Category: SHOWBIZ

Këngëtarja e njohur shqiptare Elsa Lila ka ngjallur reagime me deklaratat e saj të fundit në një intervistë, ku foli hapur për raportet mes gjinive dhe qëndrimin e saj personal.

Ajo u shpreh se nuk e sheh veten si feministe, madje duke e cilësuar veten si “maskiliste”. Sipas saj, meshkujt tregojnë më shumë solidaritet dhe mbështetje ndaj njëri-tjetrit krahasuar me vajzat.

“Djemtë janë shumë më për njëri-tjetrin sesa vajzat”, u shpreh këngëtarja, duke shtuar se shpeshherë mungon uniteti dhe përkrahja mes grave.

Deklarata e saj ka hapur debat në rrjetet sociale, ku shumë përdorues kanë reaguar pro dhe kundër këtij qëndrimi, duke e cilësuar si një mendim të guximshëm, por edhe të diskutueshëm.

Intervista e Elsa Lilës vjen në një kohë kur temat mbi barazinë gjinore dhe raportet mes grave dhe burrave janë gjithnjë e më të pranishme në diskursin publik.

Këngëtarja e njohur Selena Gomez dhe modelja Hailey Bieber kanë reaguar sërish ndaj spekulimeve të vazhdueshme për një konflikt mes tyre, duke dërguar një mesazh të qartë: më shumë paqe dhe më pak urrejtje.

Në një deklaratë publike, Selena Gomez u shpreh se nuk mbështet aspak përçarjen mes grave, duke iu drejtuar edhe fansave të saj që të ndalojnë sulmet në rrjetet sociale.
“Jam për paqe, nuk ka nevojë për urrejtje mes grave”, theksoi ajo.

Nga ana tjetër, Hailey Bieber ka folur hapur për thashethemet që e lidhin me një rivalitet ndaj këngëtares, duke mohuar çdo konflikt mes tyre. Ajo u shpreh se situata është krijuar dhe ekzagjeruar nga publiku dhe rrjetet sociale, ndërsa shtoi se “nuk e kam kërkuar këtë”.

Spekulimet për një përçarje mes dy figurave publike kanë qarkulluar prej vitesh, kryesisht për shkak të lidhjes së kaluar të Selena Gomez me Justin Bieber, i cili sot është bashkëshorti i Hailey.

Megjithatë, të dyja kanë theksuar se nuk ka asnjë armiqësi reale mes tyre dhe se narrativa e krijuar online është e dëmshme. Deklaratat e fundit vijnë si një përpjekje për të qetësuar situatën dhe për të promovuar një mesazh pozitiv, sidomos në një kohë kur urrejtja në rrjetet sociale është në rritje.

Aktorja e njohur, e cila ndodhej jashtë vendit për studime, mbërriti në Turqi dhe shkoi direkt në Gjykatën e Çaglajanit të Stambollit, ku dha një deklaratë para prokurorit

Hande Erçel, së cilës i ishte lëshuar një urdhër ndalimi për përfshirjen e saj në një rast droge, u kthye në Stamboll për të dëshmuar para autoriteteve.

Aktorja e njohur, e cila ndodhej jashtë vendit për studime, mbërriti në Turqi dhe shkoi direkt në Gjykatën e Çaglajanit të Stambollit, ku dha një deklaratë para prokurorit. Pas përfundimit të procedurës, Erçel u dërgua në Shërbimin e Mjekësisë Ligjore (ATK) për analiza toksikologjike, ku iu morën mostra gjaku dhe flokësh.

Në një postim në rrjetet sociale, ajo kishte njoftuar kthimin e saj, duke theksuar se dëshironte që çështja të sqarohej menjëherë.

“Për shkak të arsimimit tim, kam qenë jashtë vendit për rreth një muaj. Mbrëmë, ashtu si ju, mësova nga mediat për çështjen aktuale dhe do të kthehem në vendin tim për të bërë sqarimet e nevojshme dhe për të dëshmuar. Unë jam një person që e do vendin e tij dhe i beson shtetit dhe drejtësisë turke. Besoj se situata do të sqarohet sa më shpejt të jetë e mundur”, tha ajo.

Hetimi po kryhet nga Zyra e Prokurorit Publik të Stambollit dhe ka të bëjë me një total prej 16 të dyshuarish, të cilët dyshohet se kanë poseduar narkotikë për përdorim personal ose kanë lehtësuar përdorimin e tyre.

Si pjesë e operacionit, u kryen bastisje të njëkohshme në 16 vende në qytet, duke rezultuar në arrestimin e 14 personave, ndërsa u lëshuan urdhra ndalimi për dy persona, përfshirë Ercelin.

Dy miqtë e ngushtë, Gjesti dhe DJ Gimbo, janë bërë bashkë në ditën e sotme (e diel).

Kjo pasi DJ nga Istogu ka qenë në Big Brother VIP Albania 5, ndonëse me këngëtarin ndodhën shumë gjëra jashtë.

