ATV

Category: Lajme

  • Aida Dërguti i bashkohet PDK-së

    Aida Dërguti i bashkohet PDK-së

    Aida Dërguti, i është bashkuar Partisë Demokratike të Kosovës.

    Kështu ka njoftuar autori i emisionit, Adriatik Kelmendi, ku Dërguti ishte opinioniste.

    “Aida, një ndër personat më të angazhuar në Kosovë për kauzat e drejta per vendin, ka vendosur t’i rikthehet aktivizimit të drejtpërdrejtë në politikë. PDK-ja sot dhe Kuvendi i Kosovës pas 9 qershorit do të fitojnë shumë, teksa në Rubikon do të ndjehet thellë mungesa e saj.”, thuhet në postimin e Kelmendit.

    Postimi i Kelmendit:

    Aida, një ndër personat më të angazhuar në Kosovë për kauzat e drejta per vendin dhe shoqërinë në këto 30 vjet, ka vendosur t’i rikthehet aktivizimit të drejtpërdrejtë në politikë. “Mendoj se ka ardhur momenti për ta kthyer vendin kah e mbara: ose tash, ose kurrë”, më tha.

    PDK-ja sot dhe Kuvendi i Kosovës pas 9 qershorit do të fitojnë shumë, teksa në Rubikon do të ndjehet thellë mungesa e saj.

    Urime dhe mbarësi, Aida! Qëndro gjithmonë kështu siç je!

  • Bajrami reagon për shpalljen e konkursit për tri pozita në Ministrinë e Drejtësisë

    Bajrami reagon për shpalljen e konkursit për tri pozita në Ministrinë e Drejtësisë

    Ish-deputetja e LDK-së, Hykmete Bajrami ka reaguar lidhur me shpalljen e konkursit për tri pozita në Ministrinë e Drejtësisë.

    Bajrami përmes një postimi në profilin e saj në rrjetin social Facebook, ka shkruar se shpallja e rreth 20 pozitave të larta udhëheqëse në prag të shpërndarjes së Kuvendit, nuk paska qenë fundi.

    Sipas saj edhe drejtësia shpallë konkurse në kundërshtim me ligjin.

    Postimi i saj i plotë:

    Nuk paska qenë fundi

    Pas shpalljes së rreth 20 pozitave të larta udhëheqëse në prag të shpërndarjes së Kuvendit, qenkan shpallë edhe 3 pozita të tjera nga Ministria e Drejtësisë:

    1. Drejtor Ekzekutiv në Agjencinë për Ndihmë Juridike Falas,

    2. Drejtor i Përgjithshëm në Agjencinë për Administrimin e Pasurisë së Sekuestruar,

    3. Drejtor i Përgjithshëm në Inspektoratin e Ministrisë së Drejtësisë,

    Pra, edhe drejtësia, shpallë konkurse në kundërshtim me Ligjin,

    Institucionet që lidhen me ndihmën juridike, me pasurinë e sekuestruar dhe me inspektimin brenda Ministrisë së Drejtësisë, u bënë pjesë e valës se konkurseve joligjore, dmth. zgjedhin udhëheqës në mënyrë joligjore detyrë e të cilëve është zbatimi i ligjit.

    Ligji për Qeverinë është i qartë.

    Neni 31 – Kufizimet e Qeverisë në dorëheqje përcakton se Qeveria në dorëheqje:

    “Nuk inicion procedura të reja për emërimin në pozitat publike, për emërimin e të cilave është kompetente në bazë të ligjeve përkatëse.”

    Qeveria në dorëheqje nuk është qeveri me mandat të plotë. Kjo qeveri nuk ka legjitimitet sepse me vetëdëshirë e ka dërgu vendin në zgjedhje dhe tani duhet të sillet konform kufizimeve ligjore.

    Ajo duhet të kryejë vetëm punët e domosdoshme, jo të hapë konkurse për pozita kyçe në administratë, agjenci, drejtësi e institucione publike. Institucionet nuk janë pronë partie, drejtësia nuk është strehë për militantë dhe shteti nuk është zyrë punësimi për pushtetin në ikje.

