Category: Showbiz

Aktori Daniel Stern, i njohur më së miri për publikun për rolin e tij si Marv në dyshen legjendare ‘Wet Bandits’, ka zbuluar se pavarësisht popullaritetit të madh të filmit “Home Alone”, ai nuk do të marrë pjesë në asnjë aktivitet që shënon 35-vjetorin e tij.

Ai shpjegoi se tani bën një jetë shumë më të qetë si artist dhe fermer dhe është bërë një ‘djalë i vërtetë shtëpie’.

“Nuk do të largohem nga ferma ime”, tha Stern duke qeshur.

“Nuk është një fyerje për filmin. Është thjesht… një telefonatë, një telefonatë në Zoom, jam këtu. Por… jam paksa shtëpiak”.

Personazhi i Stern, Marv, është një hajdut i pafat i cili, me partnerin e tij Harry, të luajtur nga Joe Pesci, grabit shtëpi në zonën e Chicagos.Sulmi i tyre kulmon me një përpjekje qesharake për të hyrë me forcë në shtëpinë e Kevin McCallister (Macaulay Culkin) pasi djali lihet vetëm në shtëpi për Krishtlindje.

Aktori 68-vjeçar e la jetën e Hollywoodit shumë vite më parë dhe u zhvendos në një fermë në Kaliforni.

Stern është i vetëdijshëm se filmi “Home Alone” ende gjen jehonë te audiencat në mbarë botën dekada pas premierës së tij në vitin 1990, por ai është më i lumtur që mund ta shohë suksesin e tij nga të gjitha anët. /Telegrafi/

Can Yaman, aktori i dashur për publikun dhe protagonisti kryesor i serialit “Sandokan”, ka zbuluar në një intervistë për mediat italiane se ka origjinë shqiptare.

Yaman theksoi se nëna e tij është me origjinë nga Kosova, ndërsa babai i përket diasporës shqiptare që ka mbërritur herët në Turqi.

“Jam rritur në Suadiye, një lagje rezidenciale në pjesën aziatike të qytetit, me fusha futbolli e basketbolli për djemtë. Është një zonë e banuar nga emigrantë të gjeneratës së dytë e të tretë, si gjyshërit e mi me origjinë kosovare e shqiptare, që kishin ardhur në Turqi gjatë luftës. Ata mes tyre flisnin shqip”, u shpreh ai.

I pyetur nëse di të flasë shqip, aktori tha se jo.

“Jo! Babai ka lindur në Turqi dhe unë jam rritur si një djalë tipik i Stambollit, edhe pse mes njerëzve nga kudo. Nuk na habisin kulturat e ndryshme, ato janë pjesë e historisë së Perandorisë Osmane. Turqia ka shumë migrantë dhe vendndodhja jonë mes Lindjes, Europës dhe Afrikës së Veriut ndikon shumë në këtë. Si i rritur, mund të zgjedhësh vetë nëse do të jesh më perëndimor apo më lindor”, deklaroi ai.

Aktori i njohur i humorit, Osman Azemi, prej disa ditësh po vazhdon trajtimin shëndetësor në Turqi, pas aksidentit të rëndë trafiku që pësoi muaj më parë.

Azemi ende është nën kujdes mjekësor dhe po ndiqet me terapi intensive.

Së fundi, ai ka ndarë një fotografi në Instagram, duke treguar gjendjen e tij aktuale dhe përparimin gjatë shërimit.

Eurovision përballet të enjten me një “moment vendimtar”, kur anëtarët e trupit që organizon garën mund të votojnë për të vendosur nëse Izraeli mund të marrë pjesë në Eurovision 2026, pasi disa shtete kërcënojnë të tërhiqen nëse nuk përjashtohet për shkak të luftës në Gaza.

Anëtarët e European Broadcasting Union(EBU) do të mblidhen për të diskutuar rregulla të reja që synojnë të parandalojnë qeveritë dhe palët e treta nga promovimi i tepruar i këngëve për të ndikuar votuesit, pas polemikave të këtij viti lidhur me vendin e dytë të Izraelit.

EBU tha se nëse anëtarët nuk bindën se rregullat janë të mjaftueshme, do të zhvillohet një votim për pjesëmarrjen, pa përmendur Izraelin në mënyrë të drejtpërdrejtë.

