Category: SHOWBIZ

Ylli botëror i muzikës, Bryan Adams, do të performojë për herë të parë në Kosovë në kuadër të turneut të tij evropian.

Sipas datave zyrtare të publikuara, koncerti do të mbahet më 27 qershor 2026 në Salla 1 Tetori, një nga hapësirat kryesore për ngjarje muzikore në vend.

Ky pritet të jetë një nga koncertet më të mëdha të vitit në Kosovë, duke marrë parasysh popullaritetin global të artistit kanadez, i cili ka shënuar dekada suksesi në skenën ndërkombëtare.

Bryan Adams është i njohur për hitet e tij të famshme si “Summer of ’69”, “Heaven” dhe “(Everything I Do) I Do It for You”, këngë që kanë mbetur ndër më të dashurat për publikun në mbarë botën.

Turneu evropian i artistit përfshin disa qytete, ndërsa ndalesa në Prishtinë ka ngjallur entuziazëm të madh te fansat në vend dhe rajon.

Deri më tani, biletat për koncertin nuk janë nxjerrë ende në shitje, ndërsa organizatorët pritet të publikojnë detaje të tjera në ditët në vijim.

Me një karrierë që shtrihet në disa dekada, Adams ka shitur miliona albume dhe ka fituar çmime prestigjioze ndërkombëtare, përfshirë Grammy dhe nominime për Golden Globe dhe Oscar.

Koncerti në Prishtinë pritet të tërheqë një numër të madh vizitorësh dhe të jetë një nga ngjarjet kryesore muzikore të verës në Kosovë.

Ish banori i ‘Big Brother VIP Albania’, Joz Marku ka shënuar 30-vjetorin e lindjes me një festë të organizuar në rreth të ngushtë, duke mbledhur pranë tij miq dhe persona të afërt. Atmosfera e mbrëmjes është karakterizuar nga muzikë, energji dhe spektakël fishekzjarresh, ndërsa momente nga festa janë ndarë në rrjetet sociale nga të pranishmit, te cilat u ndane edhe ne rrjetet sociale.

Mes tyre ishte edhe partnerja e tij, Xhoana Toshi, e cila publikoi disa fotografi krah Jozit në Instagram, duke e shoqëruar postimin me një mesazh të ndjerë.

Festimi ka tërhequr vëmendjen e ndjekësve, duke reflektuar një moment të rëndësishëm personal për Joz Markun, i cili e ndau këtë ditë të veçantë me njerëzit më të afërt. Kujtojme se teksa ishte pjese e ‘Big Brother VIP Albania’, Jozi krijoi romance me Loredana Bratin, mirepo perfundoi e gjitha brenda reality show.

Pas BBVA, secili prej tyre u fokusua ne angazhimet personale, Loredana si influencer ne rrjetet sociale, per pak kohe edhe ne televizion, ndersa Jozi eshte fokusuar ne karrieren e tij muzikore.

Këngëtarja me famë botërore Rihanna ka rritur ndjeshëm masat e sigurisë pas incidentit të armatosur që ndodhi pranë rezidencës së saj në Beverly Hills. Raportohet se artistja nuk po i lë më asgjë rastësisë, duke marrë masa shtesë për mbrojtjen personale pas ngjarjes tronditëse.

Sipas raportimeve të TMZ, ajo tashmë shoqërohet nga një numër i madh truprojash, të cilët e ndjekin në çdo lëvizje, përfshirë edhe gjatë qëndrimit të saj në New York. Vendimi vjen si reagim ndaj të shtënave me armë që u regjistruan pranë shtëpisë së saj, ku fatmirësisht nuk pati të lënduar.

Ngjarja ndodhi kur një e dyshuar hapi zjarr drejt pronës së këngëtares nga një automjet në lëvizje, ndërsa autoritetet arritën ta arrestojnë atë pak më vonë. Hetimet janë ende në zhvillim dhe motivet e sulmit nuk janë bërë të ditura deri më tani.

Pas incidentit, Rihanna thuhet se ka shtuar kujdesin maksimal për sigurinë e saj dhe familjes, duke angazhuar më shumë personel sigurie dhe duke kufizuar ekspozimin publik. Ngjarja ka rikthyer në vëmendje rrezikun me të cilin përballen figurat publike në jetën e përditshme.

Pak ditë para festës së Fitër Bajramit, Selvija, bashkëshortja e të ndjerit Shpat Kasapi, ka prekur zemrat e gjithsecilit me një postim tejet të dhimbshëm.

Janë bërë disa muaj që kur Shpati ka ikur nga kjo botë, dhe Selvija ka deklaruar se nuk e di se si do ta presë këtë festë pa praninë e burrit të saj, transmeton Klankosova.

“M’plasi kjo zemër nga mungesa jote o jetë, sa të vetëm na ke lënë bashkë me Roelin e nuk e di se si do të vijë festa e Bajramit pa praninë tënde”, ka shkruar ajo.

