ATV

Category: LAJME

  • Krasniqi reagon pas sulmit ndaj Valon Sylës: Askush s’ka të drejtë të cenojë demokracinë dhe pluralizmin e mendimeve

    Krasniqi reagon pas sulmit ndaj Valon Sylës: Askush s’ka të drejtë të cenojë demokracinë dhe pluralizmin e mendimeve

    Kryetari i Partisë Demokratike të Kosovës (PDK), Memli Krasniqi ka reaguar për sulmin ndaj gazetarit, Valon Syla

    Krasniqi e ka dënuar fuqishëm këtë sulm duke e quajtur sulm ndaj fjalës dhe medias së lirë madje ai ka shkuar edhe më larg duke thënë se ky “është sulm ndaj vet shtetit të Kosovës.

    “Dënoj fuqishëm sulmin ndaj gazetarit Valon Syla dhe bëj thirrje që sulmuesit të arrestohen dhe të dalin sa më parë para drejtësisë. Çdo sulm ndaj gazetarëve, fjalës dhe medias së lirë – është sulm ndaj vet shtetit të Kosovës”, ka shkruar Krasniqi.

    “Demokracia dhe pluralizmi i mendimeve, tolerimi i tjetrit edhe kur nuk pajtohemi, janë vlerat më të mëdha të shoqërisë dhe vendit tonë, prandaj, askush dhe asgjë nuk ka të drejtë t’i cenojë ato”.

  • Kosova do të futet në Bursën e Energjisë në muajin shtator

    Kosova do të futet në Bursën e Energjisë në muajin shtator

    Ministrja e Ekonomisë, Artane Rizvanolli bëri të ditur sot se, Kosova do të futet në Bursën e Energjisë (ALPEX) në muajin shtator.

    “Presim që gjatë muajit shtator të fillojmë ankandin e parë që do të tregtohet përmes ALPEX në zonën tregtare të Kosovës dhe njëkohësisht edhe bashkimin e tregjeve Kosovë-Shqipëri”, deklaroi Rizvanolli gjatë ceremonisë për hapjen e ankandit të parë të tregut që u zhvillua në Tiranë.

    Duke folur për ndikimin e pushtimit të Ukrainës nga Rusia, ajo tha se, sektori i energjisë ishte më i prekuri.

    “Sektori i Energjisë ishte më i prekuri duke rritur barrën për qeveritë dhe qytetarët tanë. Në këtë kontekst është bërë më e qartë se kurrë se sa e rëndësishme është të qëndrojmë pranë njëri-tjetrit dhe vendeve me të cilat ndajmë vlerat dhe qëllimet. Qasja jonë për të adresuar krizën, si qeveri e Kosovës është fokusuar në tre drejtime, diversifikimin e burimeve të energjisë, rritjen e kursimit dhe eficencës, dhe thellimin e bashkëpunimit ndërkufitar dhe integrimin e tregut dhe një hap i rëndësishëm në këtë drejtim po bëhet sot”, deklaroi Rizvanolli.

    Sipas saj, Shqipëria dhe Kosova rritën bashkëpunimin ndërmjet tyre duke bërë që të dy vendet të mund të mbrohen nga importi i shtrenjtë i energjisë elektrike duke u kursyer rreth 50 milionë euro qytetarëve të Kosovës dhe po aq edhe atyre të Shqipërisë.

    Ministrja Rizvanolli theksoi se, tregu i përbashkët krijon mundësi të reja biznesi. Kjo, vuri në dukje ajo, do të rrisë përfitimet dhe standardet e shërbimit.

    “Në periudhë afatgjatë objektiv i qeverisë së Kosovës është garantimi i sigurimit të furnizimit dhe mbrojtja e qytetarëve dhe bizneseve nga çmimet e larta, deri sa bëjmë një tranzicion drejt energjisë së pastër. Dy qeveritë tona ndajnë të njëjtin objektiv mbi modelin e synuar të energjisë elektrike ndaj qëndrojmë fuqishëm pas zotimit tonë për të liberalizuar e integruar tregjet tona të energjisë elektrike. Tani përmes ALPEX jemi një hap më para arritjes së këtij synimi. ALPEX do të shërbejë si operator për menaxhimin e tregjeve, market ky që zbaton praktikat më të mira europiane”, tha ministrja e Ekonomisë së Kosovës, Rizvanolli./ATSH/

  • Konjufca e dënon sulmin ndaj Valon Sylës: Krim që nuk përkon as me kulturën as traditën shqiptare

    Konjufca e dënon sulmin ndaj Valon Sylës: Krim që nuk përkon as me kulturën as traditën shqiptare

    Kryetari i Kuvendit të Kosovës, Glauk Konjufca ka reaguar pas sulmit ndaj gazetarit Valon Syla

    Në reagimin e tij, Konjufca ka thënë së kjo është një shkelje e rëndë e lirisë së shtypit “dhe e të drejtave të njeriut, dhe nuk mund të tolerohet kurrsesi në një shoqëri demokratike”.

    “Ata kanë të drejtën e garantuar në Kushtetutën dhe ligjet e vendit tonë për të kryer detyrën e tyre profesionale pa frikë dhe pa ndonjë censure apo presion të jashtëm.

    Sulmi ndaj tyre është një krim i cili nuk përkon as me kulturën dhe as me traditën tonë shqiptare.

    Kërkohet që organet kompetente të ndërmarrin hapat e nevojshëm për t’i sjellë autorët e sulmit para drejtësisë!

    Solidarizohemi me Valonin dhe i dëshirojmë shërim sa më të shpejtë”, thuhet në reagimin e Konjufcës.

  • AGK e dënon ashpër sulmin e rëndë fizik ndaj Valon Sylës – kërkon hetime urgjente

    AGK e dënon ashpër sulmin e rëndë fizik ndaj Valon Sylës – kërkon hetime urgjente

    Asociacioni i Gazetarëve të Kosovës e ka dënuar sulmin ndaj gazetarir Valon Syla.

    AGK ka kërkuar hetime urgjente në lidhje me rastin ndaj Valon Sylës.

    Reagimi i plotë:

    AGK-ja e dënon ashpër sulmin e rëndë fizik ndaj Valon Sylës – kërkon hetime urgjente

    Gazetari njëherësh drejtuesi i Gazeta Metro, është sulmuar fizikisht, të hënën në mbrëmje nga tre persona, të cilët dyshohet se e kanë përcjellë atë nga studio e T7, ku ishte i ftuar në debat, deri në lagjen Bregu i Diellit, në Prishtinë.

    Gazetari Syla ka pranuar trajtim mjekësor në Qendrën Klinike Universitare të Kosovës, teksa sipas deklaratave të tij të para për mediet, ka pësuar lëndime në kokë.

    Rasti është hapur në Policinë e Kosovës.

    Ky sulm për Asociacionin e Gazetarëve të Kosovës është krejtësisht i papranueshëm dhe përpjekje serioze për të penguar dhe minuar lirinë e shprehjes dhe lirinë e medies në Kosovë.

    AGK-ja, u bënë thirrje institucioneve kompetente që të marrin masat e duhura që urgjentisht të arrestojnë personat përgjegjës për sulmin dhe që ata të vihen para drejtësisë.

    #SafeJournalists

  • Sulmohet fizikisht Valon Syla

    Sulmohet fizikisht Valon Syla

    Gazetari dhe opinionisti kosovar, Valon Syla, është sulmuar sonte nga disa persona dhe si pasojë ka pësuar lëndime trupore.

    Siç raportohet, e gjithë ngjarja ka ndodhur pak minuta pas përfundimit të emisionit ‘Pressing’ në T7, ku Syla është panelist.

    Menjëherë pasi ai ka dalë nga zyrat e televizionit, tre persona dyshohet ta kenë ndjekur nga pas dhe e kanë sulmuar në kafenenë ‘Image’ duke i shkaktuar lëndime të lehta në kokë.

  • Votimi në Parlamentin Europian për vizat javën tjetër

    Votimi në Parlamentin Europian për vizat javën tjetër

    Procesi i stërzgjatur i liberalizimit të vizave për Kosovës është pothuajse në fazën e fundit. Parlamenti Europian ka planifikuar datën 18 prill për të votuar tekstin për të cilën u morën vesh vendet e BE’së.

