Category: Lajme

Gjatë 24-të orëve të fundit në vendin tonë janë shënuar 68 aksidente trafiku ku prej tyre 23 me të lëndur dhe 45 me dëme materiale.

Po ashtu gjatë këtij intervali kohor janë shqiptuar 2485 gjoba për shkelësit e rregullave të trafikut rrugor.

18 persona janë arrestuar, 11 janë dërguar në mbatje dhe 2 në vuatje të dënimit.

AKADEMIK. PROF. ANASTAS ANGJELI

Sistemi financiar global nuk po e braktis dollarin, por po ndodh një zhvendosje graduale drejt një sistemi hibrid. Ndërsa dollari ruan primatin në rezervat valutore, shumë vende po krijojnë “binarë” alternativë pagesash për të zbutur rreziqet gjeopolitike. Më shumë sesa një zëvendësim i dollarit, ky ndryshim përfaqëson një fragmentim të qëllimshëm të infrastrukturës monetare globale.

Të dhënat konfirmojnë këtë trend të dyfishtë. Nga njëra anë, dollari mbetet dominues: sipas Bank for International Settlements (BIS), ai ishte i pranishëm në 89.2% të transaksioneve globale të këmbimit valutor në prill 2025; sipas FMN-së, ai përfaqësonte 56.32% të rezervave të këmbimit valutor të alokuara në tremujorin e dytë 2025, një rënie e shpjeguar kryesisht nga mbiçmimi i kursit të këmbimit dhe jo nga një tërheqje masive e rezervave nga bankat qendrore. Nga ana tjetër, qeveritë po investojnë në alternativa: pagesa në monedhë vendase, Central Bank Digital Currency(CBDC) me shumicë, infrastrukturë Distributed Ledger Technology (DLT), eksperimentim me pagesa atomike dhe arkitektura të reja përputhshmërie. Prandaj, sfida strategjike nuk është nëse dollari “bie”, por nëse bota hyn në një fazë, ku bashkëjetojnë disa opsione monetare dhe teknologjike: dollari për likuiditetin global, monedhat lokale për flukse të caktuara dypalëshe dhe infrastrukturat digjitale të specializuara për korridore specifike tregtare. Kjo arkitekturë e re ndikon drejtpërdrejt në zinxhirët e vlerës, veçanërisht energjinë, drithërat dhe inputet kritike.

EROZIONI I HEGJEMONISË: NGA BRETTON WOODS, DREJT FRAGMENTIMIT SOVRAN

Rendi monetar ndërkombëtar, i krijuar në konferencën e Bretton Woods në vitin 1944, nuk ishte thjesht një marrëveshje teknike për kurset e këmbimit, por një pakt gjeopolitik që kurorëzoi dollarin amerikan si “lingotën” e re të ekonomisë botërore. Ky sistem u ndërtua mbi katër shtylla të pathyeshme: madhësia e pakonkurrueshme e ekonomisë së SHBA-së, thellësia e tregjeve të saj kapitale, siguria e palëkundur ligjore dhe, mbi të gjitha, disponueshmëria e aseteve të sigurta (Treasuries) të denominuara në dollarë. Për dekada, ky konfigurim ofroi stabilitet, duke e bërë dollarin monedhën e padiskutueshme të rezervave, tregtisë dhe likuiditetit global.

Sot, Rezerva Federale (Fed) vazhdon të mbrojë tezën se ky themel strukturor mbetet i paprekur. Nga pikëpamja teknike, argumenti i tyre është i fuqishëm. Likuiditeti i sistemit të dollarit është i pasfidueshëm; tregu i Thesarit të SHBA-së mbetet porti më i madh dhe më i sigurt për kapitalin global në kërkim të mbrojtjes. Për më tepër, rrjeti i linjave “swap” të Fed-it vepron si një mbrojtës i fundit i likuiditetit gjatë krizave, duke forcuar rolin e dollarit si spirancë sistemike. Ky është shkaku kryesor pse, pavarësisht retorikës intensive për “de-dollarizimin”, asnjë monedhë tjetër, qoftë Euro, Juani kinez apo një monedhë hipotetike e vendeve BRICS, nuk ofron aktualisht një alternativë të plotë dhe të menjëhershme.

Megjithatë, ne nuk jemi më në epokën e stabilitetit post-Luftë e Ftohtë. Lufta në Ukrainë dhe përdorimi i sanksioneve financiare si mjet i fuqisë shtetërore kanë shërbyer si një katalizator për një ndryshim tektonik në stimujt gjeopolitikë. Ngrirja e rezervave valutore të Rusisë dërgoi një sinjal të qartë te bankat qendrore anembanë botës. Mbajtja e rezervave në dollarë nuk është më vetëm një vendim ekonomik, por një rrezik strategjik. Shtetet tani kanë një nxitje ekzistenciale për të zvogëluar varësinë nga “shinat” e pagesave që nuk i kontrollojnë dhe që mund të bllokohen për arsye politike. Ky proces nuk duhet parë si një refuzim uniform i rendit ekzistues, por si një kërkim i ethshëm për “qëndrueshmëri sovrane”. Nuk bëhet fjalë për të rrëzuar dollarin nga froni, por për të ndërtuar rrugë alternative që lejojnë tregtinë, pagesat dhe ruajtjen e vlerës pa varësi ekskluzive nga një qendër e vetme financiare. Kemi të bëjmë me një “fragmentim funksional”. Ky fragmentim po manifestohet veçanërisht në inovacionin teknologjik. Sipas të dhënave nga Këshilli i Atlantikut, projektet ndërkufitare të Monedhave Dixhitale të Bankave Qendrore (mCBDC) me shumicë janë më shumë se dyfishuar që nga viti 2022. Këto platforma, si projekti “mBridge”, lejojnë shlyerjen e drejtpërdrejtë të tregtisë pa pasur nevojë të kalojnë përmes sistemit korrespondent bankar të dominuar nga dollari (SWIFT).

Në përfundim, rendi monetar po kalon nga një monolit i bazuar te besimi te dollari, drejt një sistemi hibrid dhe të shpërndarë. Pesha e Thesarit të SHBA-së do të vazhdojë të sigurojë që dollari të mbetet graviteti qendror, por ky gravitet nuk është më i vetmi. Evolucioni i infrastrukturës teknike dhe nevoja për autonomi gjeopolitike po krijojnë një botë ku shtetet kërkojnë diversifikim operacional. Ky nuk është një zëvendësim i plotë i dollarit, por një ndryshim i paradigmës ku siguria kombëtare dhe teknologjia po rishkruajnë rregullat e financës globale, duke e bërë sistemin më pak të centralizuar dhe, rrjedhimisht, më të fragmentuar.

Është thelbësore të korrigjohet një pikë që shpesh keqinterpretohet: Vendet e BRICS, në këtë fazë, nuk po ndërtojnë një monedhë të përbashkët si euro. Deklarata e Kazanit 2024 përqendrohet kryesisht në rritjen e përdorimit të monedhave lokale, forcimin e rrjeteve përkatëse bankare brenda bllokut, Iniciativën e Pagesave Ndërkufitare të BRICS (BCBPI) dhe eksplorimin e një infrastrukture të pavarur të shlyerjes dhe ruajtjes së të dhënave të quajtur BRICS Clear. Prandaj, qasja është infrastrukturore dhe modulare, jo federale dhe monetare në kuptimin e ngushtë. Me fjalë të tjera, de-dollarizimi aktual është më pak një projekt i vetëm ideologjik sesa një shportë strategjish: diversifikimi i rezervave, kontratat në monedhën vendase, sistemet alternative të pagesave, CBDC-të me shumicë, tokenizimi i aseteve dhe varësia e reduktuar nga ndërmjetësit. Është një strategji opsionale gjeo-ekonomike.

Revolucioni i padukshëm: Nga rrjeti i mesazheve te regjistrat e bashkuar

Nëse pjesa e parë e këtij transformimi global ishte gjeopolitike, pjesa e dytë është thjesht teknologjike. Ndërsa debati publik përqendrohet te fuqia blerëse e monedhave, arkitektët e sistemit financiar po ndryshojnë vetë “tubacionet” nëpër të cilat rrjedh kapitali. Zemra e këtij tranzicioni nuk është thjesht monetare, ajo është infrastrukturore. Për dekada me radhë, arkitektura e pagesave ndërkufitare ka funksionuar mbi një model të vjetruar të bankave korrespondente, një lloj stafete ku paratë kalojnë përmes një zinxhiri të gjatë ndërmjetësish, secili me protokollet e veta të mesazheve, pajtimit të llogarive dhe përditësimeve të njëpasnjëshme. Ky model historik, ndonëse funksional, mban me vete atë që Banka për Shlyerjet Ndërkombëtare (BIS) dhe Bordi i Stabilitetit Financiar (FSB) i identifikojnë si “katër fërkimet kronike”: kostot e larta që penalizojnë ekonomitë në zhvillim, ngadalësia që mban peng likuiditetin për ditë të tëra, aksesi i kufizuar për aktorët e vegjël dhe një mungesë totale transparence në kohë reale. Këto kufizime nuk janë thjesht shqetësime teknike, por ato veprojnë si barriera tregtare që rëndojnë mbi efikasitetin e tregtisë globale.

Për të kuptuar thellësinë e ndryshimit që po ndodh, duhet goditur një mit i zakonshëm: SWIFT nuk është një sistem ku lëvizin paratë. Ai është, në thelb, një “postier i sofistikuar’, një infrastrukturë mesazhesh që i tregon një banke se një tjetër ka autorizuar një transfertë. Paraja vetë mbetet e bllokuar në rrjetin e korrespondencës deri në fund të procesit të pajtimit. Inovacioni që po shohim sot synon pikërisht eliminimin e kësaj ndarjeje midis mesazhit dhe pagesës. Synimi është shkrirja e informacionit, pajtueshmërisë (compliance) dhe shlyerjes finale në një mjedis të vetëm teknik. Kjo është trajektorja që BIS e përshkruan si kalimin drejt një “Infrastrukture të Unifikuar të Regjistrit të Llogarive” (Unified Ledger). Ky vizion parashikon një hapësirë ku paratë e bankës qendrore, depozitat bankare dhe asetet financiare, të gjitha të tokenizuara, bashkëjetojnë në të njëjtën shtresë programimi. Në këtë mjedis, paraja nuk është më vetëm një numër në një llogari statike, por një aset inteligjent që mbart me vete të gjithë informacionin e nevojshëm për t’u ekzekutuar.

Në ballë të këtij revolucioni qëndron Projekti mBridge, një përpjekje bashkëpunuese që po riformaton hartën e rrjedhës monetare. Ky projekt bashkoi Bankën e Tajlandës, Bankën Qendrore të Emirateve të Bashkuara Arabe, Institutin e Monedhës Dixhitale të Kinës, Autoritetin Monetar të Hong Kongut dhe së fundmi, Bankën Qendrore Saudite. Mesit të vitit 2024, mBridge arriti statusin e “Produkti Minimal i Mundshëm” (MVP), duke dëshmuar se pagesat ndërkufitare mund të kryhen pothuajse në kohë reale përmes një regjistri të shpërndarë (DLT), pa pasur nevojë për dhjetëra ndërmjetës. Fakti që BIS njoftoi në tetor 2024 transferimin e projektit te partnerët lokalë, tregon se kjo teknologji ka dalë nga faza eksperimentale dhe është gati të operojë në mënyrë autonome. Implikimet e kësaj arkitekture të re janë katërfishta dhe thellësisht transformuese:

-Së pari, ndërveprueshmëria midis sistemeve të ndryshme monetare po shndërrohet nga një marrëdhënie diplomatike dhe bankare, në një çështje standardesh teknike. Kur dy shtete përdorin të njëjtin protokoll teknik, tregtia midis tyre bëhet po aq e thjeshtë sa dërgimi i një ‘email’-i.

-Së dyti, futet koncepti i shlyerjes atomike. Në sistemin tradicional, ekziston gjithmonë një rrezik kohor: mesazhi dërgohet, por paratë mund të mos arrijnë. Në regjistrin e shpërndarë, këmbimi i valutave ndodh në çast dhe në mënyrë të pandashme sepse përgjithësisht ndodhin të dyja anët e transaksionit, ose asnjëra. Kjo eliminon rrezikun e palës tjetër.

-Së treti, kontratat inteligjente po automatizojnë ekonominë. Një pagesë mund të programohet që të çlirohet vetëm kur një anije mbërrin në port ose kur një dokument doganor ngarkohet në sistem. Kjo “para e programueshme” ul nevojën për sigurime komplekse dhe ndërmjetës të shtrenjtë.

-Së fundi, tokenizimi lejon që të arkëtueshmet, depozitat apo edhe asetet reale të përfaqësohen në të njëjtën shtresë. Kjo krijon një ekosistem, ku kapitali është më likuid se kurrë më parë. Ky fragmentim teknik që po shohim, ku rajone të ndryshme ndërtojnë “binarët” e tyre, nuk është thjesht një sfidë ndaj dollarit, por një rindërtim rrënjësor i mënyrës se si bota lëviz vlerën. Ne po kalojmë nga një epokë e mesazheve financiare, në një epokë të shkëmbimit të drejtpërdrejtë të vlerës dixhitale.

SIGURIA E ZINXHIRËVE TË VLERËS NË EPOKËN E FRAGMENTIMIT: NJË ANALIZË TEKNO-INSTITUCIONALE

Në peizazhin e vitit 2026, koncepti i fragmentimit financiar ka pushuar së qeni një abstraksion makroekonomik për t’u shndërruar në një forcë të prekshme, që dikton fatin e zinxhirëve globalë të vlerës. Sipas vlerësimeve të Bordit të Stabilitetit Financiar (FSB), kjo ndarje nuk prek vetëm bilancet bankare, por ndryshon rrënjësisht koston e kapitalit qarkullues, rrezikun e kursit të këmbimit dhe, mbi të gjitha, vazhdimësinë e furnizimeve jetike. Për vendet që varen ndjeshëm nga importet e energjisë, ushqimit dhe inputeve industriale, çdo “fërkim” në sistemin e pagesave përkthehet në vonesa logjistike dhe rritje kostosh që godasin drejtpërdrejt konsumatorin final.

Banka Botërore vizaton një tablo sfiduese për këtë vit: çmimet e energjisë pritet të pësojnë një rritje prej 24%, ndërsa mallrat e përgjithshme do të shtrenjtohen me 16%. Në këtë kontekst, siguria ushqimore dhe energjetike nuk kërcënohet vetëm nga mungesa e produktit, por nga paqëndrueshmëria e “shinave” financiare. Kur një ekonomi importuese neto përballet me luhatje të forta të kursit të këmbimit, këto goditje transmetohen me shpejtësi në çmimet e brendshme të drithërave dhe lëndëve të para. Kjo e bën planifikimin e stoqeve dhe kontratave të importit një sfidë pothuajse të pamundur për qeveritë dhe sektorin privat.

Pyetja strategjike që shtrohet nuk është thjesht se si të shmanget dollari, por cila arkitekturë minimizon rrezikun total të zinxhirit të vlerës. Ndonëse tregtimi me monedha lokale mund të zbusë disa rreziqe operacionale në korridore specifike, ai nuk i eliminon dot rreziqet e likuiditetit apo ato ligjore. Bota nuk po ndahet në dy blloqe hermetike, por po lëviz drejt një mbivendosjeje sistemesh pjesërisht të pajtueshme. Ky kompleksitet i ri kërkon që institucionet të menaxhojnë standarde të shumta përputhshmërie dhe formate të dhënash, duke rritur nevojën për një qeverisje të fortë kibernetike.

Për ekonomitë e vogla dhe të hapura, siç është rasti i Shqipërisë, rreziqet janë të dyfishta. Banka Botërore vëren se Shqipëria tregoi qëndrueshmëri gjatë vitit 2025, me rritje ekonomike dhe borxh në rënie, por mbetet e ekspozuar ndaj pasigurive tregtare globale. Ndërsa sektorët e shërbimeve dhe ndërtimit lulëzuan, rënia e bujqësisë nënvizon nevojën urgjente për të integruar financën ndërkombëtare me sigurinë e furnizimit. Organizata Botërore e Tregtisë (OBT) paralajmëron se fragmentimi gjeoekonomik penalizon pikërisht këto ekonomi, të cilat mbështeten te teknologjitë e huaja dhe kostot e ulëta tregtare.

Në këtë udhëkryq, kompetenca e një shteti nuk matet më vetëm me indikatorë ekonomikë, por me aftësinë e tij teknoinstitucionale. Për të naviguar në këtë mjedis, institucionet kërkimore dhe politikëbërësit duhet të ndjekin një rrugëtim të ri strategjik.

Së pari, është i domosdoshëm krijimi i laboratorëve kërkimorë mbi infrastrukturën financiare digjitale sovrane. Ky nuk duhet të jetë një laborator thjesht teorik, por një mjedis testimi për skenarë konkretë: nga tokenizimi i dokumenteve tregtare te korridoret e pagesave për produktet agroushqimore. Së dyti, Shqipëria dhe rajoni duhet të pozicionohen aktivisht në rrjetet ndërkombëtare që punojnë për ndërveprimin e monedhave digjitale (CBDC) dhe standardet e të dhënave si API dhe AML/ CFT, duke lënë pas debatet sipërfaqësore mediatike.

Së treti, kërkohet një reformë në ofertën akademike. Institucionet arsimore duhet të lidhin inxhinierinë e softuerit me ligjin digjital dhe qeverisjen publike. Dobësia aktuale nuk është mungesa e teorisë ekonomike, por pamundësia për të interpretuar arkitekturat teknike si arkitektura të pastra të pushtetit. Së fundi, rastet e para të përdorimit të këtyre teknologjive duhet të shënjestrojnë sektorët me levë më të madhe: energjinë, logjistikën dhe financimin e tregtisë.

Diagnoza përfundimtare është e qartë: bota nuk po braktis dollarin për një rend të ri të unifikuar, por po hyn në një fazë të infrastrukturave të shumëfishta. Dominimi i dollarit vazhdon, por varësia ekskluzive nga një kanal i vetëm po bëhet delikate. De-dollarizimi mund të jetë i pjesshëm, por de-ndërmjetësimi teknik po përparon me hapa shpejtë. Në këtë tranzicion, “analfabetizmi” i së nesërmes nuk do të jetë mosnjohja e kurseve të këmbimit, por pamundësia për të kuptuar protokollet dhe standardet e shlyerjes që lëvizin ekonominë botërore. Për qendrat kërkimore, sfida nuk është të zgjedhin midis sistemit të vjetër dhe të ri, por të kuptojnë se si këto arkitektura të reja po riformësojnë aftësinë për veprim sovran në një botë të fragmentuar.

Ish-nënkryetari i Lidhjes Demokratike të Kosovës, Agim Veliu, ka komentuar rikthimin e ish-presidentes Vjosa Osmani në LDK, duke e cilësuar atë si “kthesë shumë të madhe”.

Veliu tha se pas pesë vitesh shërbim politik ndaj kundërshtarit kryesor të LDK-së, kthimi i Osmanit ngre pikëpyetje mbi motivet e saj politike.

“Kthesë e madhe, tepër e madhe. Nuk e di, t’i shërbesh kundërshtarit kryesor politik të LDK-së për pesë vite e të kthehesh në këtë mënyrë, nuk e di a është qëllimi me ndihmu LDK-në apo është punë puro personale, por është një kthesë e madhe”, deklaroi Veliu në Kanal 10.

Duke folur për zgjedhjet e 7 qershorit, Veliu u shpreh se nuk planifikon të ketë ndonjë angazhim politik, pasi sipas tij nuk pati reagim gjatë zgjedhjeve të kaluara.

Një deklaratë e ish-deputetes së LDK-së, Jehona Lushaku-Sadriu, ka nxitur një reagim të ashpër nga ish-deputeti i VV-së, Agim Bahtiri.

Ky i fundit e ka paralajmëruar zyrtaren e LDK-së me padi për shpifje, pas pretendimeve të saj se ai kishte qenë në gjendje të dehur natën kur po negociohej për votat e Presidentit.

Lushaku-Sadriu, në një paraqitje televizive, e cilësoi sjelljen e Bahtirit të asaj nate si “teatër” dhe “joserioze”, duke shtuar se ai ishte “gjysmë i pirë” kur u kërkonte nënshkrimet.

Përmes një postimi në rrjetet sociale, Agim Bahtiri i është përgjigjur me tone të ashpra, duke i dhënë Lushakut dy mundësi: kërkim falje ose përballje ligjore.

“Shpifja jote se unë paskam qenë ‘gjysmë i dehur’ atë natë kur kam ardhur t’i kërkoj nënshkrimet, është e ulët dhe e turpshme, dhe për të duhet të kërkosh falje publike! Të akuzosh dikë pa asnjë fakt vetëm sepse nuk arrin ta fshehësh dështimin politik të LDK-së, tregon nivelin ku keni rënë,” shkroi Bahtiri.

Bahtiri insiston se prania e tij në Kuvend atë natë ishte për të gjetur zgjidhje për zgjedhjen e Presidentit, ndërsa ka akuzuar LDK-në për kalkulime nëpër korridore.

“Në mungesë votash dhe përgjegjësie, zgjodhët shpifjen dhe teatrin mediatik. Mjaft më me përralla e gënjeshtra, se populli ua ka treguar vendin me votë. Zonja Lushaku i ka dy rrugë, ose kërkon falje për shpifjen se kam qenë ‘gjysmë i dehur’ ose shihemi në gjykatë!” tha ai.

Shqipëria udhëheq rajonin për sa i përket përfaqësimit të grave në pozicione drejtuese, sipas të dhënave nga Eurofound (Fondacioni Europian për Përmirësimin e Kushteve të Jetesës dhe të Punës).

Në Shqipëri rreth 33% e punonjësve raportojnë se kanë një grua si eprore, një shifër kjo që i përafrohet mesatares së vendeve të Bashkimit Europian dhe tejkalon ndjeshëm fqinjët e tjerë ballkanikë.

Ky nivel i drejtimit nga gratë tregon një pjekuri më të lartë të tregut të punës në drejtim të diversitetit gjinor, duke lënë pas modele më konservatore që dominonin në vitet e para të tranzicionit.

Mali i Zi dhe Maqedonia e Veriut, kanë një prezencë më të ulët të grave në krye të bizneseve 28% dhe 32%. Edhe pse këto vende shfaqin një përpjekje për integrimin e grave në vendimmarrje, dominimi i burrave mbetet i lartë, me rreth 65-70% të pozicioneve menaxheriale të zëna prej tyre. Barrierat tradicionale janë ende prezente, por kanë filluar të lëshojnë rrugë përballë trendëve të reja të lidershipit.

Në fund të renditjes rajonale mbeten Bosnja dhe Hercegovina dhe Kosova, të cilat shënojnë nivelet më të ulëta të grave që drejtojnë bizneset në të gjithë kontinentin europian.

Në Bosnjë, shifra e eprorëve burra i kalon 75%, ndërsa në Kosovë ky dominim arrin kulmin me mbi 80%, duke e lënë përfaqësimin e grave në nivele minimale, rreth 15-18%. Këto të dhëna konfirmojnë një hendek të thellë gjinor në këto dy tregje pune, ku figura e “shefit” mbetet pothuajse ekskluzivisht mashkullore.

Mesatarja e Bashkimit Europian (EU) për sa i përket eprorëve burra luhatet rreth 64%, çka do të thotë se rreth një e treta e punonjësve në BE kanë një grua si shefe. Në rajon, Shqipëria dhe Serbia janë vendet e vetme që arrijnë të qëndrojnë shumë pranë ose brenda kësaj mesatareje, duke treguar një nivel konvergjence me praktikat europiane të lidershipit të drejtimit në ndërmarrje.

Vendet si Suedia me rreth 50% eprorë burra dhe 48% gra apo Finlanda, përfaqësojnë barazinë më të madhe gjinore në Europë.

Disa vende të rajonit tonë performojnë më mirë se disa anëtarë të vjetër të BE-së. Për shembull, Shqipëria dhe Serbia kanë një përqindje më të lartë të grave në pozicione drejtuese se sa Greqia, ku eprorët burra zënë rreth 72% apo Malta 73%./Monitor

Policia ka dhënë detaje lidhur me vrasjen në Sarandë, ekzekutua ku u vra Rexhep Ismaili, pronar i një karburanti dhe kryetar i shoqatës “Çamëria” dega Sarandë.

Bëri të ditur se deri te vrasja ka ardhur pas një konflikti për motive të dobta që nisi në lokalin e karburantit në pronësi të viktimës.

Sherri ka nisur me sende të forta, dhe më pas Lulëzim Tabaku dyshohet se ka vrarë me armë zjarri 66-vjeçarin Ismaili, raporton A2Cnn.

Dyshohet se gjatë konfliktit me armë zjarri është plagosur edhe një person tjetër, i cili nuk është identifikuar ende pasi nuk është paraqitur për ndihmë mjekësore në spital.

Ndërkaq, i dyshuari është larguar nga vendi i ngjarjes së bashku me personat e tjerë të përfshirë dhe të plagosurin.

“Rreth orës 21:30, në vendin e quajtur “Qafë Gjashtë”, në lokalin në pronësi të shtetasit R. I., gjatë një konflikti për motive që do të zbardhen gjatë hetimit, mes disa personash, ku fillimisht konflikti ka nisur me sende të forta dhe më pas me përdorimin e armëve të zjarrit, ka mbetur i vrarë shtetasi R. I., 66 vjeç, banues në Qafë Gjashtë, Sarandë”.

“Gjithashtu, dyshohet se gjatë konfliktit me armë zjarri është plagosur edhe një shtetas tjetër, i cili ende nuk është paraqitur për ndihmë mjekësore dhe nuk është identifikuar. Nga veprimet e para hetimore dhe informacionet e siguruara në vendngjarje, dyshohet se shtetasi L. T. ka vrarë me armë zjarri shtetasin R. I. dhe më pas është larguar nga vendi i ngjarjes së bashku me personat e tjerë të përfshirë dhe me shtetasin që dyshohet se ka mbetur i plagosur”, thuhet në njoftime policisë./A2Cnn

KEDS ka njoftuar se të premten më datën 08.05.2026, do të kryhen punime për siguri të sistemit energjetik.

Si rezultat i kësaj, në disa lokalitete do të ketë ndërprerje të energjisë elektrike.

Ky është orari sipas rajoneve:

Prishtinë

Punime të domosdoshme për siguri të sistemit

1.

Nga TS 35/10 kV Koliq do të ndërprehet:

Dalja 10 kV Sharbani (kodi: 14016003) prej orës 10:00 deri 15:30.

Vendet: Sharban, TS Sharban, TS Alshiqt, TS Halabak, TS Dyzi 1 dhe 2, TS Tërrnavë, TS Vanovcë dhe TS Bellopojë 1, 2, 3, 4, TS Private (Bellopojë).

Arsyeja: Pastrim i trasesë.

Pejë

Punime në projekte investive

1.

Nga TS 110/10 kV Deçani do të ndërprehet:

Dalja 10 kV Barani (kodi: 53000002) nga ora 09:30 deri 17:00.

Vendet: Berani, Prapaqani, Berliqi, Krushevci i Ri, Rashiqi, Gjocajt, Turjaka e Ulët, Vranoci i Madh, Vranoci i Vogël, Barani i Ulët, Qallapeku, Kusoriqi, Llugagjit, Buqani.

Arsyeja: Ndërrimi i transformatorit, si dhe disa punëve përcjellëse në linjë.

Prizren

Punime të domosdoshme për siguri të sistemit

Në TS 110/10 kV Prizreni 3

Nga dalja 10 kV Zhupa, Stabilimet Degëzimi Frutti – Prevallë, ora 10:00 deri 15:30 do të ndërpriten:

NS 10/0.4 kV TS Kujtim A. Çakalli (kodi: 31000026051)

NS 10/0.4 kV Mirasad Nazmi Çollaku – Villa Park Shpk (kodi: 31000026050)

NS 10/0.4 kV Valon Rugova (Shtepia e bardhë) (kodi: 31000026039)

NS 10/0.4 kV Nexhmedin Muhamed Vehapi “Shari” shpk (kodi: 31000026046)

NS 10/0.4 kV Sredska I (kodi: 31000026019)

NS 10/0.4 kV Sredska II (kodi: 31000026020)

NS 10/0.4 kV Valon Halim Gashi (kodi: 31000026044)

NS 10/0.4 kV Lubinja e Epërme IV (kodi: 31000026047)

NS 10/0.4 kV Bogoshevci (kodi: 31000026021)

NS 10/0.4 kV Drajqiq (kodi: 31000026022)

NS 10/0.4 kV Dili Kadrija (kodi: 31000026013)

NS 10/0.4 kV Privat Styropor (kodi: 31000026031)

NS 10/0.4 kV Mushnikova I (kodi: 31000026032)

NS 10/0.4 kV Mushnikova II (kodi: 31000026033)

NS 10/0.4 kV Komuniteti Mushnikove (kodi: 31000026016)

NS 10/0.4 kV Restorant “Paradiso” – Gornjasellë (kodi: 31000026014)

NS 10/0.4 kV ProCredit Bank (kodi: 31000026018)

NS 10/0.4 kV Jahir Hasani – Sharri (kodi: 31000026041)

NS 10/0.4 kV TS Naser Rrustemi “AGRO RED GOLD” (kodi: 31000026043)

NS 10/0.4 kV Gornjasellë II (kodi: 31000026035)

NS 10/0.4 kV Prevallë (kodi: 31000026036)

NS 10/0.4 kV Prevallë 2 (kodi: 31000026048)

Vendet: Manastiricë, Llokvicë, Neprogoshte, Reqan, Pllanjane, Lubinjë e Epërme, Lubinjë e Ulët, Gornjasellë, Mushnikovë, TS Prevallë, HOTEL Sharri, TS Sat Styro, TS Shpia e Bardhë, Sredskë, Stajkovc, Bogoshevc, Drajqiq.

Arsyeja: Pastrim i trasesë.

Punime nga pala e tretë

1.Nga TS 110/35/10 kV Prizreni 1 (H04) do të ndërprehet:

LP 35 kV Zhur – Dragash (H01) dhe pa tension mbesin të gjitha daljet 35 kV dhe 10 kV prej orës 09:00 deri në ora 15:00.

Vendet: Rrugët 480 Rruga e Dëshmorëve, 481 Rruga e Restelicës (një pjesë), 483 Rruga e Brodit (një pjesë), 484 Rruga e Radeshës (një pjesë), 485 Adem Jashari (një pjesë), “Remateks” Sh.A. në rrugën 480 Rruga e Dëshmorëve, RENELUAL TAHIRI SH.P.K. në Orqushë, BECHTEL ENKA-GP Uzgur Yilmaz në Zhur.

Fshatrat: Glloboçicë, Krushevë, Kukjan, Lubovishtë, Mlikë, Orqushë, Restelicë, Vranishtë, Zlipotok, Blaç, Brodosanë, Buzez, Kuk, Kuklibeg, Zaplluxhë, Bellobrad, Brrut, Kapre, Kosavë, Plavë, Pllajnik, Shajnë, Xërxë, Zgatar, Zym i Sharrit, Brezne, Buçe, Kërstec, Plavë, Rapqë e Epërme, Rapqë e Poshtme, Rrenc, Brod, Baçkë, Dikancë, Leshtan, Radesh, Shkozë (një pjesë), Zhur, Billushë, Hoçë e Qytetit, Jeshkovë, Leskovec, Lubiqevë, Grazhdanik, Kobajë, Muradem, Nashec (një pjesë), Poslishtë, Vlashnjë, Dobrushtë, Gorozhup, Vërmicë, Planejë, “FRIGO FOOD E.I” SH.P.K. në Dikancë dhe “EUROKOS J.H.” SH.P.K. në Milkë.

Arsyeja: Punimi i kokave kabllovike dhe zhvendosja e kabllove në kthinë të re në NS Prizreni 1 110/35/10 kV.

Ferizaj

Punime të domosdoshme për siguri të sistemit

1.

Nga TS 35/10 kV Ferizaj III do të ndërprehet:

Dalja 10 kV Gaçka (kodi: 40042002) nga ora 10:00 deri 15:30.

Vendet: Greme, Gaçka, Burrnik, Izhanc, Kashtanjevë, Bajnicë, Semaj, Prushaj, Sllatina dhe bizneset private.

Arsyeja: Pastrim i trasesë.

2

Nga TS 35/10 kV Magure do të ndërprehet:

Dalja 20 kV Drenica (kodi: 41048001) nga ora 09:00 deri 14:00.

Vendet: Pjesë e Rrezës (Leletiqit), Mirenë, Fushicë e Epërme, Fushicë e Ulët, Resinoc, Baincë, Shale dhe Krojmirë.

Arsyeja: Ndërrimi i përçuesve, ndërrimi i izolatorëve të dëmtuar si dhe pastrimi i trasesë.

Gjilan

Punime të domosdoshme për siguri të sistemit

1.

Nga NS 35/10 kV Gjilan I do të ndërprehet:

Dalja 10 kV Uglari (kodi: 60060016) nga ora 10:30 deri në ora 13:30.

Vendet: Fshatrat: Bilincë, Inatoc (një pjesë), Llovcë, Malishevë, Malishevë e Poshtme, Pograjë, Sllubicë (një pjesë), Stublinë, Uglar dhe Zabeli i Sahit Agës.

Arsyeja: Kyçja e TS të ri në projektin Malishev Busti M.26.06.007 (mirëmbajtja-projekt).

Sot në Kosovë pritet të mbajë mot kryesisht i vranët dhe me mundësi për riga lokale shiu.

Pasdite dhe në mbrëmje pritet që reshjet e shiut të përfshijnë tërë territorin e Republikës dhe lokalisht mund të ketë reshje më intensive në formë të rrebesheve.

Temperaturat parashihet të lëvizin nga 10 minimalja deri në 21 gradë Celsius ajo maksimale.