ATV

Category: Showbiz

  • Ray J dhe Kim Kardashian me probleme ligjore, shkak video e tyre erotike

    Ray J dhe Kim Kardashian me probleme ligjore, shkak video e tyre erotike

    Ylli i R&B-së Ray J  ka hedhur bombën ligjore ndaj Kim Kardashian dhe Kris Jenner, duke paditur nën pretendimin se ato shkelën marrëveshjen që kishin në lidhje me “sex tape”-in e tyre famëkeq.

    Ai pretendon që në një kontratë të vitit 2023 ishte rënë dakord mos të flitej publikisht më për ato video, por sipas tij, Kardashian dhe Jenner vazhduan t’i përmendin,  veçanërisht në episodet e “The Kardashians”.

    Në dokumentat ligjorë, Ray J pohon se Kris Jenner ishte pikërisht ajo që organizoi publikimin e videos përmes Vivid Entertainment, akuzë që Kardashianët e kanë mohuar. Ai kërkon të paktën 1 milion dollarë dëmshpërblim dhe një heqje të padisë.

    Në anën tjetër, Kim dhe Kris kanë paditur Ray J për shpifje, duke i cilësuar deklaratat e tij si të pavërteta dhe tendencioze. Sipas tyre, nuk ka asnjë hetim federal ndaj familjes Kardashian-Jenner dhe akuzat e Ray J janë vetëm pjesë e një “fushate qëllimshme për njollosje” të emrit të tyre.

    Ray J ka bërë edhe akuza spektakolare në “livestream”, ai premtoi një padi sipas ligjit “RICO”, duke thënë se akuzat “do të jenë më të mëdha se ato kundër Diddy-t”. Kim dhe Kris thonë se deklaratat e tij janë “të pabaza” dhe po përdoren vetëm për vëmendje publike.

    Kjo përplasje ligjore ngre pyetje më të thella si: A është kjo me të vërtetë situat kaq e rënduar apo thjesht një lojë e njohur mediatike mes figurave shumë publike? Konflikti pritet të jetë me pasoja, për reputacionin, financat dhe imazhin e që të treve.

  • Cardi B dhe Stefon Diggs bëhen prindër për herë të parë si çift, reperja nëna për të katërtën herë

    Cardi B dhe Stefon Diggs bëhen prindër për herë të parë si çift, reperja nëna për të katërtën herë

    Cardi B ka zbuluar se është bërë nënë për herë të katërt, duke bërë me dije lajmin e rëndësishëm përmes një postimi në Instagram. Këtë herë, ajo ka sjellë në jetë fëmijën e saj të parë me partnerin, yllin e NFL‑it, Stefon Diggs.

    Në postim, reperja shprehu emocionin e madh që po përjeton ajo tha se ka sjellë në botë jo vetëm një bebe, por edhe muzikë të re, pothuajse në të njëjtën periudhë. Cardi B theksoi se kjo fazë e jetës së saj është një kapitull i fuqishëm, i mbushur me rritje dhe sfida të reja, dhe që e gjithë kjo do të pasqyrohet edhe në krijimtarinë e saj.

    Fansat reaguan me urime të shumta, duke uruar çiftin. Ndërkohë, Cardi B dhe Stefon Diggs thuhet se janë duke shijuar këtë moment privat dhe special, në një dinamikë larg vëmendjes së mediave, por me dashuri dhe bashkëpunim për të ardhmen.

  • Labinot Tahiri propozon Agim Aliun për kryetar të PDK-së: Ai e meriton më shumë se kushdo tjetër

    Labinot Tahiri propozon Agim Aliun për kryetar të PDK-së: Ai e meriton më shumë se kushdo tjetër

    Këngëtari i njohur Labinot Tahiri ka bërë një propozim të papritur për politikën kosovare, duke sugjeruar që kryetari i ardhshëm i PDK-së të jetë Agim Aliu, aktualisht kryetar i Komunës së Ferizajt.

