Category: SHOWBIZ

Gazetari Milaim Zeka së bashku me gruan e tij Edlirën ishte i ftuar në emisionin LIBERO në ATV. Duke folur për ushqimet e tij të preferuara, Zeka bëri shaka kur foli për ushqimet e detit, ku tha se kur kanë parë në Drenicë peshk për herë të parë, kanë menduar se është sorrë a hut.

“Unë zakonisht, është shumë e çuditshme, duke qenë i Obrisë, ha shumë krudo. Ushqimet e detit janë ushqimet e mia të preferuara. Mbrëmë kam hangër karkaleca nga Senegali që më kanë shiju tepër shumë, ishin të mëdhenj dhe i thash atij pronarit, se ne në Drenicë, kur kemi pa peshk për herë të parë, kemi thënë është sorrë a hut, e karkaleci m’u duk si peshk”, tregoi Zeka.

Ndiqeni videon e më poshtme për më shumë:

U bë e ditur se Meghan Markle nuk e prezanton veten me emrin e saj të parë, i cili është Rachel dhe se para se të ishte gruaja e Princit Harry, ajo në disa intervista e kishte treguar këtë.

Por një burim nga familja e saj ka thënë se meqë emri Rachël është shumë i popullarizuar në Amerikë, për të, Meghan tingëllon më mirë.

Realisht është një numër i madh i njerëzve të famshëm kanë emra krejtësisht ndryshe nga ata që prezantohen.

Si psh: emri i modeles Gigi Hadid është Jelena, Bruno Mars quhet Peter, Lana Del Rey-Elizabeth, e shumë të tjerë.

Reperi Diddy përmes Twitter shkroi se i paguan këngëtarit Sting 5000 dollarë në ditë për marrjen e mostrës së këngës ,Every Breath You Take, këngë që ishte publikuar nga Sting në vitin 1983, kurse I’ll be missing you në vitin 1997.

Sting në një intervistë kishte thënë se kjo pagesë do të zgjas gjatë gjith jetës.

Sting kishte deklaruar se reperi i kishte marrë leje për këngën , por vetëm atëherë kur është publikuar do të thot nuk ka qenë në dijeni me fillim.

Diddy publikoi “I’ll Be Missing You” për të nderuar mikun dhe bashkëpunëtorin e tij B.I.G., i cili u vra në mars 1997 në Los Angeles. Këna pati arritur në vendin e parë në Billboard’s Hot 100 më 14 qershor 1997 dhe i dha Diddy çmimin e tij të parë Grammy.

Kjo këngë në platformën Youtube ka gjithsej 74 milionë klikime.

Pasi u komentua mjaft shumë se si Diddy e paguan cdo ditë këngëtarin Sting, ai u detyrua të shkruaj një tjetër deklaratë duke shkruajtur se ai kishte bërë shaka dhe se nuk është e vërtetë.
Tutje shtoi se ai dhe Sting janë miq shumë të mirë prej shumë vitesh.

Personi i cili ishte i akuzuar për vrasjen e reperit Pop Smoke, u deklarua që është fajtor për vrasjen.

Gjithashtu ai pohoi që kishte grabitur në shtëpinë e Pop Smoke dhe aty ndodhi vrasja.

I pandehuri në atë kohë ishte 17 vjecar, tani është 20 dhe u dënua për katër vjet e dy muaj në një institucion për trajtimin e të miturve, për shkak të statusit të tij si i mitur në kohën e krimit.

Të akuzuar të tjerë janë edhe tre persona të tjerë.

Pop Smoke u qëllua për vdekje më 19 shkurt të vitit 2020.

Në atë vit dyshohej se vrasja ndodhi shkak i një lidhje të mundshme të reperit me një bandë, por pastaj u zbulua se disa ditë para se ai të vritej, kishte publikuar fotografi në Instagram duke prezantuar për ndjekësit gjëra të shtrentja dhe me vlerë që kishte në shtëpi.

