Ish-senatori zviceran Dick Marty ka pohuar se inteligjenca serbe e ka kërcënuar atë për ta fajësuar ish-presidentin e Kosovës, Hashim Thaçin për vrasjen e tij, shkruan gazeta zvicerane Blick, përcjell atvlive.tv.
Në një intervistë për Radio Televizionin Zviceran, Marty deklaroi se përgjegjësit për kërcënimet kishin lidhje me shërbimet sekrete serbe, të cilët kishin frikë se Thaçi mund t’i shmangej drejtësisë.
Marty shprehu zhgënjimin për mungesën e ndërhyrjes së autoriteteve zvicerane pas kërcënimeve.
Ai u vendos nën mbrojtje të lartë policore në dhjetor të vitit 2020 pas kërcënimeve nga shërbimi inteligjent serb.
Në një deklaratë në atë kohë, Marty kishte pohuar se kërcënimet ishin një përpjekje për të transferuar fajin për vrasjen e tij në Kosovë.
Ish-senatori është autor i një raporti që akuzon krerët e UÇK-së për krime lufte. /atvlive.tv
Lajmin se u lirua nga akuza për korrupsion, Dhurata Hoxha nuk e dëgjoi nga gjykatorja.
Ish-ministrja e Integrimit Evropian nuk erdhi të premten në Gjykatën Themelore të Prishtinës, e cila e shpalli të pafajshme atë, drejtorin e Prokurimit publik, Fitim Mustafa, dhe tre ish-sekretarët e Ministrisë, Demush Shasha, Kushtrim Cukaj dhe Nuhi Osmani, në rastin e një kontrate lobuese.
Prezent në sallën e gjykimit kur kryetari i trupit gjykues dha arsyetimin rreth vendimit, nuk ishte as Cukaj.
Ata akuzoheshin se kanë keqpërdorur detyrat e tyre zyrtare, duke i tejkaluar kompetencat kur e kishin iniciuar dhe nënshkruar kontratën për lobim me një kompani franceze.
Por, Gjykata dha edhe një tjetër arsye se pse ata nuk e kanë kryer veprën penale për të cilën i ngarkonte Prokuroria Speciale.
Aktakuza ndaj Hoxhës dhe të tjerëve ishte ngritur pas një hulumtimi të mediumit Kallxo, sipas të cilit, afër 170 mijë euro ishin paguar nga buxheti i shtetit për kompaninë franceze, e cila kishte promovuar idenë se “modifikimi i territorit” mund të jetë zgjidhje në arritjen e një marrëveshjeje në dialogun mes Kosovës dhe Serbisë.
Deklarata për të zhdukurit dhe Asociacioni i komunave me shumicë serbe janë konfirmuar si tema në takimin e së martës në Bruksel, ndërmjet kryeministrit të Kosovës, Albin Kurti, dhe presidentit të Serbisë, Aleksandar Vucic.
Sipas agjendës tashmë të konfirmuar, takimi i nivelit të lartë të dialogut, i ndërmjetësuar nga Përfaqësuesi i Lartë, Josep Borrell, dhe përfaqësuesi i Posaçëm, Miroslav Lajcak, do të nisë nga ora 18.
“Palët pritet të miratojnë deklaratën për personat e zhdukur, si pikë e parë e agjendës. Kjo do të përcillet nga prezantimi i draft-statutit të parë të Asociacionit/Bashkësisë së komunave me shumicë serbe në Kosovë dhe diskutimi për të. Palët do të kenë, gjithashtu, mundësinë të diskutojnë çështje aktuale me rëndësi politike”, tha zëdhënësi i BE-së për Politikë të Jashtme dhe Siguri, Peter Stano.
Ndryshe nga deklarata për të zhdukurit gjatë luftës, e dakorduar në parim nga palët, njohës të procesit të dialogut NUK presin progres në temën e Asociacionit.
Pengesë për lëvizjen para shihet fakti se Ekipi Menaxhues që do të prezantojë draftin e parë të statutit udhëhiqet nga Danijela Vujicic, deputete e partisë së Vucicit në parlamentin e Serbisë.
“Këtë herë po e shohim se kontestimi vjen tek aspekti i ekipi menaxhues për draftimin e Asociacionit. Unë nuk pres ndonjë rezultat pozitiv, rezultati i vetëm i këtij takimi mund të jetë dinamizmi i mëtejmë i ndërmjetësuesve për t’iu bërë presion palëve dhe për të gjetur ndonjë mundësi në të ardhmen për ta çuar përpara këtë proces”, tha analisti Bekim Kabashi.
Rezistenca e Kosovës në raport me Ekipin Menaxhues, sipas profesorit Seb Bytyçi, do të prodhojë vetëm progres formal.
“Kjo nuk nënkupton që do të ketë progres përmbajtjesor, sepse pres që dokumenti të kundërshtohet nga Kosova, për shkak se është përpiluar nga një ekip menaxhues që është kryesuar nga një person që i takon formalisht partisë së presidentit Vucic”, tha Bytyçi.
