Category: Lajme

Ministri i Mbrojtjes, Ejup Maqedonci ka pritur sot në takim ambasadorin e Republikës së Shqipërisë në Kosovë, Qemal Minxhozi dhe atasheun e mbrojtjes, Kolonel Altin Kurti.

Maqedonci bëri të ditur se ambasadori Minxhozi e ka uruar për detyrën e re para se të diskutojnë në lidhje me realizimin e planit të bashkëpunimit dypalësh në fushën e mbrojtjes.

Teksa theksoi se bashkëpunimi i fuqishëm mes dy shteteve është interes edhe për paqen, sigurinë dhe stabilitetin në rajon e më gjerë.

“Bashkëpunimi i fuqishëm në mes dy shteteve tona përveç interes i përbashkët kombëtar, është edhe interes shumë i lartë për paqen, sigurinë dhe stabilitetin e rajonit dhe më gjerë. Kjo dhe është arsyeja që gjatë vitit 2022 numri i aktiviteteve të përbashkëta në fushën e mbrojtjes është rritur për 96%, pra pothuajse është dyfishuar në raport me vitin 2019”, tha Maqedonci.

“Ky bashkëpunim do të thellohet ngase përveçse jemi një komb, mbështesim po të njejtat vlera demokratike perëndimore e synime për të ardhmen”, shtoi ai.

Prokurori i Shtetit njoftoi se gjatë 24 orëve të fundit nga prokuroritë themelore janë ngritur 26 aktakuza kundër 34 personave, për vepra të ndryshme penale.

Po ashtu, me urdhër të Prokurorit të Shtetit janë ndaluar nëntë (9) persona dhe janë paraqitur pesë (5) kërkesa për caktim të paraburgimit ndaj pesë (5) personave, të dyshuar se kanë kryer vepra të ndryshme penale.

Prokuroria Themelore në Prishtinë, gjatë 24 orëve të fundit, me urdhër të prokurorit ka ndaluar katër (4) persona, ka paraqitur tri (3) kërkesa për caktimin e masës së paraburgimit ndaj tre (3) personave, si dhe ka ngritur dhjetë (10) aktakuza kundër trembëdhjetë (13) personave për vepra të ndryshme penale.

Prokuroria Themelore në Prizren, gjatë 24 orëve të fundit, me urdhër të prokurorit ka ndaluar tre (3) persona, ka paraqitur një (1) kërkesë për caktimin e paraburgimit për një (1) person, si dhe ka ngritur dhjetë (10) aktakuza kundër dymbëdhjetë (12) personave.

Prokuroria Themelore në Gjilan, gjatë 24 orëve të fundit, me urdhër të prokurorit, ka ndaluar një (1) person, në kohëzgjatje prej 48 orëve dhe ka ngritur dy (2) aktakuza kundër pesë (5) personave.

Prokuroria Themelore në Mitrovicë, gjatë 24 orëve të fundit, ka ndaluar një (1) person, ka paraqitur një (1) kërkesë për caktimin e paraburgimit për një (1) person, si dhe ka ngritur dy (2) aktakuza kundër dy (2) personave, për vepra penale të ndryshme.

Prokuroria Themelore në Ferizaj, gjatë 24 orëve të fundit, gjatë 24 orëve të fundit, ka ngritur dy (2) aktakuza kundër dy (2) personave, për vepra të ndryshme penale.

Policia e Kosovës ka arrestuar dy persona të dyshuar për keqpërdorimin e të dhënave të kartelave bankare, duke i përdorur ato në mënyrë të paautorizuar në Prishtinë.

Sipas policisë gjatë kontrollit të shtëpive të të dyshuarve, në cilësi të provave materiale janë gjetur dhe konfiskuar: Dy shtëpiza të kompjuterit, 4 telefona celular, dhe një kartelë bankare.

“Janë arrestuar dy të dyshuar meshkuj kosovarë pasi që të njëjtit kanë keqpërdorur të dhënat e kartelave bankare, duke i përdorur në mënyrë të paautorizuar. Gjatë kontrollit të shtëpive të të dyshuarve, në cilësi të provave materiale janë gjetur dhe konfiskuar: Dy shtëpiza të kompjuterit, 4 telefona celular, dhe një kartelë bankare. Me vendim të prokurorit të dyshuarit janë liruar, rasti vazhdon në procedurë të rregullt”, thuhet në raportin 24 orësh të policisë.

Punon tash e 40 vjet si minator në Trepçë, por Rrahman Beqirit asnjëherë nuk i është ndalur mëditja pavarësisht që disa herë ka qenë në mesin e grevistëve gjatë kësaj periudhe.

Por një gjë e tillë është ndërprerë vetëm deri pak ditë më parë, kur lexoi një njoftim nga ushtruesi i detyrës së kryeshefit të Trepçës, Enis Abdurrahmani.