Në një intervistë për revistën “Glamour”, Rita Ora foli se si ajo dhe Taika Waititi, nga miq të mirë , përfunduan të martuar me të.

Ajo tregoi se gjithçka ndodhi spontanisht pa asnjë përpjekje për diçka më tepër se miq.

Rita tha se që të dy, janë shumë pasionant dhe të njëjtë në shumicën e mendimeve dhe kjo ka bërë që ata të kenë ndjenja për njëri tjetrin.

Ndërsa Taika tha: “Ne filluam të bisedonim dhe për tre vitet e gjysmë ne ishim thjesht shokë të mirë. Ne kishim marrëdhënie me njerëz tjerë, të dy’’. “Më pëlqen fakti që të dy punojmë shumë, të dy kemi punët tona dhe jemi të pavarur dhe jemi miqtë më të mirë’’,– shtoi ai.

Sa i përket martesës me regjisorin, Rita tha se ishte siç gjithnjë e kishte paramenduar, bukur dhe gjithçka perfekte.

Për më shumë ndiqni videon e mëposhtme:

Stilistja e njohur Blerina Kllokoqi-Rugova, përveç punës së saj në fushën e modës, ajo njihet si nusja e madhe e familjes së presidentit tashmë të ndjerë Ibrahim Rugovës, e cila foli në një intervistë ekskluzive për familjen e saj, në LIBERO.

Ajo është e martuar me djalin e ish-presidentit historik, Mendim Rugovën dhe së bashku kanë dy fëmijë Evën dhe Anijanin.

Blerina mes tjerash, foli për jetën e saj personale, ku prezantoi familjen e saj të vogël, ku dy fëmijët e saj janë pasardhësit e ish-presidentit Ibrahim Rugovës.

“Jemi të bekuar që i kemi. Është një fotografi që na plotëson dhe na bënë që të punojmë më shumë e me e dhënë maksimumin kur i shohim fëmijët tanë duke u rritur”, u shpreh Blerina.

Ndërkohë, daja i tyre, i cili është emër i njohur për publikun, Petrit Kllokoqi tha se ata janë fëmijë që të kompleksojnë, flasin nga tri gjuhë të huaja dhe janë të mençur, e për këtë gjë padyshim u shpreh krenar.

Ndiqeni emisionin e plotë:

Modelja e njohur Gresa Hoti e cila ishte banore e shtëpisë së “Big Brother Vip Kosova”, ka realizuar një fotosesion gjatë qëndrimit në shtëpi. Gjatë realizimit, gjithë vëmendjen e mori fotografi i njohur Artan Korenica.

“Ehë, perfekt, qaty, qo mjekrën, najs najs…”, ishin vetëm disa nga fjalët që kishte përdorur dhe me të cilat u bë viral në TikTok.

Ai të premten ishte i ftuar në emisionin “LIBERO”, ku mes tjerash iu publikua video e cila bëri bujë të madhe, e për këtë gjë, ai foli për herë të parë.

“…Kjo është punë e imja. Unë gjithmonë them kjo është pjesë e procesit që unë as nuk e kontrolloj, nuk e di as çka jam t’u fol…”, theksoi Korenica.

Vlen të theksohet se fotografi i njohur Artan Korenica në ambientet e Muzeut Etnologjik të Kosovës, ka realizuar ekspozitën “Mirë se vini në tavolinë”.

Krahas ekspozitës, është shfaqur edhe filmi 12 minuta që ilustron përditshmërinë e një prej nënave kosovare, që lufta e ka lënë pa familjarët e saj.

Në këtë ngjarje ishin të pranishëm edhe shumë personalitete të njohura publike përfshirë kryeministrin e Kosovës, Albin Kurtin, ministrin e Kulturës, Rinisë dhe Sportit Hajrulla Ceku dhe zëvendësministren e MKRS, Daulina Osmani.

Për ta shikuar videon, klikoni në linkun e mëposhtëm: