Category: Lajme

Një zyrtar saudit ka konfirmuar se Meka, qyteti më i shenjtë i Islamit, së shpejti do të ketë një aeroport.

Në një intervistë me Harvard Business Review Arabia, Saleh Al-Rasheed, Drejtor Ekzekutiv i Komisionit Mbretëror për Qytetin e Mekës dhe Vendet e Shenjta (RCMC), tha se “udhëzimet strategjike, ekonomike dhe të investimeve për Aeroportin e Mekës janë miratuar”.

Ai shtoi se si pjesë e këtij projekti, Komisioni Mbretëror, një entitet qeveritar i ngarkuar me zhvillimin, planifikimin dhe shërbimet në Mekë dhe vendet e shenjta përreth, do të punojë me sektorin privat për të zhvilluar një model të përshtatshëm për investimin e projektit.

Meka aktualisht nuk ka aeroportin e vet ndërkombëtar funksional.

Megjithatë, në vitin 2024, Mbretëria e Gjirit eksperimentoi me mjete ajrore autonome elektrike për të eksploruar potencialin për lehtësimin e udhëtimit në raste emergjence, si dhe për të shpërndarë pajisje mjekësore, raportoi Arab News.

Në vend të kësaj, shumica e vizitorëve ndërkombëtarë zgjedhin të fluturojnë për në Aeroportin Ndërkombëtar të Mbretit Abdulaziz në Xheda, i cili është afërsisht 100 km larg qytetit të shenjtë, dhe të udhëtojnë pjesën tjetër të rrugës për në Mekë me rrugë tokësore.

Raportohet se terreni malor i Mekës paraqet sfida për udhëtimin ajror, duke përfshirë turbulenca, qasje të vështira dhe probleme të mundshme me dukshmërinë dhe motin.

Ndryshe, Vitin e kaluar, Arabia Saudite priti më shumë se 1.5 milion pelegrinë të huaj për Haxh , të cilët mbërritën nga jashtë vendit përmes pikave të ndryshme të hyrjes, sipas të dhënave nga Autoriteti i Përgjithshëm për Statistikat (GASTAT).

Në total kishte më shumë se 1.6 milion pelegrinë.

Në seancën e rigjykimit të enjten në Gjykatën Themelore në Prishtinë, i akuzuari Shkumbin Kryeziut, i cili ngarkohet për vrasjen e V.Xh., në dhjetor të 2021-ës në Hajvali, gjatë fjalës përfundimtare deklaroi se ai nuk e ka kryer vrasjen për të cilën ngarkohet por që kryerësi është vëllai i tij i mitur, për të cilin është munduar ta marrë përgjegjësinë.

“Është e vërtetë që unë te vëllau jem jam mundu me marrë përgjegjësinë komplet, me qëllim me shpëtu vëllaun tem nga burgu. Por, këtë gjë e ka vërtetu gjykata- të trija shkallët te vëllau jem se deklarimet e mia kanë qenë jo të vërteta dhe se vrasjen e ka kryer vëllau jem i mitur. Unë nuk e kam kry këtë vrasje, këtë vepër, dhe sot ju kisha lut juve të mos më dënoni për diçka që nuk e kam ba unë dhe të mos ma shkatërroni jetë. Përveç keqardhjes, nuk kam çka me shtu tjetër”, tha ai, raporton “Betimi për Drejtësi“.

Ndërsa, mbrojtësi i të akuzuarit Kryeziu, avokati Florent Latifaj, deklaroi se duke u bazuar në fjalën e tij përfundimtare të dhënë në shqyrtimin gjyqësor paraprak, dëshmitë e dëshmitarëve, ekspertizën e rikonstruimit të vendit të ngjarjes dhe dëgjimin e të akuzuarit, propozon që i njëjti të lirohet nga akuza ngase nuk është kryerës i veprës penale.

Gjatë dhënies së fjalës përfundimtare, prokurori i rastit Arben Hoti kërkoi nga Gjykata që Kryeziu të dënohet për veprimet e tij dhe pasojën që shkaktoi e jo për atë që tentoi të thotë gjatë këtij gjykimi.

Po ashtu, ai propozoi që Kryeziu të shpallet fajtor dhe të dënohet sipas dispozitave ligjore.

Ndërsa, përfaqësuesi i palës së dëmtuar, avokati Alban Krasniqi, tha se mbështet fjalën e prokurorit dhe kërkon që i akuzuari të shpallet fajtor, të kualifikohet vepra penale në “Vrasje të rëndë” dhe të dënojë të akuzuarin me dënim maksimal.

Paraprakisht në këtë seancë, i akuzuari Kryeziu deklaroi se për veprën penale të armëmbajtjes pa leje e pranon fajësinë, ndërsa sa i përket mbrojtjes së tij, tha se është deklaruar njëherë në Prokurori dhe një herë e ka dhënë mbrojtjen e tij para një trupi tjetër gjykues, andaj nuk dëshiron të deklarohet përësi.

“Nuk kisha pas dëshirë të deklarohem prapë, sepse mbrojtja jem do të mund të shkaktonte tension në sallë, por nëse ju keni ndonjë pyetje mund të përgjigjem”, deklaroi i akuzuari Kryeziu.

Ndryshe, Gjykata Themelore e Prishtinës, më 25 korrik 2024, e kishte dënuar të akuzuarin Kryeziu me 20 vite burgim. Ky rast është kthyer në rigjykim nga Gjykata e Apelit me vendimin e përpiluar më 5 shkurt 2025, përmes të cilit thuhet se në rigjykim duhet të administrohen edhe një herë provat, të vlerësohet mendimi i ekspertit mjeko-ligjor nëse ftohet edhe një herë, të shihet nga Agjencia Kosovare e Forenzikës (AKF) ekzaminimi i mjetit të sekuestruar, e që nëse nuk është bërë ekzaminimi, të bëhet i njëjti.

Ndryshe, për veprën penale “Mbajtje në pronësi të paautorizuar të armëve”, Kryeziu kishte pranuar fajësinë më 16 janar 2023 gjatë shqyrtimit fillestar. Kurse, për të miturin A.K. është zhvilluar një procedurë tjetër dhe i njëjti është dënuar tashmë.

Sipas aktakuzës së ngritur më 29 dhjetor 2022, thuhet se më 10 dhjetor 2021, rreth orës 21:25, në rrugën “Tom Lantosh” në fshatin Hajvali, Komuna e Prishtinës, i akuzuari Shkumbin Kryeziu me të miturin A.K., në bashkëkryerje kanë kryer veprën penale “Vrasje e rëndë” dhe “Mbajtje në pronësi, kontroll dhe posedim të paautorizuar të armëve”.

Në aktakuzë thuhet se pasi kanë zbritur nga autobusi dëshmitari Kujtim Pacolli me tani të ndjerin V.Xh., në të cilin autobus ishte edhe i pandehuri Shkumbin Kryeziu, tani i ndjeri V.Xh. dhe dëshmitari Kujtim Pacolli janë nisur në drejtim të shtëpisë së tyre, duke i rënë rrugës më të shkurtër në oborrin e shkollës “Afrim Gashi” në Hajvali, ku në oborrin e shkollës ishin i mituri A.K., dëshmitarët Gojart Sejdiu dhe Mirsad Haxholli, ku i mituri A.K. i drejtohet tani të ndjerit V.Xh. me fjalët “çka po më kqyr?”.

Ndërsa tani i ndjeri V.Xh. thuhet se ia kthen duke e sharë nga distanca prej rreth 3 metrash, dhe në të njëjtin moment i mituri A. nxjerr thikën nga xhepi i djathtë, derisa dëshmitari Kujtim ka reaguar menjëherë duke i thënë tani të ndjerit V.Xh. “ik se ka thikë”. Në ato momente ka arritur i pandehuri Shkumbin Kryeziu, i cili me thikë në dorë, së bashku me të miturin A.K., e kanë ndjekur tani të ndjerin V., me të cilin në ikje ishte dëshmitari Kujtim Pacolli. Ky i fundit është rrëzuar, ndërsa i pandehuri Shkumbin dhe i mituri A. kanë vazhduar ta ndjekin tani të ndjerin V., të dy me thika në duar dhe nga hakmarrja për shkak të mosmarrëveshjeve të mëhershme që kishte i pandehuri Shkumbin Kryeziu me të ndjerin V.Xh., me dashje që ta privojnë nga jeta, i pandehuri Shkumbin dhe i mituri A. e godasin me thika në trup tani të ndjerin V.

Ata kanë vazhduar ta ndjekin dhe, derisa ishte duke shkuar dëshmitari Kujtim në drejtim të tani të ndjerit V.Xh., i pandehuri dhe i mituri i janë vërsulur me thika në dorë dëshmitarit Kujtim, duke i thënë: “Ik se ta bajna ma zi se atina.”

Sipas aktakuzës, dëshmitari Kujtim ka vazhduar në drejtim të tani të ndjerit V., i cili në ato momente ishte ende duke ikur, kur përnjëherë ishte rrëzuar për tokë dhe ka qenë i tëri i mbuluar me gjak, duke iu drejtuar dëshmitarit Kujtim me fjalët “thirre emergjencën”, e pas kësaj nuk ka qenë në gjendje të flasë, ndërsa rreth orës 23:25 ka ndërruar jetë në QKUK, si pasojë e plagëve të marra.

Me këtë, i pandehuri Shkumbin Kryeziu akuzohet se në bashkëkryerje me të miturin A.K. ka kryer veprën penale “Vrasje e rëndë” nga neni 173, par. 1 pika 1.8 lidhur me nenin 31 të KPRK-së.

Sipas dispozitivit të dytë, në vendin, kohën dhe ditën e njëjtë si në dispozitivin I të kësaj aktakuze, i pandehuri Shkumbin Kryeziu, në kundërshtim me ligjin e zbatueshëm për armë, ka mbajtur në pronësi armë, përkatësisht një thikë me gjatësi 6 cm, me mbishkrimin “Leatherman Sidekick”, të cilën e ka përdorur për ta kryer veprën penale si në dispozitivin I të aktakuzës dhe të cilën policia e ka gjetur dhe sekuestruar nga i pandehuri Kryeziu gjatë arrestimit të tij.

Me këtë, i pandehuri Shkumbin Kryeziu ngarkohet se ka kryer veprën penale “Mbajtje në pronësi, kontroll dhe posedim të paautorizuar të armëve” nga neni 366, par. 1 të KPRK-së.

artia Demokratike e Kosovës (PDK) ka akuzuar Lëvizjen Vetëvendosje për mungesë vullneti në përkrahjen e rezolutës që synon mbrojtjen e viktimave të luftës.

Meqë propozimi i tyre nuk u miratua që të vendoset si pikë e parë në rendin e ditës, përfaqësuesit e PDK-së braktisën seancën e Kuvendit. Më pas, deputetët Përparim Gruda dhe Vlora Çitaku dhanë deklarata për media në hollin e institucionit.

Çitaku tha se kjo rezolutë do të duhej të bashkonte të gjitha partitë politike.

Sipas saj, ky narrativ është pjesë e një qasjeje më të gjerë që e paraqet Kosovën si shtet të dështuar dhe luftën për pavarësi si të pasuksesshme, duke theksuar se një qasje e tillë reflektohet edhe në proceset që zhvillohen në Gjykatën Speciale në Hagë.

“Në thelb, kjo rezolutë nuk do të duhej të na ndante, por të na bashkonte. Ne kemi kërkuar një rezolutë në mbrojtje të së vërtetës historike dhe viktimave të luftës në Kosovë. Ne kemi kërkuar që rezoluta në fjalë t’i obligojë institucionet që të mbrojnë luftën e drejtë dhe dinjitetin. Tekstin ua kemi shpërndarë grupeve parlamentare dhe e kemi protokolluar dje. I kemi marrë vërejtjet dhe propozimet nga LDK-ja, mirëpo VV-ja, ndonëse nuk ka dhënë asnjë propozim me shkrim, sot kërkoi që kjo çështje të trajtohet në fund si pikë e rendit të ditës. Ne si deputetë nuk kemi asnjë punë më të rëndësishme se miratimi i kësaj rezolute”.

“Tash e një kohë të gjatë, ajo që kemi parë ditëve të fundit në sheshet e Prishtinës është shpërfaqje e një diskursi që tash e një kohë është impiantuar në shoqërinë tonë: relativizimi i luftës, relativizimi i krimit dhe përpjekja për të vendosur një balancë të paqenë mes agresorit dhe viktimës. Ky lloj narracioni hyn në kuadër të një narracioni më të gjerë, se Kosova është shkatërruar tash e 20 vite. Të gjitha këto janë pjesëza të të njëjtit mozaik që tentojnë ta paraqesin Kosovën si një dështim dhe luftën tonë për pavarësi si një përpjekje të pasuksesshme. Një narracion të ngjashëm kemi edhe në Gjykatën Speciale në Hagë. Janë mbi 20 vende evropiane që çështjen e viktimave të luftës e kanë trajtuar me ligj”.

Ndërkaq, deputeti Përparim Gruda deklaroi se mosfutja e rezolutës në rend dite nuk është çështje procedurale, por vendim politik për të mos e mbështetur atë.

“Refuzimi i kryetares së Kuvendit për ta futur si pikë të rendit të ditës nuk është teknik, është qëndrim për të mos e përkrahur rezolutën. Pra, është refuzim i rezolutës. Rezoluta ka vetëm një qëllim: të shprehë përkushtimin e Kuvendit dhe të marrë obligime për të ndërtuar të vërtetën e Kosovës”.

Gruda shtoi se përmbajtja e kësaj rezolute është e ngjashme me praktikat e shteteve të tjera që kanë trajtuar çështje të tilla pas përfundimit të Luftës së Dytë Botërore.

Ishte ftuar të raportonte në Kuvendin Komunal të Mitrovicës së Veriut, më 27 mars 2026. Por, zëdhënësi i Drejtësisë Rajonale në Mitrovicë të Veriut thotë se nuk iu përgjigj pozitivisht kësaj ftese meqë nuk e ka obligim ligjor.

Elshani tregon për KosovaPress se obligimi ligjor i Policisë është që të raportojë vetëm në Këshillin Komunal për Siguri në Bashkësi (KKSB), një organ që formohet nga kryetari i komunës dhe funksionon në bazë të udhëzimeve administrative të Ministrisë së Punëve të Brendshme.

“Fillimisht me thënë që ne nuk e kemi obligim me raportu para kuvendeve komunale kudo në Kosovë, nuk e kemi obligim ligjor. Obligim ligjor e kemi me raportu tek KKSB-ja, është një organ që formohet nga kryetari i komunës, Këshilli Komunal për Siguri në Bashkësi. Aty, kur të formohet nga kryetari i komunës, që mundet me qenë një prift, një hoxhë, drejtori i shkollës, i fakultetit, dikush – nuk është me rëndësi – formohet një komision i caktuar aty që është i parapamë me udhëzime administrative të Ministrisë së Punëve të Brendshme. Aty shkojmë dhe raportojmë, por jo para kuvendit komunal”, thotë ai.

Ai thotë se ftesa të tilla kanë marrë edhe më parë.

“Ne kemi pasur raste kur kemi një raportim vjetor, mirëpo ai raportim vjetor mund të mbahet në vendin ku mbahet seanca e kuvendit komunal, sepse është vendi më i mirë dhe më i hapur për njerëzit dhe mund të marrin pjesë të gjithë. Ne e ftojmë raportimin, ne e bëjmë raportimin, por nuk kemi obligim me shku edhe me raportu para kuvendit komunal. Kemi pasur ftesa nga Leposaviqi fillimisht, nga Zubin Potoku, Mitrovica e Veriut, por ne nuk do të raportojmë me kërkesë të Kuvendit Komunal. Çdo herë kur kryetarët e komunave na thërrasin, komandantët e stacioneve shkojnë dhe flasin me ta tek KKSB-ja, ku e kemi obligim me raportu”, thotë Elshani.

Kuvendi Komunal i Mitrovicës së Veriut i ka bërë ftesë komandantit të stacionit policor në Mitrovicë të Veriut, që të raportojë për situatën e sigurisë në këtë komunë, në mbledhjen e katërt të rregullt të mbajtur, më 27 mars 2026.

Megjithatë, mosprezenca e tij në këtë seancë ka nxitur debat të ashpër mes përfaqësuesve politikë lokalë, të cilët kanë shprehur qëndrime të kundërta për obligimet ligjore dhe bashkëpunimin institucional.

Kryedemokrati Sali Berisha i bëri sot thirrje NATO-s që të forcojë mbrojtjen ajrore të Shqipërisë, një ditë pas paralajmërimit të Ambasadës Amerikane për sulme të mundshme të Iranit në Shqipëri.

“Paralajmërimi i ambasadës së SHBA nuk është pa bazë! I bëj thirrje NATO-s të forcojë mbrojtjen ajrore të Shqipërisë”, tha Berisha për mediat.

Duke komentuar deklaratat e kryeministrit Edi Rama për procesin e integrimit, Berisha u shpreh: “Në pjesën e parë tha ashtu jemi, pastaj tha e kanë fuqitë e mëdha, shtetet. Edhe herën tjetër, mbaje mend këtu, do thotë ata imperialistët, gjithmonë e kanë pasur problemin me Shqipërinë”.