Televizionet publike të Sllovenisë, Irlandës, Spanjës dhe Holandës kanë kërcënuar të bojkotojnë garën, e cila do të mbahet në maj në Austri, nëse Izraeli lejohet të marrë pjesë, duke shprehur shqetësim për numrin e viktimave palestineze në Gaza, i cili sipas autoriteteve shëndetësore ka kaluar shifrën 70,000.

Televizionet publike të Sllovenisë, Irlandës, Spanjës dhe Holandës kanë kërcënuar të bojkotojnë garën, e cila do të mbahet në maj në Austri, nëse Izraeli lejohet të marrë pjesë, duke shprehur shqetësim për numrin e viktimave palestineze në Gaza, i cili sipas autoriteteve shëndetësore ka kaluar shifrën 70,000.

Eksperti i Eurovisionit, Paul Jordan, i cili ka doktoruar mbi këtë konkurs, e përshkroi situatën si një “moment vendimtar” për garën.
“Kjo është një pikë krize reale për Eurovision dhe EBU-n… Mendoj se me shumë gjasa duhet të shkojë në votim,” tha ai.

Ben Robertson, nga faqja e fansave ESC Insight, theksoi ndikimin e mundshëm të një humbjeje të audiencës, por shtoi se pa përfshirjen e Izraelit, Eurovision mund të bëhet më i izoluar.

Ministria e Jashtme e Izraelit nuk ka reaguar ndaj kërkesës së Reuters për koment. Stacioni luksemburgez RTL mbështeti ndryshimet e propozuara, ndërsa stacioni norvegjez NRK e përshkroi sinjalin e EBU-së për ndryshim të madh si “premtues”.

Nëse votimi kundër Izraelit rezulton i suksesshëm, Gjermania mund të tërhiqet dhe të mos transmetojë garën, tha një burim i industrisë së transmetimeve përReuters. Stacioni gjerman ARD nuk komentoi. Transmetuesi austriak ORF, nikoqir i edicionit, dëshiron që Izraeli të marrë pjesë.

Burime brenda transmetuesit izraelit KAN thanë për Reuters se diskutohet përjashtimi i Izraelit pa arsye dhe se KAN respekton të gjitha rregullat e EBU-së. Ata gjithashtu nënvizuan mbështetjen e tyre për artistët izraelitë që kanë ofruar performanca të paharrueshme në Eurovision.

Rusia është përjashtuar nga Eurovision që nga pushtimi i Ukrainës në vitin 2022.

Aktorja e Hollywoodit, Jada Pinkett Smith, po përballet me një padi të re prej tre milionë dollarësh të ngritur kundër saj nga Bilaal Salaam, një mik dhe bashkëpunëtor i hershëm i bashkëshortit të saj Will Smith.

Salaam pretendon se Pinkett Smith e kërcënoi fizikisht dhe se ai dhe bashkëshorti i saj nisën një fushatë shpifjesh që dyshohet se i shkaktoi dëme financiare, dëmtoi reputacionin e tij dhe shkaktoi trauma emocionale.

Sipas padisë, incidenti ndodhi në shtator 2021 në hollin e ‘Regency Calabasas Commons’, gjatë një feste private për ditëlindjen e Will Smith.

Bilaal pretendon se Jada, e shoqëruar nga shtatë anëtarë të shoqëruesve të saj, iu afrua dhe e kërcënoi verbalisht, duke i thënë se ai mund të ‘zhdukej ose të qëllohej’ nëse vazhdonte të fliste për çështjet e saj personale.

Ajo gjithashtu dyshohet se kërkoi që ai të nënshkruante një marrëveshje konfidencialiteti (NDA) dhe ekipi i saj e ndoqi atë deri në makinë, duke vazhduar të bënte kërcënime.

Tensionet u përshkallëzuan gjashtë muaj më vonë, pas incidentit të goditjes me shuplakë të Chris Rock në ceremoninë e ndarjes së çmimeve Oscar në vitin 2022.

Bilaal pretendon se refuzoi ta ndihmonte çiftin me ‘menaxhimin e krizës’, duke këmbëngulur se ndërgjegjja e tij nuk e lejon të marrë pjesë në ndonjë veprim të paligjshëm, joetik ose kompromentues.