    Qeveria e re duhet t’i ndalë menjëherë këto procese, t’i shqyrtojë të gjitha konkurset e shpallura në këtë periudhë dhe të sigurojë që pozitat publike të plotësohen vetëm me njerëz profesionistë, të pavarur dhe me integritet.

  • Muharremi: Kurti po e nënçmon pak ish-partneren e tij politike

    Muharremi: Kurti po e nënçmon pak ish-partneren e tij politike

    Analisti Shenoll Muharremi, ka reaguar ndaj deklaratave të kryeministri në detyrë Albin Kurti, i cili sot ka komentuar bashkimin e Vjosa Osmanit me Lumir Abdixhikun për të garuar në zgjedhjet e 7 qershorit.

    Përmes, një postimi në profilin e tij në rrjetin social Facebook, Muharremi ka cituar deklaratën e Kurtit i cili tha se “Njerëzit kanë dëshira, por nuk duhet me i ngatërru me faktet”.

    Sipas tij, kjo është pak si nënçmuese për ish-partneren e tij kryesore.

    Postimi tij i plotë:

    “Njerëzit kanë dëshira, por nuk duhet me i ngatërru me faktet”.

    Avavvavav… pak si nënçmuese kjo për ish-partneren e tij kryesore dhe ish-presidenten e vendit! Dmth, nëse bëheni partner i Kurtit dhe i ndihmoni me fitu, kështu po jau kthejke ky, po përfundojshi, të nënçmuar nga ai.

    Hajde Vjosa, hajde, pak ma gjallë se po nxehet puna.

  • Shtyerja e vendimit ndaj çlirimtarëve në Hagë, OVL-UÇK dërgon letër apeli në ambasadat mike

    Shtyerja e vendimit ndaj çlirimtarëve në Hagë, OVL-UÇK dërgon letër apeli në ambasadat mike

    Organizata e Veteranëve të Luftës së UÇK-së ka njoftuar opinionin publik se sot, zyrtarisht, u është drejtuar ambasadave mike në Kosovë me një letër apeli pas vendimit për shtyerjen e aktgjykimit të vendimit ndaj ish-krerëve të UÇK-së në Hagë.

    OVL-UÇK thekson se kjo letër apeli është dërguar me qëllim për ruajtjen e besimit në drejtësinë ndërkombëtare, raporton KlanKosova.tv.

    ‘Argumentet juridike janë shteruar. Ajo që mbetet është pesha morale dhe institucionale e një vendimi, pasojat e të cilit shtrihen përtej individëve, duke prekur besueshmërinë e drejtësisë ndërkombëtare në vendin tonë.Lufta jonë çlirimtare ishte e drejtë. Ajo lindi nga domosdoshmëria, nga e drejta e një populli për të jetuar i lirë në tokën e tij. Kjo përpjekje nuk mund të thjeshtohet në një interpretim të ftohtë procedural. Ishte një përkushtim ndaj lirisë dhe dinjitetit njerëzor përballë shtypjes sistematike, një qëndrim për vlerat demokratike kur nuk kishte mbetur asnjë rrugë tjetër. Çdo përfundim që nuk e pasqyron me drejtësi këtë realitet historik rrezikon shtrembërimin e tij. Kjo thellon perceptimet e padrejta. Kjo lëndon ndërgjegjen qytetare të atyre që e përballuan atë epokë dhe e ngritën këtë shtet mbi atë që dhanë’, thuhet në letrën e OVL-UÇK-së drejtuar ambasadeve mike.

    Letra e plotë:

    I/E nderuar Ambasador,

    Ndërsa Kosova pret vendimin përfundimtar që do ta merret nga Gjykata Speciale, u drejtohemi miqve dhe partnerëve tanë ndërkombëtarë në emër të mijëra veteranëve dhe qytetarëve, besimin e të cilëve e mbartim me përgjegjësi të plotë.

    Argumentet juridike janë shteruar. Ajo që mbetet është pesha morale dhe institucionale e një vendimi, pasojat e të cilit shtrihen përtej individëve, duke prekur besueshmërinë e drejtësisë ndërkombëtare në vendin tonë.

    Lufta jonë çlirimtare ishte e drejtë. Ajo lindi nga domosdoshmëria, nga e drejta e një populli për të jetuar i lirë në tokën e tij. Kjo përpjekje nuk mund të thjeshtohet në një interpretim të ftohtë procedural. Ishte një përkushtim ndaj lirisë dhe dinjitetit njerëzor përballë shtypjes sistematike, një qëndrim për vlerat demokratike kur nuk kishte mbetur asnjë rrugë tjetër. Çdo përfundim që nuk e pasqyron me drejtësi këtë realitet historik rrezikon shtrembërimin e tij. Kjo thellon perceptimet e padrejta. Kjo lëndon ndërgjegjen qytetare të atyre që e përballuan atë epokë dhe e ngritën këtë shtet mbi atë që dhanë.

    Mbetemi të bindur se akti përfundimtar do ta pasqyrojë me seriozitet të vërtetën historike. Paqja dhe stabiliteti në Kosovë nuk mund të ndahen nga besimi i qytetarëve se drejtësia është e paanshme dhe e besueshme. Kosova ka dëshmuar, vazhdimisht dhe pa rezerva, përkushtimin e saj ndaj bashkëpunimit ndërkombëtar dhe përmbushjes së detyrimeve të veta.

    Prandaj, vendimi përfundimtar duhet ta forcojë besimin e jo ta dobësojë, ta ruajë stabilitetin e jo ta cenojë. Ai duhet ta çojë përpara partneritetin mes Kosovës dhe bashkësisë ndërkombëtare mbi bazën e respektit të ndërsjellë. Një vendim i tillë duhet të qëndrojë në harmoni me themelet e lirisë dhe shtetësisë sonë: të siguruara përmes sakrificës, të mbrojtura përmes besnikërisë ndaj interesit kombëtar, të mbajtura gjallë nga vendosmëria e një populli liridashës.

    Me respekt, OVL UÇK.

  • Petrit Hajdari largohet nga drejtimi i PDK-së në Drenas

    Petrit Hajdari largohet nga drejtimi i PDK-së në Drenas

    Petrit Hajdari ka njoftuar se është larguar nga drejtimi i Degës së PDK-së në Drenas, pas kërkesës së kryetarit të partisë, Bedri Hamza.

    Përmes një reagimi publik, Hajdari ka thënë se vendimin e ka marrë duke mos dashur t’u bëhet pengesë proceseve të nevojshme brenda partisë, ndërsa ka theksuar se angazhimin e tij do ta vazhdojë në kryesinë qendrore të PDK-së.

    Ai ka vlerësuar lart rezultatin e Degës së PDK-së në Drenas në zgjedhjet e fundit nacionale.

  • Haxhiu: Serbia t’i zbatojë rekomandimet e CERD-it për shqiptarët në Luginë

    Haxhiu: Serbia t’i zbatojë rekomandimet e CERD-it për shqiptarët në Luginë

    U.D e presidentes së Kosovës, Albulena Haxhiu, ka reaguar pas vërejtjeve përfundimtare të Komitetit të OKB-së për Eliminimin e Diskriminimit Racor (CERD) ndaj Serbisë, duke thënë se ato konfirmojnë shqetësimet e ngritura prej vitesh nga shqiptarët në Luginën e Preshevës dhe nga institucionet e Kosovës.

    Përmes një postimi në facebook, Haxhiu theksoi se Kuvendi i Republikës së Kosovës, me rezolutën e miratuar më 24 prill 2026 për avancimin e përkujdesjes institucionale ndaj shqiptarëve në Preshevë, Medvegjë dhe Bujanoc, e ka trajtuar këtë çështje si përgjegjësi shtetërore.

    Sipas saj, pas gjetjeve të fundit të CERD-it, kjo përgjegjësi tashmë ka edhe një adresë të qartë ndërkombëtare.

    “Vërejtjet përfundimtare të Komitetit të OKB-së për Eliminimin e Diskriminimit Racor (CERD) ndaj Serbisë e konfirmojnë shqetësimin e ngritur prej vitesh nga shqiptarët në Luginë dhe nga institucionet e Republikës së Kosovës. Kuvendi i Republikës së Kosovës, përmes rezolutës së miratuar më 24 prill 2026, për avancimin e përkujdesjes institucionale ndaj shqiptarëve në Preshevë, Medvegjë dhe Bujanoc, e ka trajtuar këtë çështje si përgjegjësi shtetërore.