Ata kanë tejkaluar këto situata dhe tani janë rikthyer në shoqëri të njëri-tjetrit.

Në videon e postuar në InstaStory, të dy shihen duke qeshur pa ndalë, e duke shijuar kohë të mirë.

“Më ke munguar babë”, ka qenë përshkrimi që i ka vënë postimit.

Ylli i muzikës pop dhe fituesja e disa çmimeve “Grammy”, Dua Lipa, po vazhdon të zgjerojë karrierën e saj në aktrim, duke u bërë pjesë e filmit të ri komedi “Peaked”, prodhim i A24.

Filmi do të drejtohet nga Molly Gordon, e cila ka shkruar skenarin së bashku me Allie Levitan.

Historia ndjek dy vajza që, pas përvojave traumatike në shkollë të mesme, përpiqen të rikthejnë “ditët e lavdisë” gjatë ribashkimit të 10-vjetorit.

Edhe pse detajet mbi rolin e Dua Lipës nuk janë zbuluar ende, ajo do të jetë pjesë e një kasti të gjerë me emra të njohur si Emma Mackey, Laura Dern dhe Simone Ashley.

Ky projekt shënon një tjetër hap të rëndësishëm për artisten në industrinë e filmit, pas paraqitjeve të saj në Argylle dhe Barbie.

Xhirimet e “Peaked” pritet të nisin muajin e ardhshëm.

Një incident i papritur ka tërhequr vëmendjen gjatë konkursit të bukurisë “Miss Grand Tajlandë”, ku konkurrentja Kamolwan Chanago humbi dhëmbët gjatë fjalës së saj hapëse. Pamjet tregojnë Chanagonin duke ia kthyer shpinën publikut për t’i vendosur përsëri dhëmbët, pa u larguar nga skena, ndërsa publiku shpërtheu në brohoritje për trimërinë e saj.

E nxitur nga duartrokitjet, ajo vazhdoi me besim pjesën tjetër të shfaqjes, duke pozur me buzëqeshje në fustanin e saj të shndritshëm të mbrëmjes.

Videoja e incidentit u bë virale në mediat sociale, me përdorues që lavdëruan profesionalizmin dhe qetësinë e Chanagos përballë një situate të papritur.

Ky aksident ndodhi gjatë raundit paraprak të gjykimit, ndërsa fituesja do të shpallet të shtunën dhe do të përfaqësojë Tajlandën në “Miss Grand International 2026”, në Indi.

Incidenti vjen në një kohë kur konkursi ka qenë gjithashtu nën vëzhgimin e polemikave të tjera. Gjatë një episodi të mëparshëm, zëvendëspresidenti për Azinë dhe Oqeaninë në Miss Universe Organization, Nawat Itsaragrisil, kritikoi publikisht konkurrenten Melissa Flores Bosch për mungesën në një xhirim të sponsorit.

Boschi kundërshtoi duke u përballur me komentet, duke deklaruar: “Unë kam zë” dhe duke akuzuar zyrtarin për mungesë respekti ndaj grave.

Situata përfundoi me largimin e saj dhe të disa konkurrenteve të tjera, ndërsa debati nxiti diskutime për të drejtat dhe respektin e grave në konkurset e bukurisë.

Cảnh báo rụng răng :))
Miss Grand Thái Lan, thí sinh rơi răng giả ngay trên sân khấu trong lúc đang hô tên 🫪 pic.twitter.com/87sPkUWk5T

— Lusubu TOP (@LusubuTOP) March 26, 2026

Këngëtari Robert Berisha, ka folur për raportet me ish-bashkëshorten e tij, Nora Istrefin.

I pyetur në lidhje me një ribashkim të tyre, ai u shpreh se nuk i dihet, duke lënë të hapur të gjitha shpresat për adhuruesit e çiftit se, në një të ardhme, ata mund të jenë sërish bashkë.

“Jam i lirë, jam i fokusuar në punë, jam duke bërë albumin tim të parë pas 10 viteve me 12 këngë të reja dhe jam përkushtuar shumë në atë drejtim, Kam qejf të jem pak i lirë dhe po e vë re se nuk jam i gatshëm dhe nuk do të kisha qejf të lëndoja të njëjtin person dy herë.”

Në lidhje me unazën që Roberti i dhuroi Norës, e cila tërhoqi vëmendjen e të gjithë ndjekësve të emisionit të tij dhe jo vetëm, ai e cilësoi atë gjest vetëm si një shenjë simbolike e dhuruar nga disa miqtë e tij, për ta mbajtur më pas vajza e tyre Renee.

“Nëse bashkohemi, bashkohemi, por për unazë nuk ka nevojë, s’ka nevojë të bëjmë harxhime”, pohoi Berisha.

Një postim i fundit në rrjetet sociale ka ngritur shqetësim për gjendjen shëndetësore të reperit të njohur Kleviol Ahmeti, i njohur për publikun si Cllevio, i cili aktualisht ndodhet në vuajtje të dënimit.