    Tahiri thekson se Aliu ka dëshmuar se si duhet të jetë një lider:

    “Agim Aliu e ka dëshmuar se si duhet me qenë një kryetar apo edhe një kryeministër: me e ditë se vendi dhe përgjegjësia ndaj qytetarëve janë mbi çdo interes partie dhe mbi çdo autoritet personal. Ai ka punu për Ferizajn, më shumë se sa qeveria në nivel shtetëror, edhe pse buxhetin e ka pasë të kufizuar.”

    Kujtojmë se kryetari i deritashëm i PDK-së, Memli Krasniqi, ofroi dorëheqjen nga posti i të parit të këtij subjekti politik ditën e mërkurë.

    Reagimi i plotë i Labinot Tahirit:

    Mirëdita shqiptarë, Ferizaj e gjithandej kudo që jemi!
    Agim Aliu e ka dëshmuar se si duhet me qenë një kryetar apo edhe një kryeministër: me e ditë se vendi dhe përgjegjësia ndaj qytetarëve janë mbi çdo interes partie dhe mbi çdo autoritet personal.
    Ai ka punu për Ferizajn, më shumë sesa qeveria në nivel shtetëror, edhe pse buxhetin e ka pasë të kufizuar.
    Ferizaj për një kryetar apo çdo kryetar që do të vijë pas Agimit, është i madh sa Kosova për një kryeministër.
    Me këto fjalë, i drejtohem PDK-së edhe pse nuk jam antar i kësaj partie e cila ka berë shumë ndryshime në vend.
    Nëse e duan vërtet ndryshimin dhe rikthimin e besimit të qytetarëve, atëherë le ta propozojnë Agim Aliun për kryetar të partisë.
    Ai e ka dëshmuar me punë dhe rezultate se mund ta çojë partinë përpara ashtu sikur këtë qytet gjigant, ku në të cilin po vijnë dhe po jetojnë banorë nga qytete e tjera; saktësisht edhe nga Shkupi.
    Një koment për Agimin, vlen një mirënjohje për familjen e tij e cila ishte e përndjekur si shumë familje shqiptare nga Serbia!
    Sinqerisht,
    Labi, Kosovë e Shqipërisë!

  • Ariana Grande sulmohet në premierën e filmit në Singapor

    Ariana Grande sulmohet në premierën e filmit në Singapor

    Këngëtarja dhe aktorja amerikane, Ariana Grande, ka përjetuar një moment tronditës në premierën e filmit të saj të ri “Wicked: For Good” në Singapor, kur një burrë iu afrua me vrap dhe e zvarriti në tapetin e verdhë.

    Në videot e publikuara në rrjete sociale, Grande shihet duke ecur me kolegët e saj kur burri me bluzë të bardhë dhe flokë të gjatë të zinj me nuanca bionde e kap dhe e tërheq drejt vetes. Kolegja e saj, Cynthia Erivo, ndërhyri menjëherë duke u vendosur mes tyre, ndërsa rojet e sigurisë e larguan të dyshuarin.

    Ariana u shfaq e tronditur pas incidentit dhe u mbështet nga ekipi i saj. Fansat e identifikuan burrin si Johnson Wen, i cili më pas publikoi videon e momentit në Instagram duke shkruar: “E dashur Ariana Grande, faleminderit që më lejove të kërcej në tapetin e verdhë me ty”.

    Wen është i njohur për ndërhyrjet e tij në evente të yjeve; në qershor u ngjit në skenën e Katy Perry-t, ndërsa në gusht hyri me forcë në koncertin e The Weeknd para se sigurimi ta largonte.

  • Antonio Brown lirohet nga burgu vetëm një ditë pasi u arrestua në Miami

    Antonio Brown lirohet nga burgu vetëm një ditë pasi u arrestua në Miami

    Ish‑ylli i NFL-it, Antonio Brown, u la i lirë nga burgu i Miami‑t pasi pagoi garancinë prej 25 000 dollarëve. Ai është akuzuar për tentim vrasje të shkallës së dytë dhe ka hedhur poshtë të gjitha akuzat duke u deklaruar i pafajshëm. 

    Në pamjet që kanë dalë në publik, Brown del nga qelia në Qendrën e Korrigjimit „Turner Guilford Knight“, shoqëruar nga avokati i tij, me një çantë me sende personale. Më pas ai ndalon tek një kamion ushqimi për të blerë diçka para se të hipë në makinën e avokatit dhe të largohet.