Greva që kishin mbajtur shkaku i vonesës së pagës gjatë muajit të kaluar u bë shkak që Beqirit e 150 punëtorëve të tjerë t’u ndalet mëditja dhe shujta e asaj dite.

Rrahman Beqiri, punëtor i minierës Trepça ka thënë se “Në mënyrë tinëzare e ka marr këtë veprim, në kry veti dhe këtu është si në kohën e komunizmit që është vendos, asnjëherë në jetë nuk është janë ndalë paratë për grevë, kurrë as para lufte s’ka ndodhë kështu”.

Ky vendim i ushtruesit të detyrës së kryeshefit është bërë shkak që gjatë kësaj të martë punëtorët të mbajnë një protestë.

Bujar Jashari, drejtor i prodhimit në Trepçë, thotë se kanë pranuar njoftim se një gjë e tillë do të ndodhë edhe në pagën e këtij muaji.

Bujar Jashari, drejtor i prodhimit ka thënë se “Për këtë muaj është bërë njoftimi dje që nuk do të ketë paga për të gjithë ato ditë që nuk është punu dhe ka pas revoltë ku sot ka pas një protestë 15 minutëshe dhe nuk kanë pranu më hy në minierë dhe kanë pranuar masi i kemi kontaktu ne”.

Për vendimin që është vendosur edhe në hyrje të minierës, ku përmendet edhe muaji gusht sindikata e punëtorëve të Trepçës paralajmërojnë masa.

Destani Kerrleshi, nënkryetar i sindikatës së punëtorëve të Trepçës ka thënë se “Kemi marr vendimin dhe jemi duke e shqyrtu gjithë mundësinë ligjore që i parasheh ligji në mënyrë që mos të dëmtohen minatorët dhe ky vendim mos të jetë në fuqi”.

Me shqetësim, vendimin e fundit e kanë parë edhe Bashkimi i Sindikatave të Pavarura të Kosovës.

Sipas Atdhe Hykollit, punëtorëve u lejohet greva me ligj dhe se vendimi për ndëshkimin e tyre është i paligjshëm.

Atdhe Hykolli, kryetar i BSPK-së ka thënë se “Nuk ka pasi në ligjin mbi greva të punësuarit kanë drejtë më bo greva, zakonisht ka ndodh nëpër situate por këto gjera janë rregullu dhe po besoj që ata do ti shohin ligjet mirë dhe do të tërhiqen pasi ky vendim më shumë është provokim se sa që ka bazë ligjore”.

Për këtë rast, Dukagjini ka pyetur ministrinë e Ekonomisë, por ajo nuk ka kthyer përgjigje.

Franca do të emërojë një aeroport në veri me emrin e mbretëreshës së ndjerë Elizabeth II, thanë autoritetet lokale.

“Kryebashkiaku i Le Touquet Paris-Plage, Daniel Fasquelle, ka marrë zyrtarisht miratimin e mbretit Charles III për të emëruar aeroportin ndërkombëtar të Le Touquet Paris-Plage me emrin e mbretëreshës Elizabeth II”, tha bashkia e qytetit në një deklaratë të hënën.

Propozimi iu bë Kurorës Britanike gjashtë ditë pas vdekjes së Mbretëreshës, dhe data e inaugurimit në aeroportin ndërkombëtar në qytetin Le Touquet, në të gjithë Anglinë, nuk është caktuar ende, thuhet në deklaratë, shkruan aa, transmeton KosovaPress.

“Ky është homazh për një mbretëreshë të madhe dhe xhaxhain e saj, të cilët kishin një dashuri për Francën”, thuhet në deklaratë.

I projektuar në vitet 1930 për t’u shërbyer udhëtarëve britanikë francezë, aeroporti u bë një “lidhje e fortë” në vitet 1950 midis Britanisë së Madhe dhe Evropës, tha bashkia e qytetit.

Policia e Kosovës ka njoftuar se një femër ka raportuar se është dhunuar seksualisht nga një person i dyshuar.

Rasti ka ndodhur të hënën, rreth orës 03:44 dhe është duke u hetuar.

“Më 22.08.2023, viktima femër kosovare ka raportuar se është dhunuar seksualisht nga një i dyshuar. Lidhur me rastin janë ndërmarrë të gjitha veprimet e nevojshme për procedurat e mëtutjeshme hetimore”, thuhet në raportin e PK-së.

Tetë persona janë lënduar në një aksident trafiku që ka ndodhur në Vushtrri. Siç raporton policia në aksident kanë qenë të përfshirë tri vetura.

“Vushtrri 22.08.2023-07:30. Raportohet se ka ndodhur një aksident trafiku në mes të tre automjeteve. Si pasojë tetë persona kane pësuar lëndime trupore dhe të njëjtit janë dërguar për tretman mjekësor”, thuhet në njoftim.

Tutje, Policia njoftoi se rasti po vazhdon të hetohet.