Ambasada Amerikane në Tiranë dha dje alarmin se grupe të lidhura me Iranin mund të shënjestrojnë subjekte të lidhura me Shtetet e Bashkuara, ose elementë të opozitës iraniane në Shqipëri. Sipas njoftimit të ambasadës amerikane, në shënjestër mund të jenë edhe vende të zakonshme, si zona turistike, qendra tregtare, hotele, klube dhe restorante. /a2cnn/

Deputeti i PDK-së, Eman Rrahmani ka reaguar pasi në Kuvendin e Kosovës, nuk u lejua të diskutohet dhe të vendoset në pikë të parë të rendit të ditës draft-rezoluta për mbrojtjen e vlerave të luftës çlirimtare.

Ai ka thënë se Rron Gjinovci dhe Shkëlzen Gashi janë fytyra, zëri, vepra dhe forma e qeverisjes së Albin Kurtit.

“Agjenda që ka Lëvizja Vetëvendosje është materializuar në mënyrë konkrete te këta dy individë. Sot në Kuvend, financuesja e ekspozitës, Albulena Haxhiu, dhe Vetëvendosje dolën në mbrojtje të ekspozitës, duke mos lejuar debat në Kuvend për këtë çështje”, ka shkruar Rrahmani në Facebook.

E ardhmja e Karim Adeyemi te Borussia Dortmund duket gjithnjë e më e pasigurt, pavarësisht se ka pasur një ofertë për zgjatjen e kontratës prej kohësh. Sulmuesi gjerman nuk ishte pjesë e skuadrës së Gjermanisë për ndeshjet e fundit ndërkombëtare, ndërsa në Dortmund ka humbur rëndësinë e tij gjatë pjesës së dytë të sezonit, duke u aktivizuar shpesh nga stoli.

Këto zhvillime po e bëjnë gjithnjë e më të pamundur rinovimin e kontratës së tij, e cila aktualisht skadon në vitin 2027. Sipas raportimeve nga Sport Bild, vetë lojtari është i interesuar për një transferim në Premier League. Klubet angleze pritet të jenë në gjendje të përballojnë një transferim të tillë, ndërkohë që çmimi i kartonit të Adeyemit ka pësuar një rënie. Nga 60 milionë euro që flitej më parë, tani Borussia Dortmund kërkon rreth 50 milionë euro për kartonin e tij.

Interes për sulmuesin kanë shprehur disa klube të mëdha europiane, përfshirë Juventusin, Romën, si dhe gjigantët anglezë Chelsea, Manchester United dhe Arsenal.

Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila ka folur mbi raportimet për keqllogaritje të kohës nga njehsorët elektrikë.

Në seancën plenare të Kuvendit, Kusari-Lila bëri të ditur se në kuadër të ministrisë që ajo drejton, është themeluar komisioni për të mbikëqyrur këtë çështje.

“Deri në momentin kur çështja është aktivizuar publikisht, nuk ka pasur asnjë kërkesë tek Zyra për Mbrojtjen e Konsumatorit. Ndërsa dje kanë qenë 73 kërkesa për verifikim të njehsorëve sot janë bërë 206 kërkesa”, tha ajo.

Pos tjerash, ajo u deklarua edhe për fryrjen e çmimeve të naftës.

Zëdhënësi i Ministrisë së Jashtme të Iranit thotë se po lejon anijet të kalojnë përmes Ngushticës së Hormuzit rruga kryesore e transportit të naftës për sa kohë që “nuk i përkasin agresorit dhe nuk lidhen me ta”.

Në një intervistë për kanalin televiziv Newzroom Afrika, Esmail Baghaei thotë se anijet do të lejohen të kalojnë përmes ngushticës “pas koordinimit të nevojshëm me autoritetet tona”.

Duke iu referuar konfliktit më të gjerë, Baghaei thotë se Irani nuk do të tolerojë një “cikël të egër lufte, negociatash dhe armëpushimi”.

Në qershor, një luftë 12-ditore midis Iranit dhe Izraelit përfshiu SHBA-në që sulmoi disa nga objektet bërthamore dhe ushtarake të Iranit.

“Thanë le të ndalim, kështu që ne ndaluam, dhe pas nëntë muajsh, ata filluan përsëri,” thotë Baghaei.