    Ngjarja e cila e ka futur në burg fillimisht ka ndodhur më 16 maj në Miami, pas një ndeshjeje boksi për VIP-at. Brown akuzohet se ka qëlluar me armë një person pas një sherri fizik, ndërsa një plumb thuhet se ka prekur qafën e viktimës.

    Gjyqtarja Mindy Glazer caktoi garancinë dhe vendosi kushte të rreptadhe ato janë:  Brown duhet të mbajë monitorin GPS në kyçin e këmbës, pasaporta është dorëzuar dhe burg shtëpiak në shtëpinë e tij në Countyn Broward, Florida, po ashtu i ndalohet çdo kontakt me të akuzuarin e përfshirë në ngjarje.

    Nëse shpallet fajtor, ai rrezikon deri në 15 vjet burg dhe gjobë deri në 10 000 dollarë.

    https://www.tmz.com/watch/antonio-brown-prison-release-11-13-2025/?adid=share-tw

     

  • 10 këngët më të ndëgjuara në festat e fundvitit

    10 këngët më të ndëgjuara në festat e fundvitit

    Me ardhjen e sezonit festiv, disa melodi në të gjithë botën tregojnë menjëherë se është koha për festë. Të dhënat e transmetimeve dhe klasikët që kanë qëndruar për dekada tregojnë se cilat këngë dominojnë listat e dëgjimit global.

    Në krye qëndron “All I Want for Christmas Is You” nga Mariah Carey. kënga e parë festive që ka tejkaluar 2 miliardë transmetime. Afër në renditje janë klasiket si “Last Christmas” dhe “Rockin’ Around the Christmas Tree” si dhe kompozime të reja si “Santa Tell Me” nga Ariana Grande.

    Por nuk janë vetëm këngët në anglisht, po ashtu janë edhe versionet si Feliz Navidad (José Feliciano) vazhdojnë të transmetohen në vendet hispanofolëse por edhe më gjerë. Ndërkohë, këngë si “O Holy Night” (origjinali në frëngjisht) ruajnë ndikimin global.

    Për këdo që përgatit një listë festive, këto këngë nuk janë thjesht sezonale janë universale. Sipas të dhënave të transmetimeve, të njëjtat pjesë muzikore rikthehen çdo vit, në kontinente e breza të ndryshëm.

    Më poshtë është e rënditur lista me 10 këngët më të famshme të festave të fundvitit:

    • All I Want for Christmas Is You – Mariah Carey

    • Last Christmas – Wham!

    • Santa Tell Me – Ariana Grande

    • It’s Beginning to Look a Lot Like Christmas – Michael Bublé

    • Rockin’ Around the Christmas Tree – Brenda Lee

    • Jingle Bell Rock – Bobby Helms

    • It’s the Most Wonderful Time of the Year – Andy Williams

    • Mistletoe – Justin Bieber

    • Snowman – Sia

    • Do They Know It’s Christmas? – Band Aid

  • Lëndohet Will Ferrell, ndalon xhirimet e serialit të shumëpritur në Netflix

    Lëndohet Will Ferrell, ndalon xhirimet e serialit të shumëpritur në Netflix

    Komiku dhe aktori Will Ferrell, po merr një pauzë të përkohshme nga xhirimet e serialit të tij komik për golf në Netflix për shkak të një lëndimi të vogël jashtë setit. Burime nga prodhimi thonë se lëndimi, ndonëse jo serioz, e bëri të pamundur që ai të xhirojë skena sipas kalendarit të planifikuar.

    Seriali me 10 episoda, ende pa titull zyrtar, do të shfaqë Ferrell-in si “Lonnie ‘The Hawk’ Hawkins”, një legjendë fiktive e golfit me një personalitet të madh, që qëndron në qendër të komedisë. Xhirimet ishin duke u zhvilluar pranë Los Angeles-it kur ekipa e prodhimit vendosi të riorganizohet derisa Ferrell të rikuperohet.

    Megjithë ndërprerjen brenda produksionit shprehin se lëndimi është i vogël dhe pritet rikthim tejet i shpejtë. Pauza e përkohshme duket se nuk do të vonojë ndjeshëm afatin përfundimtar të serialit.

  • Lidhja e Trump-it dhe Epstein-it sipas autorit “bestseller”, Michael Wolff

    Lidhja e Trump-it dhe Epstein-it sipas autorit “bestseller”, Michael Wolff

    Autori i librave “bestseller” Michael Wolff, ka hedhur aludime tronditëse për marrëdhënien mes Donald Trump dhe Jeffrey Epstein. Sipas Wolff-it, miqësia mes atyre dyve zgjati dekada, nga fundi i viteve ’80 dhe në ’90-a dhe sipas tij kjo miqësi ishte e ndërtuar mbi një obsesion të përbashkët: modelet, paratë  dhe dominancë sociale.

    Wolff përshkruan një erë kur modelet nuk ishin thjesht aksesorë për njerëzit e famshëm, por valuta sociale dhe seksualiteti i kohës:

    “Modelet ishin valuta seksuale e asaj kohe.” – Shtoi Wolff, po ashtu ai pretendon se Epstein dhe Trump madje bënë garë se cili do ta “fitonte” çmimin, e çmimi ishte se cili do të flinte i pari me Princeshën Diana, një pretendim i pa-verifikuar, por që ilustron kulturën ekstreme konkurruese që Wolff përshkruan.

    Wolff gjithashtu thotë se Epstein i tregoi atij foto të Trump me vajza të reja e të mitura, disa pa rroba, disa ulur në çadrën e Trump në rezidencën e Epstein në Palm Beach, një skenë që sipas Wolff-it nxjerr në pah dimensionin e marrëdhënies së tyre.

    Në krahun tjetër: kampi i Trump e mohon me forcë punën e Wolff-it, duke e cilësuar atë si fabrikim apo sulm politik. Ndërkohë, Wolff ka paraqitur padi kundër Melania Trump, akuzuar për kërcënim me padi prej më shumë se 1 miliard $ për deklaratat e tij që lidhen me rrjetin Epstein.

    E rëndësia e krejt kësaj është vënja në qendër të vëmendjes lidhjen e presidentit amerikan me Epstein, në një kohë kur ky i fundit është temë shumë e përfolur. Po ashtu vë theksin te ritualet elitare sociale që ata kanë dhe keqpërdorimi që u bëhet njerëzve të tjerë nga këta persona pushtetarë

    E padia ligjore nga Wolff sinjalizon se ky nuk është vetëm skandal tabloidi, kjo mund të çojë në zbardhje ligjore.

    Edhe nëse asnjë detaj i Wolff-it nuk rezulton i provuar, versioni i tij ndryshon krejt narrativën. Nuk është thjesht që Trump dhe Epstein njiheshin, por se si ata njiheshin dhe pse lidhja e tyre u formua dhe çfarë nënkuptonte ajo. Pyetja tani është jo vetëm nëse ka tym, por sa flakë në të vërtetë ka pasur.

  • Turjan Hyska flet me emocion për Orindën: “Mund të kishte zgjedhur një jetë më të lehtë, por më zgjodhi mua”

    Turjan Hyska flet me emocion për Orindën: “Mund të kishte zgjedhur një jetë më të lehtë, por më zgjodhi mua”

    Producenti i njohur Turjan Hyska ka rrëfyer disa nga fjalët më të ndjera për bashkëshorten e tij, Orinda Huta, gjatë intervistës në “The Dalina Show”. Ai tregoi se Orinda është një forcë e qetë në jetën e tij dhe një grua me ndikim të jashtëzakonshëm në familje.

    “Orinda di të më shfazojë mua. Po t’i dojë qejfi, ma heq qarkun dhe s’ma heq njeri tjetër. Ajo është qetësia ime, një grua me fuqi shëruese,” tha Turjani, duke shtuar me humor se Orinda e kishte zgjedhur atë në një periudhë kur ai kishte rrogën vetëm 800 mijë lekë. “Mund ta kishte bërë jetën më të lehtë, por më zgjodhi mua dhe nuk u shkëput kurrë.”