Kujtojmë se artisti vdiq në Itali pas një arresti kardiak. Atje, ai kishte shkuar bashkë me Selvijen dhe djalin, për shërimin e vogëlushit.

Bebe Rexha ka qenë së fundmi e ftuar në emisionin e njohur amerikan Delish Snacks, ku ka ndarë me publikun detaje interesante rreth ushqimeve të saj të preferuara, por edhe për traditat shqiptare të mikpritjes.

Edhe pse është lindur dhe rritur në New York, këngëtarja me origjinë shqiptare theksoi se është rritur në një frymë të fortë të kulturës shqiptare, veçanërisht kur bëhet fjalë për mënyrën se si priten mysafirët në shtëpi.

Gjatë bisedës, ajo tregoi se shqiptarët kanë një mënyrë shumë të veçantë të mikpritjes. Sipas saj, gjithçka nis me shërbimin e çokollatave të vogla, për të vazhduar më pas me lëngje frutash apo pije të gazuara. Më pas, në tavolinë vendoset një tabaka me ushqime të kripura si çipsa apo kikirikë, duke krijuar një atmosferë të ngrohtë dhe mikpritëse.

Megjithatë, momenti më interesant dhe më humoristik i intervistës ishte kur Bebe Rexha zbuloi një “rregull të pashkruar” të mikpritjes shqiptare.

Ajo tha se servimi i frutave në fund të vizitës shpesh është një sinjal i heshtur për mysafirët.

“Është një rregull që nëse e kupton, e kupton vet. Servimi i frutave në fund është diçka si ‘erdhi koha për t’u çuar’”, u shpreh ajo me humor, duke shkaktuar të qeshura në studio.

Moderatorja e emisionit u habit nga kjo traditë dhe e pyeti: “A është vërtet kështu?”, ndërsa Bebe e konfirmoi me buzëqeshje, duke e bërë momentin edhe më argëtues.

Krahas këtyre rrëfimeve, artistja shfrytëzoi intervistën edhe për të promovuar albumin e saj të ri, Dirty Blonde, i cili pritet të publikohet i plotë më 12 qershor.

Me këtë paraqitje, Bebe Rexha jo vetëm që solli më pranë publikun amerikan me kulturën shqiptare, por dëshmoi edhe një herë krenarinë e saj për rrënjët dhe traditat nga vjen.

Rozana Radi është bërë së fundmi subjekt i një lajmi të rremë që ka qarkulluar në mediat online, duke shkaktuar reagime të menjëhershme nga vet artistja.

Një portal shqiptar publikoi një fotografi të këngëtares, të shoqëruar me imazhe të një aksidenti automobilistik dhe titullin tronditës: “Shuhet nga jeta këngëtarja Rozana Radi”, duke ngritur shqetësim të madh te publiku dhe ndjekësit e saj.

Menjëherë pas publikimit të këtij lajmi, këngëtarja dhe moderatorja e emisionit Goca dhe Gra reagoi përmes një postimi në rrjetin social Instagram, duke e dënuar ashpër këtë dezinformim.

“ Merreni me mend çfarë janë në gjendje të bëjnë portalet online”, shkroi ajo fillimisht, ndërsa më pas shtoi: “Imagjino të isha diku ku të mos kisha valë. Do ishin çmendur familjarët. Nuk e di si ju mban toka”.

Ky reagim i Rozana Radit nxjerr në pah shqetësimin për përhapjen e lajmeve të rreme, të cilat mund të shkaktojnë panik dhe pasoja emocionale te familjarët dhe publiku.

Nuk është hera e parë që figura publike përballen me lajme të tilla të pavërteta, të cilat shpesh përhapen për klikime dhe sensacion. Megjithatë, raste të tilla rikthejnë në vëmendje nevojën për më shumë përgjegjësi dhe etikë në raportimin mediatik.

Gjiganti muzikor Sony Music njoftoi se ka kërkuar heqjen e më shumë se 135,000 këngëve të krijuara nga mashtrues, që imitonin artistët e saj në platformat e transmetimit muzikor.

Këto këngë të quajtura “deepfake” janë krijuar duke përdorur inteligjencën artificiale gjeneruese dhe kanë prekur disa nga emrat më të mëdhenj, përfshirë Beyoncé, Queen dhe Harry Styles.

Sony njoftoi se përhapja e këtyre kopjeve të rreme shkakton “dëm të drejtpërdrejtë komercial për artistët e regjistruar ligjërisht” dhe shpesh synon muzikantët gjatë periudhave kur ata promovojnë albume të reja. Dennis Kooker, president i biznesit digjital global të Sony-t, tha: “Në rastet më të këqija, këto ‘deepfake’ mund të dëmtojnë një fushatë lançimi ose të njollosin reputacionin e një artisti.”

Kompania shtoi se numri prej 135,000 këngësh që ka zbuluar deri tani përfaqëson vetëm një pjesë të tërësisë së përmbajtjes së ngarkuar në platformat muzikore. Që nga marsi i vitit të kaluar, Sony ka identifikuar rreth 60,000 këngë që pretendojnë në mënyrë të rreme të përfshijnë artistë nga lista e saj. Të tjerë artistë të prekur mund të jenë Bad Bunny, Miley Cyrus dhe Mark Ronson.