Mospajtimet, sipas Bytyçit, mund të prodhojnë vendime nga Qeveria e Kosovës në raport me përbërjen e ekipit.
“Mund të priten pasoja të tjera, edhe ndonjë vendim për të ndryshuar përbërjen e ekipit menaxhues që nënkupton pengesa të tjera në zbatimin e asaj pike”.
Takimi i 2 Majit, do të jetë i pari ndërmjet Kurtit dhe Vucicit, pas dakordimit në Ohër, për aneksin e marrëveshjes bazë të Brukselit, për rrugën drejt normalizimit të marrëdhënieve ndërmjet Kosovës dhe Serbisë. /atvlive.tv
Brenda 4 muajve të vitit 2023, 9 persona kanë vdekur si pasojë e lëndimeve të marra në vendin e tyre të punës.
Mungesa e kushteve të duhura në punë, vazhdon të jetë problematikë për të punësuarit sidomos në sektorin e ndërtimtarisë.
Edhe eksperti për siguri në Punë, Arian Ibishi, thotë se njëra nga arsyet e lëndimeve të punëtorëve janë mjetet e punës.
“Gjithherë kemi nevojë për aparatura të reja se varet edhe lloji i aparaturës, te lëndimet që ndodhin”, tha Ibishi.
Në Ditën Botërore të Sigurisë dhe Shëndetit në Punë, u kërkua që të rritet numri i inspektorëve.
“Pjesa kryesore e këtyre rasteve është se vetë inspektorët nuk i kontrollojnë punishtet. Fakti kur punëtori humb jetën në ‘Bactering’ dhe inspektori i punës e ka dënuar kompaninë me 2 mijë euro, e kanë krahasuar jetën e punëtorit me shtazë. Realisht procedurat e ardhjes deri te raportet zyrtare të inspektoratit dhe raportet përfundimtare zgjasin 7-8 vite dhe prapë përgjigjet janë negative, atëherë drejtësia kalon në padrejtësi, kur vjetrohet lënda e humb vlerën”, tha kryetari i Sindikatës së Pavarur të Sektorit Privat, Jusuf Azemi.
Raportimi për mungesë të mjeteve mbrojtëse dhe për kushte jo të duhura në Inspektorat të Punës, sipas Azemit dhe Ibishit, mund të parandalojnë rastet me fatalitet në vend të punës. /atvlive.tv
Pavarësisht se Rregullorja e Kuvendit e parasheh miratimin e Programit të punës, vitin e kaluar deputetët e Kuvendit e nisën punën pa e miratuar atë.
Jo vetëm në nisje, por edhe në vazhdimësi legjislativi po konsiderohet se nuk veproi si duhet, saqë puna e tij brenda 1 viti u vlerësua e dobët.
“Është përcjellë me joefikasitet dhe në secilën seancë plenare projektligjet janë bartur nga një seancë në tjetrën, për shkak të mungesës së kuorumit nga ana e shumicës parlamentare dhe mospjesëmarrjes së opozitës në procesin e votimit”, tha Naim Jakaj nga IKD.
Por, pavarësisht që në disa seanca edhe vetë kryetari i Kuvendit, kritikoi deputetët për mospunë, megjithatë të premten ai tha se këtë legjislaturë e konsideron si ndër më të mirat.
Mirëpo, opozita nuk ka mendim aspak të njëjtë me Konjufcën.
Sipas saj, kjo legjislaturë ka bërë ligjet më të dështuara deri më tani në historinë e vendit.
“Krejt po ju shkojnë në Kushtetuese. Me bo një zyrë të Gjykatës afër Kuvendit që me pasë më afër…”, tha deputeti i LDK-së, Driton Selmanaj.
Veç tyre, mungesës së kuorumit e gjuhës joparlamentare, opozita ka edhe një ankesë tjetër.
“Nëse ka diçka që më pengon më së shumti është gjuha e veprimet joparlamentare. Dal unë me folë diçka, e kap najfarë muhabeti tjetër Kurti me Besnik Bislimin, ja nisin folin aty diçka”, tha deputeti i AAK-së, Besnik Tahiri
Me një punë jo të mirë është vlerësuar edhe 3-mujori i parë i këtij viti, i punës së legjislativit.
54 pika të rendit të ditës, ndër to edhe 19 projektligje, nuk janë përfunduar në vitin 2022, të cilat rrjedhimisht kanë mbetur të trajtohen në seancat plenare të vitit 2023. Numri i tyre, ndërkaq, po vjen duke u shtuar, për shkak të mungesës së kuorumit e dështimit të seancave. /atvlive.tv
Rreth vendimit për funksionalizimin e urës së Ibrit për vetura ka reaguar, Lista Serbe. Duke e dënuar vendimin e asamblistëve të Mitrovicës së Veriut Lista Serbe e quajti atë të paligjshëm.
Nga kjo parti theksuan se ky vendim “shkel marrëveshjet e Brukselit dhe kërcënon paqen. Ndërkaq Zyra për Kosovën në Qeverinë Serbe tha se kryeministri i Kosovës, “Albin Kurti padyshim ka treguar se dëshiron luftë.