Padia pretendon më tej se Bilal më pas iu nënshtrua një ‘fushate hakmarrjeje’ dhe kërcënimeve, veçanërisht kur filloi të shkruante një kujtim për kohën e tij me çiftin dhe pas një interviste virale në të cilën ai pretendoi se e kishte parë Will në një marrëdhënie intime me aktorin Duane Martin.

Në Akademinë Përkujtimore të mbajtur sot në Çair, nëna e këngëtarit të ndjerë Shpat Kasapi, Gjylymsere Kasapi, ka përlotur të gjithë të pranishmit me fjalët e saj të ndjera. Ajo e nisi fjalimin duke falënderuar mikun e familjes, kryetarin e sapozgjedhur të Çairit, Izet Mexhitin, për organizimin e këtij nderimi.

“Faleminderit zotëri Izet Mexhiti, miku im, që organizove këtë eveniment për nder të humbjes së madhe të shpirtit tim, gjysmës së shpirtit tim, Shpatit,” tha ajo mes dëshpërimit.

Pavarësisht karrierës së gjatë në arsim, ajo rrëfeu se përballë kësaj humbjeje, fjalët i kishin humbur peshën.

“Sot do thoni pse nuk jam në gjendje të flas. 22 vjet kam ligjëruar, por sot ndjej një emocion që kurrë në jetë nuk e kam ndjerë. Dhe e dinë të gjitha nënat që e kanë humbur fëmijën e vet.”

Megjithatë, mes dhimbjes, ajo u shpreh krenare për dashurinë masive që publiku kishte për djalin e saj, një dashuri që ajo thotë se nuk e kishte kuptuar plotësisht sa e madhe ishte deri më sot.

“Në një aspekt tjetër, jam shumë krenare dhe e lumtur që paskam lindur një djalë, jo vetëm i imi, por i të gjithë juve. Ju e paskeni dashur dhe unë nuk e kam ditur që e keni dashur kaq shumë.”

Momenti më rrëqethës ishte kur ajo zbuloi se viti i fundit i jetës së Shpatit nuk kishte qenë i lehtë, duke treguar se familja kishte jetuar me një ankth të pashpjegueshëm.

“Le të prehet në paqe. Le të jetë i qetë atje, pasi vitin e fundit nuk ka qenë i qetë. Kjo ka qenë parandjenjë e gjithë neve që jemi shqetësuar si familje.”

Në mbyllje, ajo bëri një lutje prekëse për anëtarët e tjerë të familjes, të cilët i quajti arsyeja që e mbajnë ende në jetë.

“E lus Zotin, me lutjet e mia më të fuqishme që të më ruajë fëmijët e tjerë, dritat e syve: Albinin, Jehonën, nipërit, mbesat, Roelin dhe Selvijen, që do më mbajnë të gjallë nëse jam në jetë tutje. Le të prehet në lulet e xhenetit,” përfundoi ajo.

Mariah Carey ka nisur tashmë të festojë me këngë Krishtlindje dhe ka çelur koncertet Yuletide në Las Vegas.

56-vjeçarja doli në skenë me një fustan me të kuqe e të bardhë duke qëndruar në një flok gjigant dëbore.

Sigurisht nuk mungoi hiti “All I Want For Christmas Is You”, e cila edhe sot vazhdon t’i sjellë fitime marramendëse.

Kënga e publikuar në 1994 është kënga më e dëgjuar e Krishtlindjeve dhe grumbullon 3-4 milionë dollarë të ardhura çdo vit. Në vitin 2023 raportohej të kishte arritur në më shumë se 99 milionë dollarë.

Këngëtarja ka rrëfyer më herët se e kompozoi duke pasur si qëllim që të mbetej diçka pa kohë. Ajo pranon se ende habitet nga suksesi i këngës, por mendon se njerëzit e pëlqejnë për shkak të vërtetësisë që ka.

“Unë i dua vërtet festat e fundvitit. Nuk është e gënjeshtërt.”

Mariah ka thënë se në shtëpinë e saj zbukurimet dhe festat janë po aq ekstravagante sa koncertet.

E gjithë familja mblidhet bashkë në Aspen ku shijojnë dëborën, shëtitjet me slitë, gatimet dhe shoqërinë e Babagjyshit.