    Shtetet anëtare që hezitonin më shumë për të hequr izolimin u bindën që Kosova s’duhet të jetë shteti i vetëm në Ballkanin Perëndimor që përballet me një regjim të tillë. Procesi u zhbllokua nga Këshilli i Ministrave të BE-së, e cila pasoi me hartimin e një teksti për të cilën ranë dakord shtetet anëtare.

    Qytetarët e Kosovës do të mund të udhëtojnë lirshëm drejt BE-së nga 1 janari i vitit 2024. Në fillim, në marrëveshje si afat u caktua nëntori i 2023-ës, por kjo u kushtëzua nga Franca me funksionimin e sistemit ETIAS. Sidoqoftë, ky shans humbi meqë ETIAS do të vonohet.

    Për çështjen e vizave të Kosovës, Parlamenti Europian pati edhe më parë në vitin 2018.

    Pas votës në PE, janë edhe pesë hapa para se përfundimisht të hyjë në fuqi vendimi:

    – Ambasdorët e BE-së votojnë me shumicë të thjeshtë për liberalizimin e vizave

    – Këshilli i Ministrave të BE-së miraton me shumicë të thjeshtë liberalizimin e vizave

    – Akti ligjor nënshkruhet nga përfaqësuesit e institucioneve të BE-së, Komisioni Europian, Këshilli Europian dhe Parlamenti Europian

    – Vendimi publikohet në Gazetën Zyrtare, duke përfshirë datën e hyrjes në fuqi

    – Liberalizimi i vizave hyn në fuqi

    Që nga viti 2018, Komisioni Europian pati deklaruar se Kosova ka përmbushur kushtet për liberalizimin e vizave, megjithatë procesi nuk u çua më tej në hallkat tjera të BE-së. Për këtë arsye, ndër vitesh ka pasë zhgënjim te qytetarët, por me hapat aktualë të ndërmarrë nga institucionet e BE-së tashmë dhënia e fund e kësaj sage është reale.

    Eurodeputeti holandez, Thjis Reuten, vendi i të cilit ishte ndër më skeptikët, u caktua raportues për liberalizimin e vizave për Kosovën në Parlamentin Europian. Në një prononcim për Express më herët, Reuten kishte thënë se më nuk do të ketë më ndryshime në përmbajtjen e marrëveshjes dhe se kjo nënkupton që liberalizimi i vizave do të hyjë në fuqi ose në të njëjtën kohë me ETIAS ose më së largu më 1 janar 2024.

    “Kjo do të thotë që jo më larg se vitin e ardhshëm, Kosova përfundimisht do ta ketë udhëtimin e merituar dhe të vonuar pa viza në BE”.

    Për këto zhvillime në BE, qeveritarët në Kosovë morën meritat. Zëvendëskryeministri Besnik Bislimi tha se përmirësimi i sundimit të ligjit nga Qeveria Kurti është arsyeja.

    “Tashmë jemi drejt përfundimit të suksesshëm të këtij procesi të tejzgjatur për qytetarët e Republikës së Kosovës. Sukseset e arritura nga Qeveria veçanërisht në sundim të ligjit, puna jonë e vazhdueshme me shtetet anëtare dhe mbështetja e partnerëve tanë strategjikë, ishin faktorë kryesorë në avancimin e këtij procesi që ishte bllokuar për vite me radhë”, kishte thënë ai pasi ambasadorët e BE-së e miratuan tekstin për vizat.

    Për vonesën e BE-së kishte ironizuar edhe kryeministri shqiptar, Edi Rama, që pas miratimit nga ambasdorët e uroi edhe BE-në për këtë.

    “Një hap i vonuar padrejtësisht me vite u hodh sot nga BE-ja, e cila më në fund po e heq nga vetja njollën e turpit të trajtimit të Kosovës si të ishte një vend jashtë Europës! Urime jo vetëm Kosovës, po edhe Bashkimit Europian”.