Kooker vuri në dukje se problemi me këto ‘deepfake’ është se ato janë një fenomen i nxitur nga kërkesa: “Shfrytëzojnë faktin që një artist po promovon muzikën e tij. Kjo është kur ‘deepfake’-et janë më keq – ato përfitojnë nga kërkesa që ka krijuar artisti dhe në fund dëmtojnë atë që ai po përpiqet të arrijë.”

Ky lajm u bë publik në kuadër të lançimit të Global Music Report në Londër, ku u publikuan edhe të dhënat e International Federation of the Phonographic Industry (IFPI), sipas të cilave të ardhurat nga muzika e regjistruar u rritën me 6.4% gjatë vitit të kaluar, duke arritur në 31.7 miliardë dollarë (£23.8 miliardë).

Kjo shënon vitin e 11-të radhazi të rritjes, duke u ndihmuar nga abonimet e transmetimit streaming që shpëtuan industrinë pas periudhave të piraterisë dhe rënies financiare. Mbretëria e Bashkuar mbeti tregu i tretë më i madh muzikor në botë, ndërsa Kina tejkaloi Gjermaninë si tregu i katërt më i madh, duke hyrë në top 10, brenda më pak se një dekade.

Sipas raportit, Taylor Swift ishte artistja më e madhe e vitit 2025 dhe kishte albumin më të popullarizuar në botë me titullin The Life Of A Showgirl./BBC/

Influencerja e famshme turke, Aysegul Eraslan, u gjet e vdekur në shtëpinë e saj të premten në moshën 27-vjeçare.

Familjarët e saj shkuan në banesë pasi nuk mundën ta kontaktonin dhe, kur askush nuk u përgjigj, njoftuan policinë.

Oficerët e gjetën trupin e saj dhe ajo u shpall e vdekur në vendngjarje.

View this post on Instagram

A post shared by Ayşegül Eraslan (@aysegulleraslan)

Raportohet se Eraslan sapo ishte kthyer nga një udhëtim jashtë vendit, ndërsa një mik i saj aktor kishte shkuar për ta vizituar shkurtimisht dhe kishte ikur pak para ngjarjes.

Sipas mediave lokale, autoritetet besojnë se Eraslan ishte kthyer në shtëpi pas një udhëtimi në Egjipt.

Aktori Sunay Kurtulus kishte hyrë në apartamentin e saj rreth një orë para vdekjes për një vizitë të shkurtër dhe më pas kishte dalë.

Në një deklaratë në Instagram, avokatët e Kurtulusit bënë të ditur se policia e kishte marrë në pyetje, por vetëm si pjesë të hetimeve.

Ata shtuan se Kurtulus ka dhënë të gjitha deklaratat e nevojshme që nga fillimi i procesit dhe se nuk ishte në vendngjarje në momentin e ngjarjes.

Avokatët gjithashtu shprehën trishtimin e tyre për humbjen e Eraslan duke i dhënë ngushëllime familjes, të afërmve dhe të dashurve të saj.

Aysegul ishte bërë shumë e njohur në Instagram, ku kishte mbi 360 mijë ndjekës, veçanërisht pas pjesëmarrjes së saj në emisionin e modës turke “Iste Benim Stilim” (që përkthehet “Ky është stili im”).

Ajo kishte fituar popullaritet për stilin dhe karizmën në program, por fatkeqësisht jeta e saj u ndërpre në mënyrë tragjike.

View this post on Instagram

A post shared by Ayşegül Eraslan (@aysegulleraslan)

Hetimet mbi vdekjen e saj janë ende në zhvillim.

Ylli i muzikës pop, Dua Lipa, ka kritikuar diskursin rreth dosjeve të Epstein, duke thënë se gjuha e përdorur e zhvendos fokusin larg viktimave.

Këngëtarja shqiptare me famë botërore, Dua Lipa tha se sheh si mungesë konsiderate për viktimat e përmendura në dosjet e Epstein, shumë prej të cilëve ishin të mitur.

Në episodin e fundit të podkastit të saj të klubit të librit Service 95, Lipa ngriti temën e shkelësit të dënuar seksual Jeffrey Epstein ndërsa fliste me të ftuarën e saj, autoren Roxane Gay.

Ajo tha: “Mënyra se si janë raportuar krimet dhe gjuha që është përdorur, u ka bërë një shërbim të keq të gjitha viktimave.”

“Vazhdoj të mendoj për të gjitha historitë që flasin për vajzat e mitura dhe festat seksuale, në vend që të shkruaj për viktimat që ishin fëmijë të trafikuar. Është sikur gjithçka të mbulohet me një lloj veli për të mbrojtur – nuk e di kë, ndoshta lexuesin – ose të përpiqesh të maskosh atë që po ndodh”, tha Lipa.