Në profilin e tij zyrtar në Instagram është publikuar një fotografi nga një ambient spitalor, ku shihet një person i shtrirë në sallën e ndërhyrjeve kirurgjikale. Postimi shoqërohet me një mbishkrim që ka tërhequr menjëherë vëmendjen: “Presim Ganggon dali nga operacioni tragjik”.

Ky përshkrim ka lënë të kuptohet se bëhet fjalë për një situatë serioze shëndetësore, ndërsa përdorimi i vetës shumës tregon se llogaria e reperit nuk po menaxhohet nga ai vetë, por nga persona të afërt.

Një tjetër detaj që ka shtuar dyshimet është etiketimi i Spitalit Rajonal Memorial në Fier në postim. Kjo ka bërë që të aludohet se Cllevio mund të jetë transferuar nga ambientet e burgut drejt këtij institucioni për trajtim të specializuar mjekësor. Megjithatë, deri në këto momente nuk ka asnjë konfirmim zyrtar për natyrën e ndërhyrjes kirurgjikale apo për gjendjen aktuale të tij.

Ndjekësit dhe publiku vijojnë të presin një reagim apo sqarim zyrtar, ndërsa postimi ka shkaktuar reagime dhe komente të shumta në rrjet.

Mbetet për t’u parë nëse në orët në vijim do të ketë informacione të reja që do të hedhin dritë mbi situatën e reperit.

Një ngjarje e rëndë ka tronditur shtëpinë e këngëtares së famshme Rihanna në Beverly Hills, ndërsa vetë artistja ka dhënë një dëshmi të detajuar për momentet e frikshme që përjetoi gjatë një sulmi me armë zjarri në fillim të muajit mars. Sipas saj, ajo ndodhej në një rimorkio në oborrin e rezidencës në Los Angeles kur dëgjoi një seri shpërthimesh të forta metalike.

“Fillimisht nuk e kuptova çfarë po ndodhte, por shumë shpejt e kuptova që ishin të shtëna dhe që ishim në vijën e zjarrit,” ka rrëfyer ajo.

Në një reagim të menjëhershëm, Rihanna zgjoi partnerin e saj, A$AP Rocky, duke bërtitur: “po na qëllojnë”. Më pas ajo e tërhoqi atë përtokë dhe u shtri edhe vetë, në përpjekje për të shmangur plumbat.

Ngjarja ndodhi ndërsa brenda shtëpisë ndodheshin tre fëmijët e çiftit, nëna e Rihannës dhe disa anëtarë të stafit, çka e bën situatën edhe më të rëndë. Pas incidentit, këngëtarja ka marrë masa shtesë sigurie, ndërsa raportohet se është larguar nga rezidenca e saj në Beverly Hills.

Sipas dokumenteve gjyqësore të publikuara nga “Daily Mail”, Rihanna kishte marrë më herët kërcënime me vdekje në rrjetet sociale, megjithatë nuk është konfirmuar nëse ato lidhen drejtpërdrejt me sulmin.

E dyshuara për ngjarjen është Ivana Lisette Ortiz, e cila akuzohet për hapjen e zjarrit me armë gjysmëautomatike drejt rezidencës. Ajo përballet me disa akuza të rënda, përfshirë 10 akuza për sulm me armë dhe tre për të shtëna në zonë banimi.

Ngjarja ka shkaktuar reagime të shumta, ndërsa hetimet vijojnë për të zbardhur plotësisht motivet dhe rrethanat e sulmit. Dëshmia e Rihannës mbetet një nga rrëfimet më të forta për momentet e frikshme që mund të përjetohen edhe në mes të luksit dhe sigurisë së Hollywood-it.

Këngëtarja spanjolle Rosalía është detyruar të ndërpresë koncertin e saj në Milano pasi pësoi një helmim të rëndë nga ushqimi gjatë performancës.

Artistja ishte duke performuar në Unipol Forum në Milano, si pjesë e turneut të saj “Lux Tour”, kur njoftoi publikun se nuk ndihej në gjendje të vazhdonte shfaqjen.

Gjatë një momenti në skenë, Rosalía u shpreh se kishte tentuar të përfundonte koncertin pavarësisht gjendjes së saj të rënduar shëndetësore. Ajo tregoi se kishte përjetuar simptoma të forta, përfshirë të vjella dhe dhimbje, duke shtuar se kishte bërë maksimumin për të mos zhgënjyer fansat.

“Jam shumë e sëmurë dhe po përpiqem vërtet, por nuk mund ta vazhdoj”, tha ajo para se të largohej nga skena, ndërsa publiku e duartrokiti në mbështetje.

Turneu i saj ndërkombëtar “Lux Tour” kishte nisur më 16 mars dhe pritet të vazhdojë në qytete të tjera, megjithëse ende nuk dihet nëse kjo situatë do të ndikojë në datat e ardhshme.

@nssmagazine ROSALÍA has just announced she won’t continue the show in Milan due to food poisoning #luxtour #rosalia #concert #milan ♬ audio originale – nss magazine