Duke reaguar pas vendimit për kërkesën për hapjen e urës mbi lumin Ibër, presidenti i Serbisë, Aleksandar Vuçiq, tha se kryeministri i Kosovës, Albin Kurti, dëshiron “të largojë serbët” nga Kosova, duke shtuar se udhëheqësi kosovar “dëshiron konflikte me çdo kusht”. /atvlive.tv
Për shumë vjet, këto vetura të misioneve ndërkombëtare janë të vetmet që mund të lëvizin mbi urën e lumit Ibër. Megjithatë, situata mund të ndryshojë pas një vendimi që mori Kuvendi Komunal i Mitrovicës së Veriut.
Vendimi, i siguruar nga ATV-ja, saktëson si veprim të parë largimin e pengesave të vendosura tash e disa vjet.
“Sot, me datë 28.04.203, me propozim të asamblistes Aida Ferati – Doli, rendit të ditës iu shtua edhe një pikë: propozimi për lirimin e hapësirave publike në Mitrovicën e Veriut dhe funksionalizimin e urës së Ibrit për qarkullimin e automjeteve. Ky propozim u votua nga Kuvendi”, thuhet në vendimin e Kuvendit Komunal të Mitrovicës së Veriut.
Por, për ta siguruar zbatimin, vendimi do t’u dërgohet organeve të sigurisë.
Përkundër që përmes dialogut në Bruksel për vite të tëra janë bërë përpjekje për hapjen e urës, Kuvendi nuk e ka njoftuar paraprakisht Bashkimin Evropian.
Kjo lëvizje e së premtes po vlerësohet më shumë si vendim populist i partisë në pushtet qendror e tashmë edhe në Mitrovicë të Veriut.
“Nuk do të zbatohet ky vendim meqë fillimisht është çështje e sigurisë në të cilën përfshihen KFOR-i dhe EULEX-i, pastaj edhe Policia e Kosovës. Aktualisht as Bashkësia Ndërkombëtare nuk besoj se do të lejojë këtë lëvizje dhe në mes tjerash do të hapte çështjen e ridefinimit të kufijve mes dy qyteteve, sepse kjo nuk është sqaruar gjatë dialogut”, tha Milica Andric – Rakic, njohëse e rrethanave politike.
Pas luftës në Kosovë, ura mbi lumin Ibër ndau Mitrovicën në dy pjesë, në atë jugore me shumicë shqiptare, dhe veriore, me shumicë serbe. /atvlive.tv
Një parcelë e tokës fare pranë kësaj shtëpie dyshohet se u bë shkak që nipi ta vrasë xhaxhain e tij.
B.B., rreth të 40-tave, në mëngjesin e së premtes vrau S.B, 50 vjeç, në fshatin Kijevë të Malishevës.
Viktima i cili jetonte në Angli, kishte ardhur para disa ditëve në vendlindje dhe po banonte në të njëjtën shtëpi me të dyshuarin për vrasjen e tij.
Të tronditur nga kjo ngjarje mbetën të afërmit e familjes Berisha.
Sipas kushëririt të tij, viktima dhe i dyshuari nuk kanë pasur më herët ndonjë konflikt.
I dyshuari për këtë vepër është arrestuar.
Për vrasjen e 50-vjeçarit dyshohet se është përdorur një armë zjarri, e cila është gjetur në vendngjarje dhe është sekuestruar nga ana e zyrtarëve policorë. /atvlive.tv
Gazetarja dhe analistja Albina Haliti, në emisionin DIREKT në ATV, duke komentuar zhvillimet e djeshme në Kuvendin e Kosovës, tha se më shumë vëmendje mori historia e “Picas” se sa milionat në KEK.
“Më shumë vëmendje pica në kuvend se sa milionat në KEK, për fat të keq”, tha ajo./atvlive.tv
Analisti Xhevdet Pozhari, në emisionin DIREKT në ATV, tha se ministri i Jashtëm i Serbisë, Ivica Daçiq e mori përgjigjen e duhur nga ministrja e Jashtme e Kosovës, Donika Gërvalla, e cila dje në fjalimin e saj në Këshillin e Sigurimit të OKB-së e akuzoi homologun serb për krime lufte.
“Nuk paraqet kurgjë mendësi kjo që e ka bërë Daçiq. Me të drejtë Gërvalla i tha se ti i takon kohës së Millosheviqit dhe jo rastësisht i kanë thënë ‘Slloba’ i vogël, ngase në të kaluarën, Serbia këto taktika i ka përdorur. Ka dashur që të mbjellë urrejtje ndër shqiptare, të çojë edhe deri në vëlla vrasje. Gjithmonë njihet sistemi i UDB-së që ka pasur një rol tepër aktiv dhe sot vjen në një situatë përfaqësuesi i fytyrës së regjimit më të tmerrshme të Millosheviqit, zëdhënësi i tij Daçiq, t’ia thotë këto bijës së një atdhetari që është vrarë nga dora e zezë e UDB-së nën diktatin e atmosferës së atëhershme të Serbisë, është tepër e ulët”, tha Pozhari. /atvlive.tv