    Tani, pas gjetjeve të CERD-it, kjo përgjegjësi ka edhe një adresë të qartë ndërkombëtare.Pasivizimi i adresave është diskriminim dhe cenim i pranisë juridike të qytetarëve, me ç’rast u mohohen dokumentet, shërbimet dhe siguria para ligjit. Prandaj u bëj thirrje partnerëve ndërkombëtarë, mekanizmave të OKB-së, Bashkimit Evropian, OSBE-së dhe Këshillit të Evropës, që këtë çështje ta trajtojnë me prioritet dhe të kërkojnë nga Serbia zbatim të plotë të rekomandimeve të CERD-it.

    Të drejtat e shqiptarëve në Luginë nuk mund të mbeten në margjinë të raporteve. Ato duhet të jenë pjesë e qartë e dialogut politik, e monitorimit ndërkombëtar dhe e çdo procesi ku matet sundimi i ligjit dhe trajtimi i pakicave”, ka shkruar Haxhiu.

  • Kanada e para, Zvicra e dyta, cilat janë shtetet më të mira në botë për shtigjet malore në vitin 2026

    Kanada e para, Zvicra e dyta, cilat janë shtetet më të mira në botë për shtigjet malore në vitin 2026

    Studimi ndërkombëtar e rendit Zvicrën në vendin e dytë global për ecje malore, duke lënë pas Italinë, SHBA-në dhe Norvegjinë.

    Zvicra është renditur ndër vendet më të mira në botë për shtigjet e ecjes malore në vitin 2026.

    Sipas një studimi të realizuar nga TouchNote, Zvicra zë vendin e dytë në rang global, menjëherë pas Kanadasë, ndërsa lë pas vendet si Italia, Shtetet e Bashkuara të Amerikës dhe Norvegjinë.

    Renditja është bazuar në analizën e të dhënave nga platforma AllTrails, duke krahasuar shtigjet malore në disa vende të botës sipas pesë kritereve kryesore: vlerësimi mesatar i shtigjeve, numri mesatar i komenteve për çdo shteg, gjatësia mesatare, niveli i vështirësisë dhe vlerësimi për bukurinë natyrore.

    Sipas studimit, Zvicra iu afrua shumë vendit të parë, me një vlerësim mesatar prej 4.77 nga 5 yje për shtigjet e saj dhe me një rezultat mbresëlënës prej 9.79 nga 10 për bukurinë natyrore.

    Përveç pozitës së lartë në renditjen globale, Zvicra veçohet edhe për të ashtuquajturat “perlë të fshehura” të alpinizmit dhe ecjeve malore. Madje, 6 nga 10 shtigjet më të nënvlerësuara në botë ndodhen pikërisht në Zvicër, përfshirë tri prej tyre në rajonin piktoresk të Oeschinensee./Albinfo.ch

    Studimi ndërkombëtar e rendit Zvicrën në vendin e dytë global për ecje malore, duke lënë pas Italinë, SHBA-në dhe Norvegjinë.

    Zvicra është renditur ndër vendet më të mira në botë për shtigjet e ecjes malore në vitin 2026, shkruan albinfo.ch.

    Sipas një studimi të realizuar nga TouchNote, Zvicra zë vendin e dytë në rang global, menjëherë pas Kanadasë, ndërsa lë pas vendet si Italia, Shtetet e Bashkuara të Amerikës dhe Norvegjinë.

    Renditja është bazuar në analizën e të dhënave nga platforma AllTrails, duke krahasuar shtigjet malore në disa vende të botës sipas pesë kritereve kryesore: vlerësimi mesatar i shtigjeve, numri mesatar i komenteve për çdo shteg, gjatësia mesatare, niveli i vështirësisë dhe vlerësimi për bukurinë natyrore.

    Sipas studimit, Zvicra iu afrua shumë vendit të parë, me një vlerësim mesatar prej 4.77 nga 5 yje për shtigjet e saj dhe me një rezultat mbresëlënës prej 9.79 nga 10 për bukurinë natyrore.

    Përveç pozitës së lartë në renditjen globale, Zvicra veçohet edhe për të ashtuquajturat “perlë të fshehura” të alpinizmit dhe ecjeve malore. Madje, 6 nga 10 shtigjet më të nënvlerësuara në botë ndodhen pikërisht në Zvicër, përfshirë tri prej tyre në rajonin piktoresk të Oeschinensee./Albinfo.ch

  • Meliza Haradinaj: VV-Guxo, votë për Simiqin, refuzim ndaj Vjosës presidente

    Meliza Haradinaj: VV-Guxo, votë për Simiqin, refuzim ndaj Vjosës presidente

    Meliza Haradinajt i është përgjigjur Albin Kurtit për deklaratën e sotme ku tha se duhet zbatuar vullneti popullor i zgjedhjeve të 28 dhjetorit.

    Ish-këshilltarja e Osmanit ka thënë se sipas logjikës së VV-së ky vullnet është pro Simiqit dhe kundër Vjosës.

    “Zbatimi i ‘vullnetit popullor’ të 28 dhjetorit sipas VV/Guxo:

    Votë unanime PRO Sllavko Simiqit nga Lista serbe e Radojçiqit;
    Por
    Refuzim ndaj Vjosës presidente”, shkruan Haradinaj në reagim.

  • Vdekja e foshnjës në Emergjencën e Ferizajt, reagon Spitali: Foshnja u gjet në gjendje të rëndë në tualet, nuk arriti të mbijetojë

    Vdekja e foshnjës në Emergjencën e Ferizajt, reagon Spitali: Foshnja u gjet në gjendje të rëndë në tualet, nuk arriti të mbijetojë

    Spitali i Përgjithshëm i Ferizajt ka dhënë detaje lidhur me foshnjën e vdekur në Emergjencën e këtij institucioni.

    Pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

    Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

    Tutje, bëhet e ditur se menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë.

    Spitali thekson se një ekip multidisiplinar, me përfshirjen edhe të anesteziologut, ka nisur menjëherë procedurat reanimatore, por pavarësisht përpjekjeve maksimale të stafit mjekësor, foshnja ka ndërruar jetë.

    Menjëherë pas konstatimit të rastit janë njoftuar Policia e Kosovës dhe Prokuroria, të cilat tashmë kanë iniciuar hetimet. Në procedurë janë përfshirë edhe inspektorët shëndetësorë dhe ekspertiza mjeko-ligjore.

    Me urdhër të prokurorit, trupi i pajetë i foshnjës është dërguar për obduksion në Institutin e Mjekësisë Ligjore.

    Spitali i Përgjithshëm i Ferizajt ka deklaruar se po bashkëpunon plotësisht me organet e drejtësisë dhe institucionet kompetente për zbardhjen e plotë të rrethanave të rastit, ndërsa për shkak të hetimeve dhe privatësisë së palëve nuk janë dhënë detaje të tjera shtesë.

  • Jeta Statovci i bashkohet Vjosa Osmanit për zgjedhjet e 7 qershorit

    Jeta Statovci i bashkohet Vjosa Osmanit për zgjedhjet e 7 qershorit

    Ish-presidentja Vjosa Osmani ka njoftuar se ish-deputetja Jeta Statovci i është bashkuar për zgjedhjet e 7 qershorit.

    Statovci ishte deputete e VV-së, në mesin e deputetëve të GUXO-s.

    Lajmin e ka bërë të ditur Osmani, përmes një postimi në Facebook.

    Postimi i plotë:

    E nisëm bashkë rrugëtimin në Kuvend. Dhe bashkë po vazhdojmë drejt Kuvendit.

    Jeta Statovci ishte vetëm 26 vjeçe kur mori mandatin e saj të parë, për t’u rikonfirmuar tri herë radhazi me besimin e qytetarëve, duke qenë vazhdimisht ndër deputetet më të votuara.

    Na kanë bashkuar ndër vite virtyti, vizioni, vullneti dhe e vërteta. Mbi të gjitha, na bashkojnë vlerat mbi të cilat e nisëm këtë rrugëtim. E kur ato devijojnë, ne ringrihemi në këmbë, për dashurinë ndaj vendit dhe për rrugëtimin e sigurt të Kosovës.

    Na priftë e mbara, gjithmonë përkrah.