Category: Lajme

Presidenti i Turqisë, Recep Tayyip Erdoğan, ka bërë një deklaratë të fortë këtë të premte në kuadër të Fitër Bajrami, duke u shprehur:

“Zoti e shkatërroftë Izraelin”.

Sipas raportimit të Anadolu Agency, Erdogan i bëri këto komente pas faljes së namazit të së premtes në një xhami në Rize, qytet nga i cili ka origjinën familja e tij.

Në deklaratën e tij, ai përdori termin “Al-Kahrar”, një nga emrat në traditën islame që i referohet Zotit, i cili përkthehet si “Dominuesi” apo “Ai që nënshtron”.

“Ai, ‘Dominuesi’ (Al-Kahrar), e shtyptë dhe shkatërroftë Izraelin”, u shpreh presidenti turk.

Erdogan shtoi gjithashtu: “Zoti na mbroftë dhe na ruajtë sa më shpejt të jetë e mundur nga fatkeqësia sioniste”.

Për herë të parë në dekada, xhamia Al-Aksa është e mbyllur gjatë Bajramit të Madh, duke i detyruar besimtarët të luten jashtë për shkak të tensioneve.

Besimtarët myslimanë u mblodhën jashtë mureve të Qytetit të Vjetër të Jerusalemit për të shënuar Bajramin e Madh, pasi u ndaluan të hynin në kompleksin Al-Aksa.

Policia izraelite qëlloi me gaz lotsjellës ndërsa turmat kërkonin hapësirë për të kryer lutjet, me shumë të detyruar të luteshin në rrugët aty pranë.

–

YouTube  www.youtube.com

Autoritetet thanë se kufizimet ishin në fuqi për arsye sigurie pas shpërthimit të konfliktit rajonal më 28 shkurt.

Mbyllja prek të gjitha vendet e shenjta kryesore në Qytetin e Vjetër, përfshirë xhaminë Al Aksa, për herë të parë në dekada gjatë Bajramit.

Zyrtarët nga Administrata Civile e Izraelit konfirmuan më herët në mars se qasja do të mbetej e kufizuar për të ruajtur sigurinë publike.

Një 35-vjeçar shqiptar është ekstraduar nga Gjermania në Shqipëri nën dyshimin se si pjesëtar i një grupi kriminal që nëpërmjet mashtrimit në call center, iu shkaktoi qytetarëve, rreth 187 000 euro dëm.

“Si rezultat i bashkëpunimit të ngushtë ndërmjet specialistëve të Drejtorisë së Interpolit dhe homologëve të Interpol Ëiesbaden, në vijim të operacionit të koduar “The Ëanted”, u finalizua procedura për ekstradimin nga Gjermania në Shqipëri, të shtetasit të shpallur në kërkim ndërkombëtar, E. L., 35 vjeç, të lindur në Tropojë”.

Në muajin korrik 2025, Gjykata e Posaçme e Shkallës së Parë për Korrupsionin dhe Krimin e Organizuar i ka caktuar këtij shtetasi, masën e sigurisë “Arrest në burg”, për veprën penale “Mashtrimi kompjuterik”, kruer në kuadër të grupit të strukturuar kriminal, në dëm të disa shtetasve.

Nga hetimet dyshohet se shtetasi E. L. dhe shtetas të tjerë, të organizuar si grup, nëpërmjet një call center-i të zbuluar në vitin 2024, kanë kryer 17 raste/tentativa të mashtrimit kompjuterik, tha Policia e Shtetit.

Kryeministri Albin Kurti gjatë vizitës në Bashkësinë Islame të Kosovës ka folur edhe për dy sfidat me të cilat Kosova është duke u përballur aktualisht.

Kurti ka thënë se sfidat janë ato që kanë të bëjnë me provokime në kufi si dhe me ngritjen e çmimit të naftës.

“Provokimet rreth kufirit po shtohen. Përshtypja jonë është që vjen nga dy dështime. I pari është që nuk kanë një strukturë të brendshme. E dyta është se e kanë kuptuar se nuk mund ta mbajnë peng krejt rajonin për integrime në Bashkimin Evropian. Pra Brukseli si kryeqytet i dyfishtë, i Bashkimit Evropian dhe NATO-s, po thotë kush dëshiron të vijë do t’i krijohen shanset, por duhet t’i bëhen detyrat e shtëpisë. Kush nuk dëshiron të vijë nuk mund t’i pengojë të tjerët dhe kjo i ka acaruar shumë serbët sepse ata e kanë pas privilegjin që pa neve nuk mund të shkonin askund. Kjo është një dëshpërim i dyfishtë”, ka thënë ai.

Ai u ndal edhe te ngritja e çmimit të naftës, si pasojë e luftës në Lindjen e Mesme.

“Sfida e dytë është që luftërat që nisën nuk përfunduan, por nisën ato të rejat dhe këto tash po e bëjnë çrregullimin e zinxhirit të furnizimit. Kemi folur me ministrin e Financave dhe ministren e Tregtisë që të përgatiten sa më mirë, sepse çmimet e naftës dhe produkteve tjera po rriten”, ka deklaruar Kurti.

Në këtë takim u diskutua edhe për rëndësinë e bashkëpunimit institucional dhe rolin e institucioneve fetare në ruajtjen e stabilitetit shoqëror.

Për stërvitjet e ushtrisë serbe në kufi me Kosovën, Kurti reagoi edhe një ditë më parë. Ai akuzoi Beogradin për shfaqje të “agresionit”, pasi ushtria serbe ka kryer gjatë së mërkurës stërvitje ushtarake në fshatin Muhoc të Bujanocit që ndodhet në afërsi me Kosovën. E në misionin paqeruajtës të NATO-s në Kosovë – KFOR – kanë thënë se stërvitjet e tilla nuk përbënin rrezik për sigurinë në rajon.

Shtetet e Bashkuara njoftuan se kanë ndërmarrë një operacion të rëndësishëm kundër infrastrukturës kibernetike të lidhur me Iranin, duke sekuestruar katër faqe interneti të përdorura për sulme dhe operacione psikologjike.

Caqe të këtyre sulmeve raportohet të kenë qenë edhe institucionet e Shqipërisë.

Departamenti Amerikan i Drejtësisë njoftoi se domenet e sekuestruara – Justicehomeland[.]org, Handala-Hack[.]to, Karmabelow80[.]org dhe Handala-Redwanted[.]to – ishin të lidhura me Ministrinë e Inteligjencës dhe Sigurisë së Iranit (MOIS).

Këto platforma janë përdorur për sulme kibernetike, shpërndarje të të dhënave të vjedhura dhe nxitje të dhunës ndaj kundërshtarëve të regjimit iranian.

Sipas autoriteteve amerikane, këto faqe kanë shërbyer edhe si mjete për operacione psikologjike, duke përdorur të dhënat e vjedhura përmes hakerimit.

“Shpërndarja e ideologjisë terroriste në hapësirën kibernetike është një kërcënim i drejtpërdrejtë për sigurinë tonë kombëtare. Zyra e Prokurorit të SHBA-së është e përkushtuar të bashkëpunojë me partnerët tanë të zbatimit të ligjit për të identifikuar kërcënimet, për t’i çaktivizuar dhe për t’i ndëshkuar autorët e tyre”, tha Kelly O. Hayes, prokurore e SHBA-së për Distriktin e Merillendit.

Hetimet e FBI-së zbuluan se rrjeti nuk kufizohej vetëm në publikime online.

Një adresë emaili e lidhur me këtë grup dërgonte edhe kërcënime direkte me vdekje ndaj gazetarëve dhe disidentëve iranianë në SHBA dhe vende të tjera.

Në një nga mesazhet, autorët pretendonin bashkëpunim me një kartel meksikan, duke ofruar shpërblime deri në 250 mijë dollarë për vrasjen e objektivave të tyre.

Shqipëria në shënjestër për shkak të opozitës iraniane

Autoritetet amerikane konfirmuan se dy nga domenet e sekuestruara – Justicehomeland[.]org dhe Karmabelow80[.]org – janë përdorur për të publikuar dokumente të vjedhura nga institucionet shtetërore shqiptare.

Sulmet ndaj Shqipërisë besohet se lidhen drejtpërdrejt me qëndrimin e saj ndaj grupit opozitar iranian Mujahedeen e-Khalq (MEK), i cili është strehuar në territorin shqiptar dhe ka bërë thirrje për rrëzimin e regjimit në Teheran…/REL

Ambasada amerikane në Facebook ka ndarë urimin presidencial të Shtëpisë së Bardhë nga Donald e Melania Trump.

“Unë dhe Zonja e Parë u dërgojmë urimet tona më të mira çdo amerikani që feston Fitër Bajramin. Fitër Bajrami, i njohur edhe si Festa e Çlirimit të Agjërimit, bashkon familjet, miqtë dhe komunitetet myslimane në nder të përkushtimit të tyre shpirtëror në përfundim të Ramazanit. Ai shërben gjithashtu si një kujtesë e parimit themelor amerikan të lirisë fetare, për të cilin Administrata ime po lufton çdo ditë. U përcjellim urimet tona më të ngrohta për një Fitër Bajram të bekuar të gjithë atyre që festojnë”, thuhet në këtë mesazh.

Kryetari i Komunës së Prishtinës, Përparim Rama, ka uruar besimtarët myslimanë me rastin e festës së Fitër Bajramit pas vizitës së tij në Bashkësia Islame e Kosovës.

Gjatë takimit, Rama falënderoi Myftiun Naim Tërnava për bashkëpunimin e deritanishëm dhe shprehu shpresën që ky bashkëpunim të vazhdojë edhe në të ardhmen.

Ai vlerësoi kontributin e Bashkësisë Islame për paqen dhe përmirësimin e shoqërisë në kryeqytet dhe gjithë Kosovën.

“Sot pata kënaqësinë këtu me ardhë edhe me vizitu Myftiun Tërnava, me ju uru muajin e shenjtë të Ramazanit, me ia bë për hajër Bajramin. Me falënderu për punën mrekullueshme që bën Bashkësia Islame e Kosovës në kryeqytet edhe në gjithë Kosovën për shoqninë tonë, që gjithmonë punojnë për paqe, punojnë për bashkëpunim të mirëfilltë, punojnë për një të ardhme më të ndritshme të vendit tonë. Prandaj e falënderova nga zemra. Faleminderit shumë Myfti për bashkëpunimin e mrekullueshëm që e kemi së bashku me kryeqytetin e uroj që të vazhdojmë edhe tutje mirë e më mirë. Urime! Urime të gjithë besimtarëve muslimanë”, tha i pari i kryeqytetit.

Policia e Kosovës ka realizuar me sukses tri ekstradime dhe një transferim, të personave të dënuar dhe të kërkuar nga shtete të ndryshme drejt Kosovës, në bashkëpunim me institucionet ndërkombëtare dhe ato vendore të drejtësisë.

Sipas njoftimit zyrtar, më 16 mars është bërë transferimi nga Italia në Kosovë i shtetasit kosovar me inicialet S.S., i dënuar për vepra të rënda penale në fushën e narkotikëve.

Pas kthimit, ai i është dorëzuar Shërbimit Korrektues të Kosovës për të vuajtur pjesën e mbetur të dënimit prej 16 vjet e 4 muaj burgim, pasi një pjesë të tij e kishte kryer në Itali.

Ndërkaq, më 18 mars janë realizuar dy ekstradime. Nga Shqipëria është ekstraduar shtetasi kosovar L.V., i cili kërkohej me urdhër arrest ndërkombëtar për veprën penale “Legalizimi i përmbajtjes së rreme” dhe kishte qenë në arrati.

Po të njëjtën ditë, nga Gjermania është ekstraduar edhe shtetasi F.G., i kërkuar për veprën penale “Grabitja” dhe i dënuar me një vit burgim efektiv.

Pas kthimit në Kosovë, ai u është dorëzuar njësive përkatëse policore në rajonin e Mitrovicës së Jugut dhe të Prizrenit.

Një tjetër ekstradim është realizuar më 19 mars nga Gjermania, ku shtetasi F.A. është kthyer në Kosovë. Ai kërkohej për veprat penale “Shkaktim i rrezikut të përgjithshëm” dhe “Përdorim i armës apo mjetit të rrezikshëm”. Pas ekstradimit, i dyshuari është dorëzuar tek njësitë përkatëse policore për procedura të mëtejshme.

Kreu i AAK-së, Ramush Haradinaj ka uruar festën e Fitër Bajramit.

Ai ka vizituar Myftiun Naim Tërnava, të cilin e falënderoi për punën e tij.

Ndër të tjera, Haradinaj uroi për më shumë paqe dhe solidaritet.

“Të dashur qytetarë të Kosovës, kisha nderin t’i drejtohem BIK me urimet më të përzemërta për festën e Fitër Bajramit”, tha ai.

Xhamia Al-Aqsa në Jerusalem mbeti e mbyllur të premten, duke shënuar herën e parë që nga viti 1967 që kjo xhami qëndron e mbyllur gjatë festës së Bajramit.

Autoritetet izraelite mbyllën xhaminë në fillim të luftës me Iranin për “arsye sigurie.”

Portat mbetën të mbyllura të premten, duke detyruar besimtarët të luteshin sa më afër tokës së shenjtë të saj, raporton CNN.

“ Ky kufizim i paprecedent ka penguar mijëra palestinezë të festojnë një nga ngjarjet t më të rëndësishme fetare të vitit në një nga vendet më të shenjta të islamit,” tha Komiteti i Lartë Presidencial për Çështjet e Kishave në Palestinë.

Kompleksi i Xhamisë Al-Aqsa, i njohur nga hebrenjtë si Tempulli Mount, ka rëndësi fetare si për myslimanët ashtu edhe për hebrenjtë.

Ai është bërë një pikë e veçantë tensioni në dekadat e fundit, përfshirë kufizimet mbi qasjen e myslimanëve palestinezë në vend, projektet e gërmimeve izraelite në rrethinë dhe dëbimet e banorëve palestinezë në lagjet përreth.