Category: Showbiz

Justin Bieber ka marrë vëmendje të madhe në internet pas një performancë ku ai interpretoi një pjesë të ikonës rap Eminem, duke përfshirë vargjet e tij në “Forgot About Dre” gjatë një transmetimi live. Klipi viral tregon yllin kanadez duke u përpjekur me stilin e famshëm të Eminem, për të eksploruar një zhanër tjetër muzikor dhe për të nderuar legjendat e hip‑hopit.

Reagimet në rrjetet sociale kanë qenë të përziera. Disa fansa e kanë përshëndetur performancën si një nismë interesante dhe një bashkim i dy gjeneratave në muzikë, duke vlerësuar guximin e Bieber për të provuar diçka të re. Megjithatë, ka edhe komentues që dalin ironikë dhe kritikë, duke e cilësuar performancën si “qesharake” ose jo bindëse, dhe duke u tallur me përpjekjet e tij në një zhanër që tradicionalisht i përket Eminem.

Madje reagimet kanë ndarë edhe opinionet e adhuruesve , disa e shohin këtë si një lëvizje pozitive dhe argëtuese nga Bieber, ndërsa të tjerë mendojnë se ai nuk i kap dot ritmet dhe stilin agresiv të Eminem, duke bërë që klipi të shpërndahet mjaftueshëm në platforma si X (Twitter), TikTok dhe YouTube

Nick Reiner, 32‑vjeçari, është zyrtarisht i akuzuar për vrasjen e prindërve të tij, regjisorit të famshëm të Hollivudit Rob Reiner dhe bashkëshortes së tij Michele Singer Reiner. Autoritetet në Los Angeles ngritën dy akuza për vrasje të shkallës së parë , pasi trupat e çiftit u gjetën të pajetë në shtëpinë e tyre në Brentwood me plagë të shkaktuara nga një sulm me thikë. Nick u arrestua disa orë pas zbulimit të trupave dhe momentalisht mbahet në paraburgim pa mundësi lirimi, ndërsa prokuroria po shqyrton edhe mundësinë e dënimit me vdekje ose burgim të përjetshëm pa lirime.

Raportimet e mediave të huaja zbulojnë se një ditë para vdekjes, Nick dhe prindërit e tij ishin bashkë në një festë në shtëpinë e komedianit Conan O’Brien, ku thuhet se ai shfaqi sjellje të çrregullt dhe pati një përplasje me të atin. Nuk ka ende një motiv zyrtar të konfirmuar, por hetuesit po shqyrtojnë edhe sfondin e tij personal, duke përfshirë histori të mëparshme të vështirësive me varësinë nga droga dhe tensionet familjare që janë përmendur në media.

Ngjarja ka tronditur SHBA-në dhe botën, jo vetëm për natyrën e saj, por edhe për statusin e Rob Reiner si regjisori i filmave klasikë dhe për rolin e gruas së tij si fotografe e producentë. Vajza e tyre, Romy Reiner, ishte ajo që gjeti trupat dhe lajmëroi autoritetet, duke shtuar emocione të forta tek publiku ndërkombëtar.

Cristiano Ronaldo i propozoi partneres Geogrina Rodriguez me një unazë prej 30 karatësh dhe vlera 3 milionë dollarë gjatë muajit gusht, pas një lidhjeje nëntëvjeçare.

Modelja argjentino-spanjolle, 31 vjeçe, së shpejti do të martohet me futbollistin portugez, 40 vjeç, pas propozimit të tij mbresëlënës me këtë diamant të madh.

Në një intervistë për ELLE Spain, Georgina në formë shakaje tha se një unazë e tillë ishte “minimumi që mund të bënte” pasi kishte pritur kaq gjatë për të marrë propozimin.

“Është e mrekullueshme. Minimumi që mund të më ofronte pas dhjetë vjetësh pritjeje (qesh). E vërteta është se, kur më propozoi, ishte gjëja e fundit që më shkonte ndërmend. Më duhej shumë kohë për të përpunuar gurin e madh që më dhuroi. U habita aq shumë sa e lashë në dhomën time dhe nuk e hapën në dritën e diellit deri ditën tjetër (qesh)”, pohoi modelja.

Çifti janë në lidhje që nga viti 2016.

Ronaldo ka pesë fëmijë, dy prej të cilëve i ka me Georginën, Alana-n dhe Bella Esmeralda-n./telegrafi

Tucker Genal, influencues i njohur në rrjetet sociale për skeçet dhe sfidat e tij argëtuese, ka ndërruar jetë në moshën 31-vjeçare. Lajmi ka tronditur ndjekësit e tij dhe komunitetin e TikTok-ut, ku ai kishte fituar popullaritet të madh me përmbajtjet e tij kreative.

Sipas raportimeve, ylli i TikTok-ut ka kryer vetëvrasje në banesën e tij të enjten, më 11 dhjetor. Vdekja e tij është konfirmuar nga Zyra e Mjekësisë Ligjore e Qarkut të Los Angeles, ndërsa rrethanat e ngjarjes po trajtohen nga autoritetet përkatëse.

Vëllezërit e tij, Carson dhe Connor, e konfirmuan humbjen përmes një postimi të përbashkët në Instagram, ku kërkuan privatësi në këtë periudhë të vështirë. Në mesazhin prekës, ata e përshkruan Tucker-in si një vëlla dhe mik të jashtëzakonshëm, duke ndarë disa fotografi nga fëmijëria dhe momentet e veçanta të jetës së tyre familjare.

Jul Deda ka zgjedhur rrjetet sociale për të shprehur publikisht mbështetjen dhe vlerësimin e tij për aktorin Bes Kallaku, pas rrëfimeve të sinqerta që ky i fundit ka bërë së fundmi për jetën personale dhe rrugëtimin e tij.

Në një postim të shkurtër të ndarë në Instagram Story, Deda thekson se mesazhi i tij u drejtohet më shumë atyre që e shohin Besin nga larg, pasi miqtë dhe njerëzit që e njohin prej vitesh e dinë tashmë se çfarë njeriu është ai.

“Përtej skenës, karrierës dhe famës, Bes Kallaku ka një zemër të rrallë. Nëse ka mundësi të ndihmojë dikë, ai nuk kursehet,” shkruan aktori, duke e shoqëruar reagimin me një video nga podcast-i i Grida Dumës ku Besi ishte i ftuar.

Mesazhi i Jul Dedës përmbyllet thjesht dhe me shumë ndjenjë:
“Bes, përqafime loku.”

Ky reagim vjen në një moment kur publiku po njeh gjithnjë e më shumë anën reflektuese të Bes Kallakut, duke dëshmuar se pas humorit të tij karakteristik qëndron një personalitet i ndërtuar mbi vlera të forta njerëzore dhe familjare.