Category: SHOWBIZ

Emma Vardy, 44 vjeç, prezantuese e BBC Breakfast, ka mirëpritur fëmijën e saj të dytë me bashkëshortin Aaron Adams. Ajo ndau lajmin në Instagram, duke zbuluar se djali i tyre quhet Rocky Beau dhe ka lindur më 9 shkurt 2026, me lindje në ujë.

Në postimin e saj, Emma falënderoi stafin e Manchester Birth Centre për kujdesin dhe mbështetjen gjatë lindjes, duke u shprehur se ajo dhe familja e saj janë “më të dashuruar se kurrë”.

Çifti, i martuar në vitin 2022 në Irlandën e Veriut, kanë edhe një djalë tjetër, Jago Fionn, i lindur në vitin 2023. Emma së fundmi kishte njoftuar shikuesit se do të largohej përkohësisht nga ekrani për pushimin e lehonisë, duke premtuar se do të rikthehet sërish në program.

Diskutimet në Gjermani për marrëdhënien e miliarderit 70-vjeçar dhe ish-drejtorit ekzekutiv të Google, Eric Schmidt, me modelen 27-vjeçare dhe vajzën e kryeministrit të Bavarisë, Gloria-Sophie Burkhardt, vijojnë të tërheqin vëmendje mediatike.

Sipas një raporti të ri të gazetës Bild, dyshja ka kaluar kohë së bashku në udhëtime nga SHBA drejt Indisë dhe Evropës, madje thuhet se për javë të tëra kanë lëvizur pothuajse çdo ditë bashkë.

Sipas të njëjtit burim, paraqitja e tyre e radhës publike pritet në Konferencën e Mynihut për Sigurinë, që zhvillohet fundjavën e ardhshme dhe mbledh zyrtarë të lartë nga e gjithë bota. Vëmendja ndaj tyre nisi për herë të parë në Forumin Ekonomik Botëror në Davos, ku u fotografuan krah për krah.

Burkhardt e ndan kohën mes Nju Jorkut, Los Anxhelosit dhe Gjermanisë. Ajo ka studiuar administrim biznesi dhe ekonomi dhe ka përfunduar një master në administrim biznesi. Në karrierën e saj si modele është shfaqur edhe në Vogue Turkey, ndërsa në një artikull të vitit 2022 për Teen Vogue deklaroi se kishte përjetuar ngacmime dhe abuzime seksuale në jetën personale dhe profesionale, përfshirë një incident kur ishte praktikante 18-vjeçare.

Schmidt, i cili u largua nga posti i CEO-s së Google në vitin 2011, është i martuar me Wendy Schmidt prej më shumë se katër dekadash dhe pasuria e tij vlerësohet rreth 54.6 miliardë dollarë. Ai e ka përshkruar më parë martesën e tij si “të hapur” dhe ka qenë i përfshirë në marrëdhënie të tjera jashtëmartesore, përfshirë një lidhje afatgjatë me biznesmenen Michelle Ritter, e cila më pas ngriti padi ndaj tij duke pretenduar sjellje të pahijshme dhe parregullsi financiare.

Këngëtarja amerikane Demi Lovato ka anuluar disa data të turneut të saj të ardhshëm për shkak, siç deklaroi vetë, arsyeve shëndetësore. Ajo e ndau lajmin përmes rrjeteve sociale, duke theksuar se dëshiron të mbrojë shëndetin e saj dhe të sigurojë performanca cilësore për publikun.

Në një postim në Instagram Story, Lovato tha se mezi pret të kthehet në skenë dhe të takohet me fansat në qytete të shumta si pjesë e turneut “It’s Not That Deep”. Megjithatë, ajo pranoi se gjatë përgatitjeve e kuptoi se kishte marrë më shumë përgjegjësi sesa mund të përballonte në këtë moment.

“Lovatikët e mi – Jam shumë e emocionuar që do të kthehem në skenë këtë vit dhe do t’ju vizitoj në sa më shumë qytete të jetë e mundur. Ndërsa po përgatitesha për turneun, kuptova se e kisha mbingarkuar axhendën time”, shkroi ajo.

Ajo shtoi se i duhet më shumë kohë për të pushuar dhe për të bërë prova, në mënyrë që të japë më të mirën e saj në çdo shfaqje.

“Për të mbrojtur shëndetin tim dhe për t’u siguruar që të jap më të mirën time në çdo koncert, duhet të përfshij më shumë kohë për pushim dhe përgatitje në axhendën time dhe ta përshtat atë në mënyrë që të kem më shumë ditë pushim gjatë gjithë turneut”, shpjegoi ajo.

Për shkak të kësaj, këngëtarja 33-vjeçare anuloi koncertet e planifikuara për prill në Charlotte (Karolina e Veriut), Nashville, Atlanta, Las Vegas dhe Denver.