    Në vijim, ai foli me admirim për rolin e Orindës në familje: “Sa herë që pyes Orindën për një vendim, ajo nuk më ka bërë asnjëherë të ndihem i zvogëluar. Në çdo moment stresi më ka dhënë besim dhe forcë. Është një shtyllë për mua, një kuptim i plotë i fjalës ‘familje’. Ajo është kisha ime.”

    Duke reflektuar mbi marrëdhënien e tyre, Turjani përfundoi: “Ajo nuk ka nevojë për mua, unë jam plus për të. Por mendoj se kam nevojë për të. Gruaja është krijesa më e bukur që ekziston, e fortë dhe e thellë, edhe në anët e saj të errëta.”

  • Nga Merjemi në Maria: Teologia heq shaminë dhe rrëfen krizën e besimit

    Nga Merjemi në Maria: Teologia heq shaminë dhe rrëfen krizën e besimit

    Në kulmin e karrierës së saj publike, Merjemi u përfshi në përplasje të hapura me imamë të tjerë, mes tyre edhe me Ahmed Kalanë. Ajo kritikonte përsëritjen mekanike të predikimeve, mungesën e thellësisë dhe shpesh i kundërvihej atyre që përpiqeshin ta “disiplinonin” si grua.

    Një video që u bë virale, ajo deklaronte: “Një grua e la burrin se ishte më pak i bukur se shokët e tij.”

    Deklaratë që u keqinterpretua dhe u mor si provokim, duke e kthyer shpejt në objekt talljeje dhe sulmesh. Pasuan akuza se kishte përfituar para nga besimtarët, se kishte blerë shtëpi me to, apo se kishte dalë nga rregulli fetar. Merjemi mohoi çdo gjë, por vala e mllefit publik ishte më e madhe se çdo fjalë mbrojtëse. Kur vendosi të largohej nga rrjetet sociale, ajo tha se e bënte për paqe, për të mos u bërë shkak për përçarje. Megjithatë, as atëherë nuk gjeti qetësi:

    “Mendoja se Islami ishte feja e paqes, por për mua rezultoi feja e dhunës dhe e luftës karshi meje si individ.”

    Pas tërheqjes, Merjemi përjetoi një vit të mbushur me kriza identiteti dhe emocionale të rënda, përfshirë depresion, vetmi dhe pyetje të dhimbshme që shumë besimtarë mund t’i kenë menduar, por pak kanë guxim t’i thonë:

    “Kam menduar se Zoti më do, kam menduar se jam në shërbim të Tij, por pse Zoti nuk më mbrojti nga gjithë kjo dhimbje? Pse Zoti më la të shkatërrohem?”

    Këto pyetje nuk janë blasfemike për psikikën e një individi, por thellësisht njerëzore. Ajo përshkruan veten si dikush që ka bërë gjithçka “siç duhet”: është falur më shumë se kushdo, ka bërë dhikr, ka edukuar fëmijët e saj në besim, dhe megjithatë Zoti nuk e ka mbrojtur. Ky është momenti ku ndodh ajo që psikologjia moderne e quan “traumë fetare”, përplasja midis besimit të mësuar dhe përvojës së jetuar.

    Merjemi nuk ka braktisur Zotin, por përkufizimin e Zotit që i dhanë njerëzit:

    “Jam duke e kërkuar rrugën për tek Zoti njëjtë siç e ka kërkuar Ibrahimi alejhi selam, duke e gjetur vetë, pa e mësuar nga askush dhe nga asgjë.”

    Rrëfimi i saj është një reflektim i fortë mbi hipokrizinë e komuniteteve fetare dhe lidhjen e ngushtë midis besimit, identitetit dhe pritshmërive shoqërore. Historia e Marias tregon se ndonjëherë, devotshmëria dhe ritualet nuk janë të mjaftueshme për të mbrojtur individin nga dhimbja dhe padrejtësia.

    Në fund, ajo nuk ka humbur besimin në Zot, por kërkon një Zot që nuk të braktis, një përvojë të drejtpërdrejtë dhe autentike, larg ndërhyrjes së njerëzve dhe rregullave të tyre.