Bashkëshortja e këngëtarit të njohur, Shpat Kasapi, Selvije Jao, ka folur për herë të parë pas ndarjes së papritur të tij nga jeta.

Në një deklaratë të ndjerë, ajo shprehu dhimbjen dhe respektin për bashkëshortin e saj.

“Dhe sinqerisht më vjen keq që sot këtu të dal para jush të flas për ndërrimin e jetës së bashkëshortit tim, të një babai të mrekullueshëm, një artisti të mrekullueshëm me shumë virtyte, një artisti shumë modest”, tha ajo.

Selvije tregoi gjithashtu lidhjen e veçantë që kishte me artistin nga Tetova.

“Një njeri që mua si Selvije më ka kompletuar, më ka mbështetur, më ka respektuar dhe më ka dashur, mbi të gjitha më ka falë një djalë si Drita”.

Ajo përmendi edhe djalin e tyre, Roelin, që është vetëm 3 vjeç e gjysmë.

“Ai ende nuk e kupton se nuk e ka babanë e tij dhe unë nuk e di si do të rritet me këtë dhe nuk e di se kush do ta tregojë. Por e di që ai është shumë krenar me babanë e tij, e ka dashur shumë Shpatin dhe ai është përkushtuar deri në frymën e fundit që Roeli të ketë gjithçka të mirat”.

Fjalët e Selvijes për jetën dhe kontributin e Kasapit si artist dhe baba, tregojnë dhimbjen e madhe të familjes pas kësaj humbjeje.

Modelja Adrola Dushi, po ndan momente të shumta në rrjetet sociale.

Së fundmi ka postuar së fundmi një video në “Tik-Tok”, ku në sfond dëgjohet dueti i Capital T dhe Alban Skenderaj.

Teksa shijon ritmin e këtij super projekti, Adrola përballet me të papriturën.

Personi që e shoqëron (shihet që është Capital T) ia merr telefonin nga dora ndërsa modelja buzëqesh.

Netflix do të lansojë më 2 dhjetor dokumentarin Sean Combs: The Reckoning, një seri me katër pjesë që ndjek karrierën dhe jetën publike të Sean “Diddy” Combs. Dokumentari vjen më pak se gjysmë viti pas dënimit të reperit për dy akuza federale për transport me qëllim prostitucioni.

Seria është prodhuar nga Curtis “50 Cent” Jackson me regji nga Alexandria Stapleton. Marrëdhënia e tensionuar mes Diddy-t dhe 50 Cent ka shtuar interesin për dokumentarin, shkruan Forbes.

Dokumentari përshkruan rrugëtimin e Diddy-t si drejtues i Bad Boy Entertainment, si figurë e kulturës pop dhe si njeri që ka ndihmuar në nisjen e karrierave të artistëve si Mary J. Blige dhe Notorious B.I.G. Ai trajton gjithashtu marrëdhëniet publike me yje si Jennifer Lopez dhe bashkëpunimet me reperë si Jay-Z dhe Kanye West.

Seriali ndalet edhe te anët e errëta të karrierës së tij, duke përfshirë akuzat për keqtrajtim, dhunë seksuale dhe manipulim. Pika kryesore është padia e këngëtares Cassie Ventura në vitin 2023, që çoi në arrestimin dhe dënimin federal të Diddy-t në korrik.

Producentët kanë siguruar intervista ekskluzive me miq të hershëm të Diddy-t, ish-punonjës të Bad Boy dhe dëshmitarë që nuk kanë folur më parë publikisht. Në trailer dëgjohet zëri i ish-reperit të Bad Boy, Mark Curry, shkruan Forbes.

Rivaliteti mes 50 Cent dhe Diddy-t nuk është i ri. Në vitin 2006, 50 Cent e akuzoi publikisht Diddy-n në këngën The Bomb, duke përfshirë edhe përfshirjen në vrasjen e pazgjidhur të Notorious B.I.G. Para publikimit të dokumentarit, 50 Cent ka paralajmëruar se seria do të thyejë rekorde.

Regjisorja Alexandria Stapleton thekson se dokumentari synon më shumë se sa të tregojë skandalet e Diddy-t, duke hapur diskutime mbi adhurimin e figurave publike dhe mënyrën se si fama mund të përdoret si mburojë nga përgjegjësia.

Çdo episod i dokumentarit ka kohëzgjatje prej 60 minutash.