“Më vjen jashtëzakonisht keq që nuk do të mund t’ju shoh në këtë turne dhe u kërkoj ndjesë sinqerisht të gjithë atyre që planifikuan të vinin”, tha ajo, duke shtuar se koncerti në Orlando është shtyrë për më 13 prill dhe se aty do të fillojë turneu.

Tifozët që kanë blerë bileta përmes platformave AXS ose Ticketmaster do të marrin automatikisht një rimbursim, ndërsa ata që kanë blerë bileta përmes palëve të treta duhet të kontaktojnë pikën e shitjes. Biletat e blera më parë për koncertin në Orlando do të jenë të vlefshme për datën e re.

Turneu fillimisht ishte planifikuar të fillonte më 8 prill në Charlotte dhe u njoftua në tetor të vitit të kaluar.

Lovato ka pasur probleme shëndetësore edhe më parë gjatë turneve. Gjatë turneut “Holy Fvck” në vitin 2022, ajo tha se ndihej aq keq sa nuk mund të ngrihej nga shtrati dhe më pas la të kuptohej se ky mund të ishte turneu i saj i fundit.

Danniella Westbrook, 52 vjeç, është një aktore britanike e njohur për rolin e saj si Sam Mitchell në serialin EastEnders. Ajo u bë e varur nga droga që në moshën 14-vjeçare dhe për vite me radhë abuzimi me kokainën i shkaktoi dëme të rënda në fytyrë, përfshirë shembjen e septumit të hundës.

Pas viteve të varësisë, problemeve shëndetësore dhe osteoporozës (dobësim i kockave), ajo ka kryer një sërë operacionesh rindërtuese dhe estetike për të rikuperuar fytyrën dhe vetëbesimin. Së fundmi, ajo iu nënshtrua sërish një operacioni të gjatë që përfshinte lifting të plotë të fytyrës, qafës dhe vetullave, si edhe rindërtim të buzëve dhe hundës.

Në të kaluarën, Danniella ka kaluar ndërhyrje të shumta, përfshirë rindërtim të kockave të fytyrës, implante dentare, liposuksion dhe të paktën shtatë operacione në gjoks. Ajo ka treguar se në vitin 2015 pothuajse humbi jetën pas një procedure të dështuar dhe më vonë zhvilloi septicemi.

Aktorja ka pranuar se është përballur me tallje dhe komente të ashpra për pamjen e saj, por ka theksuar se operacionet i bën për veten dhe për të përmirësuar frymëmarrjen dhe shëndetin e saj. Së fundmi, ajo u shtrua edhe në spital për probleme me frymëmarrjen, çka ndikoi në rikthimin e saj në aktrim.

Melanie Hamrick, e fejuara e Sir Mick Jagger, ka zbuluar se është sulmuar fizikisht dhe grabitur në zonën luksoze të Mayfair në Londër.

Balerina 38-vjeçare shkroi në Instagram se dy persona e kapën nga pas jashtë klubit privat Annabel’s në Berkeley Square, duke e lënë të “tronditur” dhe “zemërthyer”. Ajo falënderoi miqtë që ndërhynë për ta mbrojtur dhe personat që i erdhën në ndihmë.

Ngjarja vjen në një kohë kur Mayfair dhe zona përreth po përballen me një rritje të ndjeshme të grabitjeve dhe krimeve në rrugë. Sipas të dhënave zyrtare, zona ka një nga nivelet më të larta të grabitjeve në Londër, me 115 raste për 1,000 banorë, krahasuar me mesataren e qytetit prej rreth 3.7 për 1,000.

Kohët e fundit, disa dyqane luksoze janë shënjestruar nga banda të organizuara, ndërsa disa vizitorë kanë nisur të punësojnë siguri private. Melanie është në një lidhje me Mick Jagger që nga viti 2014 dhe çifti kanë një djalë së bashku.

Nëse shihni Jake Paul në Lojërat Olimpike Dimërore 2026 në Milano-Cortina, mos u habisni. Ish-ylli i YouTube-it, i kthyer në boksier profesionist, është i fejuar me Jutta Leerdam, patinatore shpejtësie nga Holanda, e cila fitoi medaljen e argjendtë në garën 1000 metra në Lojërat Olimpike Dimërore të Pekinit në vitin 2022.

Tashmë, Leerdam fitoi edhe medlje ari në Olimpiadë. Çifti e bëri publike lidhjen e tyre në Instagram në vitin 2023, ndërsa Jutta e ka mbështetur Paul në ndeshjet e tij të boksit, duke e përkrahur nga tribunat. Ata u fejuan në mars të vitit 2025.

Ajo ka treguar mbështetje të madhe për kalimin e tij në boks, duke shkruar në Instagram: “Më frymëzon shumë me etikën tënde të punës, mënyrën si mendon madh dhe vendosmërinë tënde të çmendur. Je i veçantë @jakepaul. Kampioni im.”

Nga ana tjetër, Jake Paul publikoi një mesazh në platformën X (ish-Twitter) përpara se ajo të niste garën e saj në Olimpiadë.