  • ShBA e shqetësuar për plagosjen në veri, Hovenier preket edhe nga mohimi fillestar i Policisë

    ShBA e shqetësuar për plagosjen në veri, Hovenier preket edhe nga mohimi fillestar i Policisë

    Ambasadori amerikan në Prishtinë, Jeff Hovenier, ka deklaruar të martën se ShBA-të janë të janë të shqetësuara për një incident në të cilin një serb i Kosovës u qëllua mbrëmë në Zveçan.

    Ai shkroi në Twitter se zyrtarët e Policisë së Kosovës dhe institucionet duhet të kryejnë një hetim të plotë dhe të besueshëm.

    “Ne jemi thellësisht të shqetësuar nga mohimi fillestar i bërë pa kujdesin e duhur”, shkroi diplomati amerikan.

    Sipas tij, të gjithë qytetarët duhet të kenë besim në transparencën e zbatimit të ligjit dhe sektorit të drejtësisë.

    “Mbështetja e SHBA-së për institucionet e Kosovës për sundimin e ligjit avancon një vizion të përbashkët të një shteti demokratik dhe multietnik. Ata që janë përgjegjës për veprime kriminale duhet të mbajnë përgjegjësi”, shtoi Hovenier.

    Policia e Kosovës sot ka ka bërë të ditur se një zyrtar policor është i përfshirë në shkëmbim zjarri me armë në pjesën veriore të Kosovës.

    Edhe pse policia fillimisht e kishte mohuar të jetë e përfshirë në këtë incident, në pasditen e së martës kanë thënë se kanë suspenduar gjithsej katër zyrtarë policorë të dyshuar për përfshirje në këtë rast.

    “Policia e Kosovës, lidhur me rastin ndodhur në orët e vona të datës 10.04.2023 në veri të vendit, ku nga arma e zjarrit ishte plagosur një person, ka vazhduar hetimet intensive me njësitet relevante policore nga niveli rajonal dhe ai qendror, me qëllim të hetimit dhe ndriçimit sa më parë të këtij rasti. Si rezultat i hetimeve të pandërprera dhe i angazhimeve të njësiteve policore në vendin e ngjarjes, si dhe si rezultat i ekzaminimit të dëshmive të siguruara, është arritur të sigurohen dëshmi të cilat tregojnë dyshimet për përfshirje të mundshme të një zyrtari policor në gjuajtje me armë zjarri.”, thuhet në komunikatën e policisë.

  • “Trepça” qëndron “gjallë” me pajisje të stërvjetruara

    “Trepça” qëndron “gjallë” me pajisje të stërvjetruara

    Ashensori që iu dhurua minierës së Trepçës në Stan Tërg, para më shumë se 70 vjetëve, të hënën u prish.

    Si rezultat edhe një grup minatorësh mbetën të ngujuar në minierë për 12 orë.

    Por, ashensori nuk është e vetmja pajisje e vjetruar këtu.

    “Miniera të them të drejtën është lodhë nga këto pajisje…lind nevoja për investime edhe në kompresor, në ventilatorë edhe në stabilimente të tërheqjes së ujit, pastaj duhet të ketë edhe në investime edhe në makinën ngritëse”, tha drejtor i njësisë biznesore, Bexhet Vinarci.

    Kryetari i Sindikatës së Minatorëve të Ndërmarrjes “Trepça”, Ibrahim Jonuzi punën me pajisje të vjetra e përshkruan si tejet sfiduese për punëtorët e nëntokës.
    “Vështirësitë më të mëdha shkaktohen nga pajisjet e vjetruara. Këto po ndikojnë edhe te punëtorët edhe në prodhim… Jetëgjatësia e një ngarkuesi në minierë për tri vjet ka garancion nga kompania shitëse, ndërsa pas pesë vjetëve llogaritet si e konsumuar. Kemi shumë të tilla dhe me to mbijetojmë”, tha Jonuzi.

    Andaj ai kërkon që minatorëve t’u krijohen kushte më të favorshme për punë, pasi, sipas tij, kjo do të ndikojë edhe në rritjen e prodhimit.

    “Kërkesat kryesore për neve janë rritja e standardeve të sigurisë, dhe përmirësimi i kushteve brenda minierës. Nëse këto rregullohen atëherë edhe në prodhimtari do jemi më efikas”, tha Jonuzi.

    Në anën tjetër, drejtori i Njësisë Biznesore “Trepça”, në Stan Tërg, Bexhet Vinarci thotë se tashmë kanë filluar komunikimet për blerjen e makinerive të reja.

    “Ne kemi qenë shumë aktiv shumë aktiv dy javët e fundit për ta përfunduar një cikël të projekteve të shfrytëzimit të këtyre mejeteve. Kemi kontaktuar dy javët e fundit me kompani evropiane për të blerë pajisje makinerike. Edhe me kompani finlandeze jemi në kontakt për për ndërtimin e flotacionit të ri, të gjitha këto me mjetet e ndara nga qeveria”, tha Vinarci.

    Ndërkaq, në Minierën e “Trepçës” në Stan Tërg, punojnë rreth 200 minatorë. /atvlive.tv

  • Padia për gjenocid, qeveria hesht, juristët janë pesimistë

    Padia për gjenocid, qeveria hesht, juristët janë pesimistë

    Ngritja e padisë për gjenocid ndaj shtetit serb, ishte njëri nga premtimet e Qeverisë Kurti II.

    Megjithatë, për përgatitjen e padisë, deri më tani ekzekutivi nuk ka treguar për ndonjë hap konkret.

    Derisa qeveria hesht, profesorë e juristë janë skeptikë nëse Kosova mund ta paditë Serbinë për gjenocid.

    “Dua të them më plotë kompetencë se as qeveritë e deritanishme nuk janë angazhuar për se afërmi për t’i dokumentuar, t’i mbledhin e t’i sistemojnë të gjitha krimet e tmerrshme dhe të llahtarshme”, tha profesor i së drejtës ndërkombëtare, Ismet Salihu.

    Për ngritjen e kësaj padie, sipas profesorit Ismet Salihu, duhet angazhim shumë i madh.

    “Tepër vonë jemi, po para se të fillojnë përgatitjet për këtë padi duhet një punë 3 ose 4 vjeçare për t’i dokumentuar të gjitha krimet që i ka kryer shteti serb në Kosovë”, tha Salihu

    Krahas kësaj, Kosova përballet edhe me pengesa procedurale.

    “Ne e dimë që Kosova nuk është pjesë e OKB-së, dhe vetëm shtete anëtare mund të iniciojnë një procedurë të tillë… Nëse ka mjaftueshëm elemente për të iniciuar një akuzë për gjenocid sepse edhe Kroacia dhe Bosnja e kanë bërë padi por këto padi janë refuzuar”, tha Amer Alija nga fondi për të Drejtën Humanitare në Kosovë.

    Derisa, gjatë ditës Qeveria nuk ka kthyer përgjigje, ditë më parë zëvendësministri i drejtësisë, Blerim Sallahu, në emisionin CONTEX, kishte deklaruar se pavarësisht nëse padia për gjenocid nuk përfshihet në marrëveshjen e 27 shkurtit në Bruksel, nuk do të thotë që puna në përgatitjen e saj do të ndalet. /atvlive.tv

  • S’fillojnë punimet në parkun pranë rrugës “Sylejman Vokshi”

    S’fillojnë punimet në parkun pranë rrugës “Sylejman Vokshi”

    “I gjithë projekti ka kushtuar diku rreth 41 mije euro. Fillimi i marsit, parashihet të fillojnë punimet për këtë park pritet të kryhen brenda dy muajve”.

    Kështu kishte deklaruar për ATV-në në janar të këtij viti, drejtoresha për parqe, Donika Çetta, derisa po fliste për projektin e parkut 1 mijë metra katrorë, në rrugën “Sylejman Vokshi” në kryeqytet.

    Banorët, që me padurim po e prisnin këtë investim, shprehen të zhgënjyer me komunën.

    “Komuna as një planë program që e ka parapa nuk po e respekton, ka pas mu përfundu ky park disa here kanë bo ingjizime, edhe nuk është realizua asnjëherë. Dështim total, nuk po i mbajnë premtimet që i kanë dhanë”, tha Isuf Kryeziu, banor.

    Zyrtarë të komunës së Prishtinës nuk i kanë treguar për ATV-në arsyet e mosrealizimit të projektit. /atvlive.tv