Category: SHOWBIZ

Spotify ka njoftuar një etiketë të re për artistët e krijuar me inteligjencë artificiale, të quajtur “AI Persona”, e cila synon t’u sinjalizojë dëgjuesve se identiteti i një artisti mund të jetë gjeneruar nga inteligjenca artificiale dhe se “nuk përfaqëson një person real”, njoftoi kompania. Kjo etiketë do të nisë të shfaqet në mesin e shtatorit.

Është interesante se kjo nuk do të zbatohet vetëm për profilet e artistëve që vetëdeklarohen si “AI Persona”. Spotify do ta vendosë atë edhe në profile të tjera “relevante”, pasi kompania thotë se është e përqendruar në promovimin e muzikës së artistëve autentikë që ndërtojnë karrierë në industrinë e muzikës.

Sipas cilësimeve fillestare, gjithçka që krijohet nga këto “AI Persona” do të përjashtohet nga të gjitha rekomandimet editoriale ose algoritmike. Megjithatë, përdoruesit që i ndjekin këta artistë do të vazhdojnë ta marrin muzikën e tyre në rekomandime.

Artistët tashmë mund të deklarohen vetë si “AI Persona”, ndërsa Spotify do të shqyrtojë gjithashtu profilet e artistëve dhe do të identifikojë ata, identiteti publik i të cilëve, përfshirë emrin dhe fotografitë e profilit, “duket se përfaqëson identitete fotorealiste të gjeneruara nga inteligjenca artificiale”.

Në mesin e shtatorit, etiketa “AI Persona” do të shfaqet në profilet e artistëve, në një baner dhe në seksionin “About”, në rezultatet e kërkimit dhe pranë këngëve brenda listave të dëgjimit.

Kur një përdorues të klikojë mbi këtë etiketë, do të mund të shohë nëse artisti është vetëdeklaruar si “AI Persona” apo nëse Spotify e ka shqyrtuar profilin e tij dhe ka marrë një “vendim të informuar”.

Në rastin e dytë, artistët do të kenë mundësi të paraqesin ankesë. Në muajt e ardhshëm, edhe përdoruesit e Spotify-t do të kenë mundësi të raportojnë profilet e artistëve për të cilët besojnë se janë “AI Persona”.

Spotify thekson se etiketa “AI Persona” i referohet identitetit publik të artistit dhe jo mënyrës se si është krijuar muzika. Për më shumë informacion rreth mënyrës së krijimit të muzikës, Spotify ofron funksionet AI Credits dhe SongDNA.

Kompania thotë se qasja e saj ndaj inteligjencës artificiale do të vazhdojë të zhvillohet në përputhje me ekosistemin e përgjithshëm muzikor. Spotify synon që në rekomandimet e saj të mos përfshijë “spam, përmbajtje me cilësi të ulët ose përmbajtje të krijuar me përpjekje minimale”.

Unaza e fejesës së Georgina Rodríguez, partneres së Cristiano Ronaldos, vazhdon të jetë në qendër të vëmendjes, sidomos për shkak të vlerës marramendëse.

Ekspertët e bizhuterive kanë dhënë vlerësime të ndryshme për çmimin e saj, nga rreth 1.7 milionë euro deri në mbi 8.6 milionë euro, varësisht nga madhësia, pastërtia, ngjyra dhe prerja e diamantit.

Një vlerësim i Forbes dhe Heritage Auctions e vendos unazën në rreth 2.6 milionë euro, ndërsa vlerësime të tjera e çojnë atë deri në 4.3 milionë euro.

Diamanti qendror, me prerje ovale, është vlerësuar nga disa ekspertë në mbi 25 karatë, ndërsa një prej vlerësimeve më të larta e çon madhësinë deri në 50 karatë.

Megjithatë, çmimi dhe madhësia e saktë e diamantit nuk janë konfirmuar zyrtarisht.

Këngëtarja Albina Kelmendi është bërë nënë për herë të parë, duke përjetuar një nga momentet më të veçanta në jetën e saj. Ajo dhe bashkëshorti i saj, Valon Vataj, janë bërë prindër të një djali.

Lajmin e gëzueshëm Albina e ka ndarë me ndjekësit e saj përmes një postimi në Facebook, ku ka shprehur emocionet dhe mirënjohjen për bekimin e ardhjes në jetë të djalit të tyre.

“Faleminderit Zotit që na bekoi me një djalë.

Lusim Zotin që të rritet me shëndet, me gjitha të mirat, të bëhet fëmijë i mbarë dhe të na bëjë gjithmonë krenarë.

Mirë se erdhe në jetën tonë, !”, ka shkruar Albina në Facebook.

The Weeknd ka hequr dorë nga ideja për të lënë pas emrin artistik me të cilin është bërë i famshëm në mbarë botën. Këngëtari kanadez, emri i vërtetë i të cilit është Abel Tesfaye, kishte lënë më herët të hapur mundësinë që të vazhdonte karrierën me emrin e tij, por tashmë duket se ka ndryshuar mendje, bën të ditur Entertainment Weekly.

Gjatë koncertit të tij në Stokholm, më 8 gusht, në kuadër të turneut “After Hours Til Dawn”, 36-vjeçari foli për këtë vendim para fansave.

“Provova pak të përfundoja rrugëtimin tim si The Weeknd dhe nuk më pëlqen mënyra se si ndihem”, tha ai, sipas një videoje të publikuar nga një fans, Më pas shtoi: “Do të jem gjithmonë këtu me ju”.

Deklarata e fundit vjen disa vite pasi këngëtari kishte nisur të mendonte publikisht për një ndryshim të rëndësishëm në karrierë. Në vitin 2022, gjatë një bisede online me fansat, The Weeknd kishte thënë se po mendonte të ndryshonte emrin artistik në “Abel”, duke marrë si shembull Kanye West, i cili kishte ndryshuar emrin e tij në Ye.

“Ndihem sikur në këtë pikë duhet ta ndryshoj emrin tim artistik në ABEL”, ishte shprehur ai në atë kohë. Madje, këngëtari kishte lënë të kuptohej se mund ta ndryshonte ligjërisht emrin, duke e mbajtur vetëm “Abel”, pa mbiemër, siç kanë bërë artistë të njohur si Madonna, Cher dhe Prince.

Në maj të vitit 2023, The Weeknd e kishte çuar edhe më tej këtë ide, duke deklaruar se albumi i ardhshëm mund të ishte i fundit i tij si The Weeknd.

“Albumi me të cilin po punoj tani është ndoshta dalja ime e fundit e madhe si The Weeknd”, kishte thënë ai për W Magazine.

Megjithatë, duket se artisti nuk është ende gati t’i japë fund epokës së The Weeknd. Për momentin, ai do të vazhdojë të performojë dhe të krijojë muzikë me emrin që e shndërroi në një prej yjeve më të mëdhenj të muzikës në botë.

30 vjet pas vrasjes së Tupac Shakur, në Las Vegas nis gjyqi ndaj një ish-drejtuesi bande, i akuzuar se orkestroi vrasjen e një prej reperëve më të njohur të të gjitha kohërave.

Procesi nuk pritet domosdoshmërish të përcaktojë se kush qëlloi ndaj Shakur natën e 7 shtatorit 1996, kur reperi ndodhej në Las Vegas për të ndjekur një ndeshje boksi të Mike Tyson.

Megjithatë, prokuroria synon të provojë se Duane “Keffe D” Davis, ish-drejtues i bandës South Side Compton Crips, urdhëroi vrasjen dhe siguroi armën e përdorur në krim. Davis, tashmë 63 vjeç, rrezikon burgim të përjetshëm pa mundësi lirimi me kusht.

Vrasja e Tupac mbetet një nga krimet e pazbardhura më të famshme në Shtetet e Bashkuara. Shakur, i vrarë në moshën 25-vjeçare, ishte një nga figurat qendrore të rivalitetit të famshëm mes skenave të rap-it të Bregut Perëndimor dhe atij Lindor të Shteteve të Bashkuara.

I njohur për këngë si “California Love” dhe albumin “All Eyez on Me”, Tupac u shndërrua shpejt në një prej figurave simbol të rap-it kalifornian pasi nënshkroi me Death Row Records në Los Angeles.

Procesi pritet të rikthejë në vëmendje edhe konfliktin mes Death Row Records, të themeluar nga Marion “Suge” Knight, dhe Bad Boy Records, kompanisë së krijuar në Bregun Lindor nga Sean “P. Diddy” Combs.

Christopher “The Notorious B.I.G.” Wallace, reperi që punonte me Bad Boy Records, u vra gjashtë muaj pas vdekjes së Shakur.

Sipas akuzës, Death Row Records mbrohej nga Mob Piru, një bandë e Los Angeles me të cilën ishte i lidhur edhe Suge Knight. Bad Boy Records, ndërkohë, kishte angazhuar për mbrojtje bandën rivale South Side Compton Crips, të drejtuar nga Davis.

Ngjarja që, sipas prokurorisë, çoi drejt vrasjes ndodhi pas ndeshjes së Mike Tyson në kazinonë MGM Grand. Suge Knight dhe Tupac Shakur u përfshinë në një përleshje me nipin e Davis, Orlando “Baby Lane” Anderson, pasi ky i fundit kishte marrë me forcë një medalion nga një punonjës i Death Row.

Sipas aktakuzës, Davis organizoi më pas një sulm hakmarrës ndaj Shakur.

Këngëtarja e njohur shqiptare, Engjëllusha Salihu, është bërë nënë për herë të parë.

Artistja ka ndarë lajmin e gëzueshëm me ndjekësit e saj, duke zbuluar edhe emrin e veçantë që ka zgjedhur për të birin.

Djalin e saj, Engjëllusha e ka pagëzuar me emrin Namer, një emër jo i zakonshëm që ka tërhequr menjëherë vëmendjen e fansave.

Ky moment shënon një kapitull të ri dhe të veçantë në jetën e këngëtares, e cila tashmë po e shijon për herë të parë rolin e nënës.

Në filmin e ri amerikan “The Journalist Mission”, që trajton ngjarjet e Luftës së Kosovës, do të dëgjohet edhe zëri i këngëtares së njohur Shkurte Fejza.

Sipas informacionit të publikuar në rrjetet sociale, i gjithë skenari i filmit është shkruar nën frymëzimin dhe melodinë e këngës “Mora Fjal”, një prej këngëve më të njohura të Shkurte Fejzës, shkruan Indeksonline.

“I gjithë skenari i ‘The Journalist Mission’ është shkruar me melodinë e ‘Morra Fjal’ nga e madhja Shkurte Fejza”, thuhet në publikim.

Një tjetër moment ku zëri dhe arti shqiptar bëhen pjesë e një produksioni ndërkombëtar, duke përcjellë historinë dhe emocionin e Kosovës përtej kufijve.

View this post on Instagram

A post shared by Fitim Krasniqi (@fitimkrasniqiofficial)

Grimeri i njohur me origjinë shqiptare, Kevin Kodra, ka ndarë me ndjekësit e tij një nga momentet më të veçanta të jetës private.

Ai i ka propozuar për fejesë partnerit të tij, Christian Schiavone, gjatë një momenti romantik në Sicili.

Propozimi është realizuar në një atmosferë të veçantë, ndërsa Kevin ka publikuar pamje nga ky çast i paharrueshëm në rrjetet sociale, duke shprehur dashurinë dhe emocionet për të.

Krahas fotografive, grimeri ka shkruar një dedikim prekës për Christian: “Përgjithmonë në krahët e tu, përgjithmonë në ëndrrat e mia. Faleminderit që plotësove çdo ëndërr që as nuk e dija se e kisha. Të dua, bubba”.

Postimi i Kevin mori shumë urime dhe reagime nga ndjekësit, të cilët e përgëzuan çiftin për këtë kapitull të ri në marrëdhënien e tyre.

Rita Ora ka ndarë një anë më personale të jetës së saj, duke zbuluar se mban gjithmonë me vete një varëse të veçantë me kristale, të cilën e konsideron një burim qetësie dhe ekuilibri mes ritmit të ngarkuar të karrierës.

Në një intervistë për “The New York Times”, këngëtarja me origjinë shqiptare tregoi se varësja ishte një dhuratë që mori për 34-vjetorin nga një prej mikeshave të saj më të afërta.
Sipas saj, bizhuteria është krijuar posaçërisht për të, me kristale të zgjedhura në bazë të energjisë dhe domethënies që mbart secili prej tyre.

Është një lloj objekti që më ndihmon të çliroj stresin dhe të ruaj energjinë time. Në këtë industri është shumë e lehtë të humbasësh ekuilibrin, ndaj kjo më ndihmon të qëndroj e përqendruar-u shpreh artistja.

Rita zbuloi se varësja përmban citrin, që simbolizon energjinë pozitive dhe gëzimin, kuarc të tymosur për ta mbajtur me këmbë në tokë, ametist të gjelbër për të ushqyer pafajësinë dhe kuarc të pastër për të forcuar synimet dhe vetëdijen.

Edhe pse pranon se nuk mund ta shpjegojë shkencërisht ndikimin e tyre, ajo beson se energjia që përcjellin kristalet është e vërtetë.

Ndoshta është thjesht mendore, por ndihem e mbrojtur. Ndihem më e qëndrueshme. Nuk e di nëse është placebo, por besoj se këto gjëra mbajnë energji dhe energjia është reale-tha Rita.

Këngëtarja shtoi se varësen e ka pothuajse gjithmonë me vete.

E vendos sa herë që mundem. Ndërroj shpesh veshjet, kështu që nëse nuk përputhet me to, e mbaj në çantë. Është gjithmonë me mua-tregoi ajo.

Gjatë intervistës, Rita Ora foli edhe për ndikimin që kanë pasur traditat shqiptare në jetën e saj, duke pranuar se është supersticioze dhe se është rritur me besime popullore që i kujton ende me shumë nostalgji.

Po, jam supersticioze. Mendoj se ne, evropianët lindorë, sidomos unë që vij nga një familje shqiptare, jemi rritur me bestytni. Gjyshja ime bënte gjithmonë rituale nën dritën e hënës së plotë dhe lexonte filxhanin e kafesë të kthyer përmbys, sikur të ishte një hartë e së ardhmes-rrëfeu ajo.

Në planin profesional, Rita Ora vazhdon të jetë e angazhuar me disa projekte njëherësh.

Ajo po promovon filmin “Descendants: Wicked Wonderland”, ku interpreton Mbretëreshën e Zemrave, ndërsa ka përfunduar edhe xhirimet e filmave “Honeymoon With Harry dhe Voltron”. Paralelisht, artistja po punon për muzikë të re dhe vazhdon turneun e saj me koncerte në Evropë.

Dafina Zeqiri ka paralajmëruar projektin e ri muzikor, duke zgjuar kureshtjen e fansave me pamjet e para nga videoklipi.

Artistja ka ndarë disa momente nga xhirimet e klipit, ku shfaqet me një veshje të veçantë me motive tradicionale shqiptare, duke sjellë një imazh ndryshe nga paraqitjet e saj të zakonshme.

Nga pamjet e publikuara duket se videoklipi është realizuar në Shqipëri, derisa ambientet dhe stili vizual japin sinjale se projekti mund të ketë një frymë të lidhur me kulturën dhe traditën shqiptare.

Dafina, e njohur për eksperimentet muzikore dhe vizuale, këtë herë duket se ka zgjedhur të ndërthurë elemente moderne me detaje tradicionale, duke krijuar një koncept të veçantë për këngën e re.

Këngëtarja ende nuk ka zbuluar titullin dhe detaje të tjera rreth projektit, duke e mbajtur surprizën për publikun deri në lansimin zyrtar.

Përmes një njoftimi në rrjetet sociale, Dafina ka bërë të ditur se kënga dhe videoklipi do të publikohen nesër, të premten, në orën 18:00.

Fansat tashmë po presin me interes projektin e ri, i cili pritet të sjellë një tjetër anë të artistes dhe një kombinim mes muzikës moderne dhe elementeve të identitetit kulturor.

 

View this post on Instagram

 

A post shared by Dafina Zeqiri Gjergji (@dafina.zeqiri)