rekordi mbetet një nga synimet kryesore të tij në vazhdim.

Futbollisti anglez Ashley Young ka njoftuar pensionimin nga futbolli profesionist.

Në një deklaratë emocionale, Young konfirmoi se do t’i japë fund karrierës së tij të jashtëzakonshme 23-vjeçare me përfundimin e sezonit.

Young e nisi karrierën te Watford dhe debutoi me ekipin e parë në vitin 2003.

Atëherë një anësor premtues, Young fitoi një transferim te Aston Villa në verën e vitit 2007. Paraqitjet e tij në ‘Villa Park’ tërhoqën interesimin e Sir Alex Fergusonit. Manchester United shpenzoi rreth 19.6 milionë euro për ta transferuar Youngun në verën e vitit 2011.

Në ndeshjen e tij të tretë për klubin, ai shënoi dy gola dhe dhuroi tre asistime në fitoren e jashtëzakonshme 8-2 të “Djajve të Kuq” ndaj Arsenalit në ‘Old Trafford’.

Më pas, Young ishte pjesë e skuadrës kampione të sezonit 2012/13, ekipi më i fundit i United që ka ngritur trofeun e Ligës Premier.

Ai zhvilloi 261 paraqitje për “Djajtë e Kuq”, duke kaluar me kalimin e viteve nga një anësor shpërthyes në një mbrojtës krahu.

Në verën e vitit 2019, Young u emërua kapiten i klubit nga trajneri i atëhershëm Ole Gunnar Solskjaer, duke zëvendësuar shokun e skuadrës që u largua, Antonio Valencia.

Play-Off-i i NBA vazhdon të dhurojë emocione, me disa seri që mbeten plotësisht të hapura pas ndeshjeve të pesta të raundit të parë.

Në Lindje, Detroit Pistons arriti një fitore të madhe 116-109 ndaj Orlando Magic, duke ngushtuar serinë në 3-2. Protagonisti absolut ishte Cade Cunningham, i cili realizoi 45 pikë, rekord klubi në Play-Off, duke kaluar shifra historike të emrave si Dave Bing dhe Isiah Thomas. Nga ana tjetër, Paolo Banchero u përgjigj me të njëjtin numër pikësh, por nuk mundi të shmangë humbjen e ekipit të tij.

Ndërkohë, Cleveland Cavaliers mori një fitore të rëndësishme 125-120 ndaj Toronto Raptors, për të kaluar në epërsi 3-2 në seri. Donovan Mitchell dhe Evan Mobley ishin vendimtarë në momentet kyçe, ndërsa kontribut i rëndësishëm erdhi edhe nga Dennis Schroder në çerekun e fundit.

Në Perëndim, Houston Rockets mbeti në garë pasi mposhti 99-93 Los Angeles Lakers, duke e çuar serinë në 3-2. Jabari Smith Jr. udhëhoqi skuadrën me 22 pikë, ndërsa Alperen Sengun ishte pranë një “triple-double”. Për Lakers, LeBron James realizoi 25 pikë, por gabimet e shumta me topin rezultuan vendimtare. Rockets po vazhdojnë të befasojnë edhe pa Kevin Durant, i cili mungon për shkak të dëmtimit. Të gjitha seritë mbeten të hapura, me ndeshjet e gjashta që priten të jenë vendimtare për fatin e ekipeve që synojnë kalimin në raundin tjetër.

Operacioni ndërkombëtar i përmasave gjigante, i udhëhequr nga prokuroria e Salzburgut në Austri dhe SPAK në Shqipëri, ka shkatërruar një rrjet kriminal “Call Center”-ash në Tiranë.

Grupi dyshohet se ka përfituar mbi 50 milionë euro duke mashtruar qytetarët evropianë, por ajo që ka bërë bujë në mediat ndërkombëtare është përdorimi i imazhit të yllit të futbollit, David Alaba, për të joshur viktimat.

Personazhe të famshëm në shënjestër të “kriminelëve”

Mashtrimi përdori identitetet e figurave të njohura si Presidenti Federal i Austrisë, Alexander Van der Bellen dhe prezantuesit e ORF Armin Wolf dhe Nadja Bernhard, të cilët i promovuan këto investime në foto të manipuluara dhe video të rreme. Për shembull, Presidenti Federal shihet duke garantuar investimin dhe duke thënë në video: “Mos humbni kohë, veproni tani”.

Një pagesë mujore prej 250,000 eurosh u premtua për një pagesë fillestare prej vetëm 250 eurosh. Ish-Kancelari Federal Karl Nehammer, futbollisti profesionist David Alaba, ish-ylli i skive Hermann Maier, prezantuesit televizivë Armin Assinger dhe Mirjam Weichselbraun, si dhe artisti i kabaresë dhe prezantuesi i “Willkommen Osterreich”, Christoph Grissemann, u shfaqën gjithashtu në regjistrime të manipuluara (Deepfake).

“Siç mund ta shihni, këto falsifikime për fat të mirë nuk janë perfekte”, tha hetuesja Alexandra Volkel, “por për fat të keq, është ende e mjaftueshme që njerëzit të besojnë një version ose një tjetër dhe kështu të mashtrohen duke depozituar para në këto platforma”.

Alaba, viktimë e “deepfake” nga Tirana

Kriminelët përdorën teknologjinë e inteligjencës artificiale për të krijuar video ku mbrojtësi i Real Madridit dukej sikur u bënte thirrje ndjekësve të tij të investonin në platforma si “Lion-Trade”. Duke shfrytëzuar popullaritetin dhe besueshmërinë e Alabës në Austri dhe më gjerë, “Call Center”-at në Tiranë arritën të zhvatnin shuma që shkojnë deri në miliona euro nga kursimet e qytetarëve.

Ky operacion, i mbështetur nga Europol, ka çuar në arrestimin e dhjetëra personave në Shqipëri, ndërsa hetimet po vijojnë për të zbuluar nëse ka emra të tjerë të botës së sportit të përfshirë pa dëshirën e tyre në këtë skemë kriminale. /Tch

Bashkimi është shumë pranë finales së play-offit në Superligën e Kosovës në basketboll, pasi të mërkurën mbrëma në palestrën “Sezai Surroi” në Prizren mposhti Borën me rezultat 88:73.

Me këtë fitore, prizrenasit kaluan në epërsi 2:1 në serinë gjysmëfinale dhe tani u duhet edhe vetëm një triumf për ta siguruar kualifikimin në finale.

Ndeshja e katërt e serisë do të luhet të shtunën në Prishtinë, ndërsa në rast nevoje për ndeshje vendimtare, përballja e pestë do të zhvillohet pas një jave në Prizren.

Takimi nisi më mirë për Borën, e cila krijoi një seri prej 11:0 dhe e mbylli çerekun e parë në epërsi 23:17. Megjithatë, Bashkimi reagoi fuqishëm në periudhën e dytë, të cilën e fitoi 32:22.

Pas pjesës së parë, rezultati ishte 49:45 për Bashkimin, ndërsa një faktor i rëndësishëm në rënien e Borës ishte edhe lëndimi i kapitenit Amin Hot, i cili luajti vetëm shtatë minuta dhe realizoi gjashtë pikë.

Në çerekun e tretë skuadrat u treguan të barabarta (19:18), ndërsa Bora tentoi rikthimin edhe në çerekun e katërt, por pa sukses. Në fund, Bashkimi siguroi fitore të rëndësishme me 15 pikë diferencë.

Te Bashkimi u dallua Shannon Shorter me 23 pikë, ndërsa Kenny Wooten shtoi 15 pikë. Te Bora më efikasi ishte Jordan Dingle me 23 pikë.

Në gjysmëfinalen tjetër të play-offit përballen Trepça dhe Peja, ku pas dy ndeshjeve rezultati është 1:1. Ndeshja e tretë luhet të enjten nga ora 19:30 në palestrën “Minatori” në Mitrovicë.

Atlético Madrid dhe Arsenali takohen sonte në gjysmëfinalen e parë të Ligës së Kampionëve, me të dy trajnerët që kanë konfirmuar formacionet startuese për këtë sfidë të madhe evropiane.

Diego Simeone i beson eksperiencës së Koke dhe Griezmann, ndërsa në repartin ofensivë Atlético Madrid starton edhe me Julián Álvarez dhe Ademola Lookman.

Në anën tjetër, Mikel Arteta ka zgjedhur një formacion të balancuar për Arsenal F.C., ku në mesfushë aktivizohen Ødegaard, Zubimendi dhe Rice, ndërsa në sulm luajnë Madueke, Gyökeres dhe Martinelli. Martin Ødegaard pritet të jetë lojtari kryesor në ndërtimin e aksioneve, ndërsa Gabriel Martinelli dhe Madueke sjellin shpejtësi dhe rrezik në krahë.

Dy skuadrat janë përballur tri herë në ndeshje zyrtare: në gjysmëfinalet e Ligës së Evropës 2017/18, ku Atlético Madrid kaloi tutje, dhe së fundmi në këtë edicion të Ligës së Kampionëve, ku Arsenali fitoi 4-0 në fazën e grupeve.

Ndeshja do të gjykohet nga arbitri holandez Danny Makkelie.

Atletico Madrid: Oblak, Llorente, Pubill, Hancko, Ruggeri, Giuliano, Koke, Cardoso, Lookman, Griezmann, Julian Alvarez.

Arsenal: Raya, White, Gabriel, Saliba, Hincapié, Odegaard, Zubimendi, Rice, Madueke, Gyökeres, Martinelli.

Sipas raportimeve të mediave franceze, Achraf Hakimi do të mungojë në ndeshjen e kthimit të gjysmëfinales së Ligës së Kampionëve mes Paris Saint-Germain dhe Bayern Munich, që zhvillohet në Munih.

27-vjeçari maroken është dëmtuar në fund të ndeshjes së parë, e cila përfundoi me fitoren 5–4 të PSG-së. Incidenti ndodhi në minutat e fundit të takimit, kur Hakimi ndjeu një shqetësim në pjesën e pasme të kofshës pas një sprinti dhe ndërhyrjeje në lojë.

Mbrojtësi u pa duke e mbajtur këmbën menjëherë pas episodit, ndërsa stafi mjekësor i PSG-së ndërhyri shpejt në fushë. Fillimisht u mendua për një ngërç muskulor, por ekzaminimet e para sugjerojnë një dëmtim më serioz në muskujt e pasmë të kofshës.

Për shkak të këtij dëmtimi, Hakimi pritet të mos jetë i gatshëm për ndeshjen e kthimit, duke i krijuar një mungesë të rëndësishme skuadrës së Luis Enrique në një përballje vendimtare për finalen e Ligës së Kampionëve.

Paris Saint-Germain dhe Bayern Munich zhvilluan një nga ndeshjet më spektakolare të historisë së Ligës së Kampionëve, duke përfunduar me rezultat 5-4 në “Parc des Princes”. Kjo gjysmëfinale u bë njëkohësisht edhe më e pasura me gola në historinë e Kupës së Evropës/Ligës së Kampionëve.

Në qendër të vëmendjes ishte treshja sulmuese e Bayern Munich: Harry Kane, Michael Olise dhe Luis Díaz, të cilët kontribuan sërish me gola në këtë përballje. Kane shënoi një gol dhe dha një asist, ndërsa Olise dhe Luis Díaz gjithashtu gjetën rrjetën, duke konfirmuar formën e tyre të jashtëzakonshme këtë sezon.

Sipas statistikave, kjo treshe ka arritur në total 100 gola në sezonin 2025/26 (pa përfshirë asistet): Kane me 54 gola, Luis Díaz me 26 dhe Olise me 20. Me këtë shifër, ata janë krahasuar me disa nga treshet më të famshme në historinë e futbollit evropian.

Në këtë renditje historike përfshihen edhe:

• Cristiano Ronaldo, Karim Benzema dhe Gareth Bale të Real Madrid në sezonin 2014/15
• Lionel Messi, Samuel Eto’o dhe Thierry Henry të FC Barcelona në sezonin 2008/09

Nga ana statistikore, kjo treshe e Bayern Munich ka tejkaluar edhe sezonin 2019/20, kur Robert Lewandowski, Serge Gnabry dhe Thomas Müller kishin realizuar së bashku 92 gola.

Bayern Munich ka ende disa ndeshje vendimtare përpara këtij sezoni, përfshirë Bundesligën, kthimin në Champions League dhe finalen e Kupës së Gjermanisë ndaj Stuttgartit, me synimin për të thyer rekorde historike.

Ndërkohë, Kane u bë lojtari i parë anglez që shënon në gjashtë ndeshje radhazi në Ligën e Kampionëve, Olise ka arritur 45 kontribute direkte në të gjitha garat, ndërsa Luis Díaz ka shënuar në katër ndeshje radhazi në Evropë.

Tani, sfida kryesore mbetet e njëjtë: eliminimi i PSG-së dhe rruga drejt trofeut